تجربه كل عضوه في الليزر فقط ( المشاركه في التجربه و ليس الاستفسار )

[shai6onah]

قوه بنات

انا جربت بس مو بالكويت بره

الصراحه الي خلاني اجرب اهو منطقه فوق الشفايف يعني الشارب صارت غامجه وصرت كرهت نفسي ... لانه الشعر كان يطلع بسرعه ويأذي وانا ما خليت يا خيط لا مكينه ولا شي بالاخير قلت بشيل بموس وبعدين ليزر... والله بنات ما ابالغ من اول مره جربته بعد يومين شلت بموس وحسيت الشعر ما يطلع وفتحت المنطقه تخيلو بالاسبوعين مره اشيل بموس بعد وما يطلع كل مكان بس شويه جم شعره يبيلهم شي بنات انصحكم وخاصه الي ايدها وريلها متروسه مسام...

هالشي لاحظته ببنت مشعره شطل فظييع والشعره متينه بريولها وطوووووواااال وبيضه اهي اخر مره شفتها الريل زبده ما شاء الله وماكو اثار مسام ولا شي يعني لو تشوفون ريلها مستحيل تقولون هذي يوم من الايام كانت مشعره وحتى يفتح الجسم ويمدحونه لمنطقه الباط وسلامتكم

 

[amoOoNA Al_mazyoNa]

انا سويت عند الصايغ كلينيك اللي بفيحيل لوووووووووووووووووووووعة والله يابنات سويت 9 او 10 جلسات والشعر يطلع أكثر من اللي قبله واذا بشتكي عند الدكتورة او الدكتور بفلوس ب20 دينار لأن اللي يسوون الليزر دكاترة الليزر واذا بشتكي بروح حق صاحبة الكلينك د.قنال الصايغ ياخذون منج 20دينار ليش مااادري أقصاها شكوى باختصار حرااااااااامية وشغلهم نصب بنصب، انا مانكر انهم حق البشرة موزينين لا بالعكس زينين بس الليزر لألألألألألألألألألألألألألألألألألألألألألألألألألألألألألألألألألألألألألألألألأ

 

[الرهف]

السلام عليكم ورحمة الله وبركاته

حبيباتي ، صراحة كنت متخوفه من الليزر بس يوم إني تجرأت توكلت على الله وبعد مراسلات مع بنات المنتدى صراحة ما قصروا معاي بإبداء آرائهم وعن المكان إلي سووا فيه ، رحت وسويت ريولي ب70 دينار بس انا دخلت على الدكتوره ب15 دينار يعني الكامل (85)عند الدكتورة منى الفارس وصراحة هذا الكلام من 26/11/2008 ورحت امس علشان اكمل معاها تعرفون اعليميه ما اعرف ، قالت لي حرام تسوين شئ الحين لان ريولي للحين منابت الشعر ما طلعت كلها ( والله وناسه لاني صراحة قبل كنت لازم كل اسبوعين اشيل بشيرة ولله الحمد انطر اسوي الجلسه الثانية .
بس امس يوم قالت لي جذيه ، صراحة ما حبيت ارجع وانا ما سويت شئ سويت منطقة الشارب ب10، ومنطقة الابط ب20
والبقية تأتي

 

[النية الصافية]

سويت عند طلال العلي الجلسة ب15 دينار بس للشارب
وبعدهاكملت عند عيادة يوسف بو عباس بالسالمية عنده جهاز الجلسة 15 دينار اول مره وثاني مره لمنطقة فقط الشارب
وثاني مرة وثالث مرة ب 10 وبعدها كله ب5 دنانير

 

[مذهــلــه]

mariam k

صدقتي حبيبتي وأنا بعد جربتهم حليمة ومنال بس اللي جربت شغلها زينب ماشاء الله أخلاق واخلااااااااااص وبالها طويل والله وتقدم النصيحة وماتسوي شي تحس انه ماينفع ماشاء الله عليها

انصح البنات يجربونها اسمه اللمسة الحريرة بادارة حليمة واللي تسوي زينب فديتها ^_^

واسعارهم واااااااايد زينة

 

[غلاهم^كلهم]

موضوع حلو ..


