[[[[[ تجمع اللي بيولدون بمستشفى العدان ]]]]

[ليالي العاشقينه]

ماعدا يمعه وسبت طبعا

 

[قرمووشه]

توني والده بلعدان

الحمدلله التساهيل من الله
العنايه ممتازه
الدكاتره ممتازيين
الاهتمام ممتازين

اهتمو فيني وايد الدكاتره والسسترات جزاهم الله خير
يعطون ابره ضهر وكمام وابره لتخفيف عوار الطلق
انا ماخذيت ابره الظهر

فعطتني السستر ابره تخفيف الطلق يطقونها بلفخذ
وايد تريح ولله الحمد

الولاده بلعدان انصحكم فيها

 

[ريتاج_90]

قرموششة
الحمدلله على سسسسلامتج ومبروگ ماجبتي
حتى اختي تمدح العدان تقول لي احسن لج من الصبااح
لان العدان عندهم كمام والصبااح مافيه

زين بسألج منور دكتورج او دكتورتج ؟ ويسون تجميلي او لاا ؟

 

[قرمووشه]

هلا والله رتاج
الله يبارك فيج
عسى الله يسهل عليج بلولاده السهله الطبيعيه

والله انا اول مادخلوني ولاده
ماحطيت في بالي منو بولدني
خو العدان مو بكيفج
اللي موجود يولدج

كل الوقت كنت استغفر وماكنت اصارخ
امسك نفسي واقول استغفر الله
دخلت علي دكتوره قالت تبين ابره ظهر
قلت لها لا مابيها
وسألتها عن اسمها قالت دكتوره عبير كويتيه
وعقبها دش دكتور وفحصني
ولمن صرت ١٠ سانتي جت الدكتوره عبير وولدتني
ولله الحمد ولادتي سهله
وبعدها جا الدكتور وخيطني
سألته اذا تجميلي ولا عادي
قالي عادي
لاني بجر

والحمدلله انه عادي لاني سامعه ان التجميلي وايد يأذي ويعور
واصلا البجر ماتحتاج تجميلي

وبعد الولاده لمن حطوني بلملاحظه ماقصرو العدان والله
جابولي دكتوره الرضاعه عشان ارضع البيبي
وتمت معاي وتساعدني جزاها الله خير
وهمن جا الدكتور اللي خيطني لغرفه الملاحظه بعد ولادتي بأربع ياعات عشان يتأكد من الخياط

وايد وايد عنايه فيني
والبيبي فحصوه عدل
وعطوه الابره حقت الكبد الوبائي
وسوله فحص للأذن عسان يتأكدون من السمع
والحمدلله طمنًني ان سمعه زين

وماطعلوني الا بعد يومين لمن تأكدو من صحتي وصحه البيبي

الحمدلله وايد زين العدان ك دكاتره و ك عنايه

بس للأمانه بعنرف بشغله مو عاجبتني فيه
ان من تولدين ليما تطلعين ماياخذون البيبي منج ابد ابد
يعني البيبي يكون عندج طول اليوم
بس اهم ياهذونه يغيرون له ويفحصونه
وبعدها يحطونه عندج
وانا مانمت كلللللللش لان اخاف انام واخلي بنتي يمي
فتميت قاعده ومو نايمه

بس هذا اللي ماعجبني
امن الولاده وعنايه الدكاتره روووووووعه تهببل كلش مايخلونج يقومون بلوحده عدل
وبذات البجر مثلي حيل اهتموو فيني

 

[جلنار الكويت 13]

بنات في ولادات ومراجعات جديده؟؟؟
محدوده على العدان وانا ماابيه
سسترة المستوصف لما قلت بروح العدان واني ابي غرفه خاصه تقول جان زين اذا حصلتي سرير عمومي احباااااط

 

[glby7sas]

واي بنات كنت كارهه العدان بس الله كتب وولدت فيه ماشاءالله فعلا تطور لما اسولف حق احد محد يصدقني عبالهم. ابالغ بس فعلا ولادتهم وخدماتهم للمريض ممتازه بس عيبهم المبنى بصراحه يلوع الجبد بس كعنايه فوق الممتازين

 

