تجمع الستينيات واهدافهم خمسينيه 

[Dana.Qtr]

صباح الخير ..
اول شي بقولكم قصتي
انا ب20\4 ابتديت دايت
وكان وزني 73
والحين الحمدلله وصلت 67.5
بس طموحي وهدفي بئذن الله اكسر الستين واوصل 55
وزني السابق
اسباب سمنتي كانت دراستي الثانوية العامة كنت جالسه وادرس واكل
وانفتحت المعده وصعد وزني بشكل خيالي
بس خلاص !
لازم ارجع رشيقه وجسمي ملفت
والاهم نفسيتي ترجع حلوه
شاركت مع البنات فقروب لين عيد الفطر والحين انقطعنا
فحبيت اسوي هالتجمع نحط فيه يومياتنا ونشجع بعض
الي بتشارك معاي لازم تذكر


اسمها:
وزنها الحالي:
الهدف الاول:
الهدف الاخير:



عني انا
اسمي دانة
وزني الحالي 67.5
هدفي الاول 61
هدفي الاخير 55

والتجمع بيبتدي من اليوم 11/9/2013 الى 11/3/2014
وهمتكم صبايا خلنا نشجع بعض
ولاتتدرددون بالانضمام
حياكم الله

 

[Dana.Qtr]

ليش محد يبي

 

[ضــمــاد]

انا بشارك

الاسم : ضماد


الوزن : ٦٥.٥


الهدف الأول : ٦٠


الهدف الثاني : ٥٥


الهدف الثالث : ٥٠


الهدف الأخير : ٤٥

 

[Dana.Qtr]

حياج الله ضماد وان شاء الله نحقق اهدافنا 

 

[ayat cute]

ان شاء الله اوزن بعد يومين و اكون دخلت الستينات و راح اواصل معاكم ان شاء الله
ادعوا لي الويك اند الي طاف كنت واصله 70.300 هالويك اند اكيد كسرت السبعين ان شاء الله و اكون ستينينه

بس ايش الرجيم الي تتبعيه لاني اتبع دشتي وجدا النزول بطيء فيه يادوب 700-900 جرام بالكثير في الاسبوع هو يخلي الجسم حلوا و مرتب و ينحته صح بس النزول فيه بالقطاره يضيق الخلق

اسمي Ayat cute
الوزن الحالي ؟ اوزن يوم السبت و اعطيكم خبر
الهدف الاول 65
الهدف الثاني 60
الهدف الثالث 55
الهدف الحلم و الاخير 50-52

 

[Dana.Qtr]

امس عالفجر كلت خبز وفيلادلفيا وعسل
ورقدت قمت العصر شربت كوب كرك
والعشا كلت تقريبا 5 فطاير صغيره
والحين جوعانه وبنام ع جوع

 

[Dana.Qtr]

ايات كيوت حياج الله حبي
وان شاء الله تكونين كسرتيه بصحتج
رجيمي كنت اتبع رجيم السعرات ان 900 سعره باليوم
والحين بحاول انزل السعرات اني اكل ريوق خفيف او افج ريجي بكرك بس
واتغدا اقل وماتعشى الا روب
لان نزول وزني بطيء وابي انزله اكثر

 

[Dana.Qtr]

توني قاعدة من النوم بتريق كرك ونص خبزة لبنة او قشطة

 

[بنت شاهة]

الاسم: بنت شاهه
الوزن الحالي: 65
الهدف الاول : ٦٠
الهدف الثاني : ٥٥
-----
الميزان كل اسبوع مو؟

 

[بنت شاهة]

من باجر راح أبدا ف برنامج ريجيم سنتر ..

 

[Dana.Qtr]

بنت شاهه حياج الله حياتي
ايه كل اسبوع بنوزن بنحدد يوم نوزن فيه

 

[Dana.Qtr]

بعد ريوقي بجم ساعه عال9ونص تعشيت عيش وصالونة دياي وللحين صامدة ان شاء الله

 

[بنت شاهة]

الله ايحييج دانه
-
اليوم قعدت متأخر على صلاة المغرب النوم معتفس حده
ف أكلت اندومي بس و عصير ربيع برتقال

وناوية اعدل نومي من باجرر عشان ابدأ ريجيم صح

 

[$كشوخه$]

الله يوفقكم حبآيبي وتنزلو بصحه وعآفيه

بس بنت شآهه تحملي من الآندومي ترآه ينفففخ لو آستبدلتيه ببيض وتوست آو صمونه دجاج آحسن

لآن الآندومي كله دهون

وموفقيييين :eh_s(7):

 

[بنت شاهة]

يعطيج العافيه على النصيحة كشوخه مع أني شاريه أكياس اندومي بس ببطله

-
امس تريقت بيضتين ونسكافيه بدون خبز والغدا ماتغديت العشاء بيضتين مع عصير برتقال

السناك قهوه وتمرتين وشاهي نعناع

 

[Dana.Qtr]

بنات بنخلي كل ثلاثاء الميزان
شرايكم ؟
امس كان اول يوم دوام فمامداني ادخل
اليوم تريقت نص خبزة مع كرافت وكرك
وبتغدى عيش ودياي وبكثر سلطة

 

[بنت شاهة]

لو كل سبت احلى يكون وقت ويكند وعشان مانخربط نتذكر ان باجر ميزان :$

المهم قبل أمس التزمت بالريجيم حرفيًا بس ما امداني ادخل ..
اما امس حدّث ولا حرج لوول .. بدعت بالبقلاوة لان عندنا مناسبه
وماقدرت امسك نفسي ،،

ان شاءالله التزم من اليوم واعوّض

 

[Dana.Qtr]

بنت شاهه @@
لا تهورين ترى تندمين عقب
انا مافضل السبت لان اصلا نكون كله قاعدين ورياضتنا خفيفة
+
ان الفري دي يالخميس او الجمعة
وغلط نقيس بعدهم على طول

اقترحوا يوم من الايام
تبون الخميس ؟

 

[Dana.Qtr]

اليوم تريقت نص خبزة سمره فيلادلفيا وعسل
وشربت كوب كرك وحطيت سكر سويڤا

 

[بنت شاهة]

أوكي الخميس
-
أمم اليوم تريقت بيضتين مع فلفل اخضر وبصل وفوقه جبن موزريلا
وعليها ماكلت شيء بس بتعشى دجاج شورما بدون خبز ..