تجمع الدكتور ( حيان الاحمد )

[مذهلة2013]

جوزائيه سمله عليج
ديري بالج واقري على نفسج

 

[مــتــنــحــة]

جوزائيه

اسم الله عليج

اقري المعوذات على بطنج وشغلي سورة البقرة وقصري عليها وقت نومج

اعوذ بالله شهالناس ؟ الحين بالعلاج الكل يحمل بتوأم ! والتوأم تعب حمالهم وتربيتهم بالعكس الله يعين الام !

بس مايفكرون كلش بس جذي شفاحه وتلقين عندها كوكش جهال وهم عينها على خلق الله !

حسبي الله على كل وحده تضر الناس بعينها متعمده ! ذكر الله مايعور احد بس ناس مدري شلون صايره !

 

[جوزائيه مغروره]

اي قعدت اقرا على نفسي ادعيه وقران

اهي حيل قريبه مني بس فيها هالطبع قلبها يفز على كل شي وكبيره فيها اخر ٥٠ اول ٦٠

استغفر الله

 

[Bnt-USA]

يممه جوزائيه الله يحفظج يارب ارقي نفسج دايم
والصراحه المفروض ماتقولين ان توام انا مرت حماي مادريت ان توام الا لما ولدت

نصيحه لا تعلمين احد حامل وبس


الله يحفظنا من هالناس اللي عبالهم الحمل والولاده والتربيه وناسه بوناسه

المشكله يحسدون واهم الله رازقكم ما يشكرونه

 

[جوزائيه مغروره]

بنت اي الناس تخرع بس المشكله هذي من الناس القراب حيل مو بعيده ويدتي قالت للكل فتوقعتها تدري

الحمداللع على كل حال دامه مغص وراح مو اكثر بس عواره كان طلق الا شوي

 

[كوكيز بالكريمة]

يسعد مساااكم و عساااكم بخير

امورته بعد عمري الله يرزقج عاجل غير آجل اللهم آمين

جوجو بعض الناس لو عندها هم عينها فارغه هم اتطالع غيرها و تحسده مثل ما قالوا خواتي مايدرون ان التوم تعب ع اﻻم من حملهم لولادتهم لتربيتهم الله المستعان .. عبالهم بالساهل غير جذي مايفكرون حمالهم بعلاج و ابر و عذاب مو مثل الناس العاديه .. اذكر رفيجتي مسكينه تعبت من الفحص الداخلي تكرمون و سحب البويضات و إرجاعهم و و و و هم الوظيفه بعد مو مثل حريم اول بالبيت و عندها خدامه غير الجارات يتعاونون .. احنا اخذي امومه و ينقص المعاش و اتطقين اصبع و هم يبيلج رعايه امومه سنه بدون معاش ياااا حبيبي صج تعب فوق التعب .. الله المستعان بس

ارقي نفسج و تجنبي التجمعات والزوارات .. صحتج و عيالج اولى فيج والله ..

 

[جوزائيه مغروره]

اي والله صاجه كوكيز ماراح يفيدوني بشي

حتى ريلي قالي حدج الدوام وبيت اهلج غيره ماكو بس هم راح امل وازهق

الله كريم انشالله

 

[مذهلة2013]

جوازئية حيان مااقالج مااتطلعين وااااايد

اختي حامل بتونز نفسج قالها ماتمشين يبيلج رااااحه كثر مااتقدرين وخذت مجلس طبي
حتى اذا بتروح السوق حدها محلين وتقعد ماتفرفر

 

[جوزائيه مغروره]

لا ما قالي بس قال حاولي تتحركين عالخفيف مو تجهدين نفسج

وانا بعد ما افرفر حدي مكان محدد اخذ منه اللي ابي وامشي

 

[مــتــنــحــة]

بنات انا عندي ثلاثه اسم الله عليهم

بس اول مره اشوف البيبي بالاسبوع التاسع لما يكون راس وتحت مثل الدوده

وااااااااي تحطمت حدي يهبل شكله وضحكني!!!

بروح له عالاسبوع ال13 اشوف اذا يقدر يميز شنو جنس الجنين ..

 

[مذهلة2013]

متنحه
انا رحت له عالاسبوع ١٣ وقالي بنوته
يميز

 

[كوكيز بالكريمة]

الله يرزقج ماتتمنين متنحه ويرزق أمورته وكل من تتمنى عاجل غير آجل اللهم آمين

جوجو قدمتي مجلس طبي؟؟ قدمي وأرتاحي قد ماتقدرين

 

[جوزائيه مغروره]

متنحه انا كانت تلوع جبدي هههههه لانه نساتي قويه

كوكيز عندي كل الاوراق وناقص اقدم على اللجنه بس متكيسله احس قعدتي بالبيت تغث ودوامي مافيه حركه كلش عالاقل اقزرها لي اول الثامن واكلم مسئولي يعطيني رخصه لي الولاده

لانه اهو يعطي اي وحده حامل رخصه شهر من تدخل التاسع

 

[كيكة عسل]

متنحه الله يرزقج باللي تتمنين ويرزق كل محروم يارب

جوزائية الله يستر عليج من هالنوعيه قطيعه تقطعهم اعوذ بالله عايشين على الحسد صايرين وايد الله يكافينا شرهم

شنو الوحده ماخذتهم من بقاله استغفرالله موجنه تاعبه عليهم وكله من صحتج الحمدلله ع العقل والله يستر عليج وعلينا يارب ويتمم علينا بالخير والسلامه

 

[كيكة عسل]

متنحه الله يرزقج باللي تتمنين ويرزق كل محروم يارب

جوزائية الله يستر عليج من هالنوعيه قطيعه تقطعهم اعوذ بالله عايشين على الحسد صايرين وايد الله يكافينا شرهم

شنو الوحده ماخذتهم من بقاله استغفرالله موجنه تاعبه عليهم وكله من صحتج الحمدلله ع العقل والله يستر عليج وعلينا يارب ويتمم علينا بالخير والسلامه

نصيحه اخذي مجلس طبي وارتاحي اهم شي راحتج وراحت بيبياتج انا اللحين مجلس طبي الحمدلله ارتحت من الدوام

وهم الدكتور قالي لاتمشين وايد وريحي للموعد الياي وان شاء الله اكون دخلت التاسع وببدا مشي ادعولي الله يسهل علي واولد اول التاسع تعبت والله

 

[جوزائيه مغروره]

الله يسهل عليج كيكه حبيبتي وتولدين بالسلامه يارب

انا موعدي معاه ٢٨ الساعه ٤ بس بيي من ٢ علشان لا انطر وايد

انتي الساعه جم

 

[كيكة عسل]

امين يارب انا موعدي ع ٣ ونص ان شاء الله اشوفج

 

[جوزائيه مغروره]

انشالله نشوف بعض

 

[مــتــنــحــة]

لي جم يوم ودي اروح له بس متردده

بالذات انه معطيني تحاليل اسويها قبل اسبوعين يمكن وللحين ماسويتها

ابي اسويها بعدين اروح له

 

[كوكيز بالكريمة]

يسعد مساااكم

جوجو ارتاحي مجلس جم شهر تالي اخذي اجازة مسؤولج .. راحه البيت احسن اتمددين براحتج عكس الدوام مرتزه ع المكتب حق صلاخ الظهر ههه

كيكه الله يسهلج ياقلبي وييسر امرج كثري دعاء و امشي عشان تخفين شوي و تمرني ع التنفس والريلاكس

متنحه الله يرزقج ماتتمنين انتي و امورته وكل من تتمنى إن شاءالله



مذهله وييينج

بناااات اللي ولدوا ويييينكم من غير شر .. شدعووووه