رد : رد: رد : تجمع امهات العالمية الامريكية
قوه بنات شخباركم؟ خل اقولكم قصتي مع العربي
انا طبعا يديده بالمدرسه لانه عيالي كانو بمدرسه ثانيه وكانو ما يعطونهم واجبات يوم الخميس !!
المهم,,جيكت على جدول الخطه الاسبوعيه مال العربي حق يوم الخميس كاتبين مراجعه الحروف او شي جذيه !
فكلش ما توقت انه واجب لانه كل يوم في واجب يكتبون شنو الواجب
عاد امس عيالي ردوا من المدرسه والا كل واحد حاطتله ابلته بخط احمر اين الواجب شكبره !!!!!!
انا ينيي اشوف هالملاحظات بالدفاتر وانا خابه نفسي مع اليهال لا طلعه ولا سوق ولا شي بس مجابلتهم نحل وندرس !!!!! هالمره اين الواجب
انزين لا اليهال يعرفون شنو الواجب ولا انا ,, جان اكتب لها ورقه والزقها بالدفتر وبشوف ردها
لانه شلون اعرف عليهم واجب واهو مو مكتوب انه في واجب (اللي ولدها بثانيه او ثالثه) تقولي شنو كان واجبهم يوم الخميس
فوز ما تشوف شر بنتج والله يطمنكم على عمج يارب
مروو,, تروحين وتردين بالسلامه وهاف فن
ريمان,, انا عيالي بالالمنتري ومو طالبين منهم مسجله !
بيلا,, شخبارج وشلونكم مع الواجبات
بنات ابي محل آلات موسيقيه ووين ؟ للحين ما شريت لهم الاله اللي بيونها ! وقايله لهم هالاسبوع اخر يوم
