تجمع امهات الحضانه 2011/2012

[Q8_ButterFly]

ا

لسلام


انا بنتي و ولدي من الشتا الي طاف دخلتهم الحضانه الانجليزيه الي برميثيه وبصراحه خوش حضانه ورسومهم حجز الكرسي 80 وكل شهر 110 بس اذا معاه اخوه يصير خصم 10 دنانير والاكل عليهم وهذا الي مريحني واييييييييييييد


والحين ولدي عندهم اولى روضه وبنتي مكمله معاهم حضانه ​

 

[^ دانة الزين^]

شكله يونس .. خووش فكرة

من وين ماخذته؟

ماخذته من سنتر بوينت صوب اغراض المواليد على دينارين ونص

 

[^ دانة الزين^]

ديفا حبيبتي لا تستعيلين و تطلعين ولدج
لان خدامتج مو مال يهال كلش وولدج خليه مارده راح يتعلم وانتي قوي قلبج شوي

 

[جلكسيه اس 3]

اشلونكم شخباركم
انا ولدي معانات لازم الساعه 3 او اربع يدوووووووووووووخ ويناااااااام وعيونه اتسكر و اذا حاولت اقعده يبجي سااعه كامله
عفيه شسوي عشان ما ينام بهالوقت عطوني احلوول
امس ولدي مستانس راد البيت يقول قود مورنينق تيجر و يقول عاش الامير هههههههه
فديتهم اليهال بسرعه يتعلمون
بنات انا ولدي على الكورس الياي عيد ميلاده وان شاء الله امفكره اسويله عيد ميلاد صغيرون عشان يستانس مع صفه بالحضانه
ودي اشتري كاميرا عشان اصوره تنصحوني باي كاميره ؟؟؟

 

[جلكسيه اس 3]

اليوم ما خليته يداوم
بالليل معطيته زرتك فيه حساسيه قلت ينام يرتاح
بس طلعت من البيت و لا يدق ابوه يقول ترا الولد قاعد !
طبعا ما مداني ارجع اوديه








انا لتيل ستبس
الشهر 100
الملف 20
الكتب 15
اليونيفورم الواحد 12
انا كله طلع علي حروة 170

و الاكل علي
و يلبس حفاظات صغيرون للحين

اليوم كان عندهم يوم الهوايات الياهل
يقول عن هواياته و جذي
بس لان وليدي للحينه ما يتكلم عدل فما راح يفهم شالموضوع

امممم انا دفعت تقريبا 125
مع رسوم التسجيل
بس الحين من الشهر الياي ادفع بس سبعين دينا والاكل علي
و مالبسه حفاظه انا مكلمتهم قلت لهم انه بالغصب يروح الحمام

 

[A boss]

itha tabin cameraikhthay markat conan or sony

 

[ipink]

شلووونكم شمسوين عيالكم مع الحضانه انا الحمدلله بنتي تعودت تروح وقامت تحب السكول

 

[[كـالا]]

بناااااات

اليوم بنتي رادة من الحضانة معضوضة

مو انا اللي ماخذتها .. خالتي ام ريلي خذتها

عاد رديت من الدوام ولا تقولي ترا بنتج عاضينها روحي شوفي ايدها

وماشوف الا هالدائرة الحمرة على ايدها

عاد سألت خالتي تقول كلمت ابلتها وقالتلها ان بنت معاها بالكلاس عاضتها

وتقول العضة ماكانت قوية بس يمكن ايد بنتكم حساسة!!!!!!!!!!!!

دائرة حمرة معلمة واثار الضروس منتفخة وتقول ايدها حساسة .. مبين عاضتها حيييل

باجر بكلمهم بس مادري شقولهم .. انا ماعرف حق هالسوالف

يعني مابيهم يسوون شي حق البنية خوو ياهل .. بس مابي السالفة تطوف جذي

شرايكم شسوي

قلبي معورني على بنتي

 

[جلكسيه اس 3]

امممم كالا انتي كلمي الاداره لا تسالين و شوفي الابله وين كانت ساعة مانعضت بنتج
وريهم انج مهتمه

عيل خل قولكم انا اعرف وحده ولدها وين ما توديه معاها وكله يعض اليهال تخيلي اهيا الام سجلته و قالت ان شاء الله ما يعض احد
لاكن للاسف عض و عضته تذبح عاد دقو عليها و قالولها تاخذ ولدها
اي خل اقولككم انا من يومين ولدي مستانس معلمينه العكووكسه
و الخميس يوم رياضي حدي مستانسه له لوووووول

 

[^ دانة الزين^]

صباح الخير

كالا كلمي الاداره و لا تطوفين الموضوع دام ان العضه مبينه معناته معضوضه حيل

وانا ولدي اليوم شوي احسن من قبل بس احسه يتدلع بس انا مقويه قلبي جدامه ما اعطيه ويه

الله يتمم على عيالنا و يحبون المدرسه

 

[جلكسيه اس 3]

بنااات انا ولدي وايد حاب الحضانه بس مادري اخليه يكمل معاهم ولالا
خصوصا انه انا الي راح ادفع كل شهر سبعين من معاشي مو ابوه الجعص ((لان احنا مطلقين ))
يعني لو اطلعه احسن بدل هالسبعين الي اقطها عالحضانه اقدر اشتريله كل شي يبيه في هالسبعين اشرايكم ؟؟

