تجمع امهات العالمية الامريكية

[mr000]

رد: رد : رد: تجمع امهات العالمية الامريكية

السلام عليكم ..اشلونكم أمهات..اشلون عيالكم مع المدرسه..احنا من اول اسبوع طلبوا بروجكت بسم الله..خلصناه أمس..

 

[mr000]

رد: رد : رد: تجمع امهات العالمية الامريكية

السلام عليكم بنات

الله يعافيكم سمعوني عدل بلييييز وفهموني ))

ولدي خلص ثانية روضه ((حكومه)) وبيجبل ع الابتدائي الله يحفظه لي


عفيه بنات يصير اسجله بالعالميه ولا فات الاوان على قولتهم

بلييييييز طمنوني توني قررت اني ادخله


اللي تعرف رقمهم تعطيني اياه



اخر سؤال: متى يبدون دراسه (((




متضايقه حدي

أختي انتي حاطه في بالج مدرسه معينه وإلا أي مدرسه مازال فيها تسجيل؟؟اليوم حماتي حصلت حق حفيدتها مكان في الاكاديميه الدوليه بحولي بس متردده بعدها بتسأل عنها..وفي كيمبريدج بحولي قالولها ماكو مجال..يعني فيه بعض المدارس بعدهم يسجلون..

 

[bella bambina]

السلام أمهات
العفو ريمان وجولي
ريمان ما يعطونهم كتب الكتب تظل بالمدرسه بس فولدر الواجبات يرده المدرسه الخميس وساعات يحطون معاه كتاب الرياضيات العملي بس واجبات مافيه دروس وكتب العربي والدين بس حسب ما سمعت وزارة التربيه مو راضين يسلمونهم كتب الا لما يخلصون من التوزيع على مدارس الحكومه
جولي يطلبون منهم ريكوردر حق الموسيقى تلقينه بمحلات الأدوات الموسيقيه ولدي بقريد 2_2

 

[bella bambina]

الله يعافيج مرو ما تدرين اني قاعده أفقد الذاكره دلول بكي جي 2_3 تدرين اني الأسبوع اللي طاف نسيت ان الروضه يطلعون الساعه 12:30 رحت الساعه 1 راهيه أقول الحمدلله اليوم ماكو زحمه بعدين استوعبت وقمت أطق عل ويهي طلعو مودينها أفتر كير وقاعده تلعب مع اليهال حسبالها قاعده ببروي
وأمس فوز عفست الخدم أدور واجب اللي يرسمون فيه القمر وأقول لهم دلول لازم تسوي الواجب لما شرحت لهم قامو يضحكون علي وذكروني انه مال السنه اللي طافت ودلول سلمته الظاهر الشمس ذوبت مخي :cxxxp:

 

[jolie_q8]

رد : رد: تجمع امهات العالمية الامريكية

الله يخليكم ابي مساعده وولدي ب3

وعنده فوكابرلري تست باجر ومعطينه الكلمه مع شرح شطوله والكلمات صعبه عليه (اللي اهوا الشرح

يقولي لازم نحفظ الشرح ونكتبه ,, معقوله؟

انا اتوقع انه المفروض يفهم المعنى انا صح والا اهوا صح؟

 

[Fouz]

رد : تجمع امهات العالمية الامريكية

السلام عليكم أمهات شخباركم

اللله يسلمكم كلكم، و عمي مسكين حالته تعور القلب و أمس حاشه نزيف و دقوا علينا بالليل و زوجي رجع البيت الساعة 6 الصبح، وانا رادة من المدرسة على الساعة 10 و الا رقم غريب عاد انا بالعادة ما أرد بس من شفته تكرر رديت و الا الدكتورة و قالت لي انتي بنت فلان اللي أهو عمي والله وقف قلبي قلت لها انا مرت ولده شصاير عاد قالت لازم نسويله منظار و نبي أحد من أهله عاد مساكين ريلي و خالتي توهم نايمين بس أضطريت أقعدهم و تالي قالوا يبون أحد يتبرع بالدم لأن محتاج دم يعوض النزيف عاد وصيت عيال أخوي و زوجي وصى ربعه و ان شاءالله ربي يشافيه مسكين تعذب صار له 7 شهور من قبل لا أولد لما الحين حتى بنتي ما شافها الا بالصور

