تجمع الدكتور ( حيان الاحمد )

[جوزائيه مغروره]

احلا انسانه ماتشوفين شر

انا اتوقع راح يحذفني من الدريشه لما اقوله ما اخذ الفيتامينات هههههه كل مراجعه يعطيني محاضره عليها

اموووته ربي يتمم عليج

رحتي عند اي دكتور؟

 

[أمورته]

امين جوجو
ريلي عنده موعد ورحت وياه عياده الدكتوره عاليه الفضلي بس وايد زينه كانت الموجوده اجنبيه ربيبانه اسمها جنه بس فهمتني كل شي خوش وحده
بس عموما انا ماقدر اراجع عندها مره ثانيه
خالتي حابه معصومه مخصيد بدار الشفاء ومن صوبي موحابه اكسر كلمتهاا ودي افرحها بعد

 

[جوزائيه مغروره]

انتي روحي حق معصومه اذا ارتحتي لها كملي معاها واذا ما ارتحتي قولي لام ريلج ما ارتحت لها وبغيرها

 

[أمورته]

إن.شاءالله حياتي

 

[جوزائيه مغروره]

ودي يوم الاثنين ايي بسرعه احسه بعييييييد

 

[مذهلة2013]

جوزائيه اليوم عمليه اختي ان شاءالله على ٨
توينز وبيولدها د.حيان

 

[جوزائيه مغروره]

الله يسهل عليها يارب

طمنيني عليها وعلى البيبيات

 

[كوكيز بالكريمة]

يسعد مساكم كروشاااات

من زماااااان عنكم من غير شر

كيكه حمدالله ع سلامتج يتربى بعزكم الشيخ وربي يبلغكم فيه إن شاءالله

اموورته مبرووك ربي يتمم عليج ويفرحج بشوفه ضناج بصحه وعافيه .. انا اللي اسوي و اعرفه اول 3 شهور بس فوليك اسد بروحه من الرابع وطالع بريقنابلان وكالسيوم((ﻻن كالسيوم برقنا ضعيف حيل)) .. يقولون موزين الحديد اول 3 شهور يسبب نزيف ﻻسمح الله .. بس دايم من اراجع يعطوني فوليك بس من الرابع يوصفون الفيتامينات بشكل عام

اخباركم بنات إن شاءالله كل شي تمام

احلا الكوره اللي ورى اﻻذن هذي التهاب معروووف بس وين الله اعلم .. راجعي طبيب احسلج تطمني

 

[كوكيز بالكريمة]

الله يسهل عليها مذهله وتقوم بالسلامه إن شاءالله اهي و عيالها .. طمنينا عليها

 

[مذهلة2013]

الحمدلله خلصت
تمدح مدح بدكتور حيان مدح مو طبيعي
هذه ثاني مره تولد عنده
والحمدلله سهالات قيصريه و ماخذه ابره ظهر
والحمدلله

 

[احلاانسانه]

الله يسلمكم بنات الحمدالله الحين احسن بس المضاد يذبح اكرهه
مذهله الحمدالله علي سلامة اختج يتربون بعزها وعز ابوهم
واذا علي الفيتامينات قولي يغيرهم لج وايد احسن يعطيج وحده تهبل صغار
وخفيفه علي المعده كرتونها بنفسجي

 

[جوزائيه مغروره]

هلااا وغلااا كوكيز انتي وين تختفين وتردين

مذهله مبروووك ويتربون بعزكم

 

[مذهلة2013]

حبايبي الله يبارك فيكم

 

[أمورته]

كوكيز حبيبتي ربي يبارك فيج
تصدقين حتى الدكتوره الي سويت عندها سونار استغربت اني اخذ برقنا بلان بس عقب شنو عقب ماخلصت العلبه كلهااا تمو حبتين
الدكتوره. الي قبلها هي اخذت تحاليل وايد مني ووصفت لي برقنا بلان وفوليك اسيد ومثبت ومال تقلصات اشكره بوق عشان صيدليتها بعد بس شقول الله يسامحها


مذهله الف مبروك حبيبتي الفال لج الولاده الطبيعيه السهله الميسره

 

[كوكيز بالكريمة]

الحمدالله على سلامتها وسلامه البيبيات يتربون بعزكم إن شاءالله

ماقلتي بأي مستشفى ولدت و سوالها شد مع الولاده واﻻ ﻻزم تطلبه؟

شتقول عن ابره الظهر .. تدرين انا قيصريه و بعرف التفاصيل كامله

جوجو سكتي حالتي مايعلم فيها اﻻ الله .. خالتي عندي بالشقه اهي و بناتها بيتهم يبنونه وشقتي قرقور ومعتفسه ﻻ اكل و ﻻ نوم الله المستعان

يمكن تحاليلج فيها ضعف امورته عشان جذي عطتج فيتامينات مره وحده .. مايضرون إن شاءالله و ما عليج اﻻ العافيه إن شاءالله

 

[أمورته]

يمكن كوكيز والله مادري هانت ان شاءالله جم اسبوع وادش الرابع ويسسون تحاليل مره ثانيه ربي يتمم لنا ولكل ع خير

 

[مذهلة2013]

كوكيز
الحمدلله تمام خذت ابره ظهر وعطاها الدكتور
ابرتين عشان ماتحس بالالم الحمدلله ماحست بالالم
بوقت العمليه كلششش وبالليل حست اشوي وابره
الظهر للحين موجوده ماشالها الا اليووم يعني ثاني
يوم وقالها لانها توينز مايننفع الشد نهائيا واليوم يه لها
ويقولها والله من امس مو شايف اهلي كله عمليات عنده
ربي يفتحها عليه من اوسع ابوابه

 

[مذهلة2013]

حبيبتي امورته الله يبارك فيج

 

[جوزائيه مغروره]

كوكيز الله يعينج ويخلصون بسرعه وترتاحين من اللويه عاد كلش مو وقته

مدهله غريبه قالها ما ينفع مع اني متفقه معاه عالشد وشرح لي جم ساعه تاخذ العمليه الولاده والشد وحتى قلتله ابره ظهر قالي لا بنج كامل

يوم الاثنين برجع اساله

 

[مذهلة2013]

تاكدي حبيبتي جوجو