بنتي شالعه قلبي 3>

[انثى عاشقة]

طمنينا ياعسسسل ايش يصير معاج ​

 

[أإلع ـشق دلع ـهـأإ]

استخيري ووافقي ولا تفكرين حيييل

 

[Patcholli]

استخيري ونصيحه من اختج اذا انتي متفاهمه مع الريال على كلشي وعلى وضع بنتج توكلي على الله ترى الدنيا تخوف والمره محتاجه لريال يوقف معاها وبنتج مردها بتتزوج وتلهى
اهم شي اختي تكون ضخصيتج قويه تعرفين تدافعين عن بنتج لاسمح الله لو يصير اي موقف تكونين قويه ماتكونين ضعيفه وتسكتين
الريال اذا شافج قويه صدقيني ماراح يتجرأ يسوي شي لبنتج وبنتج صغيره ماتفهم شسالفه الحين بالعكس تتزوجين واهي صغيره احسن ماتتزوجين واهي بفترة المراهقه او وهي كبيره وتفهم اهني راح تتعبين اكثر بس لما تكون صغيره وتكبر وهالانسان موجود بحياتها يمكن تتقبله اكثر

 

[!! دلوعته !!]

البنات ماقصروا

 

[ام بس بس 2010]

حبيبتي انا مثل وضعج تزوجت وعندي ولد ونفس المخاوف الي فيج
لكن توكلت على الله واستخرت
والحمدلله وفكرى بنتج بتكبر وتتزوج وتعيش حياتها ولج حق تعيشين حياتج وهمن لها حق يكون لها اخوان وخوات
ولله يوفقج

 

[ملك الكويت]

والله يا بنات اليوم مت من البجي .. أهلي يقولون ماتاخذين البنت معاج راح تنحشين الريال من اول أيّام ...لو كنت ادري الوضع جذي جان ماوافقت
ياربي كاسرة خاطري هذي ياهل مالها غيري ... الله يخلي امي ادري ماتقصر بس انا شيصبّرني عليها ... من كلام اهلي اليوم خلّوني احس اني قاعدة أهوّل
بالموضوع ... مستغربين إني قعدت أبجي جدامهم وقتلهم خلاص مابي الزواج وعمّي قال حق أمي دقي عالناس أجلي الموضوع لأن الوضع غلط لان الريال أكيد يبي خصوصية بأول فترة بهدوء بدون حنّه ياهل و يبي زوجة يستانس فيها بروحه ...
أنا اسفه ادري طولت عليكم بس أرتاح من ردودكم و وجهه نظركم ... انا ألحين على طريف أأجل كل شي لأن مستحيل مو قادرة اتقبل فكرة إن أنا وبنتي بنفس الديرة و مو ف بيت واحد ..

مشكورين والله يوفّقكم جميع *

 

[amami al-kuwai]

استخيري وان شالله اللي فيه الخير الله بيكتبه

ليش خايفه بالعكس في رجاجييل احن على عيال زوجاتهم من ابهاتهم

 

[amami al-kuwai]

ماما ملك اول اسبوعين خليها عن خالتها وعطيهم مصرف لها يطلعونها ويونسونها على ماتردين وتضبطين وضعج وتتفاهمين مع الرجال

والا تفاهمي معاه من البداية عن وضعها معاكم

 

[Beautiful soul]

بالعكس لاتحاتين توكلي على الله والله يوفقج ويعوضج بشخض يسعدج ويعوض بنتج ويعطيها حنان الابو

 

[رسلان العجمان]

اول شي استخيري
وناقشية بالظروف الي مريتي فيها
وعلمية انج تعبتي بتربيتج لبنتج
وحطو سياسة تمشون عليها
والله يوفقكم ان شاءالله *

 

[المها الابيض]

استخيري وتوكلي على الله دام الريال زين
والله يوفقج ومثل ماقالت العضوه فوفو

اللي يغلي المره يغلي اهلها وكل طوايفها

 

[ملك الكويت]

امبي موضوعي مو راضي يترقّع .. عقب ما شبه اقتنعت ان أخلّي بنتي أوّل فترة ... أمي دقت عالحريم عشان نحط موعد ملجة ولا يدش أخوي اليوم يقول لااااا انا تذكرت هالولد ومتهاوش مع اخوه ولا اواطنه بعيشه الله ... وإن شفته وصل البيت راح أحش ريوله !! يعني ياربي شسوي .. إدعولي الله يخليكم ان الله يسّهل أمري ويهدّي النفوس لأن صج صاكة فيني الدنيا

استغفر الله العظيم بس