تجمع امهات الحضانه 2011/2012

[^ دانة الزين^]

مساء بخير
شلونكم ويلون عيالكم .... انشاء الله ناموا واستعدوا حق المدرسه

سكرتيره أنا انشاءالله راح اخلي ولدي يكمل الروضه بالخاص وبالابتدائي بوديه حكومه وبعدين انتي ولدج مو مدخلته حضانه عالفاضي صدقيني راح يتأسس وتقوى شخصيته

 

[^ دانة الزين^]

Miss Z ولدج بأي حضانه؟؟؟

 

[جلكسيه اس 3]

مشكوره دانه الزين غريبه يعني اخرتها بتودينه حكومه !!
عندي موضوع كاتبته واغلب البنات بالموضوع يمدحون الخاص
انزين بنات بقولكم شغله قبل لا اتورط و ادفع حق ولدي هالشهر
عندي ولد اخوي حايشه عقنقز و خايفه اذا سجلت ولدي و فرضا حاشه العقنقز
اهني يقولونلي اخلي ولدي اغيب !!و ادفع افلوس عالفاضي
المشكله مادري اذا راح اييله هالشهر او الي بعده او ما يحوشه كلش
بس شكلي بكلمهم و اشوف اشلون طريقتهم مع هالسالفه
عاد قلت بروح اكلمهم

 

[^ دانة الزين^]

اي حبيبتي انا عيالي كلهم أأسسهم بالخاص و بعدين اوديهم حكومه و الحمدلله مرتاحه

العقنقز هاب هالايام و يمكن يحوش ولدج .. سألي الحضانه شوفي شلون طريقتهم اذا حاش ولدج

 

[jaaanooo]

يا رب العبادد .. وما زاال مسلسل ( ماما ما ابي اروح لـ schoooooool مستمر ) وبجي وحنه والويه يصير احمر والحاله حاله ....

صبرني ياااارب

 

[MisS Z]

دانه الزين ؛ ولدي في بيبي اكاديمي الي بالعدان

 

[^ دانة الزين^]

صباح الخير

شلون اليهال مع المدارس؟

جانو عادي انا تعودت بس اليوم كان شوي مستانس لان بوزع على ربعه جوكليت كب كيك

 

[jaaanooo]

دانة قوليلي والله شنو الحل ..؟؟ يا أمهات والله انا تعبت

بجي كل يوم وحنه .. الحين شنو طالعتلي بطلعة ماما ابيييج لا تروحين تعالي قعدي معاي وتشبقني وتبجي والله تقطع قلبي من البجي والعيارة لما يروح ياخذها ابوها بنهاية الدوام مستانسه ... المشكله انها متعلقة فيني وايد شسوي معاها ؟؟ انصحووني

 

[^ دانة الزين^]

جاونو حبيبتي دام ياخذها مستانسه ومو قاعده تبجي معناتها مستانسه بالحضانه
جربي تخلين ابوها يقطها الصبح ترا اليهال يدرون ان الام احن من الابو عشان جذيه يتدلعون
و على يوم خليها تودي معاها حلاو مصاص او كب كيك وخليها توزع على ربعها بالكلاس ترا اليهال يحبون هالسوالف

 

[^ دانة الزين^]

صباح الخير

شلونكم و شلون عيالكم؟؟

 

[:: Diva ::]

انا استسلمت للامانه
و خلاص طعته ..

تم التأجيل الى بعد 6 شهور
او الى شهر 9 الياي

 

[جلكسيه اس 3]

دانه شكلي بقلدج والله كل شي غالي و الخاص يبي له فلوس
و هذا ابوهم ما يبي يساعدني كلش والله كريم

جانوه عادي خليها تبجي و قوي قلبج لما تتعود

ديفا حسافه تطلعين ولدج وأي انتو امهات المفروض اتقوون اقلوبكم

انا ولدي الاسبوع هذا كله ماداوم اصلا كنت ناويه اطلعه افكر اطلعه و لالا
بس حسيت انه بيضيق خلقه وانا مابي أضيق خلقه و بعدين اهو وايد مستفيد ومستانس معاهم
قلت خلاص بخليه يكمل معاهم

 

[:: Diva ::]

لا والله ما قدرت
قلبي عورني
مستحيله الحاله اهو بجي و انا بجي !!
قام يأثر علي بالدوام والله و على علاقتي بزميلاتي و عطائي !!

 

[^ دانة الزين^]

قوه حبايبي شلونكم؟؟

سكرتيره اهم شي التاسيس وديري بالج لا تطلعينه خليه يستانس ويستفيد
وديفا حسافه طلعتيه جان قويتي قلبج شوي

 

[جلكسيه اس 3]

والله على راحتج يا ديفا بس باجر بتندمين
عيل حتى الروضه لي دخلتيه بيبجي و ماراح اتخلينه يداوم
والله انا اقول جربي هالاسبوع و شوفي شيصير

 

[عسوله معسوله]

بنات ابي حضانه فيها باص يرد ولدي البيت و تكون زينه بنفس الوقت و مناوبتهم الصبح تبدي مبجر و المناوبه تكون مدرسه مو شغاله

 

[^ دانة الزين^]

اي منطقه تبينها؟؟؟؟

 

[A boss]

حضانة النمثنى

 

[A boss]

http://muthannanursery.com/

 

[جلكسيه اس 3]

امهااااااااات و ينكم

اليوم ولدي ينني مو راضي يقوم
عاد بعد تهديدات مني وانه اذا ما قام يويله
و رحت دقيقتين برا اشوفه بيطل ولالا
و طبعا رديت لقيت الاخ منسدح و فاج الديفيدي
عصبت و اخذت الاشرطه كلهم و قلت له راح اقط هم كلهم
و ماراح اتشوف ولا شريط
اهني خق و وديته
اليوم بحاول اخليه ينام عالسبع
لانه ينني على النوم
ينام 3 ليما خمس و بعدين يسهر قلت اليوم بجرب ما راح اخليه ينام الا ست او سبع
و حتى ديفي دي ماراح احط له لانه مع الديفي دي يدوخ