تبين تضعفين 5 كيلو بالأسبوع ؟؟؟؟ تعالي وانا أقولج وين رحت؟؟

[مجرد شعور]

انا صراحة رشيقة ولله الحمد ... بس عاجبني رجيمج وشجعتيني انقل الرجيم لخالتي الغالية ... بعذبها بالرجيم .. والله يستر ويسهل اقناعها


يالله ناااااطرين

 

[سفيرة العشق]

الأسبوع الثالث:[/

COLOR]الفطور

شريحة توست + ملعقتين فول بليمون + شرائح خيار + شاي بحليب خالي الدسم.

الغداء [/

COLOR]: دجاج أو لحم أوسمك ( مفتوح) حتى الشبع + سلطة + خضار مسلوقة+ بيبسي دايت صغير.


العشاء:


نوع فاكهة واحد حتى الشبع (مــــــــــــــــــــــــا عدا ( المانجا ، التمر، العنب ، الموز)
يعني تتعشين لو 20 برتقالة أو تفاحة أو حتى لو تاكلين رقية كاملة بروحج .
بدون بيبسي
أوكي جذي .....

يلا يا حلوت شدو حيلكم ...

ولا تنسون تسوون رياضة أوكي...​

 

[الضاميه]

مشكوره عمري بس شنو الحليب اللي تستخدمينه مع الشاي يعني بودره او سائل مثل ابو قوس

 

[AL Aristocraticya]

انا رحت له يونس هالشيباااااا يحليلا ولا لما يقول سمججججج هههههههههه

المهم اني ما سويت ريجيمه كلش ...... والريجيمات اللي عنده كلها جاهزه بورقه ومرقمه يشوفج و يعطيج رقم ريجيم جذي عطاني نفس ريجيمج بس للاسف ما سويته ياااااااااااااااكررررررررهي انا مالت علي ما ادري متي بضعف ياربي الله يساعدنا كلنا

 

[المرفأ~~]

انا نفس حالة الاخت AL Aristocraticya

رحتله وعطاني مثل رجيمج بس انا كنت اخذ جريب فروت ..

ولاعت جبدي استغفرالله لاني نوعا ما نباتيه والرجيم لحم ودجاج
..واحب النسكافه
وقالي ممنووع لاني احط كوفي ميت ...وما اظن اني بروح للمراجعه الثانيه .

ماحب الرجيمات الكيميائيه ..

بس ان شاءالله يفيدج اختي سفيرة العشق انتي وباقي البنات .

وموفقه

 

[^مزهريه^]

لووووول
لوووووووول

وانا بعد رحت ولا سويته الا 3 ايام

ههههههههههههههههههههههههههههههههه

 

[سفيرة العشق]

عزيزتي الضامية أنا أحط حليب كليم مال الرجيم البودرة وهوه خالي الدسم مع ملعقة نسكافة وجيس سكر دايت ( سويت أند لو) ويصير طعمة حلو تعودت عليه ..
AL Aristocraticya أدري ان الرجيم يزهق والواحد يمل بس أنا مرات أشكل بالأكل ومرات أييب ترياكي من عند مارينا تاي طعمة لذيذ وخاصة للي يحبون الأكل الصيني أو التايلندي ...جربيه ...

 

[سفيرة العشق]

اشفيكم جذي متحبطين

أدري ان الواحد يمل ابسرعة من الرجيموأنا كنت من أول اللي يكرهون شي اسمه رجيم ..
أنا اتفقت مع نفسي انه اذا أي أحد سألني انتي مسويه رجيم راح أقوله لأ بس مغيرة طبيعة أكلي ونمط حياتي والله تعودت ..
ألحين صار لي شهر مو حاطة عيش بحلجي حتى أهلي منصدمين مني لأني كنت آكل بشراهة وكلة قاعدة أبلبع بهالأكل ..
بس لاعت جبدي بصراحة ليمتى وانا قاعدة انتفخ ؟؟

والله يا بنات أولها تعب بس بعدين لمن تضعفون وتشوفون نتيجة تعبكم ما راح تتحسفون كلش....

 

[xxx]

بالتوفيق سفيرة وعسى الله ينولج اي في بالج​

 

[حبيبة أهلها]

الله يوفقك سفيرة افكررررررر اسوية حمستيني صرررررراحة ومبرووووك على النزول

 

[@ الرسامة @]

يعطيج العافية على النظام الحلو

 

[سفيرة العشق]

الله يعافيكم

 

[عندما تغني الزهور]

يااااااااااي بجرب رجيمج
مشكوره والله ع الرجيم
ومن السبت ببلش بهالرجيم
عاد ضروري امشي " رياضيية المشي "
ولا عاااااااادي بصراحه الجو حده حار
ومايكون تمام إلا عالفير ولا بآخر الليل
وبصراحه منو يقدر يروح هالحزه بروحه
بجربه ان شاء الله وبشوف النتيجه
وعلى إيدج ياوخيتي اضعف
لول الكل اللى اعرفهم بيدعولج بكل خير
واولهم اناااااااااااا
وسلامتج ان شاء الله
والله يبعد الجميع عن السكر ان شاء الله
تسلمين والله

 

[bnt_kwt]

صاجه احمد خولي يهبل \رفيجتي من زمان تراجع عنده
وام ريلي وحماتي بعد يروحون له ويمدحونه
مبروك النزول والى الامام

 

[هيله]

ممكن عنوانه اختي

 

[سفيرة العشق]

حبيبتي عندما تغني الزهور اولا حياج الله بمنتدانا...
ومشكورة على تفاعلج معاي ويالله شدي حيلج ..
ترى والله بشهر ضعفت تقريبا 10 كيلو لا وهذا تييني مرات أخورها بس مو وايد يعني لو ماشية على النظام عدل جان ضعفت أكثر...

أما بالنسبة للمشي فالدكتور قالي انه هذا النظام ينزل بدون رياضة بس يفضل تمشين أنا قبل كنت امشي بس الجو ما يساعد رحت يبت جهاز جري بالبيت وامشي عليه كل يوم 2/1 ساعة وبأي وقت .. واذا ما عندج جهاز جري صعدي الدرج ترى والله فعال اكثر من المشي...
آسفة قرقت وايد...
يالله شجعوني ...

 

[سفيرة العشق]

عزيزتي هيلة هذا عنوانه..
الدكتور أحمد الخولي موجود في السالمية كلينيك شارع بغداد قبال لاباجيت
وتليفونهم 5727004 وفتح الملف ب20 دينار مع 4 زيارات مجانا ....
واي استفسار حاضرة...

 

[الأميرة]

مشكورة وبالتوفيق

 

[ملفع جدتى]

سبحان الله صديقتى راحت له بس عطاها نظام ثانى وفعلا انزلت عليه حيل وتغير شكلها بصراحه الدكتور وايد شاطر ولا بعد مع الكشف يعطيها ابره صينيه فى الاذن علشان ماتشتهين تاكلين

 

[سفيرة العشق]

اهوة قالي ان كل جسم له نظام أكل معين حتى انا قالي اسوي جلسات مساج حق زنزدي والأرداف عشان الدهون متراكمة حيل فيهم بس ما سويت الرجيم ماله سيح كل شي هههههههههههههههههه