تبين تضعفين وتتخلصين من الشحوم والسموم والرواسب

[rosmary]

يعطيك العافيه يالغاليه علي المعلومات الحلوة والقيمه بس انا للاسف صعب اضعف معاي الغده الخامله ونقص فيتامين دال ووزني90 وطولي160وارجو المساعده لاني لو اقلل الاكل مااضعف علما بان شهيتي دايما مفتوحه واحب الاكل //ارجو المساعده ؟؟ بم تنصحوني ولكم دعوه خاصه من القلب

السلام عليكم
مشكورة يا حلوة على مرورك
دايما خلي معنوياتك مرتفعة ولا تحبطين نفسك لا تقولين ما اقدر اضعف الحالة النفسية مهمة
المخ بعدين يقفل وما يخليك تفقدين وزن

تدرين ليش ما تضعفين لان اكلنا كل يوم عبارة عن صلصات جاهزة ومعلبات وكل شي صناعي
وهذه الشغلات تحبس الماء والدهون داخل الجسم وما ينزل وزنك
شوي شوي حاولي تغيرين عاداتك الغذائية
امشي على النصايح اللي اقدمهم وتابعيني راح اكمل بعد عن شغلات تسمن وانت ما توقعينهم

الماء والليمون على الريق عجيب ومجرب لانزال الوزن والنعناع الفلفلي اكثر من عجيب يحرق الدهون بصورة طبيعية وينشط الهضم

بالنسبة للغدة الخاملة انصحك بالطحالب فيها يود طبيعي يستفيد منه الجسم احسن من الادوية وبنفس الوقت ممتاز للشعر والجسم وصحة المراة

ولنقص فيتامين دال لازم تطلعين بالشمس مو بالقايلة العصر او الضحى لا تحطين كريم حماية وطلعي
حاولي ان اليدين والساقين مكشوفين

واذا اي شي تبين تسالين عنه انا حاضرة

 

[rosmary]

لا تقوولين الصويا صوص أموت عليه خصوصا الي ببي أف جانقز
انزين مو يقولون إن الصويا مفيدة و خصوصا للنساء و شنو في بديل؟
مشكووورة مووعج عجييب ننطر باجي النصايح :*

السلام عليكم
انا اتكلم عن صلصلة الصويا الصناعية اللي متروسة ملح صناعي وماد صناعية مضرة
وهذه للاسف اللي موجودة بالجمعيات

صلصلة الصويا العضوية مفيدة جدا وما تلاقينها بسهولة داخل الكويت
موجودة بالمحلات الصحية

كملي النصايح وراح تنصدمين من الباقي

 

[ريناداا]

يعطيج العافيه على النصايح


حظرتج دكتورة ؟؟؟ او أخصائية تغذية ؟؟؟؟ أو من تجارب حياتيه ؟؟؟؟



موفقه

 

[rosmary]

السلام عليكم
انا ماخذه دورة بالزيوت الاساسية aromatherapy
العلاع بالزيوت العطرية الاساسية (وهي غير موجودة عند العطار)
وهو ممارسة استخدام الزيوت الطبيعية المستخرجة من النباتات للعلاج النفسي والجسدي
مثل زيت تي تري وزيت الافندر والريحان والجيرانيوم وباتشولي واليلانك يلانك والنيم وغيرهم واستخدمهم في الكريمات والمراهم العلاجية
واعطي ندوات في المدارس

ومشتركة مع الاكاديمية الطب التكميلي

 

[معزوفة عشق&]

الله يعطيك الف عافيه

ماقصرررتــي ,,,

 

[Omniya]

يعطيج العافيه

 

[حـوريـه]

يعطيج العافيه


سر رشاقة آشواريا رآي الليمون وآلماي ع الريج

 

[الغلا كله لبوي]

مشكوره حبيبتي

 

[_zahra]

قواج الله حبيبتي بس وين احصل النعناع الفلفلي اول مرة اسمع فيه ولاني اشوف انواع شاي النعناع العادي بس

 

[rosmary]

قواج الله حبيبتي بس وين احصل النعناع الفلفلي اول مرة اسمع فيه ولاني اشوف انواع شاي النعناع العادي بس

السلام عليكم
النعناع الفلفلي موجود عندي وانا اخلطه مع عشب الليمون
الاعشاب اللي عندي اطلبها من امريكا وهي organic
يعني مزروعة من غير مواد كيماوية او هندسة وراثية
وتاتي في كيس مخصوص لحفظ النكهة والطعم

وهو مناسب بعد الفطور وبعد السحور يهظم ويضعف ويريح المعدة وطعمه عجيب

 

[كادي كيك]

