تجمع الدكتور ( حيان الاحمد )

[كوكيز بالكريمة]

يسعد مساااكم

عساااكم بخير

مذهله بعد قلبي مبرووووك البنوته الله يبلغج شوفتها بسلامه و يرزقج برها إن شاءالله

والفال إن شاءالله لكل من تتمنى عاجل غير آجل .. آمين

 

[أمورته]

جوزائيه يزاج الله خير اللهم اميييين

مذهله حبيبتي سلامتج ي غاليه عصير البرتقال وايد مفييييد اشربي كثر ماتقدرين


كيكه عسل فرحتي قلبي ربي يفرح قلبج ويستجيب لج ي غالييييه

 

[أمورته]

كوكيز ربي يستجيب لج ي غاليه ويرزقج بلي تتمنين

 

[مذهلة2013]

كوكيز
اللهم اميين مشكوره حبيبتي

 

[مــتــنــحــة]

بنات تهقون اليوم عيادة دكتور حيان مفتوحه

ذابحني راسي مليت

لي اسبوع على هالحاله

احس راسي ثقيييل

 

[مذهلة2013]

متنحه دقي على العياده
اذا مسكره دقي عليه كلميه
سلامات حبيبتي

 

[جوزائيه مغروره]

متنحه ديري بالج خوفج يكون ضغطج ومثل ما قالوا البنات دقي عليه احسن

اليوم رحت عيد النصار وشريت حق اليهال من الى وطلع علي ١٣٠ تقريبا بس بصراحه يستاهل لانه كد

وحتى السرير خذيته

مع اني كنت قاعده بس حسيت بتعب مو صج

 

[مذهلة2013]

بالعافيه حبيبتي

 

[أمورته]

متنحه الف لا باس علييييج وسلامتج ي عمري

طمنيناااا عنج ي غاليه



جوزائيه بالعافييييه ي عمري انتي



مذهله شلووونج الحين راح الامسسساك.بشرررري

 

[جوزائيه مغروره]

الله يعافيكم فديتكم

متنحه شصار معاج طمنينا

 

[مذهلة2013]

امورته الحمدلله اهون بعد قلبي مشكوره عالسوال

 

[مــتــنــحــة]

فديتكم بنات تسال عنكم العافيه

والله مارحت العياده ولاشي

ظليت بالبيت وانسدحت ورافعه رجولي فوق واحس الحمدالله احسن شوي

وامس بالليل قلت ماراح اشحن التلفون عند راسي

والله يابنات اليوم راسي احسن والحمدالله ماحسيت بالعوار اللي دايم

كنت شاكه بالموضوع بس طلع صج منه

يقولون اذا تشحنين التلفون قريب منج ياثر عليج حيل

 

[مــتــنــحــة]

جوزائيه زين تسوين جهزي شغلج وخلصي من الحين

اشوف بعض البنات يقولون ماسوينا شي ننطر للسابع

اقول بقلبي اكيد بجريات ومايدرون

السابع يبدا الثقل وصعبه بتروحين السوق يوم و10 بالبيت من التعب

فجاه الا انتي داشه التاسع وماخلصتي

يعني انا غلطتي وانا بجر شريت قمصان انفاستي وانا بالتاسع

يعني ماخذه مقاسات كبيره

بالاربعين تخبخب علي جنها مومالتي اصلا !!!

بعدها صرت اشتري القمصان من الخامس وفعلا بانفاستي تطلع مقاساتها زينه

وغلطتي وانا بجر اني كل شي اشتريه نيو بيبي وكثرررررت

والبيبي اسم الله عليه من نص الاربعين يصير ضيج عليه النيو بيبي فاضطريت ادز خواتي يشترون لي من 0 ل3

وهم كنت اشتري رضاعات بيجون الحلمه البلاستك الشفافه وهذي قاسيه شوي

وبسرعه يتعب منها البيبي وينام او يبجي

قمت اشتري الحلمات البنيه حيل لينه وسهله للرضاعه

واي شي بتذكره برد واقوله لكم باذن الله:eh_s(7):

 

[كيكة عسل]

مرحبا بنات شلونكم

متنحه صج طلع من التلفون الله يستر انا على طول عند راسي الحمدلله اللي عرفتي السبب وماتشوفين شر

مبروك جوزائيه تجهيزج تلبسونه بالسلامه

اي والله بنات نصيحه جهزوا من اللحين والله الثقل يغث ومايخليج تتحركين انا تو جهزت صايره بالمشوار الواحد محل واحد بس ماقدر على الفراره

بس الحمدالله خلصت وقاعده ع الويتنغ انتظر الولاده لوووول مره خايفه ومره ودي بسرعه اولد وخلص تعبت من الثقل حتى نومي مومتهنيه فيه

بعد نسيت استغلوا فترة التنزيلات اللحين والله توفرين شكثر

 

[مذهلة2013]

اي والله انا اايد التجهيز من بدايه الحمل
تخلصين من غرفه الياهل كامله والكفر وغير عن الاشياء الثانيه
حلاته من السابع تفرفرين على محلات الحلو عشان الاستقبال
انا اشوف وايد بنات هني يقولون لا خل ندش السادس او السابع
عشان تجهز غلط والله خصوصا البجر ماتدري شنو الثقل الي راح يكون
انتي خفيفه جهزي وخصوصا الحين السوق مثل ماقالت الاخت كله سيل

 

[مــتــنــحــة]

اي والله انا وحده عن نفسي من الخامس ابدا انتفخ بس ماي

فلما اوصل للتاسع خلاص تحسون شوي وانبط

تكرمون البس مقاسات صغيره 38 ووقت التاسع 41 يالله يدش فيني

وسبحان الله بس اولد والله واطلع من المستشفى اكون قاطه شي وشويات منها وزن البيبي والمشيمه اللي طلعوا

والباجي لانه كله ماي مو شحوم

فحيل اتعب والله كل جم يوم اروح السوق عشان محل واحد واتعب وارد البيت

وبعد لاثقلتوا سبحان الله يخرب النوم بالذات بالليل

فكل شوي منسدحه وماخذه غطه عشان تريحين

واااي ياربي تسهل علينا يارب

 

[مذهلة2013]

امين يارب

 

[كيكة عسل]

آمين يارب

 

[جوزائيه مغروره]

الله يسهل علينا يارب

انا خلصت تجهيز اليهال وبكمل تجهيزي بعد مراجعتي مع الدكتور

مريت سنتربوينت عجيب حده تنزيلاتهم قويه وحلوه

امس كنت بملجه ولد خالتي امبيه يتني وحده من اهلي قريبه حيل حيل تسالني شنو فيني قلتلها بنت وولد جان تشهق ومن بعدها حاشني عوار بالحد بغيت اموت منه اعوذ بالله منها ومن عيونها انا قلتلها على بالي تدري لانه الكل عارف طلعت توها تدري

متنحه الف الحمدالله على سلامتج حبيبتي

 

[جوزائيه مغروره]

خذيت من هالمره لبس بالجوخ ادري الجوخ قديم بس افكارها تونس

amboosee

حتى اهي حاطه اللي اخذته منها باسم حسين وسموره