((تجمع الحوامل الي يعانون من السكر ))

[gmar al-kuwait]

لا اله الا الله

 

[.:lady bug :.]

محمد رسول الله صلى الله عليه وسلم

 

[M!Ss Smart]

صباح الخير
انا معاكم حللت بسادس وطلع فيني سكر بجيت من الخوف اول حمل ومادري شسالفه المهم حللت وكله يختلف مره حللت وطلع 8.3 وبعد فتره حللت وطلع 11.3 حيل مرتفع امس حللت وطلع 8.2 المهم اكلي عادي عيش جم قفشه وروب والفطيره اكل نص او ربع والشاي بدون سكر وكله اكل فلفل اخضر بارد والحلووو بالغصب مانعه نفسي

بنات دكتورتي تقول انه مو شرط من الحلويات يسير فيج سكر البنكرياس صوب المعده والطفل لي كبر يضغط ع المعده وع البنكرياس وتقل حركته هني يبدا يقل يفرز انسولين ويسير مرض السكر عشان جذي لي ولدت الوحده يروح وفي حالات لا من الحلويات وفي حالات وراثه بس غالبه سكر الحمل من ضغط البيبي ع الاعضاء انا اعترف ان من الحلو لان وايد اكل حلووو اف ياربي حيل ضايق خلقي من هالشي وتحسفت يالله الله يسهل

 

[.:lady bug :.]

حبيبتي الله يتمم عليج ومثل ماقلت للبنات راجعي عند محسن الشمري

الفطاير شيليهم من قائمه اكلج
يرفعون وايد وع ساعات طويله

العصاير لابغيتي فرش بدون سكر ونص قلاص

كثري مااي وخس وبتشوفين القراءات تتعدل

قللي عيش لانه زايد يررفع

السلطات كثريها
الورقيات والخيار ع قد ماتاكلين مايرفع السكر

والله يتمم عليج
ديري بالج وعدلي اكلج لايصرفون لج ابر
لانه وايد مرتفع
الله يتمم عليج ويسهل عليج

 

[M!Ss Smart]

مشكوره حبيبتي الله يسهل يارب

 

[انصاريه قمره]

مساااء الخير كروشات
ومبارك عليكم الشهر وعساكم من عواده والله يتمم علينا الحمل بالصحه والعافيه
انا كل ما رحت اسوي سونار يقولون لي حجم البيبي زايد وانا اعالج خمول الغده فحطيت في بالي انه بسبب الحبوب ويوم رحت سألت الدكتوره قالت سويتي تحليل سكر حمل قلت لها لا فرحت الامومه قاسوه وانا صايمه 5 وشوي وعقب شربوني محلول برتقالي وقاسوه بعد ساعه 11 وشوي وبعد ساعتين 10 وشوي وقالي الدكتور هذي بدايه سكر وجسمج قابل لازم تبتعدين عن السكريات والدهون وكثري بروتين وخضار وحليب والبان قليلة الدسم والله يستر انشالله ونولد بالسلامه

 

[.:lady bug :.]

مس سمارت حبيبتي اجمعين والعفو حياج

 

[.:lady bug :.]

حبيبتي وانتي بخير اجمعين ي قلبي

اي فيج سكر ديري بالج لايزيد زياده وتولدين قيصري لاسمح الله


لازم تراجعين مع دكتور سكر لازم
وانا كتبت عن الدكاترة ي قلبي

كثري ماي
وكثري خس ي قلبي

ولازم مراجعه اسبوعيه لازم

 

[همسات 25]

مرحبا


شلونكم

حبايبي بغيت اسال هل صحيح الي فيها سكر حمل ماتاخذ مانع حمل
يقولون يثبت سكر







شلون

زين شكثر ماتخذ يعني سمغت الوالاد تسوي حميه لفترة 6 اسابيع وبعدعا اذا راح خلاص تمارس حياتها طبيعيه

يعني بعد 6 اسابيع اقدر
اخذ مانع




صح كلام بنات؟؟؟؟

 

[.:lady bug :.]

