تجمع امهات العالمية الامريكية

[bella bambina]

السلام أمهات اشلونكم ؟
مشكورة فوز لقيت الواجب أمس وسوت لها صفحتين تقول اليوم انها تايرد ما راح تسوي شي الله يعيني ويعين المدرسات على دلول وعنادها ليلحين ما تكتب اسمها عدل
ريمان العربي والدين نفس منهج الحكومه بس ما عانيت مع التسميع على طول حطي سي دي العفاسي السور القصيرة يعطونهم السور ورا بعض نفس تسلسل السي دي ومع التكرار ان شاء الله يحفظ بس دلول ما تتكلم عربي عدل فلما تسمع جنها وحده من هيئهة التعريف بالاسلام هم الله يعيني على تحفيظها
مرو تيشر سيلر آخذ منه وسائل كل سنه حق مدرستي بس ما مريت السنه والمكتبه اللي بالسرداب وجرير ما عندهم من بدت العطله رفيجاتها قالو لها ما لقو

 

[bella bambina]

فوز آنا بعد الأسنان والولاده ما أروح حق حريم وكويتيين أروح حق دكتور هندي اسمه شالو ديفيد بعيادة باب هاني وبما اني ما أروح له الا لما أموت من العوار فمن زمان ما رحت له ما أدري اذا ليلحين موجود صج ريحته سمبوسه بس خوش دكتور بس أشوفه يروح العوار

 

[bella bambina]

ريمان راح تطلب منهم مس ديبي أبلة الموسيقى ريكوردر وطبعا غير باجي الطلبات طبعا واااايد طلبات الابتدائي مرة كنت حامل بدلول ومالي خلق أنزل مكتبه سفطت يم مكتبة مقهوي عطيت فلبيني يشتغل هناك ورقة طلبات بنتي يعني راهيه وياب لي الفاتوره ولا 83 دينار ويقول انه ما لقه كل الطلبات طبعا دفعت وآنا مبتسمه تدرون حامل ما أحب أتفشل طلع الحلو حاط لي ألوان خشبيه ب 12 وألوان شينيه ب 8 دنانير ومن بعدها حرمت أروح مركز سلطان وأشتري كرايولا وأشياء زينه بأقل من نص هالسعر

 

[Fouz]

رد : تجمع امهات العالمية الامريكية

السلام عليكم شلونكم أمهات
اليوم رحت المدرسة أشتري ملابس حق بنتي، عاد كانت جدام وحدة ماشاءالله شرت الستور كله عاد ما عبرت أسكت قلت لها اسم الله عليهم عيالج جم واحد يدرس هني جان تقول 2 !! جان قولها بس الهدوم وايد ماشاءالله ما يمديهم يلبسونهم الا صغروا مادري انا شكو متليقفة، بس اشوة طلعت حبوبة و قالت صبيان وايد يشققون البنطلونات فما ألحق، المهم أخذت لها يونيفورمين و قميصين و بولو شيرت و ملابس رياضة و سلامتكم لان الدلاقات عندي ربطات على يدتهم بعد ليش أشتري، بس قالولي ان الكي جي دوامهم لي الساعة 1 بس هالحجي من موظف المحاسبة، ما يندرى يكتبون بالجريدة نفس ذيك السنة والا ننطر الدوام و نسأل المدرسات الصبح


اي ما قلت لكم و انا عند المحاسبة قلت خل أدفع قسط المدرسة دامي واصلة، و الا مرة كبيرة تتناقش وياهم بخصوص حفيدتها و انها بتدفع الرسوم كاملة الحين، اتضح ان بنتها بلاك لست يعني من اللي يتأخرون بالدفع، والله ضاق خلقي كلش ما عجبتني سالفة البلاك لست جنج مجرمة

ريمان يا واثقة ا انتي هههه، تصدقين انا ما احب الكويتيين وايد انحرج حتى دكاترة اليهال مرات الاسئلة تفشل يا تكرمون اسهال يا التهاب بمناطق تقص الويه فأفضل الاجانب، هههه على سالفة انج ما فهمتي شنو كتبتب ما عليج انا فهمت و طبقت

كاراميلا شلونج ، ما ينفع كويتي لان الله يسلمج رفيجتج فضيحة أصرخ من قبل لا يبدي بشي

