تبين تضعفين 5 كيلو بالأسبوع ؟؟؟؟ تعالي وانا أقولج وين رحت؟؟

[سفيرة العشق]

مرحباااااااااا بالرشيقات

ما أطول عليكم يا حلوات
طبعا نفس ما تعرفون احنا البطات ما في رجيم
ما نشوفة الا ولازم نجربة ؟

وبصراحة انا مليت من سالفة الرجيم والسبب ان ممل
ومكرر ..

بس بيوم قررت اني أهتم بشكلي شوي
فقررت اني ألروح حق كتورة غدد و هورمونات لطيفة الدويسان

لأني كنت شاكة ان فيني الغدة رحت وسويت تحليل هرمون وسكر
انصدمت ان عندي بداية سكر لأنه وراثه بالعائلة
المهم نصحتني اني أروح حق الدكتور أحمد الخولي
عندهم بنفس المبنى والل خوش دكتور وحبوب

المهم لقيت زحمة عندة وكلة من نفس نمونتي بطات

قاس وزني وطبعا لقى عندي سمنه مفرطة
وقاس لي نسبة الدهون والسوائل

وبعدين عطاني نظام غذائي قالي راح اغيره لج كل أسبوع

وراح تظعفين عليه بدون رياضة ...

أنا استانست لأن مالي خلق أسوي أي شي والسبب هو المتن طبعا ...

قالي راح تضعفين 5 كيلو بالأسبوع بس بشرط ما تخربطين تمشين عليه عدل


وراح أقولكم شنو النظام:

 

[إشراق]

مشاركة: تبين تضعفين 5 كيلو بالأسبوع ؟؟؟؟ تعالي وانا أقولج وين رحت؟؟

سلامتك وماتشوفين شر
ديري بالك على روحك
ترى السكر اذا اهتميتي بأكلك من البداية
مع شوية رياضة يروح بإذن الله

الله يحفظك


وياليت تعطينا النظام

 

[سفيرة العشق]

مشاركة: تبين تضعفين 5 كيلو بالأسبوع ؟؟؟؟ تعالي وانا أقولج وين رحت؟؟

الأسبوع الأول :

الفطور:

شريحة توست + جبن خالي الدسم + شاي بحليب خالي الدسم

الغداء :

دجاج أو لحم أو سمج مشوي أو مسلوق + خضار + سلطة+ بيبسي دايت صغير


العشاء :

نفس الغداء ( يعني إذا كلتي لحم على الغدا أكلي دياي عالعشاء)


بين الوجبات خيار أو خس


طبعا الشاي أو الحليب يحلى بالسكارين مو السكر العادي

والله مشيت عليه وضعفت 4،5 كيلو لأني خرتها مرة واشتيت قهوة مع التمر .... :d :d

 

[شجووون]

مشاركة: تبين تضعفين 5 كيلو بالأسبوع ؟؟؟؟ تعالي وانا أقولج وين رحت؟؟

موفقه اختي والله يتمم عليج بالصحه والعافيه وتصيرين رشيقه والفال لنا ان شاء الله

 

[سفيرة العشق]

مشاركة: تبين تضعفين 5 كيلو بالأسبوع ؟؟؟؟ تعالي وانا أقولج وين رحت؟؟

نسيت أقولكم اني يوم رحتله أول شي زفني عشان خرتها

بس عطاني مكافأة عشان نزلت إن وجبة الغداء تكون
مفتوحة بس ليوم واحد ) يعني آكل أي شي كنت مشتهيته
من زمان بس ما كلت مابي أتحسف بعدين..

والحلو في بعد انج أول زيارة تفتحين ملف+ كشف ب20 دينار بس

ويعطيج 4 زيارات له مجانا تشجيع يعني...

 

[xxx]

مشاركة: تبين تضعفين 5 كيلو بالأسبوع ؟؟؟؟ تعالي وانا أقولج وين رحت؟؟

مبروووووووك النزول والفال لباجي الوزن الزايد تنزلينه بصحه وعافية

 

[محتارة]

مشاركة: تبين تضعفين 5 كيلو بالأسبوع ؟؟؟؟ تعالي وانا أقولج وين رحت؟؟

مشكووووووووووووورة حبيبتي ...بس انا اشوف الرجيم اللي عطاج اياه يشبه الرجيم مال يوسف الخضر او طالب الشمري ...

 

[منوله كويتيه]

مشاركة: تبين تضعفين 5 كيلو بالأسبوع ؟؟؟؟ تعالي وانا أقولج وين رحت؟؟

عليج بألف عافيه انشاء الله وبإذن الله تنزلين عليه بصحه ،، والفال لي

سؤالي اذا سمحتي : هل كمية الجبن على الريوق مفتوحه؟ وكمية الغدا مفتوحه للحم والسمك والدجاج ؟

وياريت تكملين جميلك علينا و تتابعينا بباقي الريجيمات اللي تاخذينهم عشان نتابع مثلج وجزاكي الله كل خير عنا

ومشكوووووووووره على انك مانسيتينا

 

[saro0ona]

مشاركة: تبين تضعفين 5 كيلو بالأسبوع ؟؟؟؟ تعالي وانا أقولج وين رحت؟؟

واااو ما شاء الله ....
ابي اجربه بس تدرون .. العيازة شلون قايلة .........
مشكوووووووورة

