تجاربكم مع قانون الجذب (( اتمنى الافادة من الجميع ))

[جبنة بيضة]

اي والله تلخبطنا

بس اذا بتمشين على طريقة صلاح الراشد لازم تقرين الكتاب و اذا على كتاب قانون الجذب لازم تطبقينه

 

[مـــــــذهـلـة]

بيتوتيه ولين

هو بكتابه قال مايصير تقول فلان راح يحبني لان هالشي يخص فلان ومشاعره ومالنا حق بخصوصيات الناس

ومن تجارب البنات الي تقول جذبت زوجي و فلان وفلان

فهو نبه انه مانتدخل بخصوصيات الناس يمكن لان فلان يحب فلانه وفلانه تحبه وانتي جذبتيه وخربتي بينهم

او ممكن وحده تجذب زوج رفيجتها عشان هالشكل قال لا تستخدمون القانون بمشاعر الناس لان في ناس نواياهم مو زينه

وهو كاتب بالغلاف انه اخطر قانون كوني < يعني على هالشرح صج انه قانون خطير

يعني تقدرين تقلبين مشاعر التاس صوبج وكانه سحر بس حلال

بس بنات استخدموه باشياء زينه ادري مايحتاج اوصيكم بس عشان ما اخذ اثم

 

[ليتني مـآ كبرت]

بنات الله يعافيكم مافهمت أنتوا تقولون حطي هدف أوكي حطيت هدف

بعدين أكتبيه بورقة اوكي كتبته
بعدين شنو ردة فعلج ؟؟ قصدكم ردة فعلي الصجية و إلا ردة فعلي لو تحقق الهدف؟؟
بعدين كرريه 21 مرة في 14يوم؟؟ أكرر الهدف أو ردة الفعل؟؟

بعطيكم مثال و جاوبوني تكفووووووون :

الهدف : أكمل ماجستير
ردة فعلي الصجية : طلّ بعيني حاسة ماراح أجيب معدل يأهلني أكمل ماستر
ردة فعلي لو تحقق الهدف: مستانسة حييييل و عندي دافع أكمل دكتوراه

يالله جاااااااااااااااوبوني تكفووووووووووووووووووووووووووووووون

 

[د-سوسه]

ليتني ماكبرت ...........شفتي الكلام الي قلتيه بعد الامنيه هذا اهو الانطباع او رده الفعل كتبيها مع تطبيق التمرين راح تلاحظين مع الاتكرار ان رده الفعل السلبيه هذي راحت وتبدلت بشي ايجابيلما تجذبين هدفج ... الهدف من هالتمرين اهو تحرير المشاعر السلبيه الي تعيق الجذب

 

[حبيبة حبيبها]

خوش موضوع بصراحه بجربه واقولكم النتايج

 

[Loutes]

goood keep up

 

[نسايم عبير]

تدرون انا منالصبح متعومسه ومحبطه بس قربت هالموضوع جتي حاله من التفاؤل مو طبيعيه

انا قريت كتبا السر وصج حلو بس يوم قريت الرد الديني عليه تركته وقلت شي فيه شكه مابيه
بس الحين لقيت دكتور صلاح الراد كاتب عنه والدكتور رجل علم ودين
برد اعيش باجواء الجذب

ومارست طريقة 21/14 بس توني ادري اني مارستها غلط لاني كنت اكتب 14 مره مو 21 مره
وما كنت استمر عليها يعني متى ما طقت براسي قبل النوم كتبت 14 مره والحين اكتشفت ان طريقتي غلط

الحين بسوي شغلتين اول شي بطبع صوره فيها كل امنياتي وبالمره بحطهم بتوقعي بالمنتدى عشان كل يوم اشوفه
عندي دفتر بكتب عليه دفتر السعاده والامنيات الحقيقيه..
بقسمه حق 14 يوم وبكتب فيه امنياتي واحلامي

****************************

استفساراتي؟؟؟
اقدر اكتب جم امنيه لان عندي تقريبا الحين 6 امنيات وسهلين مو شي خيالي او معجره
اقدر اقسم الدفتر كل يوم لي 6 صفحات كل صفحه اكتب فيها 21 مره ... ولا بجذي راح تختلط علي الامور

 

[نسايم عبير]

وين تفاعلكم

انا الحين باديه اسمع برنامج رساله من الكون للاستاذ صلاح الراشد
وحددت افكاري وحطيت صورهم
وباديه بقاعدة 21/14


شنو سويتو انتم؟؟؟؟؟؟؟؟؟؟؟؟

 

[حكاية روحي]

صباح الخير اختي كيفك ان شالله اوكي ؟ بالنسبه لقانون الجذب الظاهر انه يدخل بشيء من الشبهه هذا والله اعلم لكن هل انتي تمشين عليه حتى تحققين امنيات ولا ايش يعني تكتبين امنيتك عشان تنجذب لك وتتحقق شوفي اولن ماراح يصير الا المكتوووب حطي ببالك هذا الشي ثانين انا كنت بدرس دورة البرمجه العصبيه اللغويه وقالو حرام لان في زي تقدرين تقولين الفلسفه الخياليه اللي فيها كيفيه شي زي كذا صراحه خوفوني منها وانا ميته فيها اني اصير مدربه مدري والله لكن حبيت اقول مافي جعبتي حبوبه ومدري وش يحس في القانون هذا منجد ؟ لوووووول:27d66a9c24b146327bf

