>>>"تجمع امهات روض الصالحين "<<<

[الام المحبه]

مرحبا حبيباتي
انا اضم صوتي لصوت الاخت حلم الطفوله وياريت لو تحطون لنا تلخيص المواد ( عربي وانجليزي وووووو ) لمرحلة g1 او تدلون على طريقة نحصل فيها المناهج لعيالنا

عندي استفسار ما شعوركم لحفل تخرج اليهال للروضة
؟!؟!؟!؟!؟!؟

 

[جوز&لوز]

شعور تخرج الروضه عادي بس نحاتين المرحله الاصعب الي اهيا اولى ابتدائي

 

[أم فرووحة]

الله يوفق عيالنا و ايسر امورهم

سؤال للي دخلوا عيالهم الروضه..هل دخلتوهم حضانة درر قبل لا يدخلون الروضه ولا عادي اقبلوهم على طول من حضانة ثانية؟؟

و هل في احد دخل عياله على طول الابتدائي من غير لا ادخلهم روضتهم؟؟ ولا لازم يتخرج من روضتهم بعدها يدخل الابتدائي.. ياليت القى عندكم اجوبه حق اسئلتي؟؟

 

[أم فرووحة]

للرفع

 

[حلم الطفولة]

رفع,,

 

[أ.س.م.ا.ء]

شلون مشتوى المدرسة والمدرسات
وبالنسبة للابتدائي شنو المواد الي يدرسونها بالعربي وشنو الي يدرسونها بالانجليزي
وشلون مستوى الروضة عندهم بس لعب ولا يدرسون اليهال

 

[dectora 7elwa]

السلام عليكم
وينكم
من زمان ما سمعنا اخباركم امس استلموا عيالي جدول الامتحانات شنو شعوركم

 

[الام المحبه]

يا ويلي اولي ابتدائي وعندهم جدول امتحانات (((((((((((((
الله يعينا عالتدريس
يالله يا امهات ربطوا الحزام وخلونا نساعد بعض بتدريس اليهال
وبالتوفيق للجميع

 

[dectora 7elwa]

ي والله انا عندي من الابتدائي لين الثانوي الله يحفظهم يعني هالاسبوع حده طوارئ واللي بالثانوي حيييل فارق عليها النظام الله المستعان

 

[أم عواشي]

الله اسهل عليهم يا رب
انا بتني في ثانيه ابتدائي
لا اتحاتين الام المحبه ترى سهاله ان شاء الله
اذا راجعتو كل الواجبات و الوورك شييييت ماكو شي يطلع بره
الله اوفقهم

 

[الام المحبه]

الله كريم
والله يسهل على عيالنا
اللهم لا سهل الا ما جعلته سهلا وانت تجعل الحزن ان شئت سهلا
))))))))))) كاني زودتها حبيتين واهي اقصاها امتحانات للابتدائي ))))))))))))
انا قلبي على الامهات اكثر من العيال

 

[سيدة الكويت]

رفع

 

[أم فرووحة]

ي والله انا عندي من الابتدائي لين الثانوي الله يحفظهم يعني هالاسبوع حده طوارئ واللي بالثانوي حيييل فارق عليها النظام الله المستعان

الله يخليهم لج..

اللي بالثانوي من الابتدائي كانت معاهم؟؟

و شنو اللي تغير عليها بالنظام؟؟

و شلون تحسين غرس الأخلاق فيهم قوي؟؟ ولا عادي؟؟

احس وايد راح تفيديني دام عندج بنت بالثانوي معاهم يعني ماشاء الله شكلج حيل مرتاحه من المدرسة؟؟

 

[أم فرووحة]

يا امهات عندي سؤال ضروري..

صج دراستهم بالابتدائي صعبة و تحتاج متابعة و تدريس؟؟

انا دوامي عصر يعني مافي وقت ادرسهم..

شوروا علي..اخاف ادخلهم و تطلع الدراسة حيل صعبه و انا ما اقدر اجابلهم و يتوهقون.....!

ناااااااااااطرتكم

 

[الام المحبه]

حبيبتي أ.س.م.ا.ء
يدرسون بالانجلش : مادة الانجلش والعلوم والحساب ( رياضيات) والكمبيوتر
يدرسون بالعربي: مادة العربي والقران واسلامية ووطنية وباقي الموادب العربي

انشاءالله اكون فدتك

 

[أم فرووحة]

سبحان الله و بحمده سبحان الله العظيم

للرفع

 

[نور-الكويت]

بنات انا بنتي بروضه ليش الصف مزدحم يعني 29 شخص معقوله حتى الحكومه مو جذي

 

[ام حمني@@]

بنات عفيه ردوا علي ابي اعرف انا ولدي بدخله الروضه والسنه اليايه شهر 10 يكمل 3 سنوات واهم قالولي مانقبل اقل من 3ونص وقالتي سجليه السنه اليايه حق الي عقبها وقتها بيصير عمره 4 شلون جذي ماراح يكون اكبر من الي معاه بالصف؟

وكنت رسال شلون تعاملهم مع الروضه ؟
وشلون الدوام عندهم من الساعه جم لي جم؟

 

[حلم الطفولة]

بنات عفيه ردوا علي ابي اعرف انا ولدي بدخله الروضه والسنه اليايه شهر 10 يكمل 3 سنوات واهم قالولي مانقبل اقل من 3ونص وقالتي سجليه السنه اليايه حق الي عقبها وقتها بيصير عمره 4 شلون جذي ماراح يكون اكبر من الي معاه بالصف؟

وكنت رسال شلون تعاملهم مع الروضه ؟
وشلون الدوام عندهم من الساعه جم لي جم؟

السلام عليكم تجمع الصالحين .. شلونكم ؟؟ ليش ليش هالغيبات نبي حركه أكثر :eh_s(1):

اختي ام حمني .. ولدج أكيد مواليد 10 / 2006 صح ؟؟
إذا صح معناته كلامهم مضبوط وماراح يعتبر متاخر

بالحكومه أولى روضه السنه القادمه يكونون مواليد :
من نص شهر 3 / 2006 إلى نص شهر 3 / 2007

في مدارس خاصه أمريكيه أو نظام أمريكي ثنائية اللغه ومنهم روض الصالحين يتبعون نفس نظام قبول الحكومه..

وفي مدارس أمريكيه .. وهذا الغالب .. نظام القبول عندهم راح يكون حق أولى روضه السنه القادمه :
مواليد : 1 / 1 /2006 لغاية 31 / 12 / 2006

المدارس الانجليزية تقبل أصغر بسنه لأن نظامهم 13 سنه دراسيه مو 12

..............((( والله أعلم )))................

 

[ام حمني@@]

هلا حبيبتي حلم الطفوله
لاوالله ولدي مواليد 10 -2007