تجمع اللي راح يولدون بمستشفى الصباح ...

[مشتطـه]

عيب الصباح محد يدش وياج وانتي تولدين

بس امانتن
ك رعايه واجهزة نفس الخاص
انا تنومت فيييه


وانا اول حمل لي هذا ماراح اولد فيه لسبب واحد ان امي مايدخلونها ويايي

ومستعده أطر فلوس بس عشان امي تدش وياي اخااااف

عسى الله يخليلي امي يارب ولا يحرمني منها


بس الي ما يقدر عالخاص خل يولد بالصباح ترى ممتاز

 

[دلع شاعر]

مشتطه عساا الله يهون عليج

انا نفسج ابي الخاص عشان امي تكون معاي بس بحالتي مضطرره اني اولد بالصباح ولا انا من اول حملي ليما الشهر لي طاف ارجع خاص
والحمدلله ع كل حال عسا الله يسهلهاا علينا .. ويخلي لناا امهاتنا ويفرحهم فينااا يارب *

 

[@ام يوسف@]

ياعمرري يام يووسف الله يسعدج ويسهل عليييج

دكتوره اسيا كويتيه ولا شنووو ؟؟

الله يسلمج ياعمري ويسهل علينا اجمعين ياااارب والدكتوره آسيا كويتيه

 

[أم راشد المطيري]

بنات الدكتور عمر يوسف ومحمد عبدالمقصود

مواعيدهم عصر ولا صبح

 

[مشتطـه]

دلع شاعر اجمعين يارب

ماعليج ترى بس اول ساعه بتحاتين تبين امج بعدين تنسين

في سستر مصرية كبيررررة كانت اهي تنقل اخباري لامي وتحاتيني وجذي

وصيلج احد يطمن قلب امج عليج
لان بتنطرج بره حرااام

ولا تحاتين ترى كل شي عندهم زين ونظيف
وجذاب اللي يذمهم ترى مو مثل ما قااالو عنه

انا كله بالخااااص وماشفت فرق الا بالمكان يعني مو راقي عاادي جدآ مو رديء

 

[Laymo0ona]

حبيبتي مشتطه مو جذاب اللي يذمهم
السهالات من الله انا على حظي كانوا زفت ويلوعون الجبد ويحقرون اذا ناديتهم ولا شفت مر علي زين قعدت عندهم يومين يلوعون الجبد
هل معناته اني اجذب وانا رايحتلهم بريولي عشان ابي الرعايه وطل بعيني ماحصلت غير القثى وخصوصا اني كنت طلق صناعي اطول يعني مو يايتهم موصله
يعتمد كل تجربة وحده تختلف عن الثانيه والله يشهد اني ماجذبت ولابالغت باللي قلته
انتي حظج كانوا زينين انا حظي كانوا موشي

 

[مشتطـه]

ليمونه لا ما اقصدج انتي بس
يمكن صح على حظج ما كانو زينين

بس في بنااااااات باااااااالغو بالتهويل حسسوني انهم بأفغانستان مو الكويت

محشومة ياقلبي
ماقصدتج انتي

 

[دلع شاعر]

تسلمييين لي ام يووسف رحت لمراجعه وشفتهاا

وعطتني عقب اسبوعين موعد بس مو اهي لي بتولدني 

مشتطه تسلمين عساا الله ييسر ولادتناا ويقومنا بالسلامه ويقر اعيونا بمواليديناا اللهم امييين

ليمونه ع الحظ عسا الله يسهلها ويسخرر لناا سسترات والدكاتره ع خدمتناا بالنسبه لي ميته رعب وخوووف

 

[مشتطـه]

الله يسلمج حبيبتي

و صاجه السهاله من الله سبحانه حتى لو تولدين بالبر

 

[Laymo0ona]

مشتطه حبيبتي انتي سوري لاني تنرفزت بس النساة وماتسوي صايره على طريف
وصج كانت تجربتي كئيبه عندهم مع انه في ناس وايد تمدح يمكن ليش اني طلق صناعي واطول وقعدت يومين بس صج تعبت حيل وانا نوعي ماتهاوش ولااصارخ بس على طول ابجي ومحد معطيني ويه
في النهايه السهاله من الله
سواء خاص اوحكومه واللي كاتبه ربج بيصير محد يقدر يرده

 

[washwoshh]

انا كان مرتفع علي الضعظ ونمت عندهم يومين صراحه خدمه رووعه كل بين ساعتين يايين السسترات يقيسون الضعط ويسوولي اختبار زلال وسكر وسونار كل يوم يتمنون على الجنين وقياس نبضات قلب الجنين بجهاز اول يوم غرفه عمومي وبعدين غرفه خاصه والغرفه الخاصه كانت يديد رووعه شويا من اثاث وترتيب

