((تجمع الحوامل الي يعانون من السكر ))

[آلجفوول ~]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

صباح الخيررر


بنات شنو اعراض سكر الحمل

 

[أبكاني ذنبي]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

الجفول


اعراضه انج تعطشيييين وااايد وتشربين ماي وتظلين عطشانه


وخصوصا بالليل وتشتغلين عالحمام وانتي بكرامه

هذا معناته فيج سكر

 

[ليونه الليمونه]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

يعطيكم العافيه علي التجمع المفيد
بقولكم تجربتي بسكر الحمل بحملتي الاخيره من ثلاث سنين سويت تحاليل وطلع فيني سكر حمل ونمت بالمستشفي وعطوني ابر انسولين
غزيتها يومين بس وطلعت ورحت مستشفي المواساة وعند دكتور ولاده قلت انا مابي ابر قالي اوكي امشي علي الحمية مالت السكر وسجلي قرائتج ونصحني قال امشي نص ساعه باليوم مو متواصله امشي وريحي ١٠ دقايق وامشي مره ثانيه وابتعدي عن الحلو والنشويات بنات انا قمت امشي من السادس نزل وزني بس البيبي كان كل شي اوكي بصراحه تعب بس الحمدالله الله ساعدني وولدت والحمدالله وزنه كان ٣ كيلو و ٤٠٠ غرام ولدت اول مادخلت التاسع كنت مفتوحه ٢ سانتي حطولي طلق صناعي اخذت ابرة الظهر والحمدالله علي كل حال
والحين انا حامل باول شهر راح اتبع الحميه وامشي عشان مااتعب نص الحمال
اتمني اني افدت بعضكم وشجعت البعض علي الحميه والمشي
وكنت امشي بالافنيوز ادوره كله من فوق بس مره وحده واذا الجو حلو رحت امشي علي الراحه

 

[ليونه الليمونه]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

بنات منو عندها حمية سكر لشهر رمضاان
خل نستفيد 

 

[نور دنياه]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

قوه بنات.
أبي اسالكم إذا حللت سكر شلون. أعرف إذا فيني سكر ؟ من كم تبدأ. الدرجه ؟ أنا إلي عندي يحسب بال 100 جذيه. وشكرا مقدما

 

[ليونه الليمونه]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

مبارك عليكم الشهر
منو عندهاا نظام حميه لرمضان بليييييز بنات

 

[ليونه الليمونه]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

مبارك عليكم الشهر
منو عندهاا نظام حميه لرمضان بليييييز بنات

 

[الزيـــــ^^ـــــن]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

شلووونكم سكريات
اليوم انصصدمت سويت تحليل سكر وانا بالرابع وطلع مرتفع 9,0
وعطتني الدكتوره حميه غذائيه بس موحق شهر رمضان ..
والله حدي خايفه وانا توني بالرابع بس بخفف اكل ان شالله والحلو ببتعد عنه
عسى ربي يشافيني ويشافيكم ويشافي كل مريض يارب

 

[ليونه الليمونه]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

سلامتج الزين بس تحليلج الشربه ولا عادي

 

[Laymo0ona]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

نور اتوقع من 80 لي 120 بس ترى تقدرين تغيرينه احسن ماعرف حق هالارقام اتدوده

ليونه للاسف ماعندي ان شاءالله البنات يفيدونج

الزين ديري بالج وخففي من النشويات والسكريات
والله المستعان الله يسهل علينا صيام هالشهر يارب

 

[ليونه الليمونه]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

استغفر الله واتوب اليه

 

[أحلام العمر]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

انا حتي مع الابر يرتفع والبييي صار كبير اللله يستر بنات نصيحه عليكم بالحميه والله لاتسون نفسي

 

[ليونه الليمونه]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

الله يسهل عليج ي احلام العمر
الله يعينا ع السكر ويشافينا انت باي شهر اذا توج حاولي تمشين يوميا لو نص ساعه وتريحين وتكملين بعدين

 

[مسـك]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

انا حللت اليوم وطلع معاي سكر حمل وقالي لازم حميه لمدة اسبوعين

بس بنات ماني عارفه شنو الاكل اللي يرفع السكر غير الحلويات والسكريات

العيش المعكرونه الفواكه الشعيريه ؟؟
ترفع السكر او لا

 

[ليونه الليمونه]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

هلا مسك
السكريات والنشويات والخبز ما عدا الاسمر والعيش والمعكرونه كلها ترفع السكر في بالتجمع البنات ما قصروا حاطين حميه شوفيها
بس قالج عادي تصومين وجم السكر طلع معااج

 

[الزيـــــ^^ـــــن]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

ليونه هذا تحليلي بعد الدوا اللي يلوع الجبد بساعتين
انا لما اكون صايمه الحمدالله طبيعي..
بنات رمضان شلون تقدرون تمنعون نفسكم من الحلو 
*

 

[ليونه الليمونه]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

النظام الغذائي (1800 سعر حراري) ..

الافطار..

كوب حليب او لبن قليل الدسم بدون سكر
ربع خبز بر مفرود*
بيضه واحده مسلوقه او 30 جرام (2 ملعقة طعام) جبن ابيض قليل الدسم او 2 شريحة جبن قليل الدسم او 2 جبن مثلثات قليل الدسم .
شرائح خيار او طماطم او خس.

وجبه خفيفه:*

نصف كوب عصير برتقال طازج غير محلى او حبة فاكهه*

الغداء ..


نصف كوب حليب او لبن او زبادي قليل الدسم.
سلطه خضراء بدون دهون
90 جرام دجاج او لحم او سمك (يعادل فخذ دجاجه او نصف صدر دجاجه او 6 ملاعق طعام لحم او دجاج مفروم)
نصف كوب خضار مطبوخه بدون اضافة بطاطس وخاليه من الدهون*
نصف كوب (6 ملاعق طعام ) ارز او مكرونه او جريش*

شريحة خبز بر + حبة فاكهه او نصف كوب عصير طازج غير محلى*
(ممكن استبدال الخبز بـ6 ملاعق اخرى من الارز اي تدبل كمية الارز )

وجبة خفيفه:

نصف كوب حليب + 4 حبات بسكويت بدون سكر*

العشاء ..

مثل وجبة الغداء ولكن بدون حبة الفاكهه , ويمكن استبدال اللحم او الدجاج بـ6 ملاعق طعام فول بدون دهن او جبن قليل الدسم*

هام جدا

وجبه خفيفه:*

نصف كوب حليب او لبن قليل الدسم بدون سكر + نصف ساندوتش (شريحة خبز بر + بيضة واحده او 2 شريحة جبن)

 

[ليونه الليمونه]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

مسك نزلتلج الحميه التزمي فيهاا

 

[ليونه الليمونه]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

الزين دام طبيعي ليش تسوين حميه

 

[Laymo0ona]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

اليوم طلع الاسيتون عندي مرتفع ومنعني الدكتور من الصيام
ضاق خلقي