تجمع الدكتور ( حيان الاحمد )

[أمورته]

كوكيز ي عمري انتي والله اني ماعرف شنو الخطوه ثانيه اسوي تحليل دم وسونار ولا شنووو


ربي يبارك بعمرج ويتمم علينااا ع خييير يارب

 

[مذهلة2013]

شوفي امورته
باجر الصبح سوي تحليل دم للحمل

وحطي موعد عنده عشان تراجعين عنده وتسمعين النبض لما تدشين الاسبوع السابع او الثامن

 

[أمورته]

باجر اليمعه تهقين عادي?


اوكي ان شاءالله

 

[أمورته]

باجر اليمعه تهقين عادي?


اوكي ان شاءالله

 

[مذهلة2013]

باجر العياده تسكر حبيبتي

دقي السبت

 

[أمورته]

اي راح انتظر الله يتمم لنا كلنا ع خير
يارب لك.الحمد

 

[كيكة عسل]

كوكيز ومذهله آمين الله يسمع منكم والفال لكم الله يتمم حملكم وتفرحون بشوفة بيبياتكم

هذا انا يوميا امشي الله يسهل

امورته الف مبرووك والله يتمم لج حملج يارب

 

[كوكيز بالكريمة]

امورته .. سوي تحليل دم هرموني عشان تتأكدين من الحمل و ابدي اخذي الفوليك اسيد يوميا" 400 مجم كل يوم حبه وحده بعد الغدا احسن عشان تكونين ماكله عدل .. ﻻنه الفوليك يسبب احساس باللوعه خفيف اذ المعده مافيها اكل.. ومثل ماقالت مذهله ع اﻻسبوع السابع او الثامن تراجعين عشان يسويلج سونار .. والله يثبت مافي رحمج ويقر عينج بشوفه ضناج بسلامه

 

[جوزائيه مغروره]

الف مبرووووك امورته ربي يتمم عليج ديري بالج على نفسج

انتي دقي عالعياده واخذي موعد لانه مره دقيت ما لقيت الا بعد ٣ ايام

وسعره وايد حلووو ٣٥ مع السونار

بس سوي تحليل الدم الهرموني او العادي قبل لا تروحين له

 

[مــتــنــحــة]

شلونكم بنات

وناسه دشيت الرابع الله يعدي هالايام على خير

ويسهل علينا كلنا يارب

امورته الف مبروك حبيبتي

بس عيدي التحليل وسوي هرموني

وروحي الدكتور يشوف كم لج بالحمال ويشوف كيس الجنين وكل شي ان تمام

بعدين راح يعطيج موعد عالاسبوع السابع او الثامن ويسمعج النبض

وترا مونوعيته اللي كل شهر موعد مثل باقي الدكاتره !

لا اذا شاف وضعج طبيعي مايعطيج موعد الا للضروره

والله يسهل عليج يارب

 

[مذهلة2013]

امورته بشري شسويتي ؟

 

[احلاانسانه]

شلونكم كروشات مبروك امورته الحمل الله يتمم عليج
سافرت يوم ورجعت للاسف تعبت ونزل علي ماي ودم وماقصر الدكتور عطاني مثبتات وراحه قال اللي تبي تسافر لازم السفر يكون فيه راحه في سياره او طياره انا اللي تعبني عيالي والجناط ماعندي خدامه مسافره الله يعين ويثبته انشاءالله

 

[احلاانسانه]

شلونكم كروشات مبروك امورته الحمل الله يتمم عليج
سافرت يوم ورجعت للاسف تعبت ونزل علي ماي ودم وماقصر الدكتور عطاني مثبتات وراحه قال اللي تبي تسافر لازم السفر يكون فيه راحه في سياره او طياره انا اللي تعبني عيالي والجناط ماعندي خدامه مسافره الله يعين ويثبته انشاءالله

 

[مذهلة2013]

حبيبتي ماتشوفين شر
لاتحاتين انا بعد نزل علي قبل جم اسبوع
والحمدلله راح اهم شي الراحه

 

[أمورته]

هلا والله بنات مشكورين وايد الي باركو لي والله انا طنشت بالدنيا ورحت الشاليه وللحيني فيييه ناطره نرد ع خميس واروح اسوي تحليل دم واخذ فوليك اسيد

مشكورين والله يبارك فيكم يارب ويستجيب لكم
كوكيز
كيكه
متنحه
جوزائيه
عسى ربي يثبت مافي ارحامنا وارحامكم يارب

 

[أمورته]

مذهله والله انا بشاليه ماسويت شي وانطلع نتمشي والسياره تخض فيني
ونفسيه.طبعااا اكس طالعه مع اهل ريلي وسويت سالفه احقدو علي ماكو مراعات كلش
بس نصحيه بنات اهل ازواجكم خلكم سطحين وزيارات خفيفه انا تعذبت منهمم جنه ماكو غيررري

 

[أمورته]

احلا انسانه ربي يبارك فيج ويخليج
سلامتج ماتشوفين شر ي غالييييه

 

[مــتــنــحــة]

بنات

توني طالعه من عيادة دكتور حيان

طلع فيني بنووووته الله يثبتها ويحسن خلقها ويسهل علينا كلنا يارب

 

[أمورته]

بنات مااحس في شي بطني هذا طبيعي اولا

 

[أمورته]

الف مبروك متنحه ربي يجعلها من ذريه الصالحه