بس ولاده ما جربت
وفي ناس تهول بمستشفى لانه يمكن الشفت الي عليهم مو شي بس انا الي شفته من رعايه واهتمام 10 على 10


فانا اناشد وزاره الصحه ترمم المبني كله مو تنظر صدقات الكويت ما عليها قاصر ونفتك من المستشفيات الخاصه الي نهب فلوس وزحمه

 

[washwoshh]

على فكره انا ولدت برويال حياة

سويت قيصيريه اول يوم كان شفت فلبينيه تينن قامت فيني قول توديني الحمام مع امي وكل شوي يايه ما تخليني
بس ثاني يوم كانت هنديه شوي نفسيه ومو من قلبها وهذا انا داشه بفلوسي

 

[أم راشد المطيري]

اب

اب

اب

 

[أبله هنوف]

رفع رفع رفع
رفع رفع
رفع

 

[مثايل الوفاء]

قووه بناات
من كثرمدحكم للولاده بالصبببااااح ودي اولدهنااك انااقبصرري اول حمل
وهذا الثاااني واحااتي طبيعي ولاقيصرررري
وانااتابعه للعدان وماابي العدان اقدراطلب للصباح ولاشسووي
ولااروح لهم من الطوراي تكفون الي تفهم بهالاموروعنده خبره تردعلي
ولكم جزيل الشكر

 

[أم راشد المطيري]

بنات بسئل اللي اولدوا طبيعي بالصباح لما الدكتور يخيطج تكونين قاعدة ولا نايمة يعني يعطون مخدر كامل ولا بس للمنطقة اللي تحت

 

[ام اغلى الناس]

وينكم بنات؟
مافيه ولادات جديده؟

 

[أم راشد المطيري]

اب

اب

اب

 

[ام اغلى الناس]

نبي تجاربكم

 

[عاشقه الاسمرانى27]

قووه بناات
من كثرمدحكم للولاده بالصبببااااح ودي اولدهنااك انااقبصرري اول حمل
وهذا الثاااني واحااتي طبيعي ولاقيصرررري
وانااتابعه للعدان وماابي العدان اقدراطلب للصباح ولاشسووي
ولااروح لهم من الطوراي تكفون الي تفهم بهالاموروعنده خبره تردعلي
ولكم جزيل الشكر

الله يقويج ويغليج حبيبتى الله يقومج بالسلامه يارب وعسا الله يرزقجج بولاده طبيعيه سهله إن شاء الله يارب. ما اعتقد يصير الصباح على حسب المنطقه بالمدنيه يعنى انتى تابعه لمناطق العاصمه ولا لا.بس يمشى بواسطه دكتور من داخل الصباح اوبره ويكون له معرفه دكتور بالصباح ..وبالنسبه للولاده على حسب شنو اللى خلاهم يولدونج قيصرى ممكن ينترون عليج لو انتى والبيبى بالف صحه وعافيه والنتره ما فيها مشاكل لج وللبيبى ..لكن لو فى شئ غير طبيعى بالسونار او بحالتج ما ينترون عليج ويدخلونج قيصرى بس ديرى بالج على نفسج وتاكدى من اكثر من دكتور ان وضعج وقتها مايسمح بولاده طبيعيه وعسا الله يهون عليج وتقومين بالسلامه يارب
..والله اوقات الصباح يتنسيحووون ويصيرون ملقين بالمنطقه يحددون واوقات لا والله يمشون بس على حسب المزاج :bbbiu::eh_s(10):.واى استفسار انا حاضره على الخاص لانى ما ارد للموضوع​

بنات بسئل اللي اولدوا طبيعي بالصباح لما الدكتور يخيطج تكونين قاعدة ولا نايمة يعني يعطون مخدر كامل ولا بس للمنطقة اللي تحت

شلونج ام راشد شخبارج يا قلبى عسا الله يقومج بالسلامه يارب ويرزقجج بالذريه الصالحه يا عمرى..حبيبتى وقت الولاده الطبيعيه انتى تكونين واعيه بس دايخه من التعب والطلق ومع ابرة الظهر يعنى يكون التعب بسيط على حسب تحملج ونظرتج لحالة الولاده .والدكتور وقت ما يخيطج تكونين فايقه بس يحط بنج موضعى بس للمنطقه اللى تحت ولو ولاده قيصريه الله لايكتبها على عليكم يارب وخديتى ابرة الظهر بتكونين فايقه واهم يشقون بطنج ويطلعون البيبى وينظفون ويخيطونج واهم شئ التصبر باايات من القرءان الكريم وادعيه والاستغفااااااااااااااااار و التهليل لا الله الا الله وحده لا شريك له له الملك وله الحمد وهو على كل شئ قدير او يحيى ويموت وهو على كل شئ قدير ..صدقينى كل شئ بيهون وتخلص الولده بسهاله احسن من الاحساس بالتعب والمحاتاة والخوف وكل شئ يهوون​