تجمع المسافرات الى لندن شهر 7 وشهر 8 ؟

[q8tia27]

مرحبا :68_asmilies-com:خواتي شلونكم

بدينا التجمع السنوي مال كل صيف حق لندن شهر 7 وشهر 8 نبي نشوف منو بيروح ومتى تاريخ سفرتكم؟ونتكلم عن اي شي يخص لندن واي استفسارات خلونا بموضوع واحد يخص لندن ونلقى فيه كل شي احسن مثل السنه الي طافت خاصه اني استفدت حيل منه وتعرفت على خوش بنات بالسفره من المنتدى الله يذكرهم بالخير ونبي نعيد التجربه هالسنه باذن الله احنا سفرتنا من 22-7-09 ال 1-8-09 نشوفكم على خير وايل ماتبي تشارك ترفع الموضوع جزاكم الله خير خواتي

 

[*نور الكويت*]

هلا اختي
انا ان شاالله بسافر لندن هالصيف بس ليلحين ماحجزنا
انتي حجزتي ؟
جم سعر التذكره اطلعت عليكم؟ يقولون لندن الحين 180

 

[ANGELICA]

الله بالخييييييييييييييير تصدقين احس كبيره الكلمه العام يمه الايام تخرررع

بس شعندج مطيحه بلندن عاد انا بسرعه امل ويوم رحت ماتعرفت على احد اصلا اغلب اللي شفتهم امارات وسعوديه وين تنخشون يبنات الديره على قولة اخوي يتطنز يقول تلقينهك بالهايد بارك لافتحتي بلوتوثج هااا عبالي صج يوم اسولفله ان المكان ملموم خخخخ

الا يصير نحجز من الحين؟ لو قدر الله ورحنا

 

[حلاتي احلى]

السلام انا وياكم ان شاء الله بس انا اول مره اروح بس بروح بلاك بول مو لندن يعني قريبه منها
ان شاء الله سفرتنا اول 7 لي اخره ...
بس ودي اعرف شنو احسن المناطق اللي هناك (بالنسبه لبلاك بول ) و يعطيكم العافيه ...

 

[الدلال]

انا انشالله على شهر 8

مو اول مره اروح لندن

بس اول مراا رااح ارووح براااا لندن

شنو احلى منطقه براا لندن؟؟؟ وابيها ماتكون بعيييده حييييل

وابي فيهاا سوق واماكن حلوه والعاب حق العيال

 

[q8tia27]

هلا بنات مشكورين عالتواصل مع ان 66 بنت والي ردو 4 بس فيكم البركه المهم نور الكويت حبيبتي اطلعت التذكره علينا 270د عالبريطانيه عشان دايركت العام حجزنا شوي متاخر بشهر 6 خذيناها 358 هالمره اهون شوي مبجرين
وانجليكاانتي من صجج ماكو كويتين بلندن اصلن نمشي ونتعرف ونسلم وكله بنات بعد مكان في سوق وبراد ماتشوفين الا الحريم والبنات هايتين ههههه وبعدين اي يصير تحجزين ماله شغل مو الا بوقت او حزة الحزه اصلن قلبي شهر 8 ماكو رده الطيارات فل واذا لقيتي سعر نااار والا كان ودنا ناخذها بدايه شهر 8 يكون الجو ابرد بس يالله حمدالله وصراحه مامل منها كل سنه اقول اغير بس نرد نحجز لندن ونيسه للي يعرفلها وباجي البنات سوري ماعرف منطقه بره لندن ونيسه اغلبهم هادييين وحدهم الساعه 6 كلشي يسكر يمه حق ضيقة الخلق شنسوي باليل بس قاعدين بس يمدحون ملتون كينز ساعه الاربع بالقطار من لندن وكله فلل كويتين هناك وياجرون بعد فيها يقولون حلوه وقربه من لندن وبرايتون تونس عالبحر بعد وفيها ملاهي وسوق حلو شرح

 

[alcaramella]

