((تجمع الحوامل الي يعانون من السكر ))

[.:lady bug :.]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

بنات مادري انا حطيتلكم هالموضوع او لا
حياكم ع تجمع عرايس مابعد الولادة فيدوا واستفيدوا
http://www.q8yat.com/t813463.html

من بعد اذنج يا صاحبه الموضوع

 

[farawla_q80ia]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

السلام عليكم بنات منو فيكم تعرف جم قياسات السكر المضبوطة بالحمل قبل وبعد الوجبات انا اللي اتذكرة :-
قبل الفطور5 بعدة 6
قبل الغدا6 بعدة 7 والعشا نفس الغدا ​

 

[.:lady bug :.]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

لاشوفي حبيبتي لازم بعد الاكل ٦.٧
وانتي توج قاعده من النوم لازم تحت ٥.٤

 

[حرم بدر]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

السلام عليكم


ماكو والله الاحد اخذ موعدى لانه خلاص قالولى مراجعاتج اللحين خلاص بالمستشفى والله يستر

 

[.:lady bug :.]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

الله يستر عليج ي قلبي

 

[Laymo0ona]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

قوة بناااات
حرومه شصار علييج
ليدي شلونج مع السكر
انا برد اشترك في دايت كير مره ثانيه لاني خايرته حيل والسكر كله مشلشل بالعلالييييي

 

[.:lady bug :.]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

هلا ليمونه شخبارج
وينج غايبه
انا والله السكر صاير يرتفع ووايد خايفه
من وزن البيبي خصوصا اني بالاسابيع الاخيرة
الله يستر
والله النفسيه زفت حدها
تخيلي بس قاعدة طول اليوم وساكته مادري شفيني
بس ابي هدوء وانسدح وبس
والمحاتاه ذبحتني
امبيه بنات انتوا نفسي والا لاني انه آنا بالتاسع قاعد يصير فيني جذي
الله بستر
والله يستر عليكن ويتمم عليكم ويسهل عليكم
صج ليمونة انتي اي شهر
وحياج ع التجمع الي انا مسويته عرايس مابعد الولادة حدة حلوة وان شاء الله تستفيدين ي قلبي

 

[Laymo0ona]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

الله يعينج ليدي
يمكن النفسيه من الحمل بس الحمدلله افتكيتي مابفالج شي وتولدين
انا بالشهر السادس ريضه بقالي 3 شهور

 

[دلوعة حبيبي]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

سلام شلونكم بنات

بسالكم انتو اي نوع صافي تاخذون انا اخذ الاصفر واليوم الدكتور غيراه عطاني البرتقالي

اذكر قبل فتره كنت هم كتبلي البرتقالي بس غيرته مادري ليش لووول

المهم اي اخف الاصفر او البرتقالي

 

[.:lady bug :.]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

ليمونة حبيبتي صاجه
وصدقيني الايام تركض والله يسهل عليج

دلوعه حبيبي هم انا كنت الاصفر وصرت برتقالي
سالت الدكتور قالي انه افضل من الاصفر بوايد
الاصفر لازم نص ساعه بعدين تاكلين
البرتقالي عشر دقايق واضبط من الاصفر
هذا كلام الدكتور

وشخبارج دلوعه مع الحمل ان شاء الله امورج طيبة

 

[.:lady bug :.]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

رفع رفع

 

[دلوعة حبيبي]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

اهلين ليدي

الحمدلله يالله هانت مابقى شي ان شالله الدكتوره قالتلي عندج هالاسبوعين بعدين ادخلج ولاده بطلق صنعاي الله يسهل حدي خايفه من الطلق الصناعي

وزين طمنتيني على الانسولين انا اخر الايام الحمدللله قدرت اضبطه بس مشكلتي تكون ورى العشا

انتي شلونج مع الحمل والسكر ومتى موعدج ان شالله

 

[.:lady bug :.]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

انا بعد مثلج بعد اسبوعين دخول ولادة
وبولد بالعدان وانتي
اما السكر مثلج عارف يامرتفع يا نازل
الله يسهل عليج يارب

 

[Laymo0ona]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

انا استخدم الاصفر واللي اعرفه انه الاخضر اللي نص ساعه وتاكلين ومادري عن البرتقالي
الله يتمم علينا بخير وعافيه

 

[.:lady bug :.]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

لا لا لا
ليمونه روحي للدكتور خل يصحح معلوماتج
الاخضر المفعول البطيئ الي بعد ٦ ساعات
اي ساعات
لانه بطيئ
هذا ناخذه قبل النوم عساس مايرتفع وانتي نايمه

 

[دلوعة حبيبي]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

انا ان شالله بالصباح والله يسهل علينا وناسه عاد شكلي انا وياج نفس اليوم نشوف منو كتكوتها اشطر ويطلع اول

ليمونه الاخضر هذا ناخذه قبل النوم لانه مثل ما قالت ليدي مفعوله بطيء

 

[Laymo0ona]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

انا كان معطيني الاخضر قبل النوم وقبل الريوق (اخاف كان اصفر قبل الريوق امبيه ناسيه)
بس انا كله السكر نازل الصبح فشالوا اللي قبل النوم وهم اللي قبل الريوق وحطلي الاصفر قبل الغدا والعشا

 

[.:lady bug :.]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

دلوعه حبيبي الله يسهل عليج ي قلبي

وليمونه امبيه حدها ضاربه فيوزاتج
شكو تاخذين الاصفر عقب الاكل
هذا قبل الاكل لانه مفعوله سريع
امبييه من صجج
هذا الي خلا السكر كله هابط
حبيبتي يابعد عمري روحي للدكتور وخل يفهمج
وبالاول انتي قوليله عن نظامج
وبعدين حطي اساميهم بقوقل بتعرفين انه الاصفر مفعوله سريع
وياخذونه قبل الاكل
والاخضر البطيئ قبل النوم و الصبح عساس ينظم السكر
امبيه كسرتي خاطري
الحمدلله الله ستر عليج
روحي طيران لدكتورج

 

[Laymo0ona]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

امبييييه قبل قبل خطأ مطبعي وعقلي

 

[Laymo0ona]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

عدلتها
انا نسايه فاللي ابداية اشهري كله اختفى
لا تحاتين كل شي قاعده اخذه مضبوط