بنتي شالعه قلبي 3>

[أم غيثة]

استخيري الله سبحانه ... واذا حسيتي براحه ما يمنع انج تقعدين معاه وتقولين له يا ابن الحلال انا عندي بنت وبنتي غاليه علي حييييل فإذا انت متقبل من البدايه هالوضع انا ما عندي مانع بالموافقه ... واذا عندك ملاحظه بلغني من الحين ( تفاهمي معاه من البدايه واللي اوله شرط آخرة نور )
الله يوفقكم ويجمعكم بالحلال يا رب *

و رايي من راي الأخت تماما اهم شي تتفاهمي وياه و تتكلمون بالتفصييييييل بعلاقتج ببنتك و علاقته هو بيها و طبعا شوفي احساسج شو يقولج و الله يوفقج ان شاء الله

 

[ديماا]

الله يوفقج اختي ان شاء الله انا اختي نفس حالتج بالضبط وهم بنتها متعلقه فيهااا واايد وكانت خايفه انه اهلهاا ياخذونا لما كلمهم ابوي قالوو لا ما راح ناخذهاا بس تكون بين يدتهاا وامهاا ووافقت والحمدلله الحين متزوجه وريلهاا وايد زين مع بنتهاا بس سكنهاا الرئيسي ببيت اهلي مع امي وامها سكنه بنفس المنطقه ف كل يوم السايق يروح بيت اختي الصبح عشان يييبها عشان تاخذها المدرسه اهياا عمرها ٧ الحين والحمدلله حياتها ماشيه وبدت تتعود علي ريلهاا يعني تطلع معاهم تنام عندهم والحين مسافره معاهم العمره والله يسهل امورج وتوج صغيره وفرصه اذا اللي متقدم لج ريال كفوو يعوضج عن اللي ضاع من عمرج استخيري ربج والله بكتب لج اللي فيه خير اسفه طولت عليج بس حبيت اذكرلج تجربتي مع اختي

 

[هونها يارب]

تزوجى الله يهنيج لاتفكرين جذي انا اعرف غير جعندها 4 بنات قطتهم على ابوهم وتزوجت وع العلم بناتها صغار

 

[~*~الملكة~*~]

استخيري حبيبتي والله يكتب لج اللي فيه الخير

وانتي وبنتج محتاجين رجل في حياتكم غير الوالد واخوانج

دام ابوها مو داري عنها ان شاءالله اهو يعوضها عن هالشي

ولاتحاتين وايد بذلي الاسباب واتكلي على الله

وان شاءالله الله يرزقج باخوان لبنتج ياااارب

 

[الاء حسين]

تزوجي لاتوقفين حياتك

وسهل توفقين بين بنتك وزوجك

صاحبتي عندها بنت وتزوجت وماشاءالله عايشة مرتاحة هي وبنتها وخلفت من زوجها ماشاءالله

الله يوفقك

 

[ملك الكويت]

خواتي والله انا اللي خلاني اتردد بعض الكلام من اقرب الناس لي في عايلتنا مثل ( شلون قلبج يطاوعج بنتج تشوفج عند ريال غريب مو ابوها )
( بنتج راح تكبر تصير مراهقة شدرّاج الريال بيكون أمين عليها ) ( إذا زفها وصرّخ عليها يوم من الأيام شنو بيكون شعورج ) يعني كلام جدًا محبط

 

[انسانه بلا حدود]

استخيري
والله يوفقك

 

[مناير ...!]

استخيري والله يوفقج
بعدج صغيره وهمن بنتج صغيره افضل يدخل بحياتها واهي توها
باجر ماراح اتقبل احد

 

[دلوعة أبوهآ]

استخيري ..
والله يحنن قلبه عليكِ وعلى بنتك ..

 

[مس سووسوو]

استخيري حبيبتي

والله يقدم الي فيه الخيررر

 

[لمى...]

حبيبتي

انا نفس وضعج

تزوجت وعمر بنتي خمس سنوات

بقولج اكثر من نصيحة

انتي بيدج تحببين الريال في بنتج وتحببينها فيه وانتي اللي تخلينهم يكرهون بعض

يعني اول ايام الزواج عطي ريلج كل حقوقه من شهر عسل وغيره بدون هظم حقه عشان ماتكرهينه فيها

لاتبجين جدامه عشانها

وهي حببيها فيه اشتري اغراض قولي هاذي عمو شاريها لج

وانتو على سفرة الغدا سوي نفسج لاهية قولي حبيبي صب لبنتنا عصير يديني مشغولة

قبل لاتنامون قولي حبيبتي روحي بوسي عمو قبل النوم

(((((((((((((0 انتبهي يجي يوم تقولين لريلج انت شكو فيها مالك حق تكلمها )))))))))))))) خليه يحس جنه

أبوها يعني لاغلطت مافيها شي ان يه يعلمها غلطها بطريقته بس بشرط اذا سوت شي حلو يمدحها ويعطيها هدية

اذا نامت في الصالة خليه يشيلها لغرفتها

ودوها للألعاب مع بعض وخليه يلاعبها ويركب معاها وصوريهم فيديو عشان تخلقي ذكريات

كثري من كلمة انتي بنتنا حبيبتنا

في السيارة عوديها تضحك معاكم وتسولف وتبوسج وتبوس خد ريلج وقولي انتي بنتنا حبيبتنا

دايم كرري على مسمعهم هم الاثنين ياحلو عايلتنا الصغيرونة دايم كرري كلمة عايلتنا على مسمعهم ترا الريال مثل الياهل يتأثر

قولي له من فترة للثانية بينج وبينه انا وايد مستانسة على علاقتكم انته وبنتنا مشكور حبيبي.......

وقولي له ان بنتنا دايم تشكر فيك عند اهلي اكتشفت انها تحبك وايد حتى لو تجذبين هذا جذب مفيد

قولي اهلي وايد معجبين بطريقة تعاملك مع بنوتتنا...........

بالنسبة لتجربتي مع بنتي وريلي

((( صارلي سنة وسبع شهور متزوجة أول ثمان شهور بنتي ماكانت تحبه وايد وهو كان يستحي يتقرب منها

وشوي شوي خليتهم يمونون على بعض بالطرق اللي ذكرتها فوق والله العظيم الحين تقولين مشاء الله افضل من

اب وبنته تحبه وايد لدرجة فجأة تركض له وهو يتفرج على التلفزيون وتلمه وتقول احبك وايد عمو وتبوسه وهو يستانس

واتدمع عيونه والحين انا بانتقل للمرحلة الثانية وهي انه تقوله بابا <<<<<<<<< وهاذي الغلطة الوحيدة اللي سويتها

ماعودتها تقوله بابا خليتها من البداية تقوله عمو (( انتي خلي بنتج تقوله يابابا )) وبث

 

[منال $]

انا اعرف وحدة زوجها طلقها وعندها ولدين وما بدو اولادة وتزوجت وما شالله زوج امهم معيشهم عيشة ابوهم الي هوا ابوهم ما كانو يحلمو انة يعيشهم متل هالعيشة

 

[انثى عاشقة]

استخيري وتوكلي ع الله
ماتدرين يمكن ربي يعوضك انتي وبنتك بهالرجال
يوقف معاكم يكون نعم الزوج ونعم الاب
اعرف وحدة تزوجت وهي عندها بنت نفسك
الاب مو سائل عن بنته ابداااا
تزوجت شاب حطها هي وبنتها بعيوووونه
انتي اقعدي مع الرجال وتفاهمي معاه وربك كريم​

 

[الـفـجـر الـبـعـيـد]

استخيري اولا وتوكلي على الله

اهو راضي فيج وراضي فبنتج وان شالله بيحطها بعيونه

وخليه شرط بينج وبينه للزواج

ولا تفكرين فبنتج وتهملين نفسج مردها بتتزوج وتنفصل عنج

انتي لج حق تتزوجين وتييبين لها اخوان واخوات وتعيشين حياتج

توج صغيرة محتاجه للعاطفة والحنان لا تكون بنتج محور حياتج وبس

والله يوفقج

 

[om MaRyooM]

للحينج وايد صغيرة ليش تحرمين نفسج من الحلال !!
ترا الدنيا وراج ومحتاجة انتي ريال يكون معاج تحسين انه سند لج ويصرف عليج ويشبع احتياجاتج العاططفية والمادية وكل شي

وبعدين ماتدرين يمكن يكون زين مع بنتج دامها للحين صغيرة يمكن مارح تحس بنقص وتحس انها فاقدة ابوها
فهمتي علي ؟



وقبل كل هذا سألو عن الريال وسوي استخارة
والله يوفقج

 

[ملك الكويت]

مشكورين يا بنات انا صج ما كنت شايفه هالأشياء اللي قاعدين تقولونها
و لمى صراحة أفكارج اكثر من رائعة ... بإذن الله راح أسوّي مثلج والله المستعان

والله يوفّقكم جميع ويريح بالكم آمين يارب العالمين *

 

[حبيبي مالكني]

توكلي على الله وتزوجي
بنتج ياهل وهالريال راح يعوضها حنان الابو ان شاء الله
اهم شي عطي كل واحد منهم حقه
والله يوفقج

 

[شوبارد قطر]

دام بنتج متعلقه فيج حاولي تعطينها الاهتمام الكافي وعطي زوجج حقه
بنتج كبرت واكيد بالمدرسه حاولي تعطينها وقت العصر ونوميها 7 او 7 و نص وبعدين تفرغي حق زوجج بليل واحولي تتحاشين المواقف اللي تضايق ولا تخلينه يتمادى على بنتج
وفهميه ان البنت فقدت حنان البو والبركه فيك انت ان شاءالله تعوضها

 

[فجر ا]

اقولك سالفتى نفس سالفتج بس انا بنتى ابوها توفى وانا كنت عروس وحامل بشهرين وهى من طلعت على الدنيا ماشافت ابوها وكان عمرى 20 سنه وكل سنه اتقدم لى رجال اقول لا امكن يظلم بنتى وهى الحين عمرها 7 سنين وانا صار عمرى 27 بس صج الحين احتجت لرجال فى حياتى وحياة بنتى والحين جا خطبنى واحد وقعدت استخير كل يوم واول شى قلته بنتى سعادتى من سعادتها
وقالى انا ابيك انتى وبنتك وانشاء الله اعوضج خير واخاف الله فى اليتميه واربيها معاك وانشاء الله اول الشهر بتزوج والله يقدم الفى الخير

 

[ملك الكويت]

فجر الله يتمم عليج .. انا مثلج كنت حامل لما انفصلت عنه وولدت وانا عند اهلي يعني بنتي ماشافت الجو الأسري والطلعه
وحنان الأبو و هالسوالف ...

الله يوفقج يارب ويسهل عليج بحياتج اليديدة