تجمع الدكتور ( حيان الاحمد )

[مذهلة2013]

ربي يسهل عليكم وعلينا

 

[^ lamooosh ^]

امين يارب

 

[^ lamooosh ^]

امين يارب

 

[كوكيز بالكريمة]

لمووش اذ تبين طبيعي و مصممه روحي لطلبه باﻻمومه انا قالي دكاترتج ليش ماشفطوه لج ﻻنه حوضج زين و راسه ممكن يعدي بس جسمه ﻻ و دام الراس يعدي ينشفط الجسم كله معاه

انتي استخيري و شوفي و هم شوفي حيان شيقولج اهو شاطر بعد حيييل سمعت
و اذ انتي ناويه قيصري خليج عنده عساس الشد

طيوووب الله يسهل علينا جميعا و يسهل وﻻدتنا بسلامه...اللهم آمين

كيكه طمنينا شلون مراجعتج اليوم..إن شاءالله كل شي تمام

بنات لي 10 اسابيع متى اراجع عنده احسن؟؟
ناس تقول صبري لل13 عشان تكونين متممه 3 شهور ﻻنه لو بروحله الحين بيعطيني موعد بعد اسبوعين هم...انتو اشرايكم؟؟

ﻻنه اول مره اكيد بكون تحاليل و ضغط و وزن و و و

ف متى تنصحوني اروح الحين و اﻻ اصبر شوي

 

[مذهلة2013]

شوفي حيان قلت له متى يفضل اسوي تحاليل وجذي
قالي من الشهر الرابع احسن ابلش وياج تحاليل وفيتامينات
واذا رحتيله قبل ببشوف البيبي بالسونار ويتاكد من الرحم وجذي
وبس

بس احسلج روحيله بالوقت الي انتي تحسين فيه زين
اهو احتمال يطلع جنس الياهل لانه شاطر ويصيدها
قال لاختي ولد واهيي توها داشه الثالث وفعلا ولد

 

[كيكة عسل]

مرحبا بنات شلونكم

هلا كوكيز الحمدلله رحت لمراجعتي وكل شي تمام وسالته عن الشد يقول ياخذ شي بسيط عشان تقدرين تحملين مره ثانيه
بس ماقالي السعر وبالنسبه للمستشفى رشحلي السيف يقول احسن شي بس غالي اذا ميزانيتج تسمح روحي له وانتي مغمضه

وسالته عن التجميل والتضويق وقال فيه فرق واهو يسوي تجميل للكل بس التضويق للي تطلب وسعره بروح هم ماسالته عن سعره لووول كنت حدي دايخه واحس ضاعت الاسئلة قلت شلون اعرف اني احتاج تضويق قال يبين معاي حزة الوﻻده
وااااي كنت اسالة وحدي منحرجة بس شسوي دكتور وﻻزم اسالة

 

[كيكة عسل]

مرحبا بنات شلونكم

هلا كوكيز الحمدلله رحت لمراجعتي وكل شي تمام وسالته عن الشد يقول ياخذ شي بسيط عشان تقدرين تحملين مره ثانيه
بس ماقالي السعر وبالنسبه للمستشفى رشحلي السيف يقول احسن شي بس غالي اذا ميزانيتج تسمح روحي له وانتي مغمضه

وسالته عن التجميل والتضويق وقال فيه فرق واهو يسوي تجميل للكل بس التضويق للي تطلب وسعره بروح هم ماسالته عن سعره لووول كنت حدي دايخه واحس ضاعت الاسئلة قلت شلون اعرف اني احتاج تضويق قال يبين معاي حزة الوﻻده
وااااي كنت اسالة وحدي منحرجة بس شسوي دكتور وﻻزم اسالة :s141:

 

[كيكة عسل]

كوكيز بالكريمه راجعي عنده من الرابع احسن حتى البيبي يكون واضح

وسوناره ماشاء الله دقيق وواضح ويصيدلج الجنس بسرعه

الا صج للحين مابين معاج انتي اي اسبوع

 

[كوكيز بالكريمة]

يعني برأيج مذهله انطر احسن صح

الحمدالله على سلامتج كيكه

طمنتيني الله يطمنج مشكووره

ميخالف معذوره من الحمال والدوخه الله المستعان

انتي تنسين انا اقط بدليات هههه

بالعكس ﻻ حياء ف الدين او العلم...سألي عشان تكون عندج معلومات كامله

مادري السيف حييل غالي و طيوب تقول بالعكس اسعاره زينه

انا لي قبل فتره سألت وحده معاي بالدوام قالت مو اقل من 2500 للقيصري؟؟!!