انا بصراحه جربت عند مستوصف الديرة واايد حلو وصج صج بدون مبالغه
ماحسيت بأي اثار او عوار وللحين خاف ماطلع لحد الحين الحمدلله حديييي مستانسه منه ..
مو بس انا واختي بعد وبنات عمتي ..

تحياتي لكم : غلاهم كلهم

العفو حبوبه ..
والله حبوبه انا لحد الحين ماجربت ويهي ماسويت ..
بس اختي سوت اختي وايد في شعر بويها وحتى لماتحف يحمر حي لويحبب واذا سوت بالشمع
يصير ويها مثل المحترق ..
ربت سوت والحمدلله الحين تمدحه تقول وااايد خف مو مثل قبل ..
شوفي اهو ماعنده سعر معين بضبط دكتوره تحددمن 40 بس اختي كان ماشلله فيها وايد قالت راح
بس خذت قالت لها بحسبه لج ب35 ولا عطوها خصم لانه مسوين عروض حتى كان عندها كلف
شوي شالته لها مجانا .. ماحسبته لها ...
واهم يسون عروض بين فتره وفترة والحين عندهم روحي لاتتميهلين اذا حابه ..

تحياتي لج :
غلاهم كلهم

العفو حبوبه ..
شوفي انا سويت ايدي كامله 50 والملف مجانا معانا ايدي تحتاج اكثر بس خذو من 50 ..
الي سويته بالديره - مرقاب - شارع الشهداء - مقابل دوار المسجد - مركز الصالح - ميزانين (مستوصف الديره )
والله هذا الي انا اعرفه ومسويه فيه انا واختي وبنات عمتي .. ونتايجه ونظيف ..

مادري انتي وين ساكته بضبط .. اهو بمحافظة العاصمه وهذا الرقم اذا حابه تسألين 22425911-99770923

 

[lolo5000]

الصراحه بنات انا جربت الليزر في مستشفي لندن بس الجهاز مالهم نتيجته بطيئه عكس ياكو ابولو عشان جذيه الواحد يسوي في مكان سنع ومجرب احسن

بنات نسيت اقولكم الليزر بالمنطقه الحساسه فظيع اتصير بيبي انا كنت متردده بالبدايه بس بنات الدوام شجعوني وسويته شي مو طبيعي

 

[فن وابداع]

الموضوع وايد:aha: حلو وبالنسبة لى تونى امسوية اول جلسة فى الصايغ كلينك وبالنسبة لى النتيجة وايد حلوة صالى شهر ونص ما طلع الشعر:aha::aha::aha::aha:

 

[moony77]

اشلونكم بنات
انا اليوم سويت ويهي ورقبتي واباطي في المركز البريطاني الطبي في المنقف صراحه ما يعور عادي وشغلهم روعه بس باقي انشوف الشعر راح يطول ولا علطول بيطلع وعطوني موعد ثاني جلسه 24 / 2 بعد ما انهي شعر ويهي واباطي ورقبتي ناويه على باقي جسمي انشالله انصحكم اتسوونه وطبعا في المركز هذا اللي سوتلي بلغارية وتشرف عليها الدكتوره رفيده ويهي ورقبتي 45 بس ثابت ما يقل واباطي 25 وفتح الملف 15 طبعا اول مره

لولو وين سويتيه وبجم

 

[GAP^^الكبيرة]

واااي مشكوورين مشكووورين على هالموضوع
انا كنت مجربه بطيبه ليزر بويهي وحسيت ماكو فرق... وحابه اجرب بمكان ثاني لان الليزر عند طيبه فاشل فاشل فاشل

 

[لازوردي]

السلام عليكم


انا جربت رويال حياة حق منطقة البيكيني بس قالوا لي لما دقيت عليهم 37 دينار و لما رحت لهم قالوا تبين المنطقه كامل يختلف السعر 37 دينار نص و اذا كامل 60 عاد قلت لهم كامل .... مادري انا على بالي 37 كامل للمنطقه مو نص ياريت اللي سووا يفيدوني اهو سعرهم جذي و لا يمكن غلطانين لأنه بالتليفون ماقالوا لي اذا كامل ولا نص بس قالوا لي 37 منطقة البكيني و لما رحت لهم كلامهم تغير ... ؟