مرو شخبارج،، ان شاءالله بجرب عيادة الفوزان عقب رمضان

بيلا أشوة اللي لقيتي الواجب، انا بعد فوز مادري شفيها ا تبي تسوي شي، و جنها ولد كاراميلا مالها خلق تلون، و انا وياج قلبا و قالبا بلا للحريم لا ولادة ولا أسنان،،، بس والله نبهتينا على شغلة بروح اخذ سي دي الفاسي لعل و عسى تحفظ اغاني هانا مونتانا و كل بلاوي ديزني تشانيل حافظتهم و اذا قلنا قل هو الله احد تنحت

 

[ReeMaN]

مساء الخير احبابي مروو وفوز الف سلامات اجر وعافيه ماتشوفون شر ......

كاراميلا شخبارج حبي الله يسلمج كي جي تو مو صعب بس مافي شغل لعب يعنى يهيئونهم على الابتدائي يعلمونهم معنى الامتحان وفي

اختبارات يسوونه لهم تقييم وواجبات ماكو شي اسمه تطوفين له الواجب كل خميس لازم يسلم الواجب واذا نسيتى تسال عنه الاحد وتقولج ان

ياثر على مستواه ولازم تعودينه يسلم الواجب بوقته .... بس انشاءالله يارب يطيحون على مدرسات سنعيين وانشالله عيالكم كلكم بنفس الصف

كي جي 2

انا من جم يوم رحت مركز سلطان ياربي مانزلو اغراض المدرسه قالو عقب القرقيعان ينزلون طيب واللي يداوم يوم القرقيعان شيسوي يعنى

بيلا انا عطونى طلبات المدرسه صج اشكثرهم وماعندهم نفس الكي جي بس عليج انج تسلمينهم 15 دينار واهمه يزهبون كل شي وفي

شغلات مافهمتها خاصه طلبات الموسيقى من وين اييبهم ....

بيلا المدرسه عندهم نفس ميزة الابداع قبل المدرسه بيومين الطلبه يروحون يشوفون صفهم ويعرفون منو اللي معاهم بالصف ويتعرفون على

مدرساتهم ..والا يتفاجئون بيوم الدوام؟

 

[N0oNa]

مشكوره حبيبتي فوز و ما قصرتي على التوضيح
شكلي بروح باجر الصبح اصوره و امر المدرسه و المستوصف الله يعيني شلون بمسكه عاد اليوم قاصه عليه و قتله بطلع بروح الطبيب بغزوني ابره و قتله تعال خل يغزونك فضحني حتن السياره ما رضى يركب كنت بنحاش منه شسوي مايخليني

 

[mr000]

السلام اشلونكم امهات..ريمان آنا امس رايحه مركز سلطان السالميه كله اغراض المادرس ماشاءالله وانتي عالدري صاعده تشوفين الجناط اشكال والوان..لا يابوا ماعليج منهم مو عقب القرقيعان..حتى شريت حق ولدي طوابع ومقلمه..وبروح ان شاءالله عقب باجر آخذله كم نوت بوك..مع انه كلامه عدل يقولي نطري اداوم ويعطونا الطلبات بس ودي اشتري من ألحين وأفتك..وصج اشتروا الجلاد الشفاف اللي يلزق اللي مقصص جاهز حق كتب العربي والدين..بس ترى ماكو شي ثاني تجلدونه..

 

[mr000]

سوووري عالبدليه ( المدارس)

 

[mr000]

ليش المنتدى رد يعلق..بيلا صاجه آنا العام تأذيت علما حصلت القصص حق ولدي..المفروض يحطونلهم اختيارات اكثر..مومعقوله مرحله كامله مثلا غريد 6 كلهم تقريبا 100 طالب بيشترون نفس القصص..أكيد بيخلصون..حتى هالسنه كاتبين لنا إذا ماحصلتوا الكتب بالمكتبات طلبوهم من الانترنت..بس أشوه حصلنا..بس طبعا غير القصص الاجباريه كان فيه ورقه ثانيه فيها يمكن 10 قصص كاتبين الافضل لو تقراهم بالعطله.. قام ولدي سيده قط الورقه بالزباله قال لابس مالهم داعي قالوا اذا تبون مو اجباري..والله وكيلكم غصب قرا هالقصه الوحده ..

 

[mr000]

السلام اشلونكم ..عيزت أدق عالمدرسه سكرتارية الثانويه مايردون..يعني لازم الواحد يروح لهم..

 

[bella bambina]

السلام أمهات
أمس رحت جرير والمثنى ما لقيت الكتب اللي بتيشر سيلر تقول ما عطونا المدرسه هالورقه عشان نوفرهم ولا أصلا موجودين بالسكولاستيكس وأولياء أمور الطلبه يوميا يمرونا بهالورقه ومو موجودين بالكويت كيفهم طاااااف
ريمان لا ما فيه تعارف على طول دوام ما عندهم غشمره بس صدقيني الدوام أونس لهم و أفك لنا من الحنه بالبيت
مرو ياحلو القطوه تينن دلول بالسفر أذت الناس اللي عندهم جلاب تلاحقهم غصب تبي تسولف معاهم وتمسك جلابهم وطبعا الأوروبيين أغلبهم نحس وما يلقونها ويه مو نفس الأمريكان
ريمان حتى آنا رحت مركز سلطان اللي بشرق ماكانو منزلين أغراض المدرسه يمكن بس بالسالميه منزلين شنو أغراض الموسيقى اللي ما عرفتيهم ؟ كل مره يبون ريكوردر بمحلات الموسيقى اللي بالسالميه وبورتفوليو الملف الكبير اللي يحط داخله الأوراق بمثل صفحات شفافه وصوره شخصيه وهاي لايترز ألوان فسفوريه روحي مركز سلطان عطي فلبيني الورقه واهو يطلع لج الأغراض ما عدا الدفاتر كل سنه ما ييبون صور شخصيات حلوة

 

[bella bambina]

فوز حتى دلول ما تحب تلون غريبه واحنا صغار نموت على دفاتر التلوين لا وبعد الكبار ملوت أمريكا مادري ليش هالجيل رباديه فوز لا تستغربين آنا عيالي ليما آخر السنه وآنا أشتري لهم بنطرونات يتفنون بتشققهم

 

[bella bambina]

مرو دوام المدرسين بالحكومه أكيد 13 - 9

 

[mr000]

مشكوووره بيلا عالمعلومه :eh_s(21): خل أقول حق ريلي..

 

[mr000]

اشرايج بهالقطو بيلا؟؟ كان عندنا وبعناه تالي تحسفنا :eh_s(11):

 

[ReeMaN]

مشكوووره بيلا ماقصرتى على التوضيح وشكلي بسوي جذي بعطي الفلبينى الورقه واهو يطلع لى الاغراض

وانا رحت مركز سلطان شرق ماكان فيها شي غير جناط السفر الى الحين ماشالوهم وشكلي برووح اللي بالسالميه ... بعدين بيلا يوم 13

جنى يكون ثانى يوم العيد او ثالث يوم والا انا غلطانه @@

 

[ReeMaN]

مع انى ماحب القطاوه ولا اي نوع من تكرمون الحيوانات بس ماشاءالله هالقطوه ايشوووووووووق ياحلاته

 

[mr000]

ريمان أعتقد عطلة العيد لي 12/9 علشان جذي الدوام يمكن 13 بس ريلي ليلحين مو مصدق يقولي لازم نداوم قبل الطلبه عالاقل باسبوع..يموت عالدوام ...أقوله بدامك تحب دوامك عيل ليش بتتقاعد..ماأبيه يجابلني :eh_s(11): ريمان عندج مركز سلطان السالميه حاط أغراض المدرسه والجناط أشكال وألوان..وآنا سألت مكتبة مشرف متى ينزلزن أغراض المدارس قالي تقريبا نص شهر 8 ..شوفي بالنسبه حق الصغار أهم شي أقلام الرصاص تكون من النوع الزين عندج ستيدلر مثلا..دوري النوع الألماني..ريلي يوصيني اشتريله كم علبه يوزع الاقلام عاليهال ويقولهم يخلونه بس حق حصته العربي..يقولي بعض اليهال علبو يشترون على شخصيات أو أنواع شويه ارخص وتلاقينه كل شوي ينكسر ويبريه ويقول آنا اللي أتعطل بالإملاء كل شوي يبرون اقلامهم..

 

[Fouz]

رد : تجمع امهات العالمية الامريكية

مبارك عليكم الشهر و عسى الله يتقبل منا و منكم صالح الأعمال

 

[mr000]

السلام أمهات مبارك عليكم الشهر