كراميلا حبيبتي ألف مبروك والحمدلله على سلامتج و سلامة البيبي :nbvppw:
جنه هالأيام عيد ميلادج خبري العام نفس هالحزة قلتي ان عيد ميلادج لان نفس عيد ميلاد رفيجتي، كل عام و انتي بخير اذا كانت ذاكرتي سليمة



مرو شخبارج و الله يعينج على الواجبات بسم الله ما مدانا داومنا



ريمان حياتي عيونج الحلوة و زين اللي صادفتج الصبح لأن للأسف ماكو درايش مثل العام




بيلا حبيبتي انتي صج لج أجر بهالمشاوير الله يعطيج العافية، انا على ما أييب فوز الا ما أتحاجى من الصداع، خدامتي كرهتني من كثر أقولها سوي لي مساج و لا نوع بندول نافع معاي استغفر الله الجو موطبيعي لازم سبوح بكل دشة و كل طلعة :eh_s(4):
يا حلاة دلول اسم الله عليها اليوم ناطرتنا عند الباب تسلم على فوز



ملكة حبيبتي شخبارج ان شاءالله بخير

ليالي شخبارج من زمان ما طليتي علينا ترى عقب رمضان راح نخصم على الغياب


نونا جولي و باجي الأمهات شلونكم مع المدرسة ان شاءالله امور اليهال استقرت
بنتي أول الأيام ذبحتني بالبجي بس اخيرا استسلمت و شافت لا مفر من المدرسة عاد وعدتها اذا ما بجت بييب لها سكوتر لأن من الممنوعات عاد اليوم داشة الصف تبتسم هههه صج ياهل

 

[Fouz]

رد : تجمع امهات العالمية الامريكية

بقولكم سالفة اليوم حزة طلعة اليهال قاعدة أركب بنتي السيارة و لا ياهل بنص الشارع يقول ماما و ماما جان اييني و يقولي فين ماما الظاهر مصري تصدقون ماكو أحد ياله عادوحدة يزاها الله خير نزلت من سيارتها و دشت فيه المدرسة و مادري شصار عليه ما يندرى شلون طلع من المدرسة بدون أمه والله ربي حفظه ما دعمته سيارة و يزاها الله خير اللي نزلت له بهالحر مع انها كانت بتمشي بس كسر خاطرها الياهل

 

[bella bambina]

السلام أمهات
الله يعافيج فوز اي قالت لي دلول سلمت عليكم
جولي ما يعطونهم يكتبون تعاريف فيه سبيلنغ تيست بس الكلمات وممكن يختبرون معرفتهم بمعاني الكلمات فيعطونهم الكلمات واهمه يقرون الجمل ويكملونها بالكلمات بس عمرهم ما طلبو منهم يكتبون تعاريف لا تحاتين بس خليه يفهم معانيهم

 

[ReeMaN]

مساء الخير حبايبي شخباركم

مروو بسملله مامداهم يداومون على طلبو طلبو منهم بروجكت ؟؟ شكلهم كل اسبوع يبون منهم بروجكت ...

فوز واعليه على عمج يارب يشافيه ويقومه بالسلامه

فوز شمطلع هالياهل بالهده ؟؟ شكله صغير ؟ يعنى اولى او 2 ابتدائي ؟؟ انا ملاحضه ان اللي شوي كبار عادي يخلونهم يطلعون برا بس

بصراحه زحمه مو طبيعيه نهاية الدوام ... تخيلي كل المراحل من باب واحد الابتدائي والمتوسط والثانوي وفرق بينهم بس خمس دقايق واليوم

المديره اهى اللي نظمت ازدحام الاهالى والخدم اللي واقفين صوب الباب اتقولهم ردو الى ورا اشوي سووو طريج حق الطلبه يطلعون مع

اهلهم تخيلو جنهم يهالوو يوخرون اشوي ويردون يصكون الطريج عيزت منهم اخر شي استسلمت وراحت عنهم ....

تخيلي ساعه كامله انا عند مواقف المدرسه اوصل الساعه 2 المدرسه يالله القى مصفط وانطر يطلع بال 2 وثلث وعلى ماتحرك السيايير الا

ثلاث انا طالعه بس من مواقف المدرسه .... واعليه عليه يموت من الحر ماكو الا اغيم سيارتى عدل مدل

 

[ReeMaN]

بيلااا على طاري فقدان الذاكره عندي وعندج خير خو انا خلاص بدا فينى الزهايمر المبكره لا صار الصبح مااذكر بالليل امس بالليل وين طالعه

ولا صار الليل ماتذكر وين كنت الصبح ... والله لا قعدت اسولف بشي تلوع جبدها اللي اسولف معاها من كثر ما بس ابي اتذكر الشي

وبنات الدوام يطفرووووووون منى لا قعدت اسولف بشي يقولون لى واللي يعافيج كتبي مذكره على كل شي تسوينه ولا بغيتي اتسولفين طلعي

مذكرتج

 

[mr000]

الله يعافيج مرو ما تدرين اني قاعده أفقد الذاكره دلول بكي جي 2_3 تدرين اني الأسبوع اللي طاف نسيت ان الروضه يطلعون الساعه 12:30 رحت الساعه 1 راهيه أقول الحمدلله اليوم ماكو زحمه بعدين استوعبت وقمت أطق عل ويهي طلعو مودينها أفتر كير وقاعده تلعب مع اليهال حسبالها قاعده ببروي
وأمس فوز عفست الخدم أدور واجب اللي يرسمون فيه القمر وأقول لهم دلول لازم تسوي الواجب لما شرحت لهم قامو يضحكون علي وذكروني انه مال السنه اللي طافت ودلول سلمته الظاهر الشمس ذوبت مخي :cxxxp:

السلاام اشلونكم امهات..بيلا الله يعينج والله ماألومج..إحنا الزهايمر لاعب فينا من صوب والشمس مذوبه مخنا من صوب:eh_s(16): بس كله ولانسيان العيال بالهده..اشوه ماتأخرتي عليها وايد..آنا مره ريلي هد بنتي لما كانت بأولى إبتدائي لي الساعه 3 وآنا موصيته ومأكده عليه علشان كان عندنا معرض أو شي ضروري بالمدرسه..وراده البيت الساعه 3 إلا المدرسه موصلتها البيت..والله فشله من المدرسه مسكينه وراها بيت وعيال..وبنتي وعليه كسرت خاطري..من عقبها بعد ماعدتها إني أطلب منه اييب العيال..إلا هالسنتين قام اييب ولدي.

 

[mr000]

فوز الله يشافي عمج ويقومه بالسلامه..بس والله سالفة الياهل تخرع ..أشلون طلع بروحه..أمبيه لازم يديرون بالهم..الله حفظه..ريمان اشلونج..تصدقين آنا طول العطله وآنا اشتري بعض الشغلات حق السفر..ولما قربت السفره فقدت الذاكره أبي أتذكر وين حطيتهم..موقادره..تالي لقيتهم بالكبت الوحيد اللي مادورت فيه..الحمدلله والشكر

 

[Fouz]

رد : تجمع امهات العالمية الامريكية

هلا والله ريمان الله يعينكم على الحر و الصراحة ما عندهم سالفة فاتحين باب واحد و يكون يعني بارينكم بالخمس دقايق بالله شتفرق، المفروض على الأقل 10 دقايق و يادوب يلحقون و أشوة ان المديرة كانت موجودة و شافت اللوية و هم المفروض يفتحون الباب الوراني على الأقل ناس تطلع من هالباب و ناس من الباب الثاني، تكفين انتي تشوفين الزحمة الصبح!!! انا كله أدخل رونغ سايد أدش مكان ما يطلعون لأن اذا بنطر على ما أدخل من اللفة الرئيسية الا مسكرين الباب

الياهل الله يسلمج نتفة يعني كي جي لان طالع من باب اليهال الساعة 12 و نص مسكين مادري شفيها أمه عسى ما ركبت السيارة و نسته بس ،،،لان مستحيل يطلع بدون أهله و الله ما يندرى شقصته الظاهر الزهايمر لاعب بالكل حتى أم الياهل،، أقول لعبوا سودوكو ترى يمنع الزهايمر أنا بلشت صار لي سنتين من كثر ما بديت أخرف و اذا قلت سالفة و أحد قاطعني مستحيييييل أذكر شكنت أقول :eh_s(11): الكبر شين


مرو صاجة انا ما أعتمد على أبوها لو أموت، و اذا كان لا بد من الأمر أكسر التلفون عليه لما أسمع صوتها يالله أطخ،، ماشاءالله عليهم قلوبهم باردة

 

[Fouz]

رد : تجمع امهات العالمية الامريكية

ريمان و مرو مشكورين و الله يسمع منكم، مساكين خالتي و ريلي لما الحن ما ردوا،، عسى الله يقومه بالسلامة يارب

مرو ترى النسيان عادي والله مرات ابي الشغلة و اكون متأكدة 100% انها عندي بس لأني ناسية ون حاطتها أروح أشتري يديدة لاني أكون معتازة لها و مالي خلق أنطر

أمس الله يسلمج سويت كبت ريلي و بنتي، عاد عندي مخازن فوق الكبتات، المهم لزقت ورقة على الباب مال الكبت من داخل و كتبت شنو الموجود علشان اذا بغيت شي اقرا الورقة علشان ما أحوس ،، والله مخي قام ما يجمع من كثر اللوية مادري عقب 10 سنين شبيصير فيني :0bee2e8d89:

 

[mr000]

ريمان صاجه الظهر وايد زحمه..ولدي يوصل الساعه 3 ونص.. ناشف ريجه وذايب من الحر..وألحين طالع لنا بسالفه إلا تييبون لي تقرير طبي علشان استخدم الاسنسير لأن صفهم بآخر طابق من المدرسه..بس ماعطيناه ويه خلاص حاله حال باقي الطلبه

 

[mr000]

فوز آنا من عقب سالفة العام اللي حطيت الكاميرا عالشحن ليلة السفر ونسيتها..قلت هالسنه خل أكتب ورقه وألزقها عالكبت عن الاغراض اللي لازم آخذها..وهم شكلي بنسى شي..وأهم شي خايفه أنسى الفلوس اللي مصرفتهم..لأنهم بالتجوري.. وطبعا بديت من اسبوعين أوصي ريلي وولدي على ولدي هذا اللي بالمدرسه.. ورحت شريت منبه حق ولدي وواحد حق أبوه..خايفه تروح عليهم نومه..خاصه ال3 ايام اللي قبل العيد..وقبل النوم بالليل لازم أرد أعيد الوصايا والتوجيهات حق ريلي كل يوم..بس عارفه ومتأكده إن ولانص الكلام سمعه..كله انزين وان شاءالله..والله يستر

 

[Fouz]

رد : تجمع امهات العالمية الامريكية

مرو اذا بنتج تحب تسوي شعرها ويفي انا شريت حقي و حق بنتي كيرلر عجيييييب من ويست فيلد و ألوانه تزوغ طبعا شريت لها وردي و يوم القرقيعان سويت لها شعرها و استانست بدال ما أوديها الصالون و يحرقون شعرها

شوفي اللي شريتهم بس الأسعار بالسايت أرخص شوي

http://www.hd10.co.uk/checkout/cart/

http://www.hd10.co.uk/amika/stylers/amika-blush-pink-1-slim-pro-styler.html

http://www.hd10.co.uk/amika-black-3p-triple-barrel-set.html

 

[mr000]

رد: رد : تجمع امهات العالمية الامريكية

أيي فوز ناويين ان شاءالله ناخذ ..بس قالولي في سيلفريجز..

 

[Fouz]

رد : تجمع امهات العالمية الامريكية

اذا بسيلفرجز بعد أحسن انا شفتهم صدفة عاد ناداني و جرب بشعري الستريتنر و بشعر بنتي الكيرلر و عجبني و شريتهم لأنهم كانو حاطين مكان للعرض بين المحلات فلفتوا نظري

 

[ReeMaN]

رد: رد : تجمع امهات العالمية الامريكية

والله مروو ماينلام ولدج انا اطالع الطلبه واهمه طالعين بالهده يكسرون الخاطر واهمه شايلين جناطهم قاصه ظهورهم قص بهالقايله اثقل من وزنهم بالزور يمشووون ...