>>>"تجمع امهات روض الصالحين "<<<

[jours]

للرفع
انا بعد ولدي بروض الصالحين g2 بس لاحظت ان العربي باولى ابتدائي تأسيسه وواجباته اكثر من ثانية

 

[ريانـــــــــــه]

انا عندي ولدي بروض الصالحين كان فيها من الروضه والحين 2 ابتدائي
بس محتاره ودي اطلعه منها لأنها صعبه حيل حيل حيل
وبنتي بعد فيها ب2 روضه
وتره ولدي الحمدالله متفوق بس حرام كل يوم امتحان كل يوم والدراسه صعبه حيل

 

[كويتيه فنتك]

انا وليدي فيها بس حيل صعبه
وبنيتي بروضه2 احس انهد حيلها
بس اشوف انهم يفيدونهم اكثر

 

[dectora 7elwa]

هلا بالجميع
ام فروحه عذريني توني ارجع عالموضوع والله المدرسه ممتازه بس فرقت علي هالسنتين من الزحمهوعلطول فيها مدرسات جدد كل سنه
طبعا الواجبات وااايد ولازم متبعه الاهل بالبيت صعب الياهل يكتب بروحه الا ليمن يكبر
بالنسبه للاخلاق التاثير بالفصول الاولى اكثر من الفصول السادس وفوق لانهم يلهون بالدراسه
بس طبيعه البنات اللي بالمدرسه والاهل تخليج حيل مطمنه يعني يكفي مافي اختلاط ومافي اغاني وفي اسلوب تحبيب بالدين والحجاب وايد لطيف وماكو تصرفات انا اشوفها مع عيال خواني وخواتي اللي عيالهم بمدارس ثانيه لازم شحاطه واسبوعيا طلعات مع صديقاتي بروحنا ولا يظحكون علي
هذا باختصار وعسى الله يوفق عيالج

 

[ام حمني@@]

انزين شنو قوة التربيه الاسلاميه عندهم؟ ومن متى يعلمونهم

 

[أم فرووحة]

معذورة حبيبتي دكتوره حلوة و مشكوره على الرد ماقصرتي

كلامج يطمن الحمدلله..

بس صراحه وايد اسمع انها صعبة و هالشي امخليني اتردد شوي لان ظروفي ماتسمحلي اجابلهم بالدراسه..

<-- دوامها عصر

الله كريم

 

[amt~alrhman]

سبحان الله

 

[American Style]

السلام عليكم

انا اخواني 2 فيها واحد من قريد تو والحين بناين ماشاءالله والثاني من كي جي والحين بفايف

والاثنين الحمدلله متفوقين والكبير دايما يطلع الاول بمسابقة الحديث

الي بفايف صارله سنتين بس يحن يبي يطلع منها لوول مسكين لايعه جبده

الله يهداه بوحمد وايد جاسي واسلوبه مو شي كله حاط دوبه دوب اليهال ميننهم


وبالنسبه للمدرسين ترا اغلبهم مو جامعيين !!

يمكن بس مستر البرق مال الماث

وثاني شي مافيها امريكان ترا هذا غلط شلون مدرسه امريكيه وما فيها مدرسين اللغه الاساسيه مالتهم امريكيه !!

كلهم مجنسين كندي واهما عرب وبدون وهنود (مع احترامي لكل الجنسيات) !!


والي يسألون ليش مايخلون اولياء الامور يشوفون المدرسه والكلاسات قبل مايسجلون

ترا عشان لا تنصدمون لوول والله هذا الصج لأنها مو نفس مستوى باجي المدارس الامريكيه من جميع النواحي

بالكلاس جريب الثلاثين طالب وين المدرس يقدر يركز والطالب شلون بياخذ فرصته عشان يبدع !!


واليونيفورم مالهم بروحه سالفه

الحمدلله والشكر في مدرسه بالعالم كله بنطلونها بيج ؟؟؟؟؟؟؟!!!!!!!!!!!!

يعني يهال وكره ولويه اقل شي يبين فيه

وكله بصوب والبجامه مالت الرياضه بصوب ثاني

والوانهم حدا مو شي وعليا مال الي بناين جنه قميص سايق

انا دارسه بمدارس برا الكويت مرت علي يونيفورمات الدنيا بس مثل يونيفورهم ما شفت


المدرسه فيها سلبيات وايد وايد وايد لو اقعد اتحجا لي باجر ماخلص

انا لو بيدي طلعتهم من باجر لكن الماما عاجبتها عيزت وانا احن عليها مو راضيه

الناس ميتين عليها على بونه راعيها ريال دين ومادري شنو مايدرون ان من فوق هالله هالله ومن تحت يعلم الله

والله كاسرين خاطري اخواني

 

[متنقله]

السلام عليكم ورحمه الله وبركاته
ودى افضفض اشوى
طبعا المدرسه هالسنه غير كل سنه حدث ولا حرج
اليها ل جنهم فى قوطى سردييييييييييييييييييييين
بيطفحوووووووووون من الصف والابلات مالهم خلق
رحت اجتماع الامهات يوم الاثنين ماكو ولا ابله ما اشتكت من الاعداد الى فى الصف
اتخيلى اقول لها بنتى ماتفهم وانا مستواى مو زين بالانجليزى
تقول هذا الى اقدر عليه كلمى بوحمد يزيد الصفوف مو انا على كيفى

صج صج تعبت اول سنه ادرس جذيه يردوووون موفاهمييييين ولا شئ
والله المستعان

 

[حلم الطفولة]

السلام عليكم

انا اخواني 2 فيها واحد من قريد تو والحين بناين ماشاءالله والثاني من كي جي والحين بفايف

والاثنين الحمدلله متفوقين والكبير دايما يطلع الاول بمسابقة الحديث

الي بفايف صار.........................
:
:


بالكلاس جريب الثلاثين طالب وين المدرس يقدر يركز والطالب شلون بياخذ فرصته عشان .........
:
:

السلام عليكم ورحمه الله وبركاته
ودى افضفض اشوى
طبعا المدرسه هالسنه غير كل سنه حدث ولا حرج
اليها ل جنهم فى قوطى سردييييييييييييييييييييين
بيطفحووووون الاعداد الى فى الصف ........
..................................
تقول هذا الى اقدر عليه كلمى بوحمد يزيد الصفوف...
:
:

السلام عليكم ورحمة الله .. امهات شلونكم .. بقيت أسأل .. الحين كل المدارس لما الصفوف تعلى مثلا تاسع عاشر 11 - 12 يبتدي عدد الطلبه والطالبات يقل شوي ..
لأن بعض الطلبه أو الطالبات ينتقلون إلى مدرسه أسهل مثلا .. أو يروحون حكومه .. أو ....

انتو عندكم الصفوف العليا بعد تكدس وللا شلون ؟؟

صاجه المس ,, كلمو الإداره ,, ,, وعموما ياخواتي ماكو مدرسة خاليه من المشاكل ..
,,,,,,,,الله يعينكم ويعينّا سبحانه ويبلغكم مبتغاكم في عيالكم ويبلغنا مبتغانا في عيالنا ,,,,,,

 

[سيدة الكويت]

شلونكم بنات روض الصالحين

كلمو الأداره أكيد راح يسمعون رأيكم .....حرام انتو دافعين فلوس بالصف 30 طالب؟؟ صعبه
المفروض بالكثير بين 16 او 20
موفقين

 

[حلم الطفولة]

(( حد أقصى 24 )),, بس لا تلومونهم .. سألت وحده قالت فعلا تكدس بالصفوف وكلّمت الإداره ,, قالو لها صارلهم كم سنه طالبين مبنى من الوزاره ماتوفر لهم للحين .. وحاولو يشترون المدرسه أو المبنى الي يمهم : تقول أظن التوحيد .. مادري مبنى اللجنه الأولمبيه ..؟؟
لكن ماقدرو أو ماوافقولهم .. يعني هم متوهقين مو لأن عاجبهم الوضع ..
آنا سمعت كل الخير عن هالمدرسه و وجود مشاكل يعتبر طبيعي في كل المدارس ..

آنا أشجع كل أم مو مرتاحه باللي هي فيه انها ماتتردد بنقل عيالها لمدرسه أخرى هذ حقها ,,
وأعزز ثقة كل أم مقتنعه بما هي فيه إن ماعليها من غيرها دام هي مرتاحه

أسأل الله لكم ولعيالكم التوفيق .. ولنا ولعيالنا التوفيق آآآمــييين

 

[amt~alrhman]

السلام عليكم




بنات شرايكم بتأسيس الغة الانجليزية قوي ويقبلون ولدي او لازم اخوان لاولى روضة

 

[Dorur]

صراحة بنات كلامكم ما يونس عن المدرسة؟
مع ان انا مفكرة انقل عيالي لها
واحد اولى روضة الثاني اولى ابتدائي
بس كلشششششش ما شجعتوني!!

 

[نطوووعه]

بنات عندكم فكره متى يبدي تسجيل المستجدين؟؟ ولدي كي جي 1؟؟

 

[الام المحبه]

مرحبا حبيباتي
كلام الخوات كله صح 100%
انا عيالي بالمدرسة بكي جي وباولي ابتدائي
وفعلا انا الاحظ الزحمة بالصفوف وبره وان العدد في تزايد ( الصف فيه 30 طالب )
والمناهج وايد صعبه ( واجبات وامتحانات ما تخلص ) مساكين عيالنا
اما اللبس حدث ولا حرج ( متنا واحنا نقترح شفويا وبالاوراق انهم يغيرون الزي والالوان بعد لانها مأسااااااااااااااااااااااة )
اما المدرسات فعلا مو امريكيات ولا عندهم شهادات ( ما ادري ليش ) يمكن يدورون الارخص ( ما يبون يدفعون معاشات ؟!؟!؟ )
ولكن عندي سؤال
على كل هالعيوب
هل هناك مدرسة أخري منهجها مفيد وفيها التزام بالدين والاخلاق وفصل البنات عن الاولاد مثلهم؟
اذا في ارجوكم لا تبخلون علينا وفيدونا
وشكرا

 

[حلم الطفولة]

الرؤيه يمدحونها .. والله أعلم .. لكن ترى الرؤية منهاهجها ادسم وأصعب .. واللي ياخذونه حتى بالابداع بسابع مثلا , فالرؤيا ياخذونه بسادس.
لكن العبره مو بالمنهج ,, العبره بطريقة التدريس واستغلال المناهج بالطريقه الأمثل .. الأمريكي عارف كتب ديرته وشلون يدرس..< أعطي الخبر لخبازه.
بس كلمة حق : ماكو مدرسه إلا وفيها علل ومشاكل //
خلوهم بمكانهم إذا العيال مرتاحين ,, كلهم بيتخرجون وبيدخلون جامعه ,, والمعدل مضمون أكثر عندكم.. الأمريكان عسرين ودقه زايده , أما العرب ألين شوي بالدرجات. // موفقين ,, لا تحتارون ولا شي اللي بالمدرسه وعياله راضين وماكو شي رئيسي مضايقهم خل يظلون مكانهم ماعليهم إلا العافيه .. كافي الجو إسلامي.

 

[حلم الطفولة]

رفع

 

[حلم الطفولة]

آنا كلمت مره غنيمه سنان وراوتني شهادات الابلات ،، حرام ترى فعلا يدورون كفاءات بس هذا الموجود ومايبون غير مسلمات شيسوون ،،
عيدكم مبارك وتقبل الله طاعتكم
كل عام وانتو بخير سنه دراسيه سعيده ان شاء الله
اللي عندها السبلاي لست للصف 2 ابتدائي بمدرستكم عطوها للأخت اللي كاتبه موضوع بالطلب ،، وشكرا

 

[myfashionbag]

رد : >>>"تجمع امهات روض الصالحين "<<<

مرحبا والسلام عليكم و كل عام دراسى وانتم بخير

انا اول وليت امر بهالسنه الحين برفع الموضوع و اتمنى الجميع يشاركنى بهذا التجمع
علشان نفيد و نستفيد من بعض ناطره ردودكم على احر من الجمر
أبى افضفض مع و لية امر حدى متضايقه هالسنه من المدرسه