تجمع الدكتور ( حيان الاحمد )

[مــتــنــحــة]

وصاجه جوزائيه

موقادره ارتاح لاي دكتور او دكتوره من بعد دكتور حيان الاحمد

انسان ذمه وضمير وخايف ربه وفاهم شغله

بستخير والله يكتب لي اللي فيه الخير يارب

 

[مذهلة2013]

متنحه
توكلي على الله واولدي عنده
استخيري وشوفي

 

[مذهلة2013]

متنحه
توكلي على الله واولدي عنده
استخيري وشوفي

 

[مذهلة2013]

بنات وين مفكرين تولدون ؟
الدكتور حيان حيل يمدح بالترتيب
١ السيف
٢المواساه
٣السلام
٤دار الشفا
٥رويال حياه
٦الهادي
٧ طيبه كلينك

 

[أمورته]

متنحه والله مو بكيفي ريلي اذا قلت له يقولي مو انتي الوحيده الحامل بالكون
وامي تقول نراجع من رابع وانا بسمع كلامها كل هذا عشان يرفع ضغطي هههههه ومرات يقولي عشانج مرتي
باخذج تسوين سونار
انا قاعد احاول اكل اكل صحي اشوب عصير فرش ولبن وحليب وماي واخذ فوليك اسيد وبرقنا بلان
وامي تقولي لاتسوين سونار كل شوي يفقصون بطنج هما يفرون مخي

والله مازعل منج ادري تبين مصلحتي
باجر باذن الله ريلي بيروح يب طبيه بروح معاه اسوي سونار بنفس العياده
المهم ارتاااح واتطمن ودي ايي اطمنكم بعد هو واحد ولا ثنين نعمه المهم اتطمن انهم بخير
وصج نسيت اقولج الدكتوره عطتني مثبت لمده عشر ايام صبح ومساء وخلصته بس حبه نسيتهاا
يارب الله يهديه لي ويوديني باجر وياااه

 

[أمورته]

جوجو ههههههههه والله مو بكيفي الود ودي كل دقيقه اتطمن بس سبحان الله يفرون مخنا امي وامه يقولون بالرابع وخالتي بعد مختاره المستشفى والدكتوره يارب تولدني ع احسابها >>> طماعه

 

[جوزائيه مغروره]

انا راح اولد بالمواساه واخذ الجناح الصغير

امورته شلون تعطيج مثبت واهي ماتدري عن السونار اصلا

امبيه عن نفسي ما استحمل احد يتدخل بحياتي

قبل فتره ابوي عارض اسم الولد بس يدري اني عنيده

وهم قبل جم يوم دقت علي يده ريلي توها تدري اني حامل وتبي تسميهم على بالها بستحي قلتلها مسميتهم وخالصه وماراح اغيرهم لاي سبب

 

[مذهلة2013]

جوجو
زين تسوين بعض الناس لزقه
اوكي ابوج ماعليه عالاقل قريب منج حييل
ويمون عليج
بس البعاد شكو يتدخلون اناوريلي كيفنا

 

[مــتــنــحــة]

مذهله

اناً ودي بالمواساه صراحه

وباذن الله بولد فيه

 

[مذهلة2013]

حتى انا ودي بالمواساه بس كنت ابي السلام
بس الدكتور مايمدحه حيييل

 

[مــتــنــحــة]

اي والله حيل يمدحونه المواساه

والسيف محد يمدح ستاف السسترات اللي عندهم

وبصراحه مو وقته انتي تولدين واللي حواليج يغثون

يبي لج احد يداريج وقتها

والا السهالات من الله

ويمدحون خياط الدكتور شكثر يارب تسهل علي واولد عنده

والسلام شكثر يشتكون منه يقولون لاازم يسوون اكشن بالذات بالبيبي

ان فيه وفيه ولازم فحوصات فلانيه وعلانيه ومدري شنو !

كل هذا عشان ياخذون جم فلس زياده والبيبي مافيه الا العافيه

عاد مااحب هالسالفه

يعني بالطقاق بالفلوس بس الوحده توها والده ويخرعونها على ضناها حرام والله !

 

[جوزائيه مغروره]

مذهله ابوي عارضني على الاسم يقولي سميه حسين قلتله نذري الحسين مو حسين واول جم يوم ناشبني بعدين سكت يدري اللي براسي اسويه

اما يدته تبي تسمي فهد وانا ما احب هالاسم كلش

حلوه هذي احمل واتعب واهم يسموون

نرجع حق المستشفى

اهو قالي السيف والمواساه احسن شي

ولما قارنت بينهم السيف زحمه واحسه لويه وصوب الازعاج ومسافطه مو وايد

والمواساه هاااااادي حده والمسافط زينه وماكو لويه

 

[جوزائيه مغروره]

متى مواعيدكم

انا ١٧-٣ الساعه ٣

 

[مذهلة2013]

٢٩-٣
لانه رحت قبل جم يوم

 

[جوزائيه مغروره]

شكلي هالمره راح ابط راسه من كثر الاسئله هههههه

 

[مذهلة2013]

ههههههه
اي مااوصيج
كتبي اساله كل شي كل شي

 

[جوزائيه مغروره]

اي اي بكتبهم بالملاحظات علشان لا انسى

 

[احلاانسانه]

شخباركم اليوم رحت لدكتور حيان يغير الفيتامينات مانسبتني يعورون معدتي
وعطاني موعد 19 الشهر طالعه ورا اذني اليمين من تحت صوب الرقبه نفس الكوره الصغيره تعور اتوقع اللتهاب اذن خايفه اروح الطبيب

 

[مذهلة2013]

احلاًانساته
واي اكرهه الفيتامينات كبار
وريحتهم خايسه هههههه

 

[أمورته]

بنات ابشركم رحت اليوم سويت سونار والدكتوره طمنتني وسمعت نبض البيبي الفال للكل ان شاءالله يطمنون ع الي ببطونهم والحمدالله طلع بيبي واحد يارب لك الحمد يارب لك الحمد حبيت ابشركم