تجمع امهات الروضه (اولى وثانيه ) 2011/2012

[أم عبووووود]

السلام عليكم ورحمة الله وبركاته

شلونكم خواتي

كل عام وانتم بخير

بما ان مجموعه من الامهات طلبت فتح تجمع لابناءهم اللي بالروضه فقد تم فتح هذا التجمع وان شالله تستفيدون من بعض .

لاي ملاحظه او استفسار انا بالخدمه .:eh_s(7):

 

[آهات الليل]

وعليكم السلام ورحمة الله وبركاته
الله يعطيج الف عافيه ماقصرتي
انا بنتي بجري اولى روضه الله يحفظها
ون شالله نفيد ونستفيد من بعض
من داوموا لي الحين يعطونها هدايا لي الحين ماعطوني ورقة الطلبات
روضتها بخيطان اسمها الازهار
السنه اليايه بنقلها عندي بالفنطاس

ناطره الامهات

 

[توتاتوتا]

عيالي 3 ولدين و بنت بثاني روضه في مدرسة الرسالة بالمهبوله

و الى الان ماعطوهم شي بس اوراق تلوين و يجوني لابسين تيجان من ورق

و الله يوفق الجميع

 

[نورالقمر24]

بنتي اولى روضه
روضه الرقه ليلحين ماعطوهم ورقه الطلبات

 

[آهات الليل]

هلا حبايبي تشرفت بمعرفتكم والله يحفظ عيالكم ان شالله
اي نفس بنتي لي الحين ماعطوها ورقة الطلبات
ان شالله نفيد ونستفيد من هالتجمع ويكون عامر

 

[bedoorm]

قوة بنات
انا بنتي بعد بجري وتوها اولى روضة بروضة عمر بن عبدالعزيز بالقادسية ، مادري اذا عندكم فكرة عن طريقة التدريس هل راح يدرسونهم ولا مجرد لعب و رقص
والله يوفقكم و يخليلكم عيالكم ​

 

[AM SDON]

سلام عليكم حبايبي

انا ولدي اولى روضع بس احنا عطونا الطلبات من ثاني يوم وقالولنا نييبهم الاحد

طلبو مني
سدريه والوان شينيه والوان اصابع وبعد اوراق 4a
ومقص وقص ولزق ودفتر مربعات وملف
وصمغ وكلينكس ومشط وصابون سائل ومعجون اسنان وفرشه اسنان
وطين

 

[سفرجل]

انا بنتي باولى
والله يحفظ اعيالنا

 

[أم عبووووود]

موفقين ان شالله

 

[آهات الليل]

الله يحفظ لكم عيالكم ان شالله
عاد يالله شدوا حيلكم كل يوم دشوا التجمع عشان نفسد بعض ونتعلم

 

[Q8_ButterFly]

السلام

انا ولدي بعد اولى روضه دخلته بالحضانة الانجليزيه الي بالرميثيه فاتحين اولى روضه عندهم ولانه ولدي توه بادي يتكلم فا خليته عندهم على السنه اليايه ان شاء الله بنقله مدرسه ثانيه بس حدي مو عارف ادخله حكومه والا اكمل خاص :bbbiu::bbbiu::bbbiu:

 

[كل الحلا فحبيبي]

انا ولدي بجري باولى روضه وليما الحين ما عطوهم ورقة الطلبات بس مخلينهم يلعبون بس ما ني عارفه هل اللي باولى يعلمونهم شي مثل اكرمكم الله الحيوانات والمهن وجذي ومهارات والا بس مقزرينها لعب

 

[آهات الليل]

بنتي ردت مومعطينها ورقة طلبات لي الحين بس يعطونها العاب وهدايا>>مستعيله عالطلبات ههههههههههه

 

[آهات الليل]

هلا كل الحلا اعتقد يعلمونهم ويدرسونهم مايخلونهم بس يلعبون

 

[توتاتوتا]

