تجمع الدكتور ( حيان الاحمد )

[جوزائيه مغروره]

امين يارب فديتج

 

[مــتــنــحــة]

حبايبي الله يقر عينكم بشوفة عيالكم بالسلامه

انا بمر الدكتور هاليومين قبل اسافر

 

[مذهلة2013]

حبيبتي اجمعين يارب
تروحين وترجعين بالسلامه حبيبتي

 

[جوزائيه مغروره]

تروحين وتردين بالسلامه يارب

 

[كيكة عسل]

جوزائية ايه دقو علي يأكدوون الموعد وحدي متشوقه ابي اعرف شنو ينصحني فيه لما ادخل التاسع ابي اولد بدري
مابي اعوشر

الحمدلله تحاليلي خلصتهم الاسبوع اللي فات

متنحه تروحين وتردين بالسلامه ديري بالج على نفسج بالسفر لاتعبين روحج

مذهله ان شاء الله تشوفين العروسه بحضنج بصحه وسلامه
ياحلات البنات امووت عليهم

 

[جوزائيه مغروره]

الله يسهل عليج كيكه

انا بشوف شنو يقولي عن العوار اللي بظهري ووركي شي خيالي

 

[كيكة عسل]

امين اجمعين يارب

الله يعينج هذا من الثقل اساليني من دخلت السادس وهو ذابحني الله يعين
يالله كل شي بأجره الله لايحرمنا الاجر

الله يهون علينا يارب

 

[جوزائيه مغروره]

انا بعد اتوقع من الثقل مع انه على ولدي ما صار معاي جذي

يمكن لانهم توينز

الله كريم

 

[جوزائيه مغروره]

كيكه جنه عرفتج اليوم معاج زوجج صح؟

 

[جوزائيه مغروره]

رد: تجمع مواليد يونيو 2014 باذن الله يا احلا مواليد ��
الحمدالله توني راده من برا طبعا فراره بعد موعدي ههههه

رحت حق دكتور حيان الاحمد عجيب حده كالعاده

طمني عاليهال وقالي امورهم تمام ووزنهم زايد ومناسب لعمرهم

بس في شي خلانا نقعد نضحك

ولدي المصوون حاط راسه بخلفيه اخته الا يدزها يبي يروح مكانها ههههههههههههه

يقولي شنو هذا ماكو الا هالمكان هههههه

وورانا تفاصيل مثل الخشم والحلج والطول

وعلى عوار الظهر قالي لازم مخده حوامل ولما تنامين خلي تحت راسج مخدتين او ٣ وتحت ظهرج بعد

وعطاني موعد بعد اسبوعين مودري ليش

 

[مذهلة2013]

ههههه ربي يحفظهم يارب ويقر عينج فيهم
سبحان الله
جوزائيه انا اختي الحين حامل بتونز وتراجع عنده بعد اشوي تدش الثامن
ترا عادي اختي جذي كل اسبوعين موعدها
حتى اختي مشهوره يعرفونها السستر الفلبينيه
اول مراجعه قالتلي اختج التونز ؟ قلت لها اي هههه
والدكتور اينن يقول حق امي الله يعين بتنفسين ٢
ههههههههههه

 

[كيكة عسل]

هلا جوزائية ايه معاي زوجي والحمدلله تطمنتي على الحلوين الله يتمهم وتشوفينهم بالسلامه

اما سالفة ولدج هههههههههههه مالقا الا هالمكان عجيب والله

انا بعد الحمدلله اموري كلها تمام وواعدني بعد اسبوعين اقول اذا ماولدتي قبلهم قلت ان شاء الله اولد بسرعه

حده عسل هالدكتور اخلاق وفاهم ويريح

ايه ووصاني على المشي قلت افا عليك انا منحكره شهر اللحين مافي مكان ماني رايحه له

الله يهون علي وعليكم اجمعين يارب

 

[جوزائيه مغروره]

اي مذهله انا استغربت شسالفه اللي اعرفه بالثامن كل اسبوعين بس يمكن لاني توينز مثل ما قلتي

كيكه كنت بسلم عليج بس قلت يمكن مو اهي هههههه

ولدي حده مبدع

زفني قالي وين تحاليلج قلتله تصدق نسيتهم هههههه

وقالي ضروري ابي فيتامين دال

 

[مذهلة2013]

جوزائيه اختي من قبل اول
مااحللت واهو شاف تونز
وصارت مراجعتها كل اسبوعين لانه اكيد
حاله التوينز مو نفس الحمل العادي
ربي يوصلنا بمتمه

 

[مــتــنــحــة]

الله يسلمكم بنات من كل شر

والسفر بروح بسياره السعوديه وماراح اطول ان شاءالله

وجوزائيه ولدج بدع الله يخليهم لج ويقر عينج بشوفتهم بحضنج يارب

وبالنسبه للمخده ترا توني شريتها من مذركير السالميه وااااي يازينهااا

حاطتها بحضني ومتسنده عليها وقت النوم والف واهي معاي

مريحه عكس المخاد اذا غيرتي نومتج انعفسوا المخاد وتقومين عشان ترتبينهم مره ثانيه

زوجي معصب يقوللي حلايا راسج انتي وهالمخده اللي ماخذتها بالاحضان:ggdw:

بس تهبل اشتروها بنات والله فلوسها حلااال واذا سافرت باخذها بعد:eh_s(15):

 

[مذهلة2013]

بجم متنحه هالمخده؟؟؟
وشلون طريقتها طويله ؟؟

 

[مــتــنــحــة]

مذهله

اهي ب15

بس عشان تنزيلات خذيتها ب12

ويقولون فيه وحده ثانيه بعد بس خلصت

شوفي الصور عالكرتون

انا هذي ارتحت عليها والله

 

[مذهلة2013]

اوكي حبيبتي
بشوف هاليومين اروح

 

[احلاانسانه]

الله يتمم عليكم يارب موعدي بعد اربع ايام ومالي خلق زحمه والانتظر ونفس الوقت متشوقه اعرف البيبي شنو واللي تبي المخده موجوده بسنتربوينت بس مادري بجم

 

[احلاانسانه]

عفيه ضروري تردون علي سؤالي ولدي يبي يروح دبي علشان نجح وزوجي مصمم نسافر وانا الحين الاسبوع ١٢توني في بدايته شرايكم خايفه من الطياره وهم خايفه من السفر بالسياره لان اذا بس رحت الدوام اتعب ويصير فيني عوارشرايكم اسافر ولا شسوي خايفه من ضغط الطياره علي البيبي