تجمع اللي يسون رجيم دشتي

[x.79oo9a.x]

السلام علييييكم

ليييييييش القروب جذي راااقد

المهم انا بستمر

اليوم هواليوم الثالث

توني ماكلة سلطة ناندوز بالدجاج

ومفكرة الليلة اكل اومليت

خاطري فسفن اب دايت

 

[شقيقة النعمان]

رد : رد: تجمع اللي يسون رجيم دشتي

موفقة يارب
ومشكورة غاليتي
طيب المشروبات الغازية مسموحة؟؟دايت

والمقلي يعني لو كل يوم اكل سمك مقلي ويوم برستد عادي ولا شموي احسن
والسطله عادي

 

[x.79oo9a.x]

هلا اختي اي المشروبات الدايت مسموحة بس لاتكثرين احسن

ةالمقلي مسموح بس ابتعدي عن البروستد
يعني ابتعدي عن اي شي فيه خبز او طحين


امس تعشيت فلانوت
كلت ستيك بصلصة اعشاب
وشوربة فطر
وشوي من السيزر سلاد
وخضروات

الحين بتغدى
بيضتين مقليتين مع جبن

 

[مسك ابيض وورد]

رد : تجمع اللي يسون رجيم دشتي

هلا اختى انا معاج لى اليوم تقريبا9 ايام حاسة بضعف بس المصيبة الميزان ما يتحرك هل ميزانى خربان ولا دهونى مستعصية واللة جاينى احباط ليش ما يتحرك بس انا اعترف المشى مشيت ثلاثة ايام بس تهقين هذا السبب وفية طريقة حلى اذا تعرفينها اكتبيها لى ومشكووووووورة

 

[منهاتن]

السلام عليكم ورحمة اللة ...



حبيباتي اذا الوزن فوق ال 100 >>>>اللة يفكني من هالثلاث ارقااام قولو امين ...المهم اشكثر اقدر انزل مع التزام ومشي ساعة لمدة شهر؟؟؟


وهل شكلي راح يتغير وااايد؟؟؟


اللة يجزاااهاا الف خير وسعادة الي ترد علي :eh_s(8):

 

[x.79oo9a.x]

رد: رد : تجمع اللي يسون رجيم دشتي

هلا اختى انا معاج لى اليوم تقريبا9 ايام حاسة بضعف بس المصيبة الميزان ما يتحرك هل ميزانى خربان ولا دهونى مستعصية واللة جاينى احباط ليش ما يتحرك بس انا اعترف المشى مشيت ثلاثة ايام بس تهقين هذا السبب وفية طريقة حلى اذا تعرفينها اكتبيها لى ومشكووووووورة

هلا والله

انا امس وزني وقف
كسرت الريجيم
بس ترى لازم تستمرين وماتكسرين الريجيم

وبتضعفين
هو قال مب لازم المشي
بس امشي 20 دقيقة فاليوم
مب اكثر

لازم اول اسبوعين تنزلين
بس انطري شوي كملي اسبوعين وبتنزلين
تبين الصراحة انا امس خربت كل شي
بس اليوم بمسك نفسي

ان شا الله يوم 15-09 بقيس الوزن

واتمنى اني انزل لين 70

لأن وزني بداية الريجيم 76

 

[x.79oo9a.x]

السلام عليكم ورحمة اللة ...



حبيباتي اذا الوزن فوق ال 100 >>>>اللة يفكني من هالثلاث ارقااام قولو امين ...المهم اشكثر اقدر انزل مع التزام ومشي ساعة لمدة شهر؟؟؟


وهل شكلي راح يتغير وااايد؟؟؟


اللة يجزاااهاا الف خير وسعادة الي ترد علي :eh_s(8):

اختي للي اوزانهم فوق ال100 الوزن بسرررعة ينزل
يعني على حسب الجسم

وطبعا يبين وايد فرررررررررق

انا بصراحة في 3 اسابيع
نزل وزني 15 كيلووو

والكل لااحظ طبعااا

يبين عدل نزول الوزن
بس يعتمد عالجسم طبعااا

 

[x.79oo9a.x]

تفطرت بيضتين

والحين باكل تونة مع مايونيز وفلفل



حلني اقولكم
سكر الدايت مسموح بس 3باكيتات لا تكثرون

وبشرب شاي اخضر بعدين :icon30:

 

[مسك ابيض وورد]

رد : تجمع اللي يسون رجيم دشتي

:fun:هلا وغلا انا وياج ان شاء اللة استمر ومااخربط واحصل نتيجة اهم شى الكرش تروح انتى كم استمريتى قبل الحمال ولما خليتى الرجيم جم زاد وزنج

 

[مسك ابيض وورد]

رد : تجمع اللي يسون رجيم دشتي

فطورى اليوم 2كوب ماء وبعدين اصلى وشربت شاى اعشاب واكلت 2همبورجرمشوى بالفرن وودى امشى عشان يتحرك وزنى خل يستحى شوى وينزل راضية بنص كيلو بس يتحرك انا اليومالعاشر موحاسة بضعف ولاشى

 

[x.79oo9a.x]