ممم شرايكم بنات منو عندها تجارب وﻻده بالمستشفيات اللي مرشحها تقولنا وجزاها الله الف خير

انا بدش اﻻسبوع ال11 إن شاءالله يعني بكون شهرين ونص او اكثر شوي

مادري ادوخ بالحسبه ههه

 

[كيكة عسل]

الله يسلمج ياقلبي
ههههههههههه اهو نسيان وﻻ بدليات الله يعينا ويهون علينا
اي السيف غالي
وانا للاسف ماكو خبره بالخاص انا وﻻداتي كلها حكومه هالمره بدلع نفسي خخخخخخخخخ

 

[^ lamooosh ^]

كوكيزبعد قلبي والله
اول شي انتي لازمرتاخذين فولك الاسد حاليا
واحجزي عنده موعد عشان تروحين تكونين بالاسبوع ال ١٣
تكونين بدشين الرابع


وانا الامومه يخرع بالنسبه لي حضرت سالفتين فيه
وحده منهم ليه بس مافهمت شي وطلعت وحده من البنات المنتدي وتكلمت
شسواا فيها وانصدمت صراحه


انا بكتب مشكلي بالتجمع مال ولاداة ديسمبر ياليت تمرين
لان بسال البنات صراحه


وانا مابي قيصريه ودي طبيعي فابي دكتور يصبر
اليوم امي تقولي الا اروح للاسطل بالسلام


وبخصوص اسعار السيف انا دقيت وسالت بس ناسيه


بس كانت الغرفه علي حسب الاطلاله
واغلي غرفه ١٥٠٠ جنا
باجر بدق عليهم وايب لكم الاسعار


كيكه
ربي يسهل عليج والله يجزاج خير انج سالتيه
وفدتينا

 

[كوكيز بالكريمة]

كيكه يحق لج الدلع الحين هههه استغلي الوضع صح

لمووش هذا اللي بيصير إن شاءالله

و ع اﻻمومه للامانه ولدت فيه روووعه و عنايه اكلمج عن تجربتي و مرت اخوي قبلي انصحتني فيه جزاها الله خير اهي و خواتها ما يولدون اﻻ فيه

إن شاءالله امر عليكم هناك

 

[مذهلة2013]

شلونكم بنات

مراجعتي بعد اسبوعين ان شاءالله

 

[كوكيز بالكريمة]

هلا مذهله نوعا ما انا تمام و انتي اخبارج و البناااات وينكم

 

[مذهلة2013]

البنات كل فتره وفتره يختفون هههههههههه

متى مراجعتج كوكيز؟

 

[كوكيز بالكريمة]

بصبر إن شاءالله للأسبوع 13 و اروحله بكون اخر الثالث اول الرابع...إن شاءالله

بنااات شلون دار الشفا والسلام محد تكلم عنهم او سأل احم احم كونهم مناسبين للبادجيت اتوقع هههه

 

[كيكة عسل]

مرحبا بناات شلونكم

هذا احسن وقت تراجعين عنده كوكيز بالنسبه للمستشفيات اهو يقول ارتاح للمواساة اكثر شي واهو يولد فيهم كلهم
بس مادري احسه مايل للمواساة اخر مره سالته قال ﻻ بالعكس انا ما اميل لاي مستشفى كلهم زينين واللي ترتاحين له
وتختارينه اولدج فيه

مادري احس ضيعني عااد انا كلش ماكو خبره بالمستشفيات الخاصه وﻻ عندي اخت اكبر مني مجربه
ورفيجاتي كلهم بالرويال والامومه وللاسف مايولد فيهم

 

[كيكة عسل]

بناات انتوا متى وﻻداتكم وعرفتوا شنو جنس بيبياتكم

انا ان شاء الله اخر موعد عطاني 1/3

وفيني ولد والحمدلله على عطى الرحمن عندي بنتين والله رزقني بالولد الله يتمه وافرح بشوفته

والله يرزقكم ويعطيكم اللي تتمنون

 

[كوكيز بالكريمة]

هلا كيكه...جنج داريه تو قريت عن المواساه شكله حلو و اتوقع سعره زين 1200 قيصري

انا كنت والده باﻻمومه شنو رووووعه و هدوووء و عنايتهم حلوه واﻻحلي بكل دور اكو حاضنه اطفال يعني تتمشين تمرين بيبيج تتطمنين وهالشي حلوو عن ما رايح راد باﻻصنصير مع اﻻوادم ههه

اي حساااافه ماااا يولد باﻻمومه

انا موعدي 26/6 و إن شاءالله حاااامل ابنووته دعواااااتج لي♡

ربي يسهل عليج هااانت إن شاءالله

انتي بطله و قدهاا :ggdw:

 

[كوكيز بالكريمة]

الحمدالله و على نياتكم ترزقون...ربي يبلغج شوفته معافى سليم ويبلغج فيه معرس إن شاءالله ويجعله قره عين لج و ﻷبوه و عون لخواته...اللهم آمين و يرزق اخواتي بتجمع يونيو لمن تتمنى الولد و من تتمنى البنت...و انا منهم ههه

و اسأل الله يرزق كل محرومه ويعوض صبرها خير..اللهم آمين