((تجمع الحوامل الي يعانون من السكر ))

[.:lady bug :.]

رد : ليش ماكو تجمع حق الحلوات السكريات ((الحوامل الي يعانون من السكر )) ؟؟

الله يسهل عليج يارب
طمنينا عليج

 

[جويـريه]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

لله يشافيكم ويسهل عليكم


بغيت اسالكم اقدر استخدم محلى صناعي وانا حامل مثل سبلندا وغيره شنو احسن نوع للحمل ؟؟

 

[التوليب]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

اشلونكم حبيباتي عساكم بخير واشلون السكر معاكم ؟؟؟دعواتكم معاي الثلاثاء دخولي ربي يسهل على الكل

 

[ام ماجده]

رد : ليش ماكو تجمع حق الحلوات السكريات ((الحوامل الي يعانون من السكر )) ؟؟

السلام عليكم .....

انا باواخر الثامن والسكر لاعب فيني لعب الله يعين .

وايد خايفه من الولاده وهذا اول بيبي حقي الدكاتره يخرعوني وغير نفسيتي بفتره الحمل كنت كل ابجي وحيل حساسه اخاف البيبي يطلع فيه شي واايد احاتي هالشي ادعولي يابنات

 

[ام ماجده]

رد : رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

اشلونكم حبيباتي عساكم بخير واشلون السكر معاكم ؟؟؟دعواتكم معاي الثلاثاء دخولي ربي يسهل على الكل

الله يسهل عليج يارب

 

[حرم بدر]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

الله يسهل عليكم جميعا


والله انا قمت اكل وخليتها على الله


توليب الله يسهل عليج حبيبتى

 

[التوليب]

رد: رد : ليش ماكو تجمع حق الحلوات السكريات ((الحوامل الي يعانون من السكر )) ؟؟

السلام عليكم .....

انا باواخر الثامن والسكر لاعب فيني لعب الله يعين .

وايد خايفه من الولاده وهذا اول بيبي حقي الدكاتره يخرعوني وغير نفسيتي بفتره الحمل كنت كل ابجي وحيل حساسه اخاف البيبي يطلع فيه شي واايد احاتي هالشي ادعولي يابنات

هلا وغلا حبيبه قلبي عسى الله يسهل عليج وعلينا لا تحاتين كل شي بيد الله سبحانه وعليج بالدعاء ياقلبي انتي حميه ولا ابر اسم الله عليج ؟

 

[ام ماجده]

رد : رد: رد : ليش ماكو تجمع حق الحلوات السكريات ((الحوامل الي يعانون من السكر )) ؟؟

هلا وغلا حبيبه قلبي عسى الله يسهل عليج وعلينا لا تحاتين كل شي بيد الله سبحانه وعليج بالدعاء ياقلبي انتي حميه ولا ابر اسم الله عليج ؟

هلا فيج توليب لا اخذ ابر ومعاي سكر من قبل لا احمل

 

[ورد و ريحان]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

ااااااه ياقلبي انا داشه وببسوي تجمع
بس لقيت تجمعكم وقلت انظم معاكم
بنات انا لي تجربه حملين وولادتين مع السكر
والحين الثالث بالطريق
تكفون بنات ظبطوا سكركم قدر الامكان عشان ما توصلون للي وصلتله انا
باخر ولاده بس ولا مره جربت الخاص هالمره بولد بالعرف اذا الله تمم
اللي مجربه العرف تفيدنا ياقلوباتي

 

[حرم بدر]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

شنو الى وصلتيله انتى

خوفتينى

 

[.:lady bug :.]

رد : ليش ماكو تجمع حق الحلوات السكريات ((الحوامل الي يعانون من السكر )) ؟؟

توليب شكلج دخلتي الله يسهل عليج
ام ماجده الله يهون عليج ويرزقج الطفل السليم المعافا
لاتحاتين انشالله مافي شي يخوف
وورد وريحان شقصدج خرعتينا
اكييد قصدج العمليه

 