قبل ما احمل استمريت 3 اسابيع

وبعدين بديت اخفف
واشتركت فنادي

الحين انا فنفاس بس اسوي الريجيم
انا ماارضع ولدي لاسباب صحية

قلت بستمر 4 اسابيع هالمرة

وبعدين بشترك فنادي
وبخفف

والله جسمي كان يهبل
وكنت اخربط بس مب كل يوم

يعني اذا خربطت ما اكل شي
او اكثرمن الشاي الأخضر

وتبين الصراااحة هذا احسن رجيم

وانا قلت بقيس وزني يوم 16-09
عسى يكون نزل 6 كيلوو

انا هالحمل غير شكل وااااااايد متنت وصلت 90 كيلوو
بس وزني بداية الريجيم كان 76
يعني 14 كيلو مال الحمال

الحمدلله

توني ماكلة بيضتين مسلوقتين مع طماطم حلقاات

 

[مسك ابيض وورد]

رد : رد: تجمع اللي يسون رجيم دشتي

هلا وغلا فيج انا امس عشاى 2همبورجر غنم مع جبن سائل كرافت وسحورى نص صدر دجاج وخيار وجبن سائل وطبعا ماى واللة يعين انا احاتى الدورة حاسة انى بحوس الريجيم حوس خصوصا انى احب الحلا والتمر

 

[شقيقة النعمان]

رد : تجمع اللي يسون رجيم دشتي

ووووووووينكم

 

[جنة دنيته]

مرحبا اختي انا قاعده اسويه الحين وبديت من اول سته والنتيجه روعه انا وزني 67والهدف اوصل 55 المقاسات حدها تغيرت والله ثم والله مقاساتي من 40الى32 ? والطريقه الله يسلمج
اول شي رياضه عالريق والمعده فاضيه تسرع عملية حرق الدهون
وبعدين الف بطني بالتغليف الشفاف مال الاكل والف الحزام الاندونيسي
الصبح الريق اشرب ليمون وكمون مسويته من الليل ومخليته لثاني يوم
الريوق اشكل بالبيض مره مقلي مره مسلوق مع 10زيتونات وماي دافي
بعد نص ساعه اشرب شاي اخضر بزنجبيل
ماقعد اتحرك بالبيت احوس مع الخدامه واعيالي ايدي بايدها
وجبة الغدا صدر دجاج اسوي معاه بصل وكوسا وباذنجان واكلي كله بالشوكه ابي انسى الخبز والعيش وعلى مهل اي صح واشرب ماي كل مادشي المطبخ او قعدت
العصر تحيني وحدة تسويلي مساج تكسير الدهون وترد تسويلي تمارين مع المساج والحين بلشت بالجهاز بهد ماتمسجني صج يعور بس اهم شي جايب نتيجه وماسبب كدمات وهي تخاف الله بشغلها تجيني ثلاث مرات بالاسبوعواليوم اللي ماتجي فيه العب انا واعيالي رياضه فهمتهم انها لعب عشان يشاركوني ومايملون
المغرب اشرب كمون وليمون وزنجبيل
العشا اقل شي الساعه 7 كفته مع سوس او همبرغر مع مايونيز او مرتديلا او نقانق واقطعها واحط فوقها جبن كيري وبالمايكرويف دقيقه وتذوب واكلها واسكر حلجي بس اشرب شاي اخضر وزنجبيل
ملاحظه قبل كل وجبه ماي عادي موبارد قلاصين
واخر شي قبل لاانام اشرب قلاص ليمون وكمون اصفيه واشربه
واسوي غوري جديد لباجر من الليمون والكمون

 

[جنة دنيته]

بنات بالله عليكم ادعولي استمر والله العظيم اني شادة حيلي وابي اضعف واللي تنقل تجربتي تطلب من الكل يدعيلي بالتوفيق وتيسير الحال

 

[shak!shoka]

سويته عقب ولادتي و نزلت 6 كيلو و صج ضعفت



بس تعببببببت نفسيا حتى معدتي اتعبت من الدهن و اللحم

الحين بس اتذكره تلوع جبدي معااااناه



و عقب ما هديته رديت وزني الي نقصته و احس جسمي متن باماكن ما كنت اعاني منها قبل الرجيم !


ما حبيته وما افكر ارجع له



مو قصدي احبط

بس احسن نظام التخفيف
لو كل شهر * كيلو ع مدى سنه او 6 اشهر تكون النتايج روعه



و ما تحرمين نفسج و تظبطين شهيتج و يصير نمط حياتج





هذا الي مسويته

اكل كل شي بس نشويات اقطعها بعد الساعه 5 المغرب

و مكثررررره ماااااي
وفواكه و خضره

و الصلصات لايت

و الكاكاو شاريه الميني واذا اشتهيت حلو اكل


و جاي اخضر


و رياضه مشي و سكوات





والله احسن من دشتي مليووووون مره



مشكله رجيم دشتي اذا هديتيه



اما النتايج اثناء الرجيم روعه بس مؤقته






و موفقين و سامحوني ع التحبيط


بس انا كتبت تجربتي و ابي لكم الفايده



انشالله الكل يضعف بصحه و عااافيه

 

[shak!shoka]

*كيلو = ٢ كيلو

لو ع ٦ اشهر تنزلون ١٢ كيلو

او سنه يعني ٢٤ كيلو



مو احسن من ٦ باسبوع