[شربـــات لـــوز]

بنات شلونكم
عندي سؤال
اول مره اسمع العدان يسون تجميلي اختي ولدت اربع مرات عندهم وبس بجرها خيطوها عادي
لازم طلب ولا شلووون ؟؟ ومتى اطلب حزه الولاده عادي ولا لازم بملفي قبلها

 

[glby7sas]

مادري والله انا ولدت قيصري بس سوولي تجميلي من نفسه الدكتور من غسر مااطلب

 

[شربـــات لـــوز]

انتي بجريه ؟؟

 

[جلنار الكويت 13]

العدان حلوه عنايتهم وفوق الممتازه بس الغرف الخاصه بواسطه والحمامات لووووعه والنظافه معدووومه وابسط الأشياء للنظافه مومتوفره اذا بجريه يدلعونج واذا موبجريه مايهتمون فيج

 

[جلنار الكويت 13]

واحلى مافيه ابرة الظهر ببلاتش والتجميلي يسوون بعد بس تقولين للدكتور اذا بدأ خياط

 

[glby7sas]

اي شربات انا بجريه

وعطوني ابره ظهر بعد من غير مااقولهم توقعت يحطولي بنج عام بس عطوني ابره ظهر والحمدالله تيسرت الامور وخياطهم روعه ماشاءالله وانتي ادعي الله وكل شي بيده سبحانه

فعلا الغرف الخصوصيه لازم واسطه
والعمرمي نمت ليله بس الله شاهد ماخلوني السسترات كل خمس دقايق طلو عليي واذا لقوني قاعده اقعدو يكلموني ويهونون عليي وقعدو يكلموني عن الرضاعه الطبيعيه وفايدتهم
بس العمرمي عيبه تبتلشين بعيال غيرج لانهم ينومون الياهل مع امه

 

[شربـــات لـــوز]

التساهيل من الله
انا احتمال اولد بالعدان لان بنتي مقعديه والخاص قالوا احتمال عمليه
وشكلي بولد بالعدان وربي يكتب الي فيه الخير

 

[glby7sas]

حبيبتي الله يسهل عليج ياارب

 

[جلنار الكويت 13]

شربات وحده من رفيجاتي بالدوام ولدوها والبيبي مقعدي يعني بدال لايطلع راسه طلعت أول شي رجوله والدكتور اللي ولدها شاطر شافها متوسعه عشر سانتي ولدها راجعيهم وان شاءالله الله يكتب لج الخير

 

[شربـــات لـــوز]

مشكورين حبايبي
عسى ربي يسهل علي وعليكم

 

[جلنار الكويت 13]

بنات اللي ولدوا بالعدان يصرفون لكم كريمات للخياطه مع المطهر والمسكن ولا انا اشتريهم؟؟ وكريم الرضاعه بعد؟؟

ردوووو علي

 

[! q8ya !]

بنات قولو تجاربكم


شكلكم كلكم نحشتو حق الخاص

هههههههههههههههه

 

[! q8ya !]

توني والده بالعدااان
عوار طلق كان ثلاث ايام كل شوي ينزلوني الولاده ويصعدوني
ذلوني طبعا اطر منهم المسكنات طراره حيل تعذبت

وبالولاده لا مسكن ولا شي بغيت اموووت واكلم السستر طاف ماترد من اول مره واذا ردت تقول لما يجي الدكتور والدكتور يطول حيييل
ولما عطتني كمام ححححده خفيف وماسوى شي الالم موجوود

الدكاتره شطااار وصبرو علي

بس السسترات والنظافه زباااله زبااااااااله
امي تقولهم نظفو الحمامااات كل وحده تقول مو شغلي جان تجي مشرفتهم تقول حق امي مو عاجبج روحي خاص !!!
والبيبي يقطونه عليج طبعا ماياخذونه انا خليتهم ياخذون بنتي بليل كنت تعبانه وماقدر اتحرك من الخياط ونزل وزن بنتي مايرضعونها عدل

احترقت اعصابي عندهم بس الحمدلله

 

[! q8ya !]

واللي تسأل لا مايصرفون مرهم ولا مطهر

بس عطوني مضاد وفيتامين حديد بس