ياريت اللي سووا عند رويال حياة يفيدوني اذا شافوا نتايج حلوه بشغلهم ؟

.... و بخصوص الجهاز و الله ماعورني حتى قالت لي اللي اتشيل لا اتحطين مخدر جربي اول مره بدون مخدر و اذا حسيتي بعوار المره اليايه استخدمي المخدر و ليلحين من سويت الجلسه صار لي اسبوع يعني يبيلي يومين اتبين النتايج انشالله ​

 

[كابتشينو1988]

والله يابنات على راي اختنا betty bob انا صاريلي سنين عند ايديتا الارمينية والله شغلها وايد حلو وخفيف ومن دون عوار والاسعار رخيصة وتهبل وانصح كل وحدة تجرب لان بعمرها ما راح تندم على شغلها
والي يبيها يدقلها على هالرقم
هذا رقمها الخاص
66015220
واضمن انكم ماراح تندمون ولمن تتصلوا راح تقلوكم وين تشتغل والاسعار مالتها
وانا الحين اسوي ريلي الاتنين وهذي جلساتي الاخيرة
معاها تاخذي مني 80 دينار والمهم اني الاقي نتيجة بدون عوار ولا حرقان
وحتى الشعر الاقي يخف
وبعد هذا يبقى خياركم
لان المهم نتيجة حلوة بالاخير

 

[SuGaR-LiPs]

انا سويت ليزر حق ويهي عند ( طيبه كلنك ) والله زاد الشعر اللي بويهي وطلعلي شعر باماكن ما كان يطلع لي فيها شعر من قبل :/

على كثر ما مدحوها ما شفت ولا شي من اللي قالوه ..

مواعيدهم حدها تلوع الجبد والله ماتسوى علي اروح انطر 6 ساعات يالله ايي دوري !!

كلش ماكو نظام واللي بالرسبشن حدهم نفسيه جنا يايين نطر منهم :/

انا وخواتي سوينا عند طيبه وحده منا سوت حق المنطقه الحساسه ومافرق معاها شي .. وانا واختي سوينا حق ويهنا وزاد الشعر ويطلع خشن بعد !! انصدمت لما شفتهم يشيلون بمكينه حلاقه نفس مالت الرياييل !! ..

سويت عندهم فوق الـ 6 جلسات وعالفاااااضي .. خربو ويهي :eh_s(14):

الحمدلله الحين ويهي رد اوكي وبروح اجرب عند هناء العدساني .. عجبتني طريقتها انها ما تشيل بمكينه ..

سويت استخاره وطلعت وايد زينه .. بعد مو ناقصه يخربون ويهي مره ثانيه :/ ​

 

[توته البتوته]

هاي بنات انا سويت ليزر عند طيبه كلينك بس قبل لااسوي شافتني الدكتوره وقالت مايحتاج اتسوين حق ويهج الا علي كلامها شعري خفيف وبر بس احس انه مخرب علي بس قالت لالا لاتسوينه حرام راح يزيد يطلع مثل اللحيه فسويت ايدي نص وريولي نص وباطي وبكيني الحمدالله والله كل شي تمام بين معي من اول جلسه من اول جلسه قعت 2 يله طلع الشعر وبعد خفيف والبكيني اكثر من جلسه سويت تقريبن 4 بس المنطقه الي فوق ميطلع فيها شعر بس من تحت يطلع بس خف مونفس قبل واسعارهم حلو بس زحمه عندهم:balo:​

 

[مش رش]