مادري حبيبتي سالي دكتور اضمن

 

[pinkigigi]

السلام عليكم توني محلله و طلعت حامل و اراجع عند دكتوره معصومه و عند دكتور فهد الغانم في دار الشفا


بنات انا فيني سكر و اخذ انسولين نوفو رابد
3 جرعات غير القلم الاخضر 12 الى 14 وحده


بنات بين الوجبات يعني بعد الريوق بساعتين شنو اكل سناك
يعني بين الريوق و الغدا
و بين الغدا و العشا
شنو ناكل سناك بس ما يرفع السكر حيل لا يسبب لي هبوط



اقدر اشرب حليب
او اكل بسكوت

انزين نخي بحجم علبة الروب ؟

شنو تنصحوني اكل عشان ما يصير هبوط و اقدر اسيطر لي قبل الوجبه القادمه


وانا بتابع معاكم

و يارب يحمي اللي في بطني من شر السكر و تاثيراته

 

[.:lady bug :.]

حبيبتي الله يتمم عليج
واي حامل فيها سكر انصحها للسكر اتراجع بحكومه لانه لازم مراجعه اسبوعيه
واكيد انتي تدرين اول 3 شهور خطره عليج تسبب هبوطات اسم الله عليج وللزن اتلاحقين عمرج بعصير
لان الهبوط موزين لج وللبيبي

ثانيا احب انصحج سوي دخول للمستشفى انا جذي بعيالي
بمستشفى حكومه مو خاص
خل ايضبطون السكر
ولاصرتي بالعدان
لاتسمعين الا كلام احمد محسن او الاستشاري الكويتي عبدالمحسن الشمري
هذول فاااهمين بالسكر
واراجع عندهم
ولاتسمعين كلام اي دكتور غيرهم
انا لاني اراجع ف فاهمه
ف اييوني دكاتره ويخربطون ع راسي واقولهم غلط يقولولن شفهمج احنا دكاتره
المهم قمت احقرهم واطردهم واطلب احمد محسن وبس




وحبيت اقولج اذا مو تبع العاشره
دمحسن الشمري عنده عياده خاصه

واااااااايد فاهم بالسكر الحمل
غير مفهوم السكر بحياتي
والله والله
دايم ادعي له الله يوفقه
يفهمج عدل مدل بمرضج وشلون اياثر ع البيبي
وشنو تسوين
تخيلي ماطردني ع الحميه ايقول كل شي تبينه اكلي
طبعا في شروط

انصحج تروحين له او اي استشاري سكر قريب منج
لان السكر بالحمل له جدول معين واهتمام بزووووود
لانه ع طول مخربط بالحماله يبيله اهتمام كبير منج
ومراقبه اسبوعيه للدكاتره


عسى ربي يتمم ويسهل عليج ياري

وبخصوص الاكل باذن الله باجر اكتب كل الي اعرفه لج ي قلبي حدي نعسانه




البه

 

[.:lady bug :.]

ياكثر قرقتي

 

[الشيخه فطامي]

حبايبي الله يهون علينا يارب

انا ببجري شكو انه فيني من اشرب الشراب البرتقالي او احس في شي غلط مادري ما يطيح علي

او اضطر اعيده

هل الحمال من السابع بين معاي رحت الصباح مشيت عل حميه

الحميه اغلبيتها خضار او سلطات الفاكهه لها عدد معين

العيش او المعكرونيه لج كوب واحد باليوم

الخبز كلا اسمر توسته او نص

كثري ماي او مشي

او طبعا لازم تشترين الجهاز عشان تقيسينه بعد الاكل بساعتين او تسجلين القراءات

الجهاز من رابطه السكر اللي بكيفان تسجلين عضويه وياهم او بالصيدليات او بالمستوصفات مرات يون شركات يوفرونهم

ادعوولنا الله يسهل عليينا يارب

 

[pinkigigi]

ليدي بق حبيبتي مشكوره ما قصرتي

انا رحت للفروانيه و قعدت من الصبح لي الساعه سبع المغرب انطر و لا سوولي دخول و العذر ان ما في سراسر فاضيه

