تجمع المسافرات الى لندن شهر 7 وشهر 8 ؟

[q8tia27]

ام حسون ماكو الا العافيه نطري شوي يقولج نسبة انتشاره بدت تتراجع ماعليج من اللويه بالتلفزيون الاجانب بسرعه يخترعون وكله يهولون ا لامور نسيتي انفلونزا الطيور وجنون البقر سالت وحده بلندن تقول ماكو شي حتى كمامات مايلبسون بس بالاخبار يخرعوننا والله الحافظ مني لشهر 6 يمكن مايبقى شي انشالله يام حسون

اختي العذوب اي نفس الكهربا عادي لاتحاتين سهالات وترا كلشي متوفر حتى لو اخترب شي روحي السلفردج الدور الرابع كله اجهزه ومبروك مقدما

 

[q8tia27]

ام حسون ماكو الا العافيه نطري شوي يقولج نسبة انتشاره بدت تتراجع ماعليج من اللويه بالتلفزيون الاجانب بسرعه يخترعون وكله يهولون ا لامور نسيتي انفلونزا الطيور وجنون البقر سالت وحده بلندن تقول ماكو شي حتى كمامات مايلبسون بس بالاخبار يخرعوننا والله الحافظ مني لشهر 6 يمكن مايبقى شي انشالله يام حسون

اختي العذوب اي نفس الكهربا عادي لاتحاتين سهالات وترا كلشي متوفر حتى لو اخترب شي روحي السلفردج الدور الرابع كله اجهزه ومبروك مقدما

 

[Um Hasan]

قاعدة اقول حق ريلي هالكلام ... بس يالله الله كريم اذا في نصيب نسافر ...
اعرف ناس ب لندن يقولون الوضع عادي .. ماكو شي بس تعرفون الصابون السائل الصغير اللي يبيعونه بالجمعيات .. اللي على طول تنظفين ايدج فيه يقولون منقرض من هناك .. فاللي بتسافر تاخذ وياها من هني​

 

[q8tia27]

اي صح قالوا مبدئيا استخدموا كل شوي عا
انا الله خير بالكويت وعلى طول بالجنطه كل شوي امسح فيه هالدور اكو انفلونزا ههههه الله يستر علينا ويحفظنا يارب

 

[q8tia27]

اي صح قالوا مبدئيا استخدموا كل شوي عا
انا الله خير بالكويت وعلى طول بالجنطه كل شوي امسح فيه هالدور اكو انفلونزا ههههه الله يستر علينا ويحفظنا يارب

 

[العذوب]

مشكورة كويتيه27 ياليت تفيديني اكثر شنو اخذ معاي انا عروس واول مره اروح لندن وخايفة اتوهق مع ابو الشباب فابي اكون رزة وكشخه:dddds:

 

[q8tia27]

االعفو حبيبتي
والله شوفي كل واحد وذوقه بس بما انج عروس يعني لبسي جنز مع قمصان طويله كشخه فيا حركه بسيطه لان السفر يبيله شي عملي او تونزات طوال مع سكارفات ملونه يعني جذي سوالف والحين كله قميص ابيض طويل وفوقه كارديغان ملون وسلاسل يطلعج سبورت بس مرتبه ومكياجج خليه ناعم قلوسات وهالسوالف بعدين لاتنسين السشوار والفوم عشان يصير تغيير مره ناعم ومره كيرلي واخذيلج جنطه كروس سنعه وحده تمشي مع ملابسج كلها وطبعا جوتي رياضه تكرمين مو مال كعب والفلات يتعب شوي في رياضه بس شكلهم ذرب والله يسهل امورج

 

[العذوب]

الملابس مومشكلة مزهبتهم بس انا احتي السشوار انا سشواري والفير بلاكه راسين فاهمة علي يشتغل بلندن؟؟
ويقولون مطارات لندن مشددين وابي اخذ معاي ولاعة حق البخور فيها قاز داخل يصير والا يردونهااا ؟؟

