رد: ليش ماكو تجمع حق الحلوات السكريات ((الحوامل الي يعانون من السكر )) ؟؟
غلا جابر حياج حبيبتي نورتي ي قلبي
واحنا كلنا خواتج بعد عمري
وهم انا نفسج النوع الثاني كنت اخذ كلوفاج بس من
حملت اول حمل وعقبه استمريت ع الابر لاني ارتحت
عليهم ولله الحمد
رد: ليش ماكو تجمع حق الحلوات السكريات ((الحوامل الي يعانون من السكر )) ؟؟
السلام عليكم وحشتونى من زمان عندكم تونى صلحت لابي
اللحين يبته ههههههههههههههههه كل هالمده ناطره ريلي لين سافر وما سواه مردى انا سويته
المهم نرجع لمحور حديثنا
عقب ما حولونى المشتشفى الحمد لله التحليل عندهم انهم يسحبون من قرشة دم وبول وانا صايمه وعقب ساعتين هم يسحبون منى دم قرشه وبول والحمد لله يارب العالمين نسبة السكر طلعت 7.5 الحمد لله يارب
وقالتلى اشترى جهاز السكر وقمت اقيس مده اسبوع 8 مرات باليوم اصابعي تقضضت قبل الاريوق وبعده وقبل الغدا وبعد وقبل الغدا وبعد وجبة قبل النوم وبعد الوجبه بساعتين للنوم وكان قياساتى الحمد لله كلها زينه يعنى ان زادت زادت تكون بحزة الغدا يوصل 8 ووصل طبعا بالاسبوع مره وحده وباجي القياسات طبيعيه بين 5 و6
وكان عندى موعد 1-5 سوولي سونار الحمد لله الوزن طبيعي يعنى مو متاثر بالسكر وزايد والبيبي تمام وقالي خلاص اختاري تقيسين بعد وجبه وحده تكون دسمه قال تبين عشا او غدا اخترت غدا لانه لو يكون مرتفع السكر اقدر اسوي كونترول طول اليوم و لانه تكون فيها عيش قالي لا صار 8 وفوق تعالى المتشتفى
والصدمه ريلي قال خل نتغدى بره قبل سفرته بيوم ورحنا فريج صويلح اكلت مجبوس لحم وشربت لبن وحللت بعدها 8.8 هههههههههههههههههههههه طبعا ما رحت قلت البلا منى ومن اكلى شنو دسم وطبعا لا شفت النسبه مرتفعه اسوى كونترول طول اليوم عشان تنزل وعقبها بيوم اكلت عيش في بيتى طلع 6 فرق صج على قولتهم العيوش بالمطاعم يطبخونها بالسمنه كله دسم
رد: ليش ماكو تجمع حق الحلوات السكريات ((الحوامل الي يعانون من السكر )) ؟؟
هلا بالغاليه ان شاء الله ياقلبي اى والله انا قاعده التزم اللحين تعبت من الشهر الثالث وانا حميه يلا ما بقى شى
المهم انه بعد الشراب صار 7.5 وان شالله ما يزيد لانه باقيلي تحليل واحد اول التاسع هم بالشراتب تالى افتك من هالتحاليل
وما بقى شى الاحد ادخل الثامن
---------------
بنات ترى انا جربت لا شربت شى كامل الدسم على طول اقيس بعده القاه مرتفع
مره كليت كورن فلكس حق العشا والله باديه صغيره وحطيت قفشه مالت الشكر وحده وحليب كامل الدسم قست والا 8.3
ديروا بالكم ترى الكورن فلكس هم يزيد السكر ...
اللحين بقطع الكورن فلكس لين اولد مالى خلق يرتفع علي ......
واللحين اشرب كل شى قليل الدسم مع انه قالولى شربي خالي الدسم بس مو قادره احسه خفيف وتلوع جبدي منه
رد: ليش ماكو تجمع حق الحلوات السكريات ((الحوامل الي يعانون من السكر )) ؟؟
قوة يا حلوات ...
