[[[[[ تجمع اللي بيولدون بمستشفى العدان ]]]]

[زوجت الشمري]

مايطولون يحطون لج اول شي موعد وبامراجعه بعدها باسبوع

 

[Ranoon]

أنا ولا مرة رحت عدان

أروح استقبال اطلب دخول قسم حوامل
وبعدين إذا دخلت أكلم دكتورة للفحص واوريها
تحاليلي واطلب منها موعد لسونار وبس ؟


يعطون طبيات إذا طلبت ؟


أروح العدان عادي اي وقت ؟ عصر ليل صبح ؟؟

 

[الكريستال]

واي مااحب اتذكر ولادة العدان بس اعطيكم ملخص صغير
انا يت لي الولادة بالسابع فاقرب شي رحتله مستشفى لندن وعلى طول دزوني حكومة لان البييي كيلو ونص
ورحت العدان كان على راسي الدكتور اللي سوالي التنظيفات بطراحي ودكتور خيااط ودكتورة كوييتية صغيرة والرابع مااتذكر مال شنو
يعني كان اهتمام من الدكاترة
بس السسترات مااقول الا حسبي الله عليهم كلهم المصريات والهنود

 

[الكريستال]

روعة خيال شلونج
كنا مع بعض مااتذكر اي تجمع
بشريني شنو صار عندج عيال

 

[الكريستال]

بس بنات الي حالتها طبيعية ماعندها مشاكل تستلزم حكومي
نصيحة تروح تولد باي مستشفى خاص بالسلام اعتقد الولادة تبدا من ٤٠٠
حتى لو غرفة نتفة
انا اقولج الراحة بشنو عالاقل متى مابغيتي تكلمين امج ريلج براحتج
بالحكومة لو تقعدين بالطلق كثر ماتقعدين محد يدري عنج حتى عقب ما تولدين
بالترجي يعطونج التلفون واقل من دقيقة ويخلونج جم ساعة داخل بملاحظة الولادة مع مليون والدة بالغرفة
الوحدة اول ماتولد تبي امها ريلها ابوها يمسحون على راسها يتحمدون لها السلامة يقوونها شوي
جربت الحكومي مضطرة و جربت الخاص مو تفلسف حتى استقبال ما سويت ماخذة اصغر غرفة برويال
بس بهالوقت الوحدة محتاجة اهتمام
نصيحة من قلبي لكم

 

[الكريستال]

روحو العدان مرو يم غرفة الولادة شوفو الرياييل والامهات شلون محترقة اعصابهم برا
يطقون الجرس ينطرون ظل سستر تمر يسألونها عن اللي بتولد وتطنش بعد

 

[الكريستال]

مايضبط الاهل الا الفراشات
اذا فراشة هابة ريح تييب لهم الاخبار

 

[زوجت الشمري]

انا بصراحه حالتي الماديه ماتسمح
ومالي الا العدان اخيس عندهم
خخخخخخخخ
انا جبت عندهم 2

 

[Ranoon]

زوجت الشمري

الله يعينج وان شاء الله تولدين بسلامة
وتطلعين من العدان


ووووع غرف والدات وسراير يم بعض
صج مأساة الله يعين

 

[الكريستال]

زوجت الشمري الله يسهل عليج يارب و تولدين بالسلامة

 

[NWWWA]

زوجت الشمري
انا بجر و افكر اولد بالعدان او دار الشفا
انتي مجربه العدان قولي عنه زين ولا ؟

 

[Ranoon]

اب وينكم ،،،

 

[.:lady bug :.]

بطلو جناح يديد للوالدات وايد يمدحونه

 

[Ranoon]

صج ليدي بوق

جناح بالعدان !!!

 

[NWWWA]

ليلحين متردده

خايفه اروح خاص و مايصبرون علي و يصير قيصريه
العدان احلا شي فيهم يصبرون

منو مجرب العدان <

 

[ديور اديكت]

انا مجربته مرتين وبولد فيه المرة الثالثة ان شاءالله
صح عنايتهم مو شي للام بس اهم افضل شي حق البيبي يعني اذا كان البيبي تعبان راح يسعفونه ع طول
وهم صددددق يصبرووون ع الام لاخر لحظة


ويارب صدق افتحوا جناح جديد !!!

 

[.:lady bug :.]

ماادري قالو لي ناس انه تبطل
وتو حماتي كانت تعبانه وطلوق ولازم تنويم

وطلعوها لان مـِْ?ـِْاگو سراير لابالملاحظه اوً الاجنحه

اهيا بعدها بالسابع

حطوها بالولاده مع ابره توقف الطلق وطلعت

قالو زحمه

قلتً ووين جناحهم اليديد قالت يقولون ماتبطل

وفيي وحده قالت انه تبطل

مادري اصدق منوو

 

[.:lady bug :.]

الي بتولد بالعدان لازم بغرفه خاصه العمومي لوعه

بسس الله يعينكم ع الزحمه

صج عنايتهم للجهال حلووه وهمن بالام

بس الولاده لاااتعليق

 

[روعة خيال]

لا ما تبطل لي الحين

 

[.:lady bug :.]

ك خبره بالعدان تر كمامهم يهبل

وطلبو تجميلي قولو نبي احد يخيط تجميلي
اذا طلبتو يخيطونج ويضبطونج
واذا سكتيي سوو اي كلام احس