تجمع الدكتور ( حيان الاحمد )

[جوزائيه مغروره]

اي انا دفعت له اول مره ٣٥ بس يستاهل بصراحه

الله كريم يا انه حملي مخليني حساسه او ريلي صاير غثيث هههههه

وعلى تحليل فيتامين دال اهو موجود بس انا قالوا سويه بياكو العدان وطبعا لما اروح هناك جدامي فوق ١٥٠ وطبعا مستحيل انطر والدور بطيء

 

[كيكة عسل]

مبرووك مذهله البنوته والله يتمم عليج ويبلغج فيها

جوزائية ديري بالج موزين تعصبين اهم شي نفسية الحامل الله يهداهم هالرياييل كلش ماكو مراعاة الله يسخره لج

انا بعد عطاني تحاليل بس لما اللحين ماسويتهم وناويه اسويهم بالحكومه

صج رفع اسعاره ليش انا اخر مراجعه خذا مني ٣٠ بس كانت اول الشهر

 

[جوزائيه مغروره]

كيكه الله كريم بس انا هم مو مقصره هههههه لساني اشطوله ارادد

انا اخذ مني ٣٥ يمكن لاني اول مره

تحاليلي خلصت امس بس ما استلمتها وبسوي الفيتامين باجر بالخاص

 

[كيكة عسل]

ههههههههه لو مو السنتنا طوال جان مارتحنا هههههههههه

الله يعين

انا ان شاء الله باجر اسوي تحاليلي والظاهر الم الورك والعظام عندي من نقص فيتامين دال

الله يهون علينا يارب

 

[جوزائيه مغروره]

ههههههههه اي والله

امبيه لا يكون مثلي لما امشي احس انه غازيني ابره وامشي جني كامل الاوصاف

 

[أمورته]

لووووووول جوزائيه تهبلين فديتج
لا تعصبين ي غاليه الله يسخره لج
>>> جني قاطه فيس هههههه

 

[جوزائيه مغروره]

هههههه حياتي امورته خلج معانا عالخط

تدرين انا حملت بتلقيح

وهالشي اول مره اقوله

اول مره كشفت علي الدكتوره قالت توام بعدها بجم اسبوع قالت انه المفروض ٣ مو بس ٢

بس الثالث ربي كتب له يكون جيس فاضي

 

[love^angel]

شلونكم بنات ان شالله اموركم تمام.. بالنسبه للي يسألون عن الاسعار ترى غيرج مو مقياس لنه كل وحده اكيد بتختلف عن الثانيه وماكو مستشفى تحدد سعر من اول شي.. بالنسبه لي طلع كله ألفين دينار بس انا قيصريه و توأم و خذيت الغرفه الرويال اكبر وحده عشان جذي اقولكم مو مقياس.. جوزائيه دكاترة السيف ملوت الاطفال وايد زينين وانا عيالي كانو بالشيشه و الدكتوره الاجنبيه وايد اهتمت فيهم والحمدلله كاهم مطلعين عيني فديتهم فنصيحه اخذي كلام الدكتور شوفي انا خيرني بين السيف والسلام عشان التوأم قال دكاترتهم ممتازين بس اخترت السيف لني ماحب مكان السلام و ازعاجه

 

[جوزائيه مغروره]

هلااا والله انجل

اهو لازم السعر يزيد ماعمرهم عطونا مبلغ وطلع صح لازم زياده

انا خيرتي بين السيف والمواساه واخترت المواساه احسه اهدا من السيف ولويت الشوارع

 

[أمورته]

جوزائيه الله يثبت حملج وتولدين بالسلامه ي رب ي غالييييه

والله انا هاالشهر بديناا بعد توكل ع الله انه نيب بيبي كلنا نستخدم طريقه العزل عشان كنا تونا معاريس يعني ههههه

بس سلمج الله انا مليت احس في شي ناقص سبحان الله ولا هو ماله خلق مسوليات الياهل وحنا اصلا ماقعدين نطلع مثل اي معاريس توهم متزوجين فقلت الياهل يشغلني معاه واستانس وياااه وهما المال والبنون زينه الحياااه الدنياااا عسى ربي يرزقني واكوووون حامل هالشهر ي رب ي سمييييع


حاسه هاالشهر بعوار بظهري مو راضي يروح يخف ويرد مادري نومتي غلط مادري في بيبي مع العلم اني الحين فتره التبويض يمكن منهاااا ربي يسر الامورر ان شاءالله ويرزقني يرزق كل الي تمنى الحمااااااال ي رب


مذهلللله طمنينااااا عننننج شلوووونج

 

[مذهلة2013]

حبيبتي امورته الحمدلله

ربي يرزقج قريب يارب

 

[جوزائيه مغروره]

حياتي امورته ربي يرزقج بالذريه الصالحه

انا قريت مره قصتج الله يعينج

لا تفكرين بالحمال وايد علشان باذن الله تحملين

 

[مذهلة2013]

أي والله التفكير حيييييييييل موزين
لاتفكرين وربي يرزقج

انا قبل حمالي قبل اخر دورة كنت افكر وابي احمل وافكر والله وللاسف انزلت الدورة
ولما مافكرت ولا شيء وعلى الله سبحانه حملت
ربي يرزقج قريب

 

[مــتــنــحــة]

صاجه مذهله

انا قعدت يمكن 5 شهور كل شوي رايحه احلل وانطر الدوره تاخر عشان الحمل

وفعلا تاخر بس اخر شي اذا حللت وطلع مافيه حمل والله يوم يومين تنزل

طلع عالنفسيه سبحان الله

اخر شي قلت خلاص هالشهر باخذ حبوب منع منها تعالج التكيسات ومنها لما يخلص عرس حماي

وسبحان الله لاني شلت فكرة الحمل من راسي ولهيت باشياء ثانيه حملت

احنا الحريم هرموناتنا تحكمها نفسيتنا نكسر الخاطر والله

:eh_s(2):

<<بتقلبها دراما وبجي :eh_s(11):

 

[أمورته]

مذهله اللهم امين ربي يستجيب لج ي رب


جوزائيه امشي واتحلطم هههههه بس بفضفض بعد اكثر شي لان مرات ماتحصلين احد تفضفضين له


متنحه حبيبتي ماافكر بس قاعد ادش القسم اتعلم بعد لان محد احس يعلمني ماتصدفين اني ماعرف اشياء بسيطه وهم من باب التفائل والله كريم ان شاءالله

 

[جوزائيه مغروره]

الله يعينج والله امورته

 

[مذهلة2013]

بنات الامساك ذابحني
من خذيت فيتامينات وانا ذابحني
اكلي زين والله
مادري شسوي

 

[جوزائيه مغروره]

مذهله تصدقين مثلي اكتشفت لما اخذ كاكاو الكالسيوم يحوشني امساك مثل الشوك ولما اقطعه تتعدا اوضاعي

في بالصيدليه شراب وتحميله للحامل وخليت ريلي يدق على دكتور حيان ويساله قالي مو مضرين وخل تاخذهم عادي

 

[مذهلة2013]

والله من امس امساك لدرجه احس مقعدتي تعورني عزكم الله
الله يعين انا اختي تراجع عنده و عطاها شي للامساك شكلي بجربه

 

[كيكة عسل]

الله يرزقج امورته يارب والله ادعيلج بالهمطر

مذهله وجوزائية كثروا اكل سلطات وشربوا عصاير طازجه والله من اتبعت هالنظام وانا مرتاحه

معروف الفيتامينات تسبب امساك