تجمع أولياء أمور مدرسة التكامل(صباح السالم)للعام الدراسي2009-2010

[شانيل نمبر 5]

في احد يعرف مدرسه او مدرس من مدرسه التكامل تعطي دورس خصوصيه بالبيت ضروري ابيه؟؟

 

[عزيزتى]

مشكورة وما قضرتي
والله يعطيج العافية

 

[МίSs StyLe]

مساء الخير ..

عزيزاتي .. بغيت اسأل عن مدرسة التكامل .. لاني قاعدة ادور حق ولدي مدرسة ..

ولدي بيروح كي جي 1 ..

شنو مميزاتها ؟ و شنو عيوبها ؟

و متى التسجيل ؟

وشكرا ​

 

[Miss_Tiger79]

التسجيل اول شهر 3

شخباركم بنات

باااااااااك

 

[manarah]

ولكم باااك مس تايقر .. شخبارج انشالله بخير واشلون اليهال وعسى استانستوا بالسفره

 

[Miss_Tiger79]

مناره

هلا والله حبيبتي
اي والله توني امس واصله وشبكت أسأل عنكم
الحمدلله اليهال استانسو بالسفر مساكين كانو يبون الثلج و السنو ورحناله ومالقينا شي
بس جدمنا سفرتنا لان كانت بنتي بالكويت فما قدرت أطول

انتي شخبارج
وشلون العطله معاج
شلون اليهال انشالله بخير

 

[manarah]

واحنا الحمدلله بخير واليهال طالما ماكو دراسه اكيد مستانسين والعطله جنها خلصت بسرعه .

 

[Baby^Bop]

كل عام وانتوا واعيالكم بخييير

 

[كويتيه ذربه]

كل عام وانتوا بخير
ورجعنا حق مشوار الدراسه

 

[رفرف]

شلونكم امهات ؟؟؟

ولكم باك يالله صحصحو ردينا للدراسة والشقا .. العطلة حددددها خلصت مبجر ..

اليوم يا صبااااح خير .. وديت صبوية المدرسة وانا هناك بطلت الجنطة مالقيت فولدر العربي طبعا احنا طول العطلة ما طلينا بالجنطة بس غسلناها وردينا الفولدرات .. وامس بطلنا الريدينغ بس ..
عاد بنتي حاشتها هيستيريا وبتبجي وماما بليييز بليييييز ردي البيت ييبي الفولدر .. عورت قلبي وحسيت انها غلطتي ..
واستأذنت من دوامي .. ورديت الاحمدي .. وماكو فولدر ..
شكلها الابلة ماخذته وتعنيت ع الفاضي ..
الحين برد الدوام

 

[نواره الحلوة]

شخباركم يا أمهات بعد العطلة الحمدالله قضت على خير واستانسنا فيها ورجعنا للشقا مرة ثانية عسى الله يعينا ان شاء الله

 

[كوكو لاتي]

هاي بنات


شلون الكي جي 1 اليوم انا ما وديت ولدي لان مسخن حده مسكسن بس ياريت تقولولي شنو عطوهم اليوم ؟؟؟؟

 

[كويتيه ذربه]

كوكو مايشوف شر ولدج انشاءالله

 

[كويتيه ذربه]

اشلووونكم

بديتوا واجبات ودراسه

 

[كوكو لاتي]

كوكو مايشوف شر ولدج انشاءالله

الشر ماييج حبيبتي كويتيه

 

[رفرف]

كوكو ..
سلامات ما يشوف شر وليدج

ذربة
اييييه بدينا .. مادري ليش اليوم وايد طولت مادري الواجب وايد .. المهم ما خلصنا الا حزة النوم وعليه ..
ما لعبت ولاااا شي ولا ارتاحت الا وقت الغدا والعشا وانا خليتها شوي قبل الغدا تلعب بالحديقة قلت ادري لي فتحنا الجنطة محنا خالصين خل تستمتع شوية

 

[كويتيه ذربه]

احنا اليوم معاناة مع الواجبات طولت وااايد
بدينا 3 وخلصنا 7ونص
حتى ما حفظتها الاسلاميه
ونامت على الدفتر
وقالت باجر لازم اخلص بسرعه ابي العب

بس تقول ابله العربي قالت لبسوا بس البنات على علم قلت لها متى؟ قالت ماادري بس سمعت تقول لبسوا
اتا اتوقع قالت نهايه الاسبوع الياي بس بنتي تسمع اللي يعجبها وماتركز على الباجي من فرحتها تدور المناسبات

 

[Miss_Tiger79]

شخاركم بنات

والواجبات صايرين جنه من زمان مو كاتبين واجبات

سجلتو عيالكم .... ترى بدى التسجيل

 

[ام حسون وفطومه]

كل عام وانتو بخير وعيالكم الحلوييين بخير
رجعنا حق الدوااام والمدرسة انا بنتي بالقصب نامت بس اشوه الصبح قامت

مايشوف شر ولدج كوكو انا بنتي تقول ما خذينه شي والورقة اللي عطوهم مالت الاسبوع العربي حرف خ والانجليزي f -h واعتقد مراجعة للاسبوع الاخير اللي قبل الاجازة لانه حتى القران سورة الناس ....
سجلتو عيالكم للسنة الياية انا مارحت؟؟؟ عادي

 

[manarah]

شخباركم بنات انشالله بخير ...
احنا الواجب بعد العطله يكون جنه اول مره بحياتنا يمر علينا هووم وورك !! نعاني منه بصراحه لان لازم نتسدح وايدنا تعورنا ونبي نلعب وكل شي ... والقصه على ما خلصناها الا انا وياه راسنا يعورنا اشطووولها .. الله يعينا .

ما سجلت اعيالي بس انشالله هاليومين .