تجربتي مع د/ ربا الضمان - حصريا على كويتيات "متجدد"

[New Mum]

ممتازين كيب جوينج
متابعتكم بصمت

 

[jolie_q8]

Maneena Manaana

بشري ..شخبارج

من زمان ما بينيتي !! عسى مقاومة الاغراءات


New Mum

مشكوره على التشجيع حبيبتي

 

[jolie_q8]

انتظروني غـــــدا "الثلاثاء"

مع رجيم يديد

 

[Maneena Manaana]

نيو مام... ليش عاد بصمت؟؟ انا اقول طبي معانا حيااج... احسن من ربووع

جولي...لول اي مقااومة اي خباريها من يوم السبت وانا لا على هالرجيم ولا لو كالوري... امشي وااكل بس ان شاء الله اليوم اخر يوم ومن باجر ببدي بالاول من اول

برووح اشتري بوب كوورن حدي مشتهية... وباجر ان شاء الله ببدي

 

[New Mum]

ناطرينج جولي
منينا حسافه عليج بليز لا تخورينها اهم شي بفور اند افتر لوول

 

[Maneena Manaana]

نيومام... مو مني لووول من الدورة الشهريه خخخخخخ احس هرموناتي معتفسه ... الشهر اللي فات وهالشهر 12 يوم ياالله غسلت عنها مادري ليش...

توني راجعة من الجمعيه لول اكلت اوريو ككاو فضييييع وبوب كورن واشبعت رغبااتي الحمدلله ... من باجر الجد ان شاء الله

جوجو ناطرين الرجيم اليدييد... يمكن اغير خططي وأبدي فيه باجر ...

 

[مش بالكلام]

thanx 7abebty

 

[jolie_q8]

رد: تجربتي مع د/ ربا الضمان - حصريا على كويتيات

نتيجه الاسبوع الثالث

هالأسبوع الحمدلله التزمت أكثر بالنظام ..بس ما تحركت كلش !!

وخربطت بس مره وحده او مرتين..

وقالت النزول بهالطريقه وايد زين حقي ..لاني وايد مسويه رجيمات قبل لا

اروح لها ...


مجموع النزول : 1 كيلو




انتظروا نتيجة الاسبوع القادم

هذي نتيجة الاسبوع الثالث :eh_s(9):​

 

[jolie_q8]

الرجيم الرابع( رقم 7)


الافطار يوميا :أحد الخيارات التاليه

* كوب حليب خالي الدسم + كوب كورن فلكس رجيم (بران سيريالز)

* 2 توست + 4 ملاعق فول او 100 جرام جبن قريش + سلاطه خضراء

* فواكهة من المسموح




اليوم الاول

الغدا: مكرونه مسلوقه+ خضار مسلوق


العشا: بيض مسلوق+ جريب فروت



اليوم الثاني

الغدا: لحم مشوي+ سلطه

العشا: خضار مسلوق + سلطه



اليوم الثالث

الغدا : لحم مشوي + سلطه

العشا : فواكة طازجة



اليوم الرابع

الغدا: ارز مسلوق+ خضار مسلوق

العشا: بيض مسلوق + خضار مسلوق



اليوم الخامس

الغدا: سمك مشوي او تونه مصفاه من الزيت+ سلطه خضراء

العشا: فواكة طازجة



اليوم السادس

الغدا: لحم مشوي+ سلطه خضراء

العشا : فواكة طازجة



اليوم السابع

الغدا: دجاج مشوي+ سلطه خضراء+ خضار مسلوق

العشا : دجاج مشوي + سلطه خضراء



نتيجه الاسبوع الرابع

هالاسبوع طبعا ..كالعاده خربطت بس على الخفيف

مع مرض عيالي اكتأبت ولما اكتئب احب اكل

بس الحمدلله كنت نازله


مجموع النزول : 900 غرام




وتابعوني بالاسبوع القادم

 

[jolie_q8]

New Mum

ياللا شدي حيلج .. وابدي وياي ..الصيف بدا والحر مايبيله زغاديد كلش


Maneena Manaana

نزلت الرجيم..قوليلي شنو رايج فيه..ترا الكميه مفتوحه بس بالمعقول


مش بالكلام

العفــو

وحياج الله

 

[ii DareeN ii]

عاشت جولي ان شاء الله دوم تنزلين على صحه وعافيه:eh_s(3): انا رحت مره وخونت والله يبيله ارد اذا الله هداني لي الثلاثا اروح وياج

 

[jolie_q8]

ii DareeN ii

نورتي الموضوع

وشدي حيلج وتعالي وياي

 

[Maneena Manaana]

الرجيم الرابع ايونس...فيه نشويات لول

عسى الله يتمم عليج وما تخوورينه...وتنزلين لو نص كيلو بالاسبوع هم نعمة...