 

[^ دانة الزين^]

بنااات انا ولدي وايد حاب الحضانه بس مادري اخليه يكمل معاهم ولالا
خصوصا انه انا الي راح ادفع كل شهر سبعين من معاشي مو ابوه الجعص ((لان احنا مطلقين ))
يعني لو اطلعه احسن بدل هالسبعين الي اقطها عالحضانه اقدر اشتريله كل شي يبيه في هالسبعين اشرايكم ؟؟

حبيبتي دام ان ولدج حاب الحضانه خليه حرام تطلعينه راح يقعد بالبيت شسوي بروحه واذا على الفلوس ترا الفلوس طايره طايره على الاقل تصرفينها بشي ينفع ولدج احسن من الالعاب و الخرابيط

 

[:: Diva ::]

هالاسبوع كله ما خليته يداوم
بجرب الاسبوع الياي و بقوي قلبي و بخليه يداوم


اوف
عقبها بجرب اشوف اكمل وياه و لا انطر عليه 6 شهور

 

[jaaanooo]

(( :: Diva :: )) ههههه .. يعني بتخلينه جذيه ترى ما تفرق الحين ولما يكمل الـ 3 سنين .. السالفة يبيلنا انعدل نومتهم عشان يقومون شبعانين نوم وفيهم حيل حق الحضانة ... أنا اليوم بنتي سوت معاي نفس الحركة الي طافة اول ما وديتها تعلقت فيها واقعدت تبجي .. قلت لها ابي اكلم الابلة وارجع وخليتها وطلعة شنو بتلعب علي كل مره بتسوي فيني جذيه وتبجي وما تبي .. المهم بس رحت عندها وكلمة ابلتها واطالعها من بعيد واهي مو شايفتني .. من شفتها طخت اشوي قويت قلبي وطلعة .. بعد لازم عشان مصلحتها .. يارب يصبرنا عليهم هاليهال

(([كـالا])) روحي كلمي الادارة .. مو عشان شئ بس وين الابله عنهم هذول يهال المفروض في ابله ومساعده معاها عشان يحطون بالهم على اليهال وما يسوون ابعض جذيه ...

((سكرتير مستقبليه)) الله يكون بالعون .. لا حرام تطلعينه بالعكس راح يستفيد وايد ويغير جو ... لا حبوبه خليه يكمل وربي يعينج ان شاء الله

 

[جلكسيه اس 3]

مشكورين فديتكم
ديفا حرام عليج جذي بيتدلع و ماراح يتغير شي و بعد الاسبوع الياي خوفج اتخلينه بعد ما يداوم وااله حسافه*

 

[جلكسيه اس 3]

اليوم الحضانه حاطين ورقه و كاتبين انه وايد زين ويحب يشارك مع اليهال و اليوم امسوين لهم مثل مسابقات و اليوم كله يوم رياضي وناسه وايد مستانس

 

[MisS Z]

بنات لازم تعودون عيالكم ينامون مبجر ولدي اسم الله عليه اعشيه ٨ و ٨ نص نايم خلاص عشان يرتاحون ولا يستعسرون الصبح
بالنسبه للأكل احب انوع مرات كرواسون زعتر لانه مايحب غيره او توست لبنه و زعتر واقصه حقه مثلث
مرات نوتيلا او كورن فلكس و أحط علبه الحليب ويوميا نوعين من العصاير
كيك او دونت صغار ، بسكوت مالح مع روب يغمس
فاكهة و خضار يوميا ومرات سلطه صغيره ، معمول تمر ، نفيش ، وجذي انوع له

و على فكرة ولدي كان اخس من عيالكم و أنا اخس منكم بعد لووول
كنت اروح المعهد و ابجي عند البنات :d و مرات ما احضر محاضرات بس عشان أخذه
و طبعا كل هذا و ماحب حضانته القديمة لين غيرتها و الحمدلله وااااايد مرتاح فيها
فـ لا تحاتوون ان شاء الله يتعودون مع الايام بس اهم شي التشجيع

 

[جلكسيه اس 3]

وينكم بناااات شخباركم

بسالكم الحين انا ولدي بالحضانه هالسنه والسنه اليايه روضه
تقريبا راح يدخل حكومه (لان ماراح اقدر ادخله خاص الا بمعجزه ) ماتحسون انه حساافه اقط هالفلوس و بعدين راح يروح حكومه
يعني كانه ما استفاد شي و لا مستفيد
ابي جواب منكم لاني وايد افكر بالموضوع
و انتوو اعيالكم راح ادخلونهم روضه حكومه ولا خاص

 

[MisS Z]

بالعكس مو عالفاضي هذا يعتبر تأسيس له و السنة اليايه حاولي انتي تجابلينه بالبيت
و تعطينه الأحرف و الأرقام و الألوان يعني عشان لا ينسى

و أنا ناويه اكمل عالخاص حمدلله أشوف نتيجه وايد حلوة على ولدي

 

[حرم_طيار]

بنات ابي حضانه بمشرف