تجربه كل عضوه في الليزر فقط ( المشاركه في التجربه و ليس الاستفسار )

[jomana]

رد: استفسارات الليزر لازاله الشعر الزائد ( تم دمج المواضيع )

انا سويت ليزر حق جسمي كله.. والله صج يفرق كفايه انج تفتكين من الشيره والشعر الي يوهق لا ينشال ولا ينخش..ههههه
والله الاندر ام اكثر منطقه استجابت من اول جلسه ماكو شي خيف ومن ثالث جلسه يختفي.. وبالنسبه للعيادات ترى الحين صار ماكو فرق يعني اذا الجهاز يديد بارد يختلف بس السعر.. اقترح الي ادري مجربينهم رفيجاتي واهلي ويمدحونهم..

عياده بوحمره,, ياكو ابولو(شغلهم ممتاز ورخيص),, المشاري,, البراء,, مركز الخليج,, طلال العلي.. منى الفارس.. دلال التركيت..

وارقاهم تلقونهم عند البداله.. دقوا وسالو عن الاسعار..هههه

وترى معلومه اليزر مافي اي اثار جانبيه وحتى كل الدكاتره مسوين هو ماله شغل بالسرطان الله يكفينا الشر ولا باي شي ثاني.. لان هو ضوء مو اشعاع.. مداه مايتعدى بصيله الشعر يشتغل عليها عشان يضعفها وبس..
بصراحه هو شي واايد مفيد.. كفايه شعور النظافه على طول

 

[MiiMii Ruwaished]

انا مسويه شواربي ليزر عند المركز البريطاني اللي بالمنقف وايد حلو

 

[مذهــلــه]

رد: لكل البنات اللي سووا ليزر .. (الدخوول إجباااااري)

أنا مسوية عند عيادة الدكتور يوسف بوعباس وااايد زينين والله واسعارهم حلوة

طيبة كلينك وايد ناس يمدحونها

بس يعتمد على لون البشرة ونوع الشعر اذا بالاساس خفيف او سميك تختلف الاستجابة لليزر

ويعطيكم الف عافية يابناااااااااااات

 

[amesterdamh]

رد: لكل البنات اللي سووا ليزر .. (الدخوول إجباااااري)

قوه بنات حبيت انقل تجربتي احسن العيادات عن تجربة سنين
دكتور اشرف بمستشفى السلام
ودكتور محمد باوباجي
وعيادة الفيصل بمجمع شاكر الكاظمي
وياكو ابولو احرقوني انا وبنات اعرفهم
وسلامتكم

 

[joodi]

رد: لكل البنات اللي سووا ليزر .. (الدخوول إجباااااري)

انا اسوي عند الفيصل كلينك توني جلستين وخف شعر ريلي

 

[وردة بيتنا]

رفيجتي مسوية في عيادة د. عادل قطينة

اللي مسوية لها اخصائية اسمها ايمان

وايد شغلها نظيف و روعة . ما شاء الله . الحمد لله

 

[الدبة2]

انل مسوية الاسبوع اللى طاف عند ياكو ابللو بس شالوا بالموس اول .واسعارهم رخيصة

 

[شهووده]

أنا مسويه عند كير كلينك ..

منطقة الشوارب والحنج + الابط

للحين النتايج وايد زينه الحمدلله وخاصة بمنطقة الابط ..


والعياده أسعارها زينه وتعاملهم حلوو ومواعيدهم عالرااحه ..

 

[donat]

رد: لكل البنات اللي سووا ليزر .. (الدخوول إجباااااري)

انا مسوية عند معروف و الصراحة عجيب شغلهم
سويت ويهي و ايدي و الاباط و البكيني كامل و الصراحة النتيجة خيال اكثر مما كنت متوقعه
اللي سوت لي الرومانية ما اعرف اسمها بس نصيحة روحي لهم الضحى يعني الساعه 10 او 11 تكون العيادة فاضية و تسويلج بضمير لان ما يكون وراج زبونة تنطر

 

[HERMITAGE]

بنات منو تبرع لنا وتسويلنا قائمة اسعار العيادات مع مقارنه

 

[مثل الشي]

شكرا على الموضوع الحلووووووو ابي اعرف رقم الدكتوره قنال الصايغ اومكانها ووين وشكرا

 

[العاذرية]

الصراحه انا سويت ويهي عند الدكتوره رفيده بالمركز البريطاني بالمنقف روووووووووووووووووووووعه واكثر من رووووووووووووعه
والله ست جلسات وماصرت اشوف زلوفي والسكسوكه خخخخخخخخخخخخخخخ

نعومه وصفاء انووووووووووووثه قبل متأذيه من الخيط عذاب ويحبب ويهي الحين مرتاحه جدا جدا


قبل اسعارهم 50 او 45


اما الحين السعر موحد للويه 35 وباجي مناطق الجسم ماعرف اسعارها

 

[سيد أحساسي]

يعطيكم العافيه خواتي

انا سويت ليزر حق ويهي كامل وحتى حواجبي بس من فوق الحاجب
وكان عند الانصاري كلنك طبعا اول مره دفعت 55 فتح ملف واول جلسه وكل مره يقل السعر خمس دنانير
بس استفدت وايد والحين ما احف كلش
وجربت ريولي وايدي ولمناطق الحساسه بس خذو منو مبالغ كبيره وبصراحه وايد مرتاحه ومسكين زوجي بقولي انتي مو مشعره كلش ياريت كل الحريم مثلج
:eh_s(6):