 

[LA TROO7]

الولاعه حطيتها بشنطه السفر مو اليدويه

اكرة شي عندي لارجعنا وفصخونا نعالنا بالمطار ههههههههههههههه احس يخرب البرستيج <<اخاف صج خخخخخخخخخخخخ

 

[دندرمه بارده]

انا بعد ناويه اروح على الاماراتيه بس
حبيت اعرف بنات جم يبيلي ميزانبه من غير التذاكر خصوصا انا بقعد 10 ايام تقريبا انا وريلي ولدي

 

[q8tia27]

حبوبه العذوب اي شي فيه نار والا مقص والا شي حاد خليه بالجنطه العوده مالت السفر جنطه ايدج لاتحطين فيها شي غير البوك واذا شي مهم عطر وماعطر وكريمات ومكياج لاتحطين الا اذا غرشه صغيره 50م والا 30 عشان مايقطونها لاتحطين مقراظه وهالسوالف بيقطونها بعد يعني باختصار اشيائج المهمه بس والباجي خليه بالجنطه الكبيره ولاتحاتين السشوار يشتغل عادي واحسنلج اخذي اشتراك معاج الي اصغير عشان تركبين عليه بوراسين وينفعج
اختي دندرمه شوفي اذا انتي نوعج تحبين السوق والشراي ببيلكم مو اقل من 2500د اما اذا عادي من 1500 لي 2000 زين لان المطاعم هناك شوي غويليه والاكل من الجمعيات غالي بعد واذا تبين تكاسي هم تكلف عليج بس انصحج بالباص اوفر اخذي بطاقه حق اسبوع وركبي فيها على كيفج توفرين حيل وسوي حساب القطار اذا بتروحين رحله يعني اذا عندج ميزانيه اكبر حطي احسن واذا لا من الحين شوفي نفسج جم تبين تصرفين

 

[q8tia27]

توني قريت رسايلج كلها عذوب حسيت شكثر تعانين من سسالفه السشوار بما انج عروس صج معاناة ف حبيت انصحج وابي الاجر سوي كيراتيين وادعيلي لان صج هذا وقته ويفج لاسشوار ولاعماة عين ترتاحين وشكلج حلو عنده طول الوقت بدال حنة السشوار وتمجع الشعر كل يوم ووقت السفر صراحه محد له خلق وانتي براحتج بس حبيت انصحج لله
ولاتروح ضحكتيني على البرستيج صاجه موشي بس مرات وناسه تمشين حافيه ههههه وانا عامله حسابي كله بالروحه والرده البس صندل مالبس جوتي تكرمون عشان هالسالفه

 

[اشتاق الى الجنة]

يعطيكم العافية بنات وجزاكم الله خير والله اني استفدت من موضوعكم

لاني ان شاء الله رايحة علاج بالخارج حق لندن والله اني مو عارفة كوعي من بوعي واللغة ميح

وحجزت على البريطانية رايح راد بتاريخ22/6 التذكرة الوحدة ب212

 

[q8tia27]

هلا مس جاندوفلي
حياج الله ومشكوره على كلامج الحلو ومافتحنا الموضوع الا للاستفاده بشكل عام والله يشفيج ويشفي جميع المسلمين واي شي تبين سالي لايردج الا لسانج وانشالله انا وباجي البنات مايقصرون حمدالله هني محد يبخل بمعلومه مشالله كلهم فيهم الخير تروحين بالسلامه وسعر التذكره مالتج زين مناسب عليج بالعافيه

 

[mr000]

أختي عذوب آنا كنت رايحه لندن بشهر 4 عادة أكثر الفنادق فيها سشوار بس على راحتج أذا بتاخذين احتياط آنا قعدت بفندق ثستل ماربل آرج كان فيه سشوار وبعدين الكهربا أخذنا معانا محول بس ماأحتجناه يعني اللاب توب كان بلاكه راسين يشتغل هناك عادي بس أخذي معاج البلاك البلاستك اللي تركبينه بالطوفه بعدين تركبين فيه بلاك الكهربا بوراسين مادري فهمتي قصدي آنا أخذتهم من مركز سلطان 3 مع بعض بس أكيد أكو بلوازم العائله أو كارفور هم نفعنا حق شحن النقال!وطبعا آنا ماأستغني عن الأوراق اللي تنحط عالتواليت تكرمون حتى بالكويت وايد ضروريه وأهم شي بطل ماي السبورت اللي حطت عنه وحده من الخوات بمنتدي السياحه صج مفيد تكرمون للحمام بدل الأبريج واحد للفندق وواحد للطلعات بس طبعا متوفر هناك مايحتاج تاخذينه من هني!ولاتفوتين بستر فيليج فيها سوق الآوت لت وويستفيلد مول في شوبربوش! واي آنا أكتب لج وقلبي يعورني تذكرت لندن صج ماتنمل! واذا تحبون تروحون بره لندن روحوا بلاكبول للترفيه وروحوا ليك ديستريكت للرومانسيه(منطقه البحيرات طبيعه وهدوء وجو تصلح للمعاريس)

 

[q8tia27]

mr000
اختي مشكوره على ردج بغيت اسئلج الله يعافيج شلون غرف ثستل احنا ماخذين ديلوكس مو ستاندرد يقولون الاكبر مادري شايفتهم او سكنتي فيهم؟ حجمها كبير لان معانا صغار تكفي وشلون ريوقهم زين اذا مجربته؟ انا شايفه لوبيهم يلوع الجبد كله زحمه احنا متعودين على بورتمان بس هالسنه نبي ثستل لان اقرب حيل وعلى اكسفورد سيدا ف مو مهم اللوبي اهم شي الغرف زينه والحمام تمام؟ وماتقصرين حبيبتي

 

[mr000]

آسفه أختي كويتيا 27 تأخرت عليج بالرد بس كنت طالعه شوفي آنا كنت رايحه بس آنا وولدي بالمتوسط بعطلة الأيستر صج كان فيه قروبات أجانب بس أكو شويه كويتيين أعتقد بالصيف زحمه أكثر بس ماكان ازعاج!الغرفه اللي كنت فيها زينه حلوه وكنت أحتاج أكبر اعتقد أنها ستاندرد واعرضوا علي أول ليله أنهم يعطوني غرفه أكبر بزياده 30 باوند الليله بس مابقيت لأنها تطل على الشارع والسوق فخفت من الأزعاج! الريوق والله تمام وموكونتينينتال لأ بوفيه فيه 3أنواع بيض وأنواع جبن وأنواع كرواسان وعصير فريش وأنواع كورن فليكس وفواكه طازجه وشغلات أنا مآآكلها مثل اللحوم البارده والسوسج وفي أنواع توست وخبز فرنسي أبيض وأسمر! بعد الحمام تكرمون حجمه زين موصغير ونظيف وفيه سشوار! والله الفندق عجبني بشكل عام! وفيه انترنت تشترين من الفندق كرت أنترنت ب30 باوند حق 5أيام! وفيه تجوري صغير داخل خزانة الملابس! تقدرين تشوفين شكل الغرف من داخل وصالة الطعام مالتهم بسايتهم بالأنترنت!

 

[mr000]

في غلطه بالكتابه بس قصدي ماكنت أحتاج غرفه أكبر الغرفه كافيه حق شخصين وموصغيره وآنا أطلع طول اليوم من بعد الريوق لي العصر بس نرجع نصلي ونرد نطلع لي بالليل يعني الغرفه للنوم بس!

 

[بدرووووووووووه]

up

up

up

 

[q8tia27]

مشكووووره ماتقصرين حبيبتي mr000 على المعلومات نفعتني حيل كلج ذوق والله وانشالله اذا بعرف شي بعد بسالج ماراح اتقصرين ادري هههه ثقه
يعطيكم العافيه وثانكس بدروووه عالرفع