السلام عليكم بنات انا عن تجربتي وانصحكم فيها عياده المشاري --والله قبل رجولي لما امدها شعري اكثر من شعر رجول اخوي هههههه- امي تقول لي من طالعه عليه انتي ؟؟كنت مشعره . والحين ولله الحمد صارلي ثلاث جلسات مع عياده المشاري مسويه نص رجولي 95 دينار بس والله رجولي ناعمه ماقام يطلع الشعر اااخر جلسه كانت قبل 3شهور وللحين شعر مافيه للاابد انشالله وناويه اسوي الابط عندهم هالاسبوع ولا افكر بعياده ثانيه كلششش وراح اكمل جسمي كله انشالله عندهم وانصحكم بنات كلكم نصيحه لله وشكرااا

ايه صج على فكره مايرضون يسووون الرجول كلها يقول المشاري انه سال عنها الفخوذ عورة حررام مايسوي بس نص الرجول.؟ بس اكيد مو حلو منظر انه الساق نظيف وناعم والفخذ كله شعر - عفيه بنات وين تنصحوووني اسوي فخوذي بس ؟؟؟؟:e3::lololoe:

 

[عود مبخر]

انا عن تجربة مع فيصل التخصصي الي في ابراج الكاظمي .. سويت جسمي كله " ريولي + ويهي + بكيني + الابط + ويهي + ايدي " بس على جلسات متفرقة .. واااااااااااااااااااايد فرق علي الحين صارلي اكثر من شهرين ما سويت ريولي وما طلع شي لحد الحين الا وبر خفيف في بعض الاماكن بس اضطريت اروح عشان لا تقوى البصيلة

ويا حلو الدكتورة اللبنانية اسمها ليدا واادي محترمة ومريحة ولمنطقة البكيني ما تكشفج ... تغطيج بشاش و شرشف وكل منطقة تسويها وترجع تغطيها .. و مع المخدر ما احس في ولا شي بس لازم قبلها بساعة اكون حاطته في البيت لحد ما ينشف واروح موعدي

بخصوص الاسعار انا اشوفها معقوله مقارنه مع شغلهم النظيف وترتيب المواعيد كل جلسة ينزل السعر الى ان يثبت على سعر معين

 

[ام الوردة]

يمدحون طيبة كلينك .. مدرسات عندنا كذا وحده مسوية ..البكيني وتقول عجيب بس الزحمة اهو العيب عندهم

وخالتي تمدح بوشهري كلينك مسويه حق ويهها ...

 

[مهاوي_4]

انا خالتي مسوية عن المشاااااااااااااري قبل عرسها

والله وجهها احترق

احس صوب خدودها وزلفها نقط سووود وحفرر

والله صارت ماتستغني عن كريم الاساس حتى بالبيت

 

[frfr]

انا بعد ما قريت هل صفحات قررت اني اسوي عند طيبه كلينك وفي وحده جزاها الله خير كاتبه اهني انها ترووح الصبح مع طلعت المدارس وهذا الي سويته رحت عند طيبه كلينك على 7 ونص واخذت رقم ودشيت سويت ايدي كلها مع الاندر ارمز و ريلي كلها وخلصت بال 11

من اول جلسه حسيت بالفرق يعني قعدت شهرين يالله طلع شعر وشعر خفيف بعد وبعدها سويت الجلسه الثانيه والحين صارلي شهر تقريبا من الجلسه الثانيه وما طلع لي شعر واحس انه بشرتي صارت ناعمه وسمعت منكم انه ما راح يبين عدل الا من بعد الجلسه الرابعه وان شاء الله اقدر التزم واكمل وما اطقها حمله :tomato2:

بنسبه لرايي لطيبه كلينك احسهم خووش عياده منظمه وعارفين شنو يسون اول جلسه ما حسيت اب اي عوار بس ثاني جلسه شوي حسيت اب عوار وقلت حق الممرضه حاولت تخفف شوي من الليزر بس عموماا عياده زينه وانصح فيها

 

[layaaly]

انا سويت عند مركز الخليج عند دكتوره هنديه فظيعه وصارلى سنتين معاها وسويت وجهى والابط والمنطقه الحساسه بس شغل عدل

انا سويت ليزر فى مركز الخليج عند دكتوره هنديه على وجهى والابط والمنطقه الحساسه من سنتين بس فظيعه وللحين مستمره