انا من ذاك اليوم وانا فرييييي عالاخر...مادري شفيني... حتى هالقسم مالي خلق ادشه لول كل يوم اقول من باجر ... اتريق ريوق رجيم واتغدى غدا رجيم وأبدي عااد من بعد الغدا بالتخربط... زدت 4 كيلو

امس فكرت اني اسوي رجيم الشوربة خخخخخخخخ بس بعدين تذكرت اخر مرة سويناه لول

ان شاء الله من يوم الاحد احااول ارجع لنظامي ( لو كالوري) ولما اتأقلم معاه وأدش بالموود اسوي هذا... لأني سويت اول جم يوم وكان حلو ماكو لا يوع ولا شي ...

 

[jolie_q8]

Maneena Manaana

همممممم مو خوش خبر

تصدقين حتى انا امس سويته فري من الصبح لليل

بس السبب نفسي

عيالي مرضى وحرارتهم توصل 40.5

من الكآبه اروح وارد على الاكل.. مع انه مو يوعانه

الله المستعان

 

[New Mum]

منينا حسافه عليج لا تعيدنها ما بقى شي على يية امج دير بالج ولا ترى بقولها حلمانه بعايلتكم الكريمه كلها امس

جولي ما يشوفون شر عيالج هالجو يمرض الي ما يمرض و بليز حكي حرتج بالرياضه مو بالأكل

ودي اسويه معاكم من باجر

 

[Maneena Manaana]

جولي... اول شي مايشووفون شر ان شاء الله ... شكل عياالج ماكو مناعة كللش.. وايد يستمرضون مساكين.
وحراااام لا تخربطين... قاعدة شزيينج تنزلين...لا تخربين على عمرج.. مابقى شي عالعرس...واذا عالحالة النفسية روحي وردي عالاكل بس حااولي يكون اكل مفيد( فاكهة... خضار... ككاو اذا كلش كلش بس لو كالوري ) سوي فروت سلد وحطيها بالثلاجة روحي وردي عليها .. مهما يكون احسن من خرابيط مالها داعي

نيومام..عسى خووش حلم؟! اتصدقين عاد مابقى شي على ييتهم.. يعني اذا كلش كلش يمديني اضعف 5 مو اكثر

يلاا خلااص تشجعت لوول تخيلت لقاء امي

يلاا انضمي معانا عشان نصير وايد ونشجع بعض... ترى خوووش رجيم

 

[miss-Kuwaiteya]

انشالله تنزلين والله يقوي ارادتج والله ريجمها حلو فيه نشويات بعد شكلي بروحلها لووول لاني الحين من هديت محمد ربيع وانا امبدعه ابدنيتيي :/

 

[jolie_q8]

عدنــا من جديد

:eh_s(9):

 

[jolie_q8]

نتيجه الاسبوع الرابع

هالاسبوع طبعا ..كالعاده خربطت بس على الخفيف

مع مرض عيالي اكتأبت ولما اكتئب احب اكل

بس الحمدلله كنت نازله


مجموع النزول : 900 غرام




وتابعوني بالاسبوع القادم

نتيجة الاسبوع الرابع
​

 

[jolie_q8]

الرجيم الخامس


الافطار يوميا :أحد الخيارات التاليه

* كوب حليب خالي الدسم + كوب كورن فلكس رجيم (بران سيريالز)

* 2 توست + 4 ملاعق فول او 100 جرام جبن قريش + سلاطه خضراء

* فواكهة من المسموح




الغداء

شوربة خضار / شوربة دجاج مع خضار بدون دهن / خضار سوتيه


+ سمك مشوي (متوسطة الحجم)

أو شيش طاووق 10 قطع

أو ستيك بقري (كبر كف اليد)

أو تكا 10 قطع


+ كوب عيش مشخول أو ربع رغيف اسمر


المغرب :

حبة فاكهة


العشا:

سيريال بران + كوب حليب خالي الدسم

أو فاكهة

أو 2 فاكهة + علبة زبادي لايت




نتيجه الاسبوع الخامس

-------------------------


مجموع النزول : --------------




وتابعوني بالاسبوع القادم