[ورد و ريحان]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

لا ياقلبي لاتحاتون
بعمليتي الاولى كان التعب حييييييل عادي ومقبول
بس الثاني
الله لا يوريكم
بطني كان كبييييير حيييل بسبب السكر وكبر حجم البيبي وعوار ما يفارقني
وكل ما رحت مراجعتي للنفط باخر شهر اقول للدكتو رخلاااااص تعبت مو قادره
يقول ما نقدر نولدج اضطراري لان ماكو سبب
زين واللي انا فيه مو سبب كافي
اقولك بمووووووووت من الالم
(حتى تجهيز مو قادره اكمل كل ماروح السوق افشل زوجي واقوله بقعد مو قادره خخخخ)
قال لا موعدج 18/5
تجينا قبلها بيوم
طبعا جيتهم 17/5 الصبح
واول ما دشيت حطت السستر جهاز الفحص
ولا تقولي انتي فيج طلق مو حاسه
قلت لها شلون مو حاسه من اسبوع روحي طالعه والدكتور عباله اتدلع
جا الدكتور ولا يقول لا انتي لازم تولدين اليوم ما ينفع اناجل
خلاص المغرب عمليتج
وطبعا انا زوجي كان راد البيت عند بنتي(بيتنا بالجهراء والمستشفى بالاحمدي)
وتخيلوا المسافه ساعه كامله
نمت يمكن ربع ساعه
وقمت على مغص شديد
رحت الحمام الله يعزكم ولا اشوف دم وماي وبلاوي
ناديت السستر
وقامت تشهق
حسبي الله عليها خرعتني(لا وبعدها تقول لا تخافي مافي شي)
يوم جا الدكتور ولا يقول لا ما ينفع للمغرب راس البيبي مبين
سيييييييده عالعمليات
دقيت على زوجي كان توه واصل البيت مسكين
وقلتله لازم تجي توقع عدخولي العمليه
بس تدرون شنو كنت منصدمه ومو مستوعبه

بعد ما طلعت من العمليه الله لا يوريكم العذاب
بس مغص وابكي واصيح
وكل ما جاني دكتور يقول عادي من العمليه
والمغرب يوم شافو الدم واااااجد قال الدكتور لا انتي فيج نزيف
هذا مو طبيعي
وقام سوالي تنظيف عقب النزيف
الله لايرويكم شفت نجوم الظهر
بعد ما راح تاثير البنج عرفت ان يبيلي تنظيف
ووالله يابنات يا حلو العمليه عند التنظيف
وربي وصل صوتي لاخر المستشفى
مع اني تخيلوا وصلت للطلوق وانا عادي ما صحت
وقعدت من العمليه اتاوه بس بصوت خفيف
ولا شيقول حضرته لا انتي مو راضيه تساعدينا شحقه طلبتي يشيلون البربيش
شكوووووووووووو انا قايله شيلوه لاني بمشي عادي ما عندي مشكله
بعمليتي الاولى سيده شالوه ما صار كل هالشي
يوم مرني الدكتور المناوب وقلتله
قالي مو السبب البربيش
السبب ان نطر عليج دكتورج حتى وصلتي ان فتح الرحم معاج من مكانين
الطبيعي والعمليه
والبيبي اسم الله عليه كبر حييييييييييييل
يعني الله لا يسامحه نطر علي بس عشان ما يولدني مبكر
وانا طبيعي اولد عمليه مدري شحقه ينطر
بس عشان العذاب
والحمدالله هذا سبب عقدتي من الحمال عرفتووووووه



ادري قلت قصة حياتي
بس عشان اللي سالو وخايفين
يعرفون ان السبب كان مو العمليه
كان اهمال الدكتور وارتفاع السكر اللي سبب كبر الحجم حييييييل

 

[.:lady bug :.]

رد : ليش ماكو تجمع حق الحلوات السكريات ((الحوامل الي يعانون من السكر )) ؟؟

ي حياتي الله يهونها عليج انشالله
والدكاتره عله عله اللهم ي كافي
اذا بتجربين خاص روحي ناهده العلي تهبل
نحتد ع المستشففيات العمومي واهما مالت عليهم
يتعسرون
ماقول غير الله كريم وانا اختج
ضبطي السكر ي حياتي

 

[حرم بدر]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

اى والله


الله كريم

الله يشقينا ويبعده عنا ياااااااااااااارب

 

[.:lady bug :.]

رد : ليش ماكو تجمع حق الحلوات السكريات ((الحوامل الي يعانون من السكر )) ؟؟

شخبارج حرم بدر بشري عنج

 

[sweeta77]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

يعني شنو البيبي يكون كبير جم وزنه يعني؟
الله يستر

 

[ام ماجده]

رد : رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

يعني شنو البيبي يكون كبير جم وزنه يعني؟
الله يستر

يعني ع نهاية الثامن يكون وزن البيبي اربعه جذي يكون كبير

 

[.:lady bug :.]

رد : ليش ماكو تجمع حق الحلوات السكريات ((الحوامل الي يعانون من السكر )) ؟؟

الله يسهل علينا

 

[ورد و ريحان]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

لا ياقلبي انا ولدي جبته 5 كيلو
بس مو لازم
بنتي كانت 3 و700

 

[Laymo0ona]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

ماشاءالله صج السكر يزيد حجم البيبي وايد الله يستر علينا ان شاءالله