 

[قطرة امل]

بنات انا صارلي اسبوعين من شريت كتاب قانون الجذب
جربت تمرين التخيل
خل اقولكم اللي صار معاي
لمدة اربع ايام تخيلت انه مبلغ من الفلوس راح اييني كهديه
بعد اربع ايام ريلي قالي لج هديه 10 دنانيرر اهوو صج مو المبلغ اللي فبالي
بس الحمدلله كل اللي بغيته اني اجرب القانون
بس ليما الحين ماعطاني لووول

يمكن نسا يعطيني

بنات انصحكم تشترون الكتاب واتسجلون في منتدا قانون الجذب لانه روووعه

 

[ShoSho_4]

انا انشالله الحين من اليوم بطبق الهدف الاول ولي شاغل فكري وبالي
بحاول اطبقه لمده اسبوعين بحط صورة الهدف بكل مكان بعيني
بشوفه قبل مانام علشان العقل الواعي مايشتغل بتكونين دايخه
وبشوف النتيجه عقب اسبوعين ووبكثر من الاستغفار كثر ماقدر واخلي محور حياتي بهالاسبوعين على هالهدف
وعسى ربي يسهل اموري واموركم

 

[ShoSho_4]

بس ينات انا شامعه موضروري تكتبيه بورقه لمده 14 يوم باليوم 21 مره انا سامعه اهم شي يكون ابااااااااالج
عاد مادري

 

[ShoSho_4]

بنات ** سامعه **

 

[قطرة امل]

انا انشالله الحين من اليوم بطبق الهدف الاول ولي شاغل فكري وبالي
بحاول اطبقه لمده اسبوعين بحط صورة الهدف بكل مكان بعيني
بشوفه قبل مانام علشان العقل الواعي مايشتغل بتكونين دايخه
وبشوف النتيجه عقب اسبوعين ووبكثر من الاستغفار كثر ماقدر واخلي محور حياتي بهالاسبوعين على هالهدف
وعسى ربي يسهل اموري واموركم

ماشاء الله شي حلووو
وناطرين تجربتج

 

[نسايم عبير]

انصح البنات يشترون كتاب السر وراء السر ب3 دنانير اخذته من جرير
د-صلاح الراشد نصح بقراته
وانا شخصيا قريته وفادني حيل ووضح لي امور

وصارت معاي شغلات الاسبوع اللي طاف اشتغل معاي القانون من دون ما احس ولما استوعبت استانست


بالنسبه للبنات اللي يقولون ان قانون الجذب فيه شكه شرعيه اتمنى منهم لا يفتون من كيفهم قبل لا يستندون للبراهين
وانصحكم لو بس يكلفون على خاطرهم ويسمعون كلام الدكتور صلاح الراشد من الجانب الشرعي

وهذا علم مثل اي علم ربي حطه واخفاها وته البشريه اكتشفته
ولازم نقول ان هذا رحمه من ربي اننا عرفنها عشان يسهل علينا امور دنيتنا

 

[لامار الكويت]

الحمدالله الحمدالله تصدقون بالصدفه هي طريقتي بالحياه


دايم اقول انشالله راح يصير الشغله هذي ليش لا

لو مريت موقف يجرح او ظروف صعبه اضحك حتي لو بعيوني دموع واقول خليها عالله

دايم احط ببالي ان الله قادر علي كل شي صعب


راتبي قليييييل بس اقول الحمدالله مكفيني وعازني عن الناس


ان قعدت الصبح اقول الحمدالله عالعافيه لانها احلي شي بالدنيا


ان احد سولف من وراي ما اتضايق احط اعذار واقول شي طبيعي راح يجي اليوم اللي تعرفني عدل وتتحسف علي كلامها وفعلا نااااااااس واجد بينولي انهم غلطانين


وهذي الحياه خلو عندكم قناعه راح ترتاحون قولو ماشاللله علي . لوووووووول

 

[لامار الكويت]

بس بنات بسالكم كلامي اللي قلته لكم ينطبق علي الموضوع ولا لا .انا قلتلكم طريقتي بس بعرف صح ولا لا

 

[مسك الحلوة]

يلا
اجذبوا الأزواج الصالحين مع الدعاء بالتوفيق

 

[BaiTotia]

أهااااااا الحين فهمت

سبحان الله

الحين بشتري كتاب صلاح الراشد ألاقيه وين؟

ومتى يحطون برنامجه؟

 

[نسايم عبير]

الكتاب حاليا مخلص انا سالت عليه بمكتبة جرير مخلص ودقيت على مركز الراشد تقول السكرتيره قاعدين يطبعون النسخ الجديده
انا حصلت على الاصدار اللي فيه سيديات كان اخر حبه