يعطيج العافية حبيبتي بس دايما نسمع الليمون على الريج موزين حتى لو مخفف المعدة تفرز احماض شلون نحط عليها حمض واهي فاضية انا ابي اضعف

 

[rosmary]

يعطيج العافية حبيبتي بس دايما نسمع الليمون على الريج موزين حتى لو مخفف المعدة تفرز احماض شلون نحط عليها حمض واهي فاضية انا ابي اضعف

السلام عليكم
عصير الليمون الطازج في الماء يجعل الجسم يحتفظ بقلويته
لانه لما يدش المعدة يتحول الى هيدروكسيد الكالسيوم فيرفع ph (درجة الحموضة اذا قلت تزيد الحموضة في الجسم ) وتزيد قلوية الجسم

( الاكل اللي ناكله كل يوم اكل جاهز معلبات و---- كلها تزيد حموضة الجسم فيصير الانسان كله ما له خلق ومريض ومعصب والليمون يسوي مسح على الجسم ويخليه قلوي فتزيد مناعة الجسم للامراض )




الليمون له دور فعال فعال جدا في المساعدة في تنظيم عملية التمثيل الغذائي وامتصاص السكر ويساعد على فقد الوزن
يقلل من امتصاص السكريات في الطعام اللي نتناوله ويساعد على امتصاص الكالسيوم من الاكل اللي ناكله ووجود الكالسيوم في الدم يزيد من قدرة الجسم على حرق الدهون ويقلل من احتباس الماء داخل الجسم

لا تحاتين شربي الليمون وانت مطمنة
الليمون على الريق والنعناع الفلفلي لهم قدرة عجيبة على حرق الدهون والهضم

 

[سويت لاتيه]

متابعه وياج الله يعطيج العافيه

 

[حليبه]

مشكورة

 

[بنت رزة]

موضوعك قيم مرة مرة ادري ان ليمون وماء على الريق نتيجة فتاكة بس يبي ممارسة

النعناع الفلفي جدا رائع استخدمة اخوي كمضاد الاكسدة

بس مثل ماقلتي مو موجود بالعالم العربي

ربي يوفقك ياقلبي

انا مشكلتي القهوة العربية والشاهي والكابشينو والقهوة تركية اه ادمان مو طبيعي


مدمنة عليهم

وش تنصحينا انسوي وقت رمضان
يعني عادي نفطر على ليمون والماء على ريق وبعد بساعه نفطر

اناجدتي تقولي اكلي ملعقة عسل طبيعي وبعد ساعه افطري

وش رايك

 

[rosmary]

موضوعك قيم مرة مرة ادري ان ليمون وماء على الريق نتيجة فتاكة بس يبي ممارسة

النعناع الفلفي جدا رائع استخدمة اخوي كمضاد الاكسدة

بس مثل ماقلتي مو موجود بالعالم العربي

ربي يوفقك ياقلبي

انا مشكلتي القهوة العربية والشاهي والكابشينو والقهوة تركية اه ادمان مو طبيعي


مدمنة عليهم

وش تنصحينا انسوي وقت رمضان
يعني عادي نفطر على ليمون والماء على ريق وبعد بساعه نفطر

اناجدتي تقولي اكلي ملعقة عسل طبيعي وبعد ساعه افطري

وش رايك

السلام عليكم
اشكرك على متابعتك لي هذا يسعدني
النعناع الفلفلي انا استورده من امريكا وهو عجيب


قبل الفطور تقدرين تشربين الماء والليمون مع ملعقة عسل organic
لا تاخذين الانواع التجارية الموجودة بالسوبر ماركت
في الكويت في شركة ارض الطبيعية منتجاتها عضوية


حاولي تقللين من شرب القهوة
القهوة التركية والعربية ما فيهم مشكلة لان القهوة مفيدة بس كثرتها تسبب ضرر

المشكلة بالنسكافيه كلنا ندري ان القهوة ما تذوب يعني لما نغلي القهوة العربية وااتركية يبقى منها في الاناء

النسكافبه تذوب تدرين ليش لاتها مادة صناعية مليانة كافيين وكثرة الكافين في الدم تحد وتقلل من قدرة القلب على ضخ الاكسجين وبالتالي تتراكم السموم في الجسم وتبدا المتاعب

وانا حاضرة لاي استفسار

 

[Najla82]

Thanks

 

[Miss sensitive]

شكراااا لج

 

[SpoiL-MerMaiD]

مشكورة لى النصايح و هذا المفروض يكون اسلوب حياه و دايما نسويه مو بس نضعف لانه نعدل اكلنا

 

[هجوره 2009]

rosmary وينچ؟؟
نبي نصايحچ