تجمع امهات مدرسة المستقبل ثنائية اللغةfbs

[وافية*]

كل المدارس ياقلبي مو بس مدرسة عيالنا
عالاقل زين عيالنا الاسبوع اللي طاف درسو
احنا مدرستنا الاسبوع اللي طاف كللللللللة تدريبات للحفلة يعني مادرسو

 

[أم جوري]

بنات ابي كل وحدة تقول لي عن مدى استفادة ولدها من المدرسة يعني تحسون انها قورة ؟؟!!!

عن نفسي حسيت انه مدرسة البنات أقوى واااااااااايد عن مدرسة الصبيان !!!!

 

[حلم الطفولة]

السلام عليكم أمهات

 

[وافية*]

هلا واللة حلم الطفولة حياج اللة
ام جوري انا عن نفسي واللة الحمدللة في استفادة بس ماادري عن المدارس الثانية اللي نفس مدرسة عيالنا شلون مستوى طلبتهم وتدريسهم عشان اقدر اقارن واقول انها قوية ولا لا بس بالنسبة للاستفادة لاواللة في استفادة الحمدللة لما اقارن مستوى طالب بالصف الثالث او الرابع بالحكومة مع مستوى ولدي لا واللة عيالنا اقوى بالقراءة والكتابة وحفظ القران وكل شي

 

[توتا وحب الكويت]

هلا وعليكم السلام حلم الطفوله اشلونج اختى مشتاقين لج



بالنسة لوافية
انا ما ادري ليش انتي على طول تقارنين مدرستنا بالحكومه

الحكومه شي ومدارس الخاصه شي ثاني

الحين مدرستنا مدرسة ثنائية اللغة نظام امريكي يعني امريكية ، شنو يابها للحكومه اللي نظامها عربي ؟؟؟؟؟؟؟؟؟؟؟؟؟

الا اذا انتي تدرين انا مدرستنا اي شي ومستواها مستوى الحكومه ، والله في مدارس حكوميه اقوى من مدرستنا 100 مره ، بس شنقول ، وترى مدرستنا لما تقارنونها مع المدارس الثانية فهي اسوء المدارس .

ما ادري بنات شنو اللي عاجبكم بالمدرسة على رغم

انا اللي شايفته بالمدرسة كلام فاضي
1- المعلمين والمعلمات كلهم عرب حتى مواد الاساسية الانجليزية عرب مصريين ولبنانيين وفلسطينيين
2- ماعندهم كتب ( ملزمات التصوير فيها مايتعدا 500 فلس ) وعلى اوراق واذا وصلت متى واصله على نهاية السنه اي شي
3- يقبلون كل الطلبة اللي يايين من كل المدارس( عربية -حكومية - خاص - امريكية ) على الرغم من اختلاف مستوياتهم ويقصون على نفسهم اسوون اختبار مع العلم انهم راح يقبولون فيه ، تدرون انه في طالب دارس في مدارس عربية الي الصف الخامس واقبلوه في الصف السادس مع العلم انه مايعرف حروف اللغة الانجليزية
وهذا اكبر دليل على انه المدرسة تجارية بس فلوسسسسسسسسسسسس
4- الطلبه اللي فيها في منتهى الفوضى
5- ماعندهم شي اسمه مناوبه في نهاية الدوام يعني لو يصير عندج ظرف وتأخرتي على عيالج عادي يخلون ولدج او بنتج مع الحارس مثل الورد
6- اذا تبين تكلمين احد من مدرساته ينقعونج 3 او 4 ساعات تنطرين عادي ماعندهم مشاكل
وهذا غير غير غير ، والتدريس أيشئ كل الاعتماد على البيت ، والمدرسات اللي كل شوي مغيرينهم ماكو ثبات على المعلم وطبعا هذي فيها تشتيت للطالب
بس حزت الدفع يكونون نفس الساعه ( يعرفون يأخذون فلوسهم ) .

الله المستعان

 

[وافية*]

توتا ياقلبي انا قلت بردي انا ماادري عن المدارس اللي نفس مستوى عيالنا ولا ادري عن مستوى تدريسهم ومستوى طلبتهم ردي لكلامي وشوفي
وماعندي الا طلبة الحكومة جدامي عشان اقارن بينهم وانا لما اقارن اتكلم عن العربي والقران وهالسوالف موعن الانجليزي واقول انا مستوى عيالنا بعمرهم لوتقارنينهم بطلبة الحكومة اللي اكبر والمفروض انة تحصيلهم العلمي اكثر تلاقين عيالنا اقوى
وهذا مومعناتة ان المدرسة عاجبتني لا انا من قبل قلت ان المستوى انا اتمنى يكون اقوى ولكن هذا الموجود ولا لو بايدي مااخليهم بهالمدرسة وانا شايفة مدرسة اقوى منها وبنفس القرب
وقلت انة هالسنة حييييييييييييل صايرين استغلاليين ومدرسينهم كلهم من اصول عربية يعني ماجبتي شي جديد كل اللي قلتية احنا نعاني منة بس عندج حل؟؟؟انا عن نفسي مااقدر اودي عيالي حكومة موعشان المستوى لا واللة مايهمني بس عشان لايخربون وانتي تعرفين الصبيان بالمنطقة العاشرة كل واحد يخرب الثاني غير الهوشات والكلام الوصخ فهذا انسب حل واللة يعينا

 

[توت عنكبوت]

صباح الخير يا بنات

ابشركم ولدت وجبت بنت


مرحبا بالعودة مرة ثانية للكتب والتدريس

 

[توتا وحب الكويت]

صباح الخير يