تجمع الدكتور ( حيان الاحمد )

[كيكة عسل]

امين يارب العالمين مشكوره حبيبتي على الدعوات الحلوه والله يهون علينا ونفرح بشوفة بيبياتنا بالسلامه
وياحلات البنات تجهيزهم يشوق عكس الصبيان مادري شلون بجهز له احس رسميين مو مثل البنات فناتق

اهم شي التشجيع كوكيز احس تحمست على الوﻻده هههههههههههههه

 

[كوكيز بالكريمة]

اكيد انا خوات و نشجع بعضنا ﻻاااازم الروح الرياضيه بينا ههه احس نفسي قاعده بمدرج ملعب

عااااااشت كيكه ايووووه كيكه هياااااه

:ggdw: :ggdw:


بنات وينكم طمنونا

مذهله و طيوب و فاقده طمنينا شصار معاج

 

[كوكيز بالكريمة]

بالعكس تجهيز الصبيان هم حلو...البيبيات عموما حلو بس يكبرون تتوهقين فيهم ههه

الله يبلغ فيه بصحه وعافيه

 

[مذهلة2013]

معروف البنات ايننون لبسهم
حتى الاولاد اهم يحلون اللبس


ربي يحفظ مافي ارحامنا

 

[كوكيز بالكريمة]

مذهله شفت رفيجتي ملبسه بنتها من وحده عندنا بالمنتدى افرول تريكو مطرز بلولو و ورد شغلها ياخذ العقل...غورقت عويناتي لمن شفتها اهئ اهئ بقلبي دعيت ربي يرزقني البنوته وألبسها جذي

بحاول ادور صوره للأفرول واحطها إن شاءالله

 

[كوكيز بالكريمة]

يسعد مساكم بنااات

شخباركم طمنونا

فاقده طمنينا ولدتي بسلامه؟

وييينكم بناااات

 

[مذهلة2013]

الحمدلله كوكيززز


انتي شلوننج

 

[كوكيز بالكريمة]

نشكر الله .. احسن شوي اللوعه والترجيع خفو الظاهر من البرد ههه

انتي شلونج شخبارج

 

[مذهلة2013]

والله الحمدلله حبيبتي

 

[كوكيز بالكريمة]

عسى دوووم إن شاءالله و كل يوووم

كيكه و طيوب طمنونا عليكم

 

[كيكة عسل]

هلا والله كوكيز

شلونكم بنات مع البرد

انا صار عندي بيات شتوي وااي ماتحمل البرد كلش

بس مقابله الدفايه والجاي حليب

معاي جيوب انفيه بس من احس بالبرد يذبحني الصداع

الله يعين

 

[كوكيز بالكريمة]

الله يعينج كيكه .. ﻻ تقربين حيل من الدفايه ترى هي بعد تسبب صداع من تبعدين عنها ..

سكتي اذ ع البيات الشتوي نحشنا البرد من اللبس والدفايات هههه

 

[كيكة عسل]

ماقرب صوبها بس مااقعد الا مشغلتها بالغرفه برد موووت

ودي ابدأ تجهيز احس وايد تأخرت بس مو مخليني الكسل

 

[كوكيز بالكريمة]

السلام بناااات شخباركم

عساكم بخير

كيكه وﻻدتج بالشتا إن شاءالله صح؟

الله يسهل عليج و بلشي تجهيز باجر تثقلين و الجو يبرد و اتوهقين حتى المشي جان ع الخفيف ﻻنه الجو هالسنه يبشر بالخير برد و مطر

 

[كيكة عسل]

صباح الخير

شلونكم ياحلوات ان شاء الله بخير

كوكيز معطيني اخر موعد 1 مارس احتمال وﻻدتي تكون بفبراير يعني البرد خف شوي

انشاء الله ببدأ تجهيز هالشهر

والله يتمم على الجميع ويسهل علينا يارب

 

[كوكيز بالكريمة]

الله يسهل عليج إن شاءالله

المشي حلو و مفيد منها تحسين انج خفيفه طبعا هذا اذ متعوده

والتجهيز انا اهم شي لبسي و لبس البيبي والباجي سهاﻻت بسلامه اﻻهل ههه كل يوم رايحين رادين للسوق هههه

التجهيز انا احبه من الشهر السابع و استغل العروض بعد خصوصا لسوالف سرير البيبي و سوالف الحمام للبيبي و عدة التنظيف ﻻنه هذول يبيلهم فراره اما لبسي بمكان واحد او اثنين و هم لبس البيبي اول فتره اطقم و افروﻻت القاهم مجاميع بعد الشهرين ثلاث ابتدي اشتري فناتق وحركات.. ﻻنه بيبي النفاس نتفه لو شنو ما يبين عليه اللبس ههه

ربي يبلغنا شوفه بيبياتنا بصحه وسلامه ويرزق كل محرومه اللهم آمين

 

[طيوبه1122]

انا ولدت الحمدالله عند الدكتور حيان بالسيف اتعب واقولكم هالدكتور عسل الله يوفقه يارب بعدين اقولكم التفاصيل بس اريح

 

[كوكيز بالكريمة]

حمدالله ع سلامتج طيوووب و مبرووك ما جبتي يتربى بعزكم البيبي و قرة عينج بشوفه ضناج الحمدلله

ارتاحي و بلغينا بالتفااااصيل >>> نااااطرينج ♡

 

[مذهلة2013]

الحمدلله عالسلامه طيوبه
ناطره قصتج على نار

 

[كيكة عسل]

الحمدالله على السلامه طيوبه ومبروك ماجبتي ويتربى بعزكم ان شاء الله

يالله ناطره التفاصيل كامله عااد ناوية على مستشفى السيف