تجربتي مع د.طالب الشمري لعيون ^^بنت الكويت^^(رجيم)

[تفاخيه مبطوطه]

السلام عليكم ..

كيفكون بنوتات

حبيت أنقل لكم تجربتي مع طالب الشمري.. كنت أسمع عنه وايد وعن اللي يروحون له ويضعفووووووووووون بس لما شفت وحده من رفيجاتي ضعفت حوالي 25 وتغير شكلها ! قلت لا مايبيله بعد!!!

تشجعت ورحت له ..

فتح الملف ب 15 والزياره ب5 وساعات يعطي حبوب أعشاب إسمها isilax حسب الطلب يعني ممكن تقولين مابيها ! ب5

أول نظام عطاني إياه كان هذا ..

بعد الساعه 8 :

حبتين أعشاب + كوبين ماي (وتنطرين 10-20 دقيقه)

نسكافيه (3في واحد)


بعدها بما لا يقل عن ساعه (الغداء) :

حبتين أعشاب + كوبين ماي (وتنطرين 10-20 دقيقه)

صدر دجاج / جبن أبيض 1-2 / بيض مسلوق 1-2 / بطاطا مسلوقه 1
+ملعقه صلصه / مايونيز متوسطه
+خس-ورق ملفوف-بقدونس-خيار-جرجير-ليمون-خل
+دايت

أو

توست أسمر المدور 2 / شابوره 3
+1-2 ملعقة لبنه تركيه – جبن فيتا
+ خس – خيار – طماطم – زعتر
+دايت

العصر :

نفس وجبة الفطور

العشاء :

حبتين أعشاب + كوبين ماي (وتنطرين 10-20 دقيقه)

عكس الغداء ( يعني إذا كليتي الدجاج على الغدا إكلي السلطه بالجبن على العشا )

إسترميت على هالنظام إسبوعين

ونزلت عليه 5 كيلو كنت حدي سعيده والأرض مو شايلتني من الفرح

يتبع..

 

[تفاخيه مبطوطه]

مشاركة: تجربتي مع د.طالب الشمري لعيون ^^بنت الكويت^^

تالي دخل علينا رمضان .. وعطاني هالنظام ..

الإفطار :

3-5 تمرات
شاي +حليب / نسكافيه

حبتين أعشاب + كوبين ماي

4-6 قطع مشويات / 5-10 ملاعق أي شيء +لحمه أو دجاجه / أي نوع شوربه + 1-2 مقليات
+
سلطه
+
دايت

بعد التراويح :

حبتين أعشاب + كوبين ماي

شاي / نسكافيه
حلو 1-2 / مقليات 1-2


العشاء :

حبتين أعشاب + كوبين ماي

 برتقال 1-3 + (تفاحه خضراء/ فاكه أي نوع)

 جبن 1-2 / كوب ذره / كوب شمندر
+
سلطه
+
دايت

وضعفت عليه 3 مدته إسبوعين

يتبع

 

[تفاخيه مبطوطه]

مشاركة: تجربتي مع د.طالب الشمري لعيون ^^بنت الكويت^^

وثاني إسبوعين من رمضان كان هذا نظامي ..

الإفطار :

3-5 تمرات

حبتين أعشاب + كوبين ماي

صحن شوربة خضروات أي نوع/صدر دجاج/مقليات1-3 / 3-6 قطع (ربيان/تكا/شيش طاووق)
+
سلطه
+
دايت

شاي / قهوه

بعد التراويح :

حبتين أعشاب + كوبين ماي

شاي / نسكافيه / دايت
حلو 1-2 / ككاو 1


العشاء :

حبتين أعشاب + كوبين ماي

 برتقال 1-2 + (تفاحه خضراء/كيوي 1-2)

 شاي + حليب
توست2 / شابوره 2
ملعقة لبنه/ شريحة جبنه
خس+خيار+طماطم

وضعفت عليه 3 <--- زين مني بالعشر الأواخر

يتبع ...

