تجمع الدكتور ( حيان الاحمد )

[أمورته]

مذهله مادري كتبت لج اهنيه او بمكان ثاني مادري ردي ماراح هههه
ابي اعرف شلون اتاكد فيني بيبي واحد ولا توووأم لان دكتوره تقول في جيسين واحد في بيبي واحد مو مبين
وثاني شي تقول فيه ماي بالرحم
وماعرفت كل جم.ادخل شهر

 

[كوكيز بالكريمة]

یسعد مسااااکم و عسااااکم بخیر

مذهله شخبارچ یااا قلبي طمنينا

امورته التوأم اذ متطابق يعني بجيس واحد يطلعلج كورتين او جسمين و اذ غير متطابق يعني كل واحد بجيس يطلعلج جيسين و داخلهم جسمين

اذ واحد شافت فيه جسم والثاني ﻻ نطري جم اسبوع و ردي سوي سونار دقيق يبين لج اذ الجيس الثاني فيه جنين او فاضي او ماي على قولتها

انصحج راجعي اشرف بالسلام او دكتور حيان نفسه عشان يطمنج ع الجيس الثاني

ربي يرزقج التوأم السليم المتعافي بصحه وسلامه

 

[كوكيز بالكريمة]

جوجو ردي على امورته بسرعه بشأن الجيسين كونه توأمج ربي يحفظهم بجيسين بعد

 

[أمورته]

كوكيز فديتج كلهم نعمه توام ولا واحد بس مرات الواحد يحاتي الدكتوره عذت تساؤلات وخلتني بحيره
ريلي يقولي واحد وانا اقوله ورتنا بالسونار جيسين وتمت تطرح التساؤلات وتقول هل هو جيس فاضي هل هو توأم هل من افرازات البويضه وانفجارها كل هذا ماندري

 

[أمورته]

بالنسبه المراجعات طبعا خالتي ام ريلي امرت ريلي انه نراجع الشهر الرابع
يعني الحين اغسل ايدي اني اروح اراجع اي مكان لان كلمتها مسمار بلوح ههههههه
وانا ودي بدكتوره عشان اذا الله كتب لي وثبت حملي ي رب اولد عندها مره وحده


يقولون زينه معصومه بدار الشفاا شرايكم انتم

 

[جوزائيه مغروره]

ههههه كاني كوكيز

امورته انا بين معاي انهم توام وانه فيهم جنين من شهر ونص تقريبا

ولاتحاتين اذا في جيس فاضي مو متلقح بينزل من نفسه

----------

صارلي جم يوم احوس علشان عندنا تعديلات حق بيت اهلي

وقبل شوي نزل علي افرازات بني غااامج حدي خفت

دقيت على دكتور حيان وقالي جدمي موعدج خليه باجر او عقبه واي شي يصير دقي

خليت موعدي باجر

الله يستر انشالله

 

[مذهلة2013]

جوزائيه حبيبتي لاتحاتين
بني معناته دم متجمع عادي حبيبتي
استودعيهم الله وماعليهم الا العافيه

 

[جوزائيه مغروره]

والله اتوقع من حوستي صارلي جم يوم اراكض يمين ويسار ويومين كله بسوق اليمعه

باجر بروح له الساعه ٢ ويمكن قبل علشان اكون اول وحده

 

[مذهلة2013]

انا اكون على ١.١٥ عنده عشان اكون اول وحده
اهو اييً١.٣٠ احسن
ماعليج الا العافيه ان شاءالله
بس حبيبتي ديري بالج انتي حالج مو حال الحامل العاديه
فيج توينز ف ديري بالج حبيبتي

 

[كيكة عسل]

مرحبا شلونكم كروشات

جوزائية ماتشوفين شر وانتبهي على حالج اللي مثلج توينز لازم يرتاح

وزين سويتي لما قدمتي موعدج وان شاء الله خير وطمنينا عليج

انا موعدي الثلاثاء وان شاء الله اولد قبله ادعولي بنات والله يتمم عليكم يارب

 

[مذهلة2013]

ربي يسهل عليج كيكه
وتولدين ولاده سهله يارب
وتشوفين ضناج بحظنج

 

[أمورته]

زين جوجو طمنتي الله يطمنج ع الي في بطنج ويحفظهم.ي رب
تكفين.لاتخرعينا علييييج.دير بالج.ع نفسسسسسج


كيكه الله يسهل عليج ي رب وتولدين.بالسلامه ان.شاءالله

 

[كيكة عسل]

آمين الله يسمع منكم ويتمم عليكم حملكم يارب

اليوم رحت ومشيت ع البحر واللحين ذبحني الم اسفل بطني

ان شاء الله ينفع المشي

 

[جوزائيه مغروره]

تسلمووون حبايبي :****

مذهله خذيت بنصيحتج ورحت ١ ونص ودخلت اول وحده

طمني عالبيبيات وقالي ممنوع الحركه نهائيا وعطاني تحاميل يقول لانه احتمال كبير في التهاب مكان الربط واهو اللي سبب هالبني

وعطاني موعد بعد اسبوعين

 

[جوزائيه مغروره]

ربي يسهل عليج كيكه وكثري المشي وحاولي تسوين نفسج قاعده بالحمام العربي وانتي بكرامه علشان ينزل بالحوض اكثر

 

[كيكة عسل]

وعليج حبيبتي دير بالج على نفسج وارتاحي مثل ماقال الدكتور
وماعليج شر ان شاء الله والحمدلله تطمنتي ع البيبيات الله يخليهم لج وتشوفينهم بالسلامه
هذا انا امشي يوميا والله يسهل علي وعليكم

 

[أمورته]

الله يفرح قلبج كيكه بطناج

جوزائيه فديتج ديري بالج ع نفسسسج
والله يخلي لي البيبات وتفرحين.بشوفتهم بصحه وعافيييه

 

[مذهلة2013]

جوزائيه ماعليج شر ان شاءالله حبيبتي
دام تطمنتي على البيبيات

كيكه ان شاءالله تولدين سهاله

 

[أمورته]

شلووونج مذهله شخبارج?
ابي اسالج تنسيتي بشنوو ? ومتي ?

 

[مذهلة2013]

امورته حبيبتي الحمدلله
تنسيت
بالليمون كنت حيييل احبه
وورق العنب الحامض
كله حوااامض ههههه
وبطاط ليز الخل هههه
وكرهت البيض شكله وريحته وطعمه كل شي فيه