تجربتي بمطعم سالاد بوتيك الفاااشل

[دلوعة صلوح]

الحمد الله عاد كنت اقول حق ريلى عشان يودينى اشوة مارحنا جان حقد على.

 

[أم فهووود]

وين ماتروحين غش شنسوي

 

[شهرزاد الحكاية]

هالمطاعم محد يرفع فيهم ويوصلهم السما الا اصحاب ال blogs المطاعم يعزمون صاحب البلوغ عشان يسويلهم دعايه ويقعدون يصورووون ويلعبون بألوان الاكل ويحطون هالتقارير حق العالم يشوقونهم ولي رحنا ننصدم بمستوى الخدمه والاكل
وايد صارت هالحركه بالناس نشوف التقارير على نياتنا ولي رحنا ننصدم باللي نشوفه
معوضين خير ان شاء الله والحمدلله انه ما صابكم شر

والله صح كلامج ... انا صارت معاي باكثر من مطعم
عاد انا كنت ناويه اجربه ماتشوفون شر يارب :yaaaaaarb:​

 

[| تفاصيل |]

حرام ترا يمكن اصحاب البلوقات مغشوشين
مقدمين لهم اطباق متعوب عليها وشغل عدل
ف اكتبوا تجربتهم ب امانه

ماعليه حبيبتي تنذكر وماتنعاد

 

[Om_Ksha]

عاد كنت ناويه اروحله
مع انه اختي ذمتلي خدمتهم نفس كلامج لطعوهم بالاخير يابو الطلب غلط

 

[قــل مـا تـشـاء]

ايييي مثل ماقالت الأخت كله من رواعي البلوقات اللي يبالغوا بالوصف ..
ويسوون دعاااية عدلة يطيرووونه لي سابع سما ,,
الله يعيييين بس الحمد لله على سلامتكم هذا أهم شي ,,

 

[7bebt 3bod]

غررريبة
عاد انا رحت اللي بالافنيو قبل شهر تقريبا وتغدينا فيه انا وخواتي كان واااااايد وااااااايد لذيذ وناطع وفرش والسعر معقول والخدمة روووعه

 

[marimor]

انا رحتتتله وصججج لمن قعدنا بالغصب يوو لنا

كلينا الهمبرغر حددده عااااادي بس السلطه عجبتتني وايد حلوه

 

[فرحة عسل]

في بعض المطاعم ما يحبن تنادينهم

انت منروحج تنشين و تطلبين .... من الخاطر

و في بعضهم لأ ايبون لج المنيو لعندج ..... ^^

و الاكل يام يامي رهيب مره

الله يعينكم على هالمطاعم .... يمكن كان بدايته اوكيه

 

[الكادي 1981]

جزاااج الله خيير

انا قايله بروحله جزاااج الله خيير

 

[مقمش لولو]

انا اروح حق اللى بالجابريه روعه واكله لذيذ ويطبخه جدامج والخدمه ممتازه بس ماجربت اللى بالافنيوز

عموما المفروض الحين من صاحب المطعم يتحرك ويشوف شالسالفه قبل لاتخترب سمعة مطعمه

 

[softlady]

ريحه المطعم خااااااااااااااااايسه خااااااااااايسه اكيد من الاكل الخاااايس انا قلت بنفس الموضوع الي طاااف

 

[:: Diva ::]

هالمطاعم محد يرفع فيهم ويوصلهم السما الا اصحاب ال blogs المطاعم يعزمون صاحب البلوغ عشان يسويلهم دعايه ويقعدون يصورووون ويلعبون بألوان الاكل ويحطون هالتقارير حق العالم يشوقونهم ولي رحنا ننصدم بمستوى الخدمه والاكل
وايد صارت هالحركه بالناس نشوف التقارير على نياتنا ولي رحنا ننصدم باللي نشوفه
معوضين خير ان شاء الله والحمدلله انه ما صابكم شر

كلاااااااااااام منطقي !

 

[catwiti]

السلام عليكم خواتي
اليوم رحت مطعم سالاد بوتيك بالافنيو لاني قريت تقرير الاخت اللي بالمنتدى وانها مدحته ورحت مع بنتي وزوجي ويااليت مارحنا
اول شئ الحق ينقاال الديكوور عجييب وحلو بس الخدمه فاشله جدا جدا تنادينهم مايردون عليج وكان ورانا عايلتين حريم ينادون الموظفين والله مايردون عليهم وقلنا مو مشكله شكل المطعم كان عاجبني وماحبيت اطلع الا لما اجربه وعقب تكرمت وحده تشتغل ويابتلنا المنيو الاي باد وطلبنا تقريبا نفس طلب الاخت اللي كتبت الموضوع ومدحت الاكل طبعا طولو على مايابو الاكل وريلي عصب لانه نطر اكثر من ربع ساعه ينطر طلبه عباره عن همبرغر ولما وصل الاكل طبعا ريحته خايسه والله العظيم بنااات ان ريحته خايسه بس ماادري ليش جازفنا وكلينا ولما كلينا الاكل كان ماصخ وفيه حموضه طبقي وطبق ريلي وبنتي حبيبتي كلت بس بطاط ولاعت جبدها وتفلته ...المهم ماكملنا اكلنا وطلبنا الفاتوره والا حريم ثنتين مايعرفون بعض يعني كل وحده قاعده بطاوله مع عايلتها نادو المدير واشتكو على الاكل لانه بايت وزفر وعلى الخدمه الفاشلهوبصراحه للاسف المدير مااهتم للشكوى... المهم بعد ماطلعنا بطونا عورتنا ووالله ان حاشني اسهاال تكرمون وانا اصلا حاامل
والله يابنات هذي تجربتي وانا اليوم رحت وجربت المطعم تاريخ 13/11 ووالله العظيم مو قصدي اقطع رزق احد قصدي بس انبهكم وحسافه على شكل وديكور المطعم واتمني يغيرون الموظفين ويهتمون بالنظافه وصلاحية الاكل لان صج قعدته حلوه واللي تجربه خل تكتب تجربتها
هذي تجربتي بكل صدق واانه والله شاهد على

انا الي كتبت الموضوع ومدحته وصج كان كلامي كان اكلهم حلو ومحد اشتكى من الريحه او الطعم وكان روعه بس صح كلامج السيرفز وييع ويطولون ومايعطونج ويه اهي صابحته كويتيه ولازم تشتكون عليهم والحمد لله عالى سلامتكم تدرين سالفة التسمم صايره حق خوات رفيجتي لدرجة وحده من خواتها نايمه بالمستشفى 3 ايام ماتاكل ولا تشرب ماكلين من فرايديز الي بسبونز

 

[<<لمار>>]

عاد ناوية اجربة

 

[ايطاليه]

ان شالله راح ابلغ صاحبة المطعم لانها حرام وايد تتعب معاهم ولا اكو فايدة

 

[أبرار بن فهد]

وين صاير مطعم سالاد بوتيك ابي قطعه شارع

 

[honey lust]

احنا بعد ما عجبنا اكله اقل من عادي لو رايحه ماك ابرك

 

[LawYeR NaNo]

ثنكيو زين تسوين وتحطين موضوع
عشان يهتمون بالنظافه والاكل الصحي

 

[foshia girl]

والله حتا انا جربت الجكن بيرجر مو ذاك الزوود حاطين فيه فلفل بوديج
والبطاط اللي فيه جبن مر استغفر الله
وجربت عصير ازرق عندهم والله ان معدتي قامت تعورني طعمه علج بوسهم الله يزيد النعمه
يعني حطيت اكسين عليه

ومشكوره على نقل تجربتج