 

[MEESK]

السلام عليكم

الصراحه انا جربت بس عند الغرشوب وحبيت افيدكم اهو نفسه ابعد من الجمال سابقا

شغل حلو وبنات كويتيات وكل اهلي عنده

واسعار روعه ارخص مكان لي حد الحين شفته من اسعار البنات

ومكانهم الفروانيه

 

[عمشه المنتفشه]

رد: استفسارات الليزر لازاله الشعر الزائد ( تم دمج المواضيع )

بنات اليوم سويت عند ياكو ابولو صراحه رووووووووووعه انصحكم فيه

انا سويت من قبل جلستين للساق والفخذ وجلسة ايد عند هيلث كير كان اوكي

بس عقب ماجربت ياكو حسيت بفرق عجييييييييييييييب

اولا السعر :

هيلث كير الساق والفخذ ب 140 اول جلسه وبعدها ينقص 10
والايد 60 وبعدها ينقص 5

وياكو ابولو الساق والفخذ ب70 يعني نص السعر
والايد ب 45

وثاني شي الشغل

بهيلث كير دكتوره سوتلي كانت تحط الليزر على بقعه وتشيل الجهاز تحطه على بقعه يمها

اما بياكو سوتلي سستر فلبينيه يعني مودكتوره صراحه روعه تمشي الجهاز على الجسم يعني مستحيل تنسا مكان ماتسويه

وحتى خط البكيني سوته يعتبر من الفخذ امو بهيلث كير مايوصلوله كلش

وحتى الايد هناك يوصلن بس حق الجتف وين الابره عرفتوها؟؟؟ هني حدهم

اما بياكو لا والله تهبل الكتف كله

انصحكم فيه والله حلو شغلهم وبضمير واسعاره وااااااااااااايد تفرق عن غيره

 

[فلانه_الفلاني]

السلام عليكم يا احلا كويتيات ,,

بالنسبه لتجربتي لليزر , انا أسوي بطيبة كلينك صارلي 6 شهور تقريبا , بلشت بمنطقة البكيني وصج صج رااااحه ما بعدها راحه وفرق علي وااايد , اليوم رحت لهم طبعا كالعاده بدون موعد , أروح لهم الصبح مبجر حيل أول ما أوصل عيالي المدرسه , ماااكو ناس كلللش يمكن جدامج 1 أو 2 أو 3 بالكثير , انا توقعت ان كل شغلي يسوونه مره وحده , طلع لا , قالتلي شي شي يسوونه , عاد انا قلت أبلش بالصعب وبلشت بالبكيني , وقالتلي اذا في مجال لمن تطلعين أعطيج رقم وتكملين , خلصت وطلعت واشوا ماكو زحمه , عطتني رقم ودشيت على طول سوولي ريلي , طبعا انا انصدمت لأن قام يعورني أكثر من البكيني !!!!!!! سألت السستر اللي تسويلي وقالتلي اي هذا جهاز غير اللي نسوي فيه البكيني والويه , علشان جذي شوي يلسع ويحرررق واااو , طبعا سوتلي نص الريل لي الركبه بس , وهمن طلعت وقصيت رقم ثالث وكملت فخوذي لوووووووول , ما طلعت من عندهم الا الساعه 11 ( ولاده حشا مو ليزر ) :dddds:
وهذي اسعارهم
البكيني 40 ( البدايه 50 وعقب جلستين ينزل السعر )
الريل لي الركبه 60
باجي الريل الفخذ 90

طبعا فكرت الشهر الياي أروح ياكو أبوللو حق ريلي بس لأن وايد أرخص على كلام البنات الريل كامله 70
هذا كل ما في جعبتي لوووووووول واللي عندها أي استفسار حاااضر​

 

[ريماا]

انا سويت بدار البراء حلو صج يعور اشوى بس شى طبيعى
اسعارهم متقاربة للمراكز الثانية
سويت للاندر ارم وخف واااااااااااايد الشعر صار خفيييييف من اول جلسة
وسويت الشارب واشوى اشوى ابدى بالمناطق الثانية بس صج نظاااااااااااافة وانوثة

 

[ام حسوني]

انا بصراحه جربت الفيصل التخصصي بالشعب البحري

واايد مناسب و الويه اول مره 65 و ثاني مره 55

وكل مره ينزل السعر و انا سامعه حق منطقة البكيني احسن مكان في مستشفى رويال حياه

 

[Love \ Hate]

شلونكم بنات ؟؟

انا تووني امس بادية لييييييزر .. واخيرا لووول

كل مرره أأجل ؟؟ واخاف .. والحين توكلت على الله .. سويت بكيني وسويت ايدي اندر آرم .. بكير كلينك !!

والدكتوره اللي سوتلي عجييييبه وحليييييييوه والمكان هادي ونظيف وتخيلو من كثر ماايدها خفيفه خلصت بالظبط ب 15 دقيقة المكانين

وماعورني وايد يعني زين يلسع شوي .. بس مادري تتوقعون راح يصير في نتيجه ؟؟ مادري مااثق الا لما اشوف النتيجه ؟؟

وانا ياحظي قلت حق ريلي بسوي ليزر لووول لو ساكته جان صرت نفس الاخت اللي تقول ريلها يقولها انها م مشعره

 

[ريمااس]

انا سويته بس مو بالكويت بالسعوديه ثلاث جلسات من خمس اسنين ولله الحمد للحين ماطلع ولا راح يطلع ان شاءالله