و غير جذي انا سكرري مو مضبوط

عفيه وين عيادة دكتور عبدالمحسن الشمري
انا بروح له

حدي خايفه
والله خايفه و ما قاعده انام من الخوف

و السكر اقيسه قبل و بعد

و احيانا يرتفع من نفسه

و شكثر يصير فيني هبوط و ما ابي يصير لي اجهاض

وايد اعاني من الاجهاض و خايفه حيل

والله يابنات ما تدرون عن حالتي النفسيه
ابي الله يهون علي بالسلامه و اوصل للولاده و اولد بالسلامه انا من زمان اخذ انسولين

 

[pinkigigi]

بنات انا دكتوري فهد الغانم و قالي استمر على الكلوكوفاج 500 مره وحده

و الفروانيه يقولون لا تاخذين الكلوكوفاج

ودكتوره معصومه قالت اوكي اخذي كلوكوفاج


و الدكوره وصفتلي حبة فيتامين دال مره باليوم

و بالفروانيه الدكتور يقولي ليش تاخذين فيتامين دال لا تاخذين

و انا والله استخفيت


الحين الكلوكوفاج يسبب تشوهات ؟

صارلي الحين 4 اسابيع من الحمل و انا عليه


و قبل الحمل اخذه بعد


بنات منو تاخذه من قبل وولدت بالسلامه

و منو الحين تاخذه و منو دكاترتكم ؟؟


و اذا انا شبه مسيطره على السكر لازم اسوي دخول و لا لا ..

 

[.:lady bug :.]

حياتي طمنيني عنج

الكلوفاج معروف مو زين للحمال

ادعي ربج يستر ع بيبيج واستودعيه ربج

انا رديت عليج بالخاص




بنات السكر بالحمال متعب
الهرمونات تتخربط ف السكر يتخريط شي طييعي
ف الوحده لازم تتابع كل ساعتين تقيسه

والهبوط مو زين
خلي ع طول عندج عصير منجا ابسرعه يرفعهه

لاحسيتي بهبوط شربي نصه وانسدحي لين ترتاحين



اول اربع شهور الي هو مال التكوين كله هبوط
ف لازم تتنومين لانهم يخافون من الهبوط لازم ايراقبونج

عقب الاربعه انتي لازم تراجعين اسبوعيا وتقايسين ابسكر

والله يستر عليج


انا فقدت اول بيبي بسبب علطه دكتور ومن هبوط حاشني
ومنعني الحقير من الاكل يعني فاهم يقول بعدين يرتفع

والحمدلله عقبها
اول ماحللت ع طول رحت لهم وطلبت دخول
وقالو انهم خصصو الثلاثه لمرضى السكر وجابو استشاري
الي هو د محسن الشمري
وصرت اسبوعيا اراجع
ومن الوسواس لاحسيت تخربط طلبت دخول

اول حماله من الوسواس متعبه

ثاني حماله عرفت شلون اسيطر عليه

وتنومت اول شهرين عساس الهبوط

والحمدلله

 

[غضى]

مرحبا بناتً



حتىى انا فيني سكر وحامل بالرابع واخذ ٣ ابر باليوم


بنات منو احسن دكتور ولاده عنده خبره بسكر !؟؟!؟!،؟

 

[رويال ديزاين]

الله يهون عالجميع السكر بالحمل يضيق الخلق

 

[درب الخير دربي]

تجمع الحوامل اللي معهم سكر حمل

مساء الخير
وشلونكم حوامل 2014 الله يسهل علينا جميعا ونولد بالسلامة والعافية وتقر عينا بشوفة اطفالنا ونربيهم على صحة
اللهم امين

هذا التجمع خاص باللي طلع معهن سكر حمل سواء من اول شهر او من الشهور الاخيرة تعالوا نتناقش كيف عشتي الوضع
ايش البرنامج اللي اتبعتيه ( الحميه )
كل وحدة تكتب فطورها غداها عشاها وبين الوجبات وش تاكل وتذكر نسبة سكرها

وهل تشعرين باعراض معينة ؟؟؟ في المعدة مثلا ؟؟ في الجسم كامل اذكريها

هل انتي خذيتي علاج سكر ؟؟ وهل شفيتي منه بعد الولادة ؟؟
هل اخذتي ابر انسولين ؟؟
وهل تخلصتي منه بعد الولادة ؟؟

الله يرزقكم الجنة خلونا نتعاون ونفيد بعض
​