لندن وما ادراك ما لندن انا امس راده يا بنات من هناك شقول شحجي عن الجو ابيييييييييييييييييه المطر ما وقف شي خيالي والناس ماشيه ما يوقفها شي كل من حاط شمسيته على راسه وماشي الجو حده خيال والفندق اللي سكنت فيه ابييييييييييه يعور القلب عساج ما تطلعين من الغرفه الا داشين ينظفونها وهذا غير تنظيف الليل يسون ريفريش حق الغرفه شي مو طبيعي الفندق
الفندق صاير بين بوند ستريت ونيو بوند ستريت جباله موسكينو وبزاوية الفندق بربري وجباله من الصوب الثاني هيرميز وبللفه ال في وانتي رايحه عاد الماركات لا لا لا تعبت صج وتقريبا دقيقتين مشي احنا بالريجنت ستريت و 10 دقايق مشي احنا في اكسفورد
صج كانت 10 ايام من احلى ايام عمري انصحكم في هالفندق العجيب ولي رحتوا طلبوا تزيدون فلوس 20 باوند حق الليلة يعطونكم غرفة اكبر وشرحه ويديده
www.westburymayfair.com
ودمتم سالمين​

 

[حلاتي احلى]

هاااااااااااااااااااااااي بنات ...
سوري كان سؤالي غلط قصدي المطاعم الحلوة اللي ببلاك بول مو المناطق خخخخخخخخخخخ مو مركزه

 

[q8tia27]

الصراحه يشوق الفندق بس عوار قلب والله زين كراميلا شنو يمه مطاعم والا سوبرماركت؟ وفيه لوبي زين والا لا

 

[ونة حزن]

بنات انا اجازتي بشهر 12 وخاااااطري بلندن وااااااااااااااااااااااايد
بس واللة اخاف وضيق خلقي اذا بروح اول مرة لديرة اييها اكون مو دالة شي ابد لازم اقعد شهور اقرا والخص
اوراق
وبرنامج الرحلة
اممممممممم
شبيكون جوها بشهر 12

 

[q8tia27]

حبيبتي جو برررررد موت لان شتا عندهم جو كريسماس

 

[Um Hasan]

شلونكم بنات ... عندي استفسار
شلون الجو بره لندن حق اليهال ... ناس يقولون لي حطي كله جم طويل وجاكيته وناس يقولون عادي نص جم وفوقه جاكيته
شرايكم ... اللي رايحة من قبل تفيدنا :eh_s(6):​

 

[qomerq8]

احنا انشالله حاجزين على 27/7 إلى 6/8 على البريطانية 180 د . ك بنقعد بلندن نفسها لان احلى سوق واحلى اماكن بس ملتن كنز مملة مافيها الا سوق واحد

 

[q8tia27]

هلا ام حسن حبيبتي الجو حلو لاتحاتين احنا دايما نص جم وناخذ جاكيت كافي غالبا حق اليل يبرد الجو بس لذيييذ وانتي مو خسرانه حطي بلزتين جم طويل والا اشتري من هناك السوق مترووووس
وقمر كويت وين ساكنه؟؟؟
الحق عليج 6 ايام خل انشوفج هناك دزيلي عالخاص اذا تبين لان احنا بلندن قاعدين بعد

 

[ANGELICA]

بنات في مواقع نت حجز لندن مضمون؟

 

[q8tia27]

شوفي اذا تذاكر البرتش مضمونه اما الفنادق اكيد تقدرين تحجزين من موقع الفندق نفسه بس حسب اذا تتحملين لو يصير خطا لاسمح الله ماكو شي مضمون عشان جذي تاخذين الفاوتشر من هني اضمن وانتي براحتج بس عالتذاكر عادي مجربتها مضمونين باذن الله

 

[نونيا]

بنات متحف الشمع وين صاير اول مره اروح لندن
وشنو الاماكن الحلوه

 

[الذوق]

ايه بنات انا بعد انشاء الله بروح لندن هالسنه واول مررره اروح هناك يعني ما اعرف شي ... ابيكم تنصحوني وين اروح وشنو احلى اماكن وشنو الاشياء اللي اقدر اشتريها مميزه من هناك ما القى مثلها بالكويت تعرفووون بعد احنا نحب نكون مميزين ...؟؟؟:eh_s(6):

تكفوون بنات ساعدوني اكتبوا لي كل شي من اسواق ومطاعم وملاهي كل شي كل شي ..:lkmnkl:

 

[^kloOot^]

بنات انا حطيت مو ضوع ومحد رد علي

بالنسبه لتذاكر انا قالولى عالبريطانيه حق 21-7 ليه 3-8 240 وفي بعضهم قالوا 250 وفي مكتب قالي 295 مو اقل


انتو على سفريات حاجزين

اخاف تزيد الاسعار

بليييييييييييييييز ضروري

 

[Um Hasan]

مشكــــورة q8tia27 على الرد

KloOot .. انا حاجزة ع ال British >> وانتي صاجة حجزي الحين لأنه الأسعار قاعدة ترتفع