 

[ماريه القبطيه]

مشاركة: تبين تضعفين 5 كيلو بالأسبوع ؟؟؟؟ تعالي وانا أقولج وين رحت؟؟

مبروك على هالنزول و عقبالي

 

[شمعة الكويت]

مشاركة: تبين تضعفين 5 كيلو بالأسبوع ؟؟؟؟ تعالي وانا أقولج وين رحت؟؟

يسلموووووو على الريجيم


وايد حلو


بس ما حددتي كمية الدياي واللحم ؟؟

واذا همبرغر جم وحدة يعني ؟؟



تحياتي :

شمعة الكويت

 

[سفيرة العشق]

مشاركة: تبين تضعفين 5 كيلو بالأسبوع ؟؟؟؟ تعالي وانا أقولج وين رحت؟؟

مشكورين حبيباتي على تفاعلكم معاي وااااي شجعتوني زيادة

بالنسبة للدياي واللحم مفتوح حتى الشبع يعني كان بقولي يييبي دياي وحطي معاه كمية خضار بالفرن

والعشا كنت أحب آكل همبورغر آكل 3 حبات تقريبا مع شوية كاتشب مو وايد

الحين قمت أسوي نفس وجبة هارديز اللي بدون خبز

أييب خس أمريكي وايد وأحط داخلة همبورغر وطماط وجبن شرايح خالي الدسم مع شوية كاتشب وماسترد طعمم فظيييع وتشبع بدال ما أسوي سلطة ما أحبها ..


أما الجبن بالريوق شريحة وحدة مع شريحة مورتديلا فقط ..

 

[المرفأ~~]

مشاركة: تبين تضعفين 5 كيلو بالأسبوع ؟؟؟؟ تعالي وانا أقولج وين رحت؟؟

لطييفه الدويسان عندهم دكتور مصري صح..ويسوون جلسات تخسيس بـ300دك ..

اهوا يعني..والله استفدت من معلومتج انا عبالي غيررر ...

وانا مليت ماقعد دكتور ماوقفت على ميزانه :d

ومبروووك حلو نزولج

 

[HDaWee]

مشاركة: تبين تضعفين 5 كيلو بالأسبوع ؟؟؟؟ تعالي وانا أقولج وين رحت؟؟

مبروووك وعقبالي انشالله والله عيزت وانا احاول اسوي رجيم بس الاكل حلوووو

 

[الحــــــلا كله]

مشاركة: تبين تضعفين 5 كيلو بالأسبوع ؟؟؟؟ تعالي وانا أقولج وين رحت؟؟

ونستيني بسوي رجيمه

ياااعلج الضعف بصحه وعافيه ان شاء الله وتصيرين من اصحاب مقاس سمووول يارب

 

[سفيرة العشق]

مشاركة: تبين تضعفين 5 كيلو بالأسبوع ؟؟؟؟ تعالي وانا أقولج وين رحت؟؟

عزيزتي المرفأ أي أهوة الدكتور اسمه ( أحمد الخولي ) وأول زيارة لي أشوف شكثر حريم عنده ويسولفون عنه ويمدحونه عاد أنا الدكتورة حولتني عليه ..

أحس الحين أني خفيفة ووما قمت أنام نفس قبل وايد والكل لاحظ أني قمت أضعف...

الأكل حلو يا هداوي بس شالفايدة واحنا نفرفر بالسوقة ندور مقاسنا وما نلقى ؟؟؟؟
والله اني لمن أروح حق زارا تييني بجية ما ألقى مقاسي إههههههههههه

 

[شدن76]

مشاركة: تبين تضعفين 5 كيلو بالأسبوع ؟؟؟؟ تعالي وانا أقولج وين رحت؟؟

جان زين انزل بس 2 كيلو


انا الحين بالشهر الخامس من ريجيمي وزني ينزل بطيييييييييييييييييييييييييييي

ريجيمي من المستوصف

جربت رجييم كويتية امورة الي كتبت عنه حلو بس تخيلي مانزلت عليه

بجرب ريجيمج وان شاء الله استفيد

 

[نفنوف كشكش]

مشاركة: تبين تضعفين 5 كيلو بالأسبوع ؟؟؟؟ تعالي وانا أقولج وين رحت؟؟

حده يونس الرجيم ماشالله عليج بالعافيه استمري وانشالله توصلين للوزن المطلووب
ممكن اختي رقمه ووين فيه عيادته ؟

 

[اعذريني يالهدايا]

مشاركة: تبين تضعفين 5 كيلو بالأسبوع ؟؟؟؟ تعالي وانا أقولج وين رحت؟؟

استمريييييييييييييييي
وبشرينا بالنتااايج

 

[مُــنية]

مشاركة: تبين تضعفين 5 كيلو بالأسبوع ؟؟؟؟ تعالي وانا أقولج وين رحت؟؟

ماشالله سفيرة الله يهنيج

انا بعد اراجع عند نفس الدكتور اول اسبوع نزلت 5

ثاني اسبوع ما نزلت و لا كيلو كانت علي الدورة

الحين الاسبوع الثالث بس احس وزني مو راضي ينزل يمكن ليش قاعده اخربط شوي بس رجيمي غير عنج

انا احس رجيمي قااااااااااااااسي ما فيه عشا عدل بس فاكهه نوع واحد