اليوم الحمدلله كان عندي مراجعه حق الحمال .. والدكتوره طمنتني ان وزن البيبي زين بس قالتلي لازم اولدج بطلق صناعي بعد ماتدخلين التاسع باسبوعين عالاقل وما قدر انطر اكثر ... لانج تاخذين ابر
رد: ليش ماكو تجمع حق الحلوات السكريات ((الحوامل الي يعانون من السكر )) ؟؟
كيفكم يا احلى حوامل
عندي لكم سؤال
انتو ضبطوا السكر قبل الحمل ولا مو شرط يتضبط قبل علشان انا مو راضي يضبط ونفسي احمل
بس انا مسوية حمية عادية يعني اكل بطاط وعيش وحليب وجبن ودسم بس الحلويات والشكولاته ممنوعة
والتحاليل مرة 13 مرة 14
تاني سؤال صحيح في اول الحمل بيكون هبوط قوي خاصة بالليل وقت النوم طيب ادا صحيح كيف بتتصرفوا
ولكن جزيل الشكر على الاجابة
ليدي حبيبتتي ربنا يقومك بالسلامة انا متابعة اخبارك انشاء الله تبشرينا بولادة يسيرة يا رب وما تغادرينا بعد الولادة
نحنا محتاجينك كمان معانا
باقي الحوامل ربنا يتمم عليكم بخير ياااااارب
رد: ليش ماكو تجمع حق الحلوات السكريات ((الحوامل الي يعانون من السكر )) ؟؟
مشكورة حرم بدر على جوابك وربنا يشفيك ويكفيك شر هالمرض ويقومك بالسلامة يارب
انا عندي سكر يجي 8 سنين تقريبا وتزوجت تقريبا سنة وداخلة على 26 سنة بس لسا ما حملت
وناوية انشاء الله لكن خايفة
بس شو يعني خبز اسمر يعني كيف بيتحضر
رد: ليش ماكو تجمع حق الحلوات السكريات ((الحوامل الي يعانون من السكر )) ؟؟
غلا الحمدلله الله يتمم عليج
ولمعه حبيبتي خلي حميتج اضبط من جذي ي قلبي
والسكر طبيعي انه بالاشهر الاولى هبوط طبيعي
مو على كيفج تتحكمين عليه
تخيلي الدكتور ينومني لين يرتفع السكر واروح البيت
لانه خطر الهبوط الله يستر علينا
رد: ليش ماكو تجمع حق الحلوات السكريات ((الحوامل الي يعانون من السكر )) ؟؟
السلام عليكم جميعاَ
من زمان عنكم ومبرووك للي ولدو
المهم بقولكم شصارلي بالموعد الي راح
دكتورتي حولتني على الباطنيه ودكتورة الباطنيه شافت ملفي تمت تقولب فيه قالت تحاليلج ناقص شكل دكتورتج جديده الله يهديها ضيعت علينا شهر المهم قالتلي لازم تنويم اليوم بالليل نشوف سكر كيف يرتفع وكيف ينزل
عاد في الليل كليت فطيرة لبنه بيضه مش بر ورحت المستشفى وبعد نص ساعه تقريبا سوت لي السستر تحليل وطلع 8.4 مرتفع قلتلها توني ماكل فطيره قالت لو انه طبيعي مارتفع هلكثر
وعقبها بخمس او ست ساعات وطبعا ماكليت شي سولي تحلييل 6.2 هم شوي مرتفع على صايم
وشافت الدكتوره التحليل وقالت اليوم تنيم بعد وعطوها انسولين بعد العشا 4 وحدات
المهم طول ذا ك اليووم طبيعي يعني صايم 4.5 وفاطر 6 وشوي وعقب العشا بساعتين قالتلي ممتاز السكر ولا عطتني ابرة انسولييين
شافت الدكتوره التحاليل قالت خلاص تاخذين اربع وحدات بعد العشا عاد انا انصدمت قلت لها كليوووم قالت اجل يوم ويووم هههههه
الحمد الله رب العالمين بس انا خايفه انا ماخبروها اني ماحتجت اخذ انسوليين في الليل وعلبالها اني اخذت وصار طبيعي ..جاني وسواس >>قصة حياتي هههه
جني هذرة واااجد لوووول