تجمع امهات مدرسة المستقبل ثنائية اللغةfbs

[توت عنكبوت]

على فكرة يوم الخميس راح زوجي وسال الادارة قالوا احنا مداومين الي تاريخ 28/1

انا تعومست حدي وقلت بخليه هالاسبوع لاحقة على الازعاج بالبيت

 

[وافية*]

ترى مافي اجازة هالاسبوع لازم يداومون سالتهم اليوم قالو الاختبارات ماراح تنعاد
ي اختبار سوشيال ستديز واختبار السبلنغ وماث

 

[توت عنكبوت]

ولدي يقول مس رولا قالت بس باجر الاثنين تعالو بعدين غيبوا

لا تجون الثلاثاء !!!

صج ولآ شالسالفة

 

[وافية*]

ههههههههههه يحليلة الظاهر يبي فرقا الدوام لا انا واللة سالتها اليوم بالهدة قلت للثلاثاء الجاي نبيهم يداومون الظاهر فهمها غلط
واللة مادري انا بوديهم باجر واشوف الوضع
ونوافيكم بالتفاصيل لاحقا:dddds:

 

[توت عنكبوت]

وانا بانتظار التفاصيل

من صجج وده يفتك من المدرسة اليوم قبل باجر

ذبحته الغيرة اخته معطلة وبس هو الصبح يداوم ..

 

[وافية*]

هااااااااااااي التفاصيل سلمكم اللة اني اليوم غبت وغيبت عيالي مالي خلق اداوم يعني باجر انشاللة اسالها
بنات الهومورك في شي غلط بالسؤال مال القصة اللي يرسمون شكو joan البنت اللي بالقصة اسمها jess
مافهمت شالمطلوب؟؟؟

 

[توت عنكبوت]

انا للحين ما حليت الصفحة هذي دايم اخليها آخر شي

ما قريت السؤال ؟؟

امس الصف غايبيين فيه 5 طلاب .

 

[وسومه الحلوة]

مرحبا بنات


وافيه بالنسبه لليوم مافي جديد مس هدى غايبه والهوم وورك انا نفسج مافهمت شسالفه يعني نرسمها ولا شنو بس اذا عرفت شي بقولج

والدوام انا عن نفسي حده هالاسبوع بصراحه لان ماكو جديد ومدرساتهم كل يوم غايبه وحده لو في شي مهم جان عطوهم بس مايقدرون يقولون غيبوهم

 

[توت عنكبوت]

مرحبا وسومة

شلونج
انا بس هالاسبوع حده الخميس املاء الانجليزي وبعدها بغيبه

انا فهمت من السؤال انه يقول ارسمي او اكتبي عن موسم اثلج القادم يعني رسمي صورة او كتبي عند اللعب بالسنو

 

[وافية*]

انا فاهمة معنى السؤال بس مالة اجابة بالقصة
يعني يقولج ارسم او اكتب عشان تجاوب عالسؤال...
شنو راح تسوي joan في المرة الجاية لما يصير سنو؟؟؟؟
مافي اي شي يتكلم عن هالسؤال بالقصة
في فقرة تتكلم عن الspring انها لما يجي الربيع راح تسوق القارب بس هذا الشي اللي بالمستقبل بيسوونة بالقصة غير جذي ماكو شي
نسيت اسال المس اليوم باجر باذن الله بسال

 

[وسومه الحلوة]

هلا بنات حبيباتي

اي ياقلبي فهمتها بس صح مالها علاقه بالدرس اهي لكن يمكن قصدهم احنا نستنتج من فهم الدرس

وشصار على دوام عيالكم عزمتوا يغيبون لان اذا شافو عدد الغياب كثر مايشرحون

 

[وافية*]

سالت المس اليوم عن هالصفحة قالتلي يرسم ويكتب اي شي يحب يسوية بالسنو

 

[توت عنكبوت]

هلا

الظاهر ان احنا كلامنا بيطلع خرطي لأن المدرسةماشية في دروس جديدة واملاء

ومن بعد ماقالواا لولدي الاليوم المفتوح يوم الخميس الجاي صار ما يحن على الغياب بالعكس استانس يبي المدرسة

بيني وبينكم بخليه يداوم لا حقين على الازعاج والحنة بالبيت لأن العطلة بالنسبة لهم طلعه كل يوم وانا حامل بالشهر الأخير مالي خلق

 

[وافية*]

هلا توت واللة بعد انا بخلية يداوم شسوي غصب بعد ماشين بالدروس ولاردو على الناس والعربي ماخلصو والشهادات الخميس اهم شي واللة انا انطرها بفارغ الصبر بشوف درجاتة تعدلت ولا لا وانشاللة نستانس من هالشهادة لان الشهاد ة الي طات كانت غاثتني مس جنان فيها بالماث

 

[توت عنكبوت]

هلا وافية

من قال لج الخميس الشهايد

اي والله الشهادة اللي فاتت كلش مو شي لا النجليزي ولا الساينيس الماث كان زين

 

[وافية*]

بالورقة اللي مطرشينها معاهم كاتبين ان الخميس لبس مفتوح وسيتم توزيع الشهادات للطلاب

 

[توت عنكبوت]

بتلتزمون هالاسبوع بالدوام

ولدي يقول المس تقول باجر اللي بينام ينام يعني لا تجون

بس العربي فيه املاء وتدريس بنتطر نوديهم

شخباركم

 

[وافية*]

اي ماتسوى ليوم الخميس وبس خلاص المس قايلتلهم اللي بيسلم الهومورك عادي يجيبة باجر او عقب باجر لي يوم الخميس كيفكم يعني خلاص ماظن عندهم شي بس بخليهم يداومون ويعطلون معاي
ولدي بالكي جي 2 عندة رحلة للاكواريوم الثلاثاء

 

[وسومه الحلوة]

بنات شخباركم

ولي عافيكم ولدي غايب صدره تعبان وعليه حراره بس مادري كتاب الماث كتبوا فيه شي ولا لأ تكفون قولولي لان شكلي ماراح اضغط عليه يدوام عقب هالغبار بعد

 

[وافية*]

لا كلش ماكتبو شي هالاسبوع واليوم ولدي يقول مجمعين الصفوف مع بعض يعني مادرسو خلاص انا من باجر بقعدهم ماراح يداومون خلي ولدج يرتاح حرام غبار ومامو شي