تجمع الدكتور ( حيان الاحمد )

[مذهلة2013]

اجمعيييين ان شاءالله

 

[جوزائيه مغروره]

كلش مو وقته ولدي فيه بدايه حراره وطيحته دايما تكون غثيثه لازم كورس ابر الله يستر انشالله تنزل حرارته

 

[كيكة عسل]

مايشوف شر ان شاء الله
وديه للدكتور طارق قطب بالهادي زين للاطفال

 

[جوزائيه مغروره]

اللشر ما اييج يارب

وصلت توه 38.6 وعطيته تحميله ونزلت شوي الحمدلله

 

[مذهلة2013]

مايشوف شرررر ولدج جوزائيه

 

[جوزائيه مغروره]

الشر ما اييج حياتي

 

[كوكيز بالكريمة]

يسعد مساااااكم يااا حلواااات

عسااااكم بخير

جوجو حيااااج الله بالتجمع منوووره

مذهله شخباااارج يا قلبي انتي و كيكه

متنحه حيااااج الله معانا نورتي

طيووووب و فاااااقده

وييييينكم نبي قصصكم يلااااا

 

[مذهلة2013]

كركيز


الحمدلله انتي شلونج

بنات

متى عرفتو الجنس عند حيان؟؟؟

 

[كيكة عسل]

الحمدالله كوكيز بخير انتي شلونج شخبارج ؟؟

مذهله انا عرفت الجنس قبل لا اراجع عند حيان وراجعت عنده بالرابع واكدلي الجنس

 

[جوزائيه مغروره]

كوكيز منور بوجودكم

امبيه حدي متشوقه عالموعد

 

[مذهلة2013]

بعد بنات


متى عرفتو الجنس عند حيان؟

 

[مذهلة2013]

الاشهر��
الاول: من اول يوم في الدورة.

الشهر الثاني: 4 اسابيع و4 ايام تدخلين الثاني

الشهر الثالث: 9 اسابيع تمام تدخلين الثالث

الشهر الرابع: 13 اسبوع و3 ايام تدخلين الرابع

الشهر الخامس: 17 اسبوع و6 ايام تدخلين الخامس

الشهر السادس: 22 اسبوع و2 يوم تدخلين السادس

الشهر السابع: 26 اسبوع و5 ايام تدخلين السابع

الشهر الثامن: 31 اسبوع و1 يوم تدخلين الثامن

الشهر التاسع: 35 اسبوع و4 ايام تدخلين التاسع

 

[كوكيز بالكريمة]

يسعد مساكم

الحمدالله بخير دامكم بخير

انا قالتلي خبيره سونار قبل ﻻ ادش الثالث بس مو مقتنعه >>> غصب طيب اتبع احساسي هههه

إن شاءالله بالخامس اتأكد عدل مابي افكر و احاتي و و و اهم شي الصحه والعافيه

سوناره يقولون دقيق و وااااضح يشرح كل شي

اجذب عليج ما راجعت بعدي .. اختي تقول ع الخامس راجعي احسن

 

[جوزائيه مغروره]

هههههه كوكيز ربي يرزقج بالبنوته بالف صحه وعافيه

 

[love^angel]

قوه بنات انا من زمان مادري عن المنتدى مادري شدخلني اليوم و شفت هالتجمع حق الدكتور العجيب حيان الاحمد
نصيحه الي عادي تولد عن ريال مالها غيره والله احسن و اروع دكتور فاهم و شاطر و خلوووق لأبعد الحدود و عيونه نظيفه ما يطالع حتى و اهو يفحص وعلى فكره دكتورتين افحصوني بالمستشفى مت من العوار بس اخر شي لما اهو فحصني والله ما عورني مثلهم ايده خفيفه و حتى ريلي يحبه و يمدحه من اسلوبه و سوالفه و شطارته.. جوزائيه انا والده عنده توينز شهر 3 الي طاف وهم بنت وولد حبايبي يوني من عقب 5 سنين و يننوني بس هم احبهم.. عندي لج نصيحه دامج توينز اهو نصحني بالسلام او السيف لنه التوأم مفاجآتهم وايد على قولته و فعلا هذا الي صار معاي.. انا ولدت بقيصريه لنه عنق الرحم بس انفتح 1 سانتي والدكتور قالي انا بالي طويل و قاعد معاج لحد ما ينفتح الرحم عدل بس سبحان الله ولدي تعب من الطلق وولدت قيصريه بس المفاجأه ان عيالي انولدو ناقصين وزن اثنينهم اقل من كليوين مع انهم بموعدي قبل اسبوعين كانو اكثر بس سبحان الله المشيمه اخر شي بدت تتعب وما تغذي عدل فنزل الوزن و ظلو بالشيشه جم يوم لحد مازاد.. يعني هذا شي كلش ما كنت حاسبه حسابه بس الحمدلله الله لا يحرمنا من الاهل الي ساعدونا عشان جذي اقولج حسبي حسابج سبحان الله و انشالله نا يحتاجون شيشه و يكونون مربربين و حلوين والله توأم البنت والولد عجيبين ربي يحفظهم بس يبيلهم طولة بال شوي لنج راح تتعبين.. ادري قرقت وايد بس ماقدرت اطوف لما شفت الموضوع عن دكتوري و على فكره انا الحين حامل و اراجع عنده بعد وما افكر بغيره اكيد

 

[جوزائيه مغروره]

انجل والله طمنتيني زياده وربي يتمم عليج حمالج ويخلي لج عيالج

اهو شاف وزنهم الحين وقالي الولد امتن من البنت بشي بسيط بس الوزن تمام وانشالله ما احتاج شيشه وباذن الله بكون حاسبه حسابي

بسالج اي مستشفى ولدتي وشلون رعايتهم

 

[love^angel]

جوزائيه انا ولدت بالسيف وايد حبيتهم السسترات بجناح الولاده صج صج يهبلون و دكتور حيان دايما يمدحهم و صج اهتمو فيني اهم و الدكاتره و الدكتورات الي موجودين وكان دكتور حيان يتابع معاهم اتوقع و يوصيهم على مريضاته و اهو بعد كان يوكيا يمرني و يسأل

 

[جوزائيه مغروره]

انا مقرره باذن الله اولد بالمواساه لانه حيل هادي

وكلمت ريلي على سالفه الشيشه قالي لا تحاتين ويازب ما نحتاجها

 

[مذهلة2013]

دقو علي العياده
يقولون حيان عنده عمليه قيصيريه
يوم الاثنين لانه موعدي الاثنين
ف خليته الاحد
حدي مستانسه مقدمته يوم ههههه

 

[أمورته]

شلونكم بناااات

الله يتمم عليكم يارب