روضتنا للان لعب بس انا بديت اراجع معهم الاحرف عربي وانجليزي درسوا بعضها بروضتهم العام(المستقبل ثنائية اللغة) وشريت لهم دفاتر نسخ احرف بالعربي والانجليزي وستكرات الي يكتب بخط مرتب يختار ستكر وارسم له
بالتوفيق المرة الجاية بصور لكم

 

[كويتيه متفائله]

موفقيين جميعا
وأنا معاكم بعد عندي بأولى وثانيه الله يحفظهم لي يارب
خل أقوولكم سالفة روضة عيالي
على أيام ولدي الكبيير اسم الله عليه وبنتي بصف أولى كانوا يطلبوون منا طلبات كل يوم شكل لا وبعض المرات يبالغوون فيها بصرااحه
وبنص السنه اللي طافت تغيرت ناظرتهم واجتمعت فينا احنا الأمهات وقالت لنا بالحرف الواحد ان الوزاره اتوفر ميزانيه خاصه لكل روضه وهالميزانيه إذا انصرفت بطريقه عدله راح اتكفي واتزييد بعد وقالت ان من اليوم خلاص مافي طلبات ولا مصاريف لا على الأهل ولا على المدرسات يعني كله من الميزانيه وبالتالي يعني كل الطلبات اللي يبوونها بيوفروونها من نفسهم
وهم بعد كانت الروضه مو ذاك الزوود فقالت لنا تحملووني بس هالفتره على ماأسنع الروضه وأعدلها لأني ماأرضى لا لنفسي ولا لمدرساتي ولا للأطفال انهم يقعدوون بمكان مثل هالمكان من غير ترميم وترتيب وتعديل ..
وخلصت السنه اللي طافت على خيييير
وبهالسنه الصراااحه الصراحه اللي شفناه بعد كلام الناظره السنه اللي طافت مانقدر نقووول غير
الله يوفقها وين ماكانت ويرزقها كل خييير تتمناه لأنها كانت قد كلمتها ومادخلنا الروضه هالسنه إلا وهي مرممه وروضه ثانيه غيير اللي كنا ندخلها اللي حتى بنتي واايد واايد مستانسه وتبي الروضه من وناستها بالتغييير اللي صار
وأما الطلبات لمن سألت مدرستهم قالتلي بالحرف الواحد مانبي منكم أي شي اللهم ملابس الرياضه اللي راح يلبسونها باليوم الرياضي .. قتلها حتى صورهم ماتبوون زياده مثل كل مره ولا تقووول ولاشي أبدا أبد

وحاليا أنا جدا جدا سعيييده بهالتغييير منهم وان شاءالله دووم جذي ومايتغيرووون

 

[كل الحلا فحبيبي]

اختي توتا توتا شلون تعلمين اولى روضه الاحرف والارقام يعني قصدج تاسسينه هقوتي ما يستوعب المعلومات بعده صغير 3 سنوات ونص احس توها والا انتي شرايج تهقين لي علمته بيفهم تكفين علميني شنو اشتري له من اغراض عشان يفهم اي واذا في اشياء تعليميه بالمكاتب قوليلي عنهم

 

[PuPa^^SWeeT]

انا بنتي بروضة الودااد

ليلحيين ماعطوني ورقة الطلبات ولا قالولي ييبي فلوس ؟؟

 

[سفرجل]

طلبوا منا 10 دنانير !!!! العام حق ولدي طلبوا 5 دنانير هالسنه على بنتي اكثر ليش!!!
والروضه اتهبل ومدرساتها يهبلون يهتمون باليهال وحنونين علي اليهال

 

[ام دندوونه]

انا بعد ولدي الصغير هالسنة اولى روضة..وما طلبواااا اي شيء للحين مرحلة التهيئة..
وبصراحة الروضة جديدة وحلوة..ومدرساتهاااا هم حبوبات..الله يعطيهم العافية..