:::تجمع امهات روضه وحضانه عالم الطفل:::

[al7noona]

ام ماريا ماقصرتي حبيبتي وصاجه ابله ماجده تهبل حتى انا قلت حق امي صوتها نفس صوت الباباي لوووول ياحلوها وابله عايشه وفاطمه ماقصروا




ورد وردي بشري شلون ورشتكم وشسوى ولدكم عسى استانستوا وشرايج بالورشه

 

[حبوبه]

هلا بنات ..
اليوم رفيجتي دفعت حق ولدها الرسوم .. مواحنا كنا ندفع 155 دينار الحين صار 200 دينار يعني فرق 45 دينار .. و100 مالت كل شهر نفسها يقولون انه الاجار زايد عليهم 500 دينار ..

 

[al7noona]

ويي الله يعينااا على مصاريفهم الي كل مالها وتزيد ههههههه

 

[ورد وردي]

الحنونة ورشتنا حلوة كانت الحمدلله عن الدجاجة سووا ألعاب كل ام مع ولدها ...... وصوروها فيديو

ابيه بنات انا قايلة بسجل ولدي للسنة الياية جم اودي الحين معاي؟؟؟؟؟ الي اعرفة 100 حجز مقعد واهي نفسها حق شهر 9 و20 ملابس ؟؟؟؟؟؟

 

[al7noona]

ورد على مااعتقد 100 حجز مقعد و100 حق شهر 9

 

[ورد وردي]

شلونكم بنات

صح الحنونة سألتهم قالو 100 حجز مقعد و100 حق شهر 9 يعني 200 ...... لان الحضانة يبون تصير 1000 بالسنة مو 900 .......................الله يعينا يارب

انا مفكرة اسجلة باجر ان شاء الله وساعات اقول ليش ما اشوف التكامل والا الرؤية ؟؟؟؟؟؟؟ مادري شرايكم؟؟؟؟

 

[al7noona]

ماادري اذا على المصاريف كلهم نفس الاسعار تقريبا

بس عالم الطفل هم مو مقصرين يعني بالدراسه تووب الحمدالله بنتي تعلمت اشياء ماكنت متوقعه انها راح تعرفهم ماشالله وقامت تكتب قبل لا تدش الروضه ماكانت تعرف تكتب ولا شي بس تشخبط وماشالله تبارك الرحمن اهما علموها


ويقولون ان يعلمون الياهل يصير خطه حلو ومرتب


ورد ولدج السنه اليايه يدش روضه ؟؟؟

 

[حبوبه]

شلونكم بنات ..
يوم الخميس ان شاء الله رحله المتحف العلمي ..
بنتي صايره شيطانه احس تاخذ حركات اليهال من المدرسه وايد تحرش باخوانها وتطفرهم وتاخذ اغراضهم واذا عاقبتها تقعد تبجي وماتسكت ..
الله يهديهم ويصلحهم ..

 

[ورد وردي]

لا ولدي السنة الياية حضانة مستوى ثالث بس عادي الرؤية والتكامل عندهم روضة تمهيدي يسمونها ........... عالم الطفل زينة ماشفت منهم شي حرام ومو قصدي السعر نفس الشي ........ بس مادري قاعدة اقول افكر من الحين قبل لا اسجلة وتروح فلوسي عرفتي ....... بشوف اقرر هاليومين ان شاء الله

 

[al7noona]

حبوبه احنا باجر بودونههم المتحف العلمي انتوا قبل ودوهم الاكواريوم ولا لا؟؟


ورد الله يخليه لج صلي استخاره والله يوفق وليدج

 

[حبوبه]

هلا الحنونه ..
اي ودوهم الاكواريوم وباجر ان شاء الله المتحف ..

 

[al7noona]

بنات انا اشوف ان الابلات ماعندهم اهتمام بالياهل بنتي غابت 3 ايام محد دق سأل ومعروف بالمدارس الخاص لو يغيب يوم يدقون الحين حتى الحكومه يدقون يسالون


ومرتين سووها فيني ان بنتي تغيب ولما تداوم ثاني يوم انصدم ان عندهم رحله او نشاط المفروض ان غابت البنيه يدقون يبلغوني صح ومره كلمتهم قلتها ليش الابلات مايدقون يبلغوني قالت بكلم الابلات وهذا اهما نفس الشي مايفكرون يدقون هالشي غلط

 

[al7noona]

حبوبه احنا ماودوهم الاكواريوم حسافه عاد الاكورايوم احلى واونس من المتحف

 

[al7noona]

حبوبه احنا ماودوهم الاكواريوم حسافه عاد الاكورايوم احلى واونس من المتحف

 

[ورد وردي]

شلونكم بنات

خلاص بسجله بعالم الطفل ان شاء الله ....... اهي اقرب لي من صباح السالم

بس حبيت اسأل وين صف مستوى ثالث؟؟؟؟ انا صف مستوى ثاني عاجبني كبير وحلو بس مادري عن ثالث ؟؟؟؟؟ والروضة فوق؟؟؟؟؟ احس ماشاء الله زحمة هذا الشي الي رددني .............

 

[حبوبه]

هلا بنات شلونكم ..
لا جديد علي الساحه .. الاسبوع الياي عندهم تصوير حق الحفله ..
ام ماريا مختفيه عسا المانع خير ..

 

[al7noona]

اي والله حتى انا فاقده ام ماريا اكيد لاهيه مع الوظيفه الله يوفقها


ورد الروضه مساكين فوق بنتي كله تقولي ماما اتعب وانا اصعد الدري لووووول

 

[om yoyo2]

انا بنتي ماودوها اكواريوم ودوها المتحف

الحنونا حبيبتي على حسب الابله كلميها قوليلها اذا عندكم رحله او نشاط وبنتي غايبه دقي علي والله انا ابلته بنتي اذا غابت يوم علا طول ادق وتسال عنها وتقول اذا عندهم رحله

 

[al7noona]

هلا ام يويو

اعتقد روضه الزهراء ودوهم الاكواريوم بس القصور ماراحوا الا المتحف ههههه


اي اهوا من الابلات معنه ثنتين ولا وحده فيهم فاضيه تدق شدعوه

 

[ورد وردي]

شلونكم بنات

صج نسيت ادفع حق الحفلة دفعتوا؟؟؟؟؟