 

[تفاخيه مبطوطه]

مشاركة: تجربتي مع د.طالب الشمري لعيون ^^بنت الكويت^^

تالي يانا العيد وطوفت الموعد وخربطت شوي بالطلعات والمطاعم

زدت طبعا

ولما رحت له عقب دفعني الهندي اللي بره (أمين) 5 !! لأني مطوفه موعد أحس قاص علي !!!

وعطاني هالنظام ..

الفطور :
نسكافيه + حليب

الغداء :

حبتين أعشاب + قلاصين ماي

إيدام + سلطه + دايت

العصر :

قطعة ككاو صغيره + نسكافيه بالحليب

العشاء :

حبتين أعشاب + قلاصين ماي

• 1-2 فاكهه + كوبين ماي
• سلطه باللبن + دات
• سلطه + بيضه مسلوقه + دايت
• فاكهه واحده بوملي + 2 قلاص ماي  تلقونها بالجمعيه
• كوب شوربه خضار + سلطه + دايت

وضعفت عليه 5 <-- رجعنا للخمسات وناسه

يتبع ..

 

[طوق البنفسج]

مشاركة: تجربتي مع د.طالب الشمري لعيون ^^بنت الكويت^^

قوه

تفتف مشالله الله يتمم عليج انشالله بس بليز عن سم كوسجنز

1- شكثر صارلج تراجعين عنده؟

2- شكثر نزلتي اذا مافي مانع؟

3- كل مره اتروحين تدفعين 5 ؟

4-الاعشاب موجوده بالصيدليه ولا لازم منه؟

و ميرسوووووووو بكووووووووو

 

[طوق البنفسج]

مشاركة: تجربتي مع د.طالب الشمري لعيون ^^بنت الكويت^^

اي وبعد سوال <<<<<<< ماتنعطى ويه

شسم احبوب الاعشاب وشتسوي؟

 

[ليالي نجد]

مشاركة: تجربتي مع د.طالب الشمري لعيون ^^بنت الكويت^^

صراحه نظامه دلع مو ريجيم

يونس فيه همبسه وايد اتحسين مو مقيده

شكلي باختار واحد بعد ماخلص ريجيم بنت الكويت اللي من طالب بعد والله هم حلو

بس بغيت اسال قطعة الكاكاو اي نوع والا المخصص للريجيم بس؟

 

[ليالي نجد]

مشاركة: تجربتي مع د.طالب الشمري لعيون ^^بنت الكويت^^

طوق البنفسج

تفاخيه كاتبه اسم لحبوب بالاول شوفيهم ( لقافه :d .........يمكن البنت لاهيه)

 

[jolie_q8]

مشاركة: تجربتي مع د.طالب الشمري لعيون ^^بنت الكويت^^

خوش رجيم

الحين جم وصلتي وياه ؟

 

[المرفأ~~]

مشاركة: تجربتي مع د.طالب الشمري لعيون ^^بنت الكويت^^

وعليكم السلام...

هلا وغلااا تفاخيه..
ماشاءالله لااله الا الله..
الله يتمم عليج..وتنزلين كل الوزن الزايد..

بالتوفيق

 

[تفاخيه مبطوطه]

مشاركة: تجربتي مع د.طالب الشمري لعيون ^^بنت الكويت^^

هوووووووووووووووووووب !!

بسم الله !! ماكملت الموضووووووووووووووع ! حاطه يتبع نطرو شوي

وبعدها رحت حق الدكتور وعطاني النظام اللي أنا ماشيه عليه الحين..


الفطور :

قهوه أي نوع

بعد الساعه 11:30

فرابتشينو  أنا طالبته بس ما أشربه كل يوووم !!

الغدا :

حبتين أعشاب + قلاصين ماي (تنطرين 10-20 دقيقه)

توست 2 / شابوره2
+
ملعقة جبن/لبنه
+
زيتون 3-7
+
سلطه خضراء/ تبوله
+
دايت

أو

بطاطا مسلوقه 1 /بيض 1-2 /جبن أبيض 1-2
+
ملعقة زيت متوسطه
+
طماط-بصل-فلفل أخضر-زهره-بروكلي-ورق ملفوف/ خس-خيار-جرجير-بقدونس-ورق ملفوف-ليمون-خل
+ دايت

العصر:

قهوه

العشاء:

حبتين أعشاب + قلاصين ماي ( تنطرين 10-20 دقيقه)

برتقال 1-2 / أفندي 1-2
أو
عكس الغداء

ولحد الحين ضاعفه حوالي 14 قولو ماشاء الله لا أروح فيها

وصار لي عنده من تاريخ 12/9 <--- كنت رايحة له من شهر 8 بس ماكان موجود كان ماخذ إجازه

الحين أقدر أقول يا هلا ويا مسهلا فيكم نورتو الموضوع

 

[المرفأ~~]

مشاركة: تجربتي مع د.طالب الشمري لعيون ^^بنت الكويت^^

ماشاءالله وصج العين حق ههههههههههههه
اقري على نفسج المعوذااات..بس تصدقين الخووف مو من بنااات النت
الخوف من الاوااادم اللي تتعاملين معاهم وجها لوجه ومايذكررووون الله
اذا شافوج متغيره...؟
>>وحده منغثه خخخخخخخخخخ خخخخخخخخخخخ

وماشاءالله ماشاءالله تبارك الرحمن..الله يوفقج ان شاءالله

 

[تفاخيه مبطوطه]

مشاركة: تجربتي مع د.طالب الشمري لعيون ^^بنت الكويت^^

هلا طوق نورتي الموضوع ..

1- شكثر صارلج تراجعين عنده؟

إنتو لو ناطرين جان عرفتي الجواب من 12/9

2- شكثر نزلتي اذا مافي مانع؟

14

3- كل مره اتروحين تدفعين 5 ؟

يس

4-الاعشاب موجوده بالصيدليه ولا لازم منه؟

يس

ليالي نجد :

روحيله بنفسج يدلعج أكثر ويحط لج اللي تبينه <-- تسوي دعايه ! ياليت لو في عموله عاد

والككاو باونتي ولا سنيكرز ولا تويكس الصغار عرفتيهم!

jolie_q8 :

إي والله خوش ريجيم

14

شمعة ليل اليأس :

مشكوره حياتي .. والفال حق كل رواد منتدى السمنه يارب

 

[تفاخيه مبطوطه]

مشاركة: تجربتي مع د.طالب الشمري لعيون ^^بنت الكويت^^

شمعة ليل اليأس : ويه إسمج يعت إشطوله!!

ومادري شدلعج! شماعه ولا شموع!! ولا شمعه نقي !

الخوف من الاوااادم اللي تتعاملين معاهم وجها لوجه ومايذكررووون الله

صاجه والله ! بس مع أذكار الصباح والمساء لو يبحلقون فيج من اليوم لي القرن الياي بتتمين رشيقه بحيل الله وقوته

 

[@ الرسامة @]

مشاركة: تجربتي مع د.طالب الشمري لعيون ^^بنت الكويت^^

ويه وييييييييييييه شهالكشخة


تستاهلين والله


بس حطي بالج لا تردينهم

جم صار وزنج الحين ؟

والاعشاب شلونها معاج ؟؟؟

 

[ليالي نجد]

مشاركة: تجربتي مع د.طالب الشمري لعيون ^^بنت الكويت^^

ماشاااااااااااااااااااااااااء الله وعساج دوم عالاراده والعزيمه

والريجمات طالعين فله صراااااااااااحه دلع دلع مو ريجيمي الحين حسره ذبحني اليوع حتى خدامتي كسرت خاطرها اتقول ماما بس هذا انت ياكل كل يوم ؟؟
مايبي برياني والا مجبوس هني الدمعه نقزة بعيوني وبغيت اقول اي بس رحت وطالعت لنفسي بالمنظره وقلت لالالالالالالالالالالالالالالالالالالالالالالالا

الله يصبرني بصراحه جهاد

مره ثانيه تفوخه مشكوره ويعطيج العافيه

 

[طوق البنفسج]

مشاركة: تجربتي مع د.طالب الشمري لعيون ^^بنت الكويت^^

تفاخيه يسلمووووو ماقصرتي

انا شريت زنكال و مو مستفيده منه كاهو باليراره ما صارلي مثل البنات يمكن من كل المرات الي كليتها مره وحده بس نزل دهن و الباجي ولا جني ماكله شي شكلي بجرب ايزي لاكس والله يسهل

 

[كويتية أمورة]

مشاركة: تجربتي مع د.طالب الشمري لعيون ^^بنت الكويت^^

الف الف الف مبروووووووووووووك على النزول عاد حافظي على جسمج لاتخربينه
والاعشاب هذي ماكو منها بالصيدلية؟

 

[q8engineera]

مشاركة: تجربتي مع د.طالب الشمري لعيون ^^بنت الكويت^^

انا شارية ايزيلاكس من الصيدلية والصيدلي قاللي انها عبارة عن الياف ملينه للبطن وتسد الشهية.....استخدمتها وماصارلي شي....يمكن يبيلها استمرار....تفاخية صج اهي سدت شهيتج؟؟ وهل لها تأثير على نزول الوزن؟؟

 

[تفاخيه مبطوطه]

مشاركة: تجربتي مع د.طالب الشمري لعيون ^^بنت الكويت^^

@ الرسامة @ :

شفتي شلون .. لا إن شاء الله ما أردهم إذا محد صكني عين بسم الله علي

وبالنسبه لوزني أنا قلت من قبل !! 48.2 <--- وكل هالريجيم عشان ال.2 اللي معذبني



والأعشاب ماشي حالها معاي

ليالي نجد :

يااااااااااااااكره الخدم لي تسلطوووووووووووو

أنا أيام الثانوي سويت ريجيم وضعفت 25 وكنت مانعه عن نفسي عن الشكر بالحليب .. قومي يا خدامتنا وييباي لي الشكر بالصينيه مع الحليب!! تصدقين من ذاك اليوم إخترب الريجيم عاد <-- إتعلث بالخدامه

ومن يشوفونج ضاعفه قامو يتفننون ماتبين جذي وماتبين جذاك ثول

مالج شغل فيها محتره لا تعطينها ويه


طوق البنفسج :

حتى أنا جربت زينيكال .. هذي ماتستخدمينها إلا لما تاكلين وجبه دسسسسسمه عشان تنزل الدهن !

بس لما تاكلينها مع معجنات مثلاً ولا عيش ! مافي دهن تنزله !!

خلي الزينيكال حق اليوم اللي تاخذين فيه وجبة راحه يعني مثلاً غدا الخميس إكلي وراه حبة زينيكال وبسسسس لي الإسبوع الياي لا تكثرين منها مو زيييييييين..


كويتية أمورة :

الله يبارك بعمرج تسلمين..

إمبلا أنا شريتها مره من الصيدليه وراح تكون ب 5.300


om jassim:

إي والله تحسين إنها تشبعج بسرعه .. وقالي الدكتور إنها تاخذ الدهن والسكريات اللي بالوجبه وتنزلهم بدون ماياخذهم الجسم ..

وأكيد لها تأثير على النزول لأنه كانت وحده يايه حق الدكتور مخربطه لين قالت بس .. وكانت تاكل الحبوب قبل لا تخربط <--- عندها ضمير وضعفت كيلوين بإسبوعين !! على كلام الدكتور

مشكوووووووريييييييين كلكم على المرور .. عاد قولولي إذا بتجربون !!