تجمع امهات مدرسة المستقبل ثنائية اللغةfbs

[توتا وحب الكويت]

السلام عليكم بنات اشلونكم

مرحبا توت اشلونج انشاء الله زينه مشتاقتلج وايد يالغالية


تدرين انه انا ولدي مرتاحين الحين والحمد الله لما مس جنانووووه راحت انا تعبت معاها من كثر ما اكلمها وبعدين رحت للاداره اكثر من مره علشان يشوفولي حل معاها وعلى طريقتها في التعامل مع عيالنا

بس الحمد الله انه يا الموضوع منها وراحت مكان ثاني ،

وبالنسبه للدروس الخصوصية حتى يوم الاجتماع علني تكلمت عنه قدام الرياييل والحريم اللي كانو موجودين

بس بالنسبه للاستاذ احمد وينه ماله حس لاني اعرف انه كل ما يطلع مدرس او يمرض او اجازه اهوا يحل محله
والله الموفق

 

[توت عنكبوت]

هلا توتا حياج الله

واله فاقدتج بس حسيت نفسي بتطفل عليج لو اطرش لج رسالة عالخاص .

انا مرتاحة حيل بفراق مس جنان ومتحسفة حيل على سالفة الدروس الخصوصية المفروض اننا معلمين الادارة بس خوفي على ولدي لا تحط عليه سكت .

انا ماشية بدراسة ولدي بس بالعلوم والاجتماعيات خرطي ما ادري عن شي .

بس الحمد لله بالماث اوكي والانجليزي والعربي وتربية وطنية ودين .ما اشكي منهم شي .

استاذ احمد ما ادري عنه ولا عمري شفته بس انا ادري ان مسمي تغطي مكان النقص وما تقصر بنت الحلال .

 

[توت عنكبوت]

توت واللة مالومج ودنا نعرف ونشوف عيالنا شيسوون بالمدرسة بس بعد شنسوي
انا اشوف شراح ياخذون بالورقة النيوس ليتر هذي اللي يطرشونها معاهم كل اسبوع واللة يسلم النت متروس دروس ومواقع اعطية افكار واشرحلة عشان يفهم شبتكلم المس عنة اخاف مايتوعب كل شي بالانجليزي فعشان جذي لاااااااازم اراجعلة مسبقا..

انا بس ابي اعرف شنو يدرسون احس نفسي ما افهم ورقة النيوس لتر ما افهم بعض المعاني هذي مشكلتي وبصراحة مطنشة العلوم والاجتماعيات المفروض في كتب .

والله امس استانست على اوراق الحيوانات الثدية والطيور اللي بكتاب الطالب جوني بالغلط .عرفت شنو مآخذين .

 

[توتا وحب الكويت]

هلا توتا حياج الله

واله فاقدتج بس حسيت نفسي بتطفل عليج لو اطرش لج رسالة عالخاص .

انا مرتاحة حيل بفراق مس جنان ومتحسفة حيل على سالفة الدروس الخصوصية المفروض اننا معلمين الادارة بس خوفي على ولدي لا تحط عليه سكت .

انا ماشية بدراسة ولدي بس بالعلوم والاجتماعيات خرطي ما ادري عن شي .

بس الحمد لله بالماث اوكي والانجليزي والعربي وتربية وطنية ودين .ما اشكي منهم شي .

استاذ احمد ما ادري عنه ولا عمري شفته بس انا ادري ان مسمي تغطي مكان النقص وما تقصر بنت الحلال .

افا عليج بس

عادي اي تطفل احنا خوات

اخذي راحتج

وليش كنتي خايفه على ولدج تقدرين تتكلمين باللي تبينه بدون ما تذكرين اسم ولدج وتحرصين انه الاداره ما تبلغهم عن اسمه

الله يسهل امورنا بس وانشاء الله وتخلص هالسنه على خير وانقله الي مدرسة نموذجية عربية وقوي بالدوات الانجليزي في معهد البريطاني
سهالات انشاء الله
ماراح اعور قلبي اكثر بهالمدرسه

 

[وافية*]

بنات من صجكم انتو دروس خصوصية؟؟؟:gr4uu:
اول مرة اسمع بهالسالفة واللة قوية عمرها مالمحت ولاقالتلي هالشي يحليلها فوق هالفلوس اللي ندفعها بعد دروس وقط فلوس:krkrkr:

 

[وافية*]

استاذ احمد اشوفة صار للرياضة معلق صفارة ولابس لبس رياضي:n2006107:

ترى حددو لصف عيالنا دولة المكسيك:flower: باللة شنجيب يعني اللة يهداهم لوشايفين دولة من هالدول السنعة هولندا ولاكندا او بريطانيا فرنسا مالقو الا المكسيك حتى مالهم سفارة هني تاخذين منهم شي بوسترات اعلام شي واللة مادري انا ببحث واشوف الحين اشوة ولدي بكي جي مختارين امريكا عالاقل حلوة وكل شي متوفر

 

[توت عنكبوت]

هلا بنات

شنو نجيب عنالمكسيك اللبس ما اعرف الآ كبوسهم الكبير بس . نجيب اعلام وبعد شنو عطوني فكرة ما ادري شنو طالبين ؟؟؟

 

[توت عنكبوت]

بنات

الواجب الصفحة قبل الأخيرة ما فهمته شنو يعني ؟؟

الصور داخل مربعات

 

[وافية*]

هلا توت المس طالبة مس مي قايلتلهم جيبو فلوس المكسيك او اعلام او جواز السفر المكسيكي جذية يعني كلة من النت...

 

[وافية*]

بالنسبة للهوم ورك هذا درسهم عن ترتيب الاشياء حسب موقعها يعني المثال الاول يسال عن الbackpack اللي هي جطة الظهر وين موقعها عاللعلاق اللي بالصورة first or second or third يعني الاولى ولا الثانية ولا الثالثة
والصورة اللي وراها البنات يسال عن البنت اللي لابسة sweater والثالث شنو ترتيب الشاحنة بين الالعاب والرابعة يسال عن ال اللي اهو الجرو الكلب الصغيرpuppy

 

[توت عنكبوت]

مشكورة وافية حبيبتي مت قصرتي

متى اليوم العالمي عندهم هذا

 

[وافية*]

الاسبوع العالمي يبدا الاحد الجاي انشاللة
بنات الرحلة باجر ولاعقب باجر؟؟؟

 

[توت عنكبوت]

الرحلة يوم الثلاثاء

ويقول ولدي ما نآخذ جنطة وكتب بس جنطة الأكل ..

الاسبوع العالمي يوم الخميس القادم يوم 31/ 12

 

[نسيت الهوى]

اي يوم عالمي هالاجازات عشان الكرسمس يعني ماتدرون انها بريطانيه وتوجهها نصراني

 

[وافية*]

اي يوم عالمي هالاجازات عشان الكرسمس يعني ماتدرون انها بريطانيه وتوجهها نصراني

حبيبتي شكو اليوم العالمي بالكرسمس ؟؟؟
احنا ندري ان الاربعا والخميس عطلة الكرسمس بعد المدرسين بعضهم اجانب ومن حقهم يحتفلون باعيادهم هذي حريات شخصية
والاسبوع العالمي يبدا من يوم الاحد الجاي تاريخ 27/12/2009​

 

[توت عنكبوت]

انزين وافية

اذا الاسبوع يبدأ من يوم الأحد متى يلبسون ويأخذون أغراضهم الخاصة بالمكسيك ؟؟؟

 

[وافية*]

انزين وافية

اذا الاسبوع يبدأ من يوم الأحد متى يلبسون ويأخذون أغراضهم الخاصة بالمكسيك ؟؟؟

يوم الثلاثاء عطوهم ورقة طول الاسبوع راح يكون لبس المدرسة العادي بس بيتعلمون مع ابلتهم عن هالدولة وغيرها من الدول ويوم الخميس بس راح يكون يوم اللبس والاكل المكسيكي​

 

[توت عنكبوت]

اوكي

شخبارج وافية الكل انقطع عن التجمع ما ادري شسالفتهم ؟؟؟

بس انا معاج صامدين ؟؟

 

[وافية*]

واللة الحمدللة تمام بس زهقنا من كثر العطل والتقطع بالدراسة
اي البنات مادري شفيهم الظاهر موعاجبتهم المدرسة:bbbiu:

 

[وسومه الحلوة]

مرحبا بنات كيفكــــــــــــــون

شخباركم مع المكسيك وااااي قل عليهم الا هالدوله!


لقيتوا لبس ؟ طيب الاعلام والفلوس متى يبونها بس تهقون وين نلقاها حبايبي

وعلى فكره ترا المنتدى صاير عليه زحمه ياله يشبكلي يمكن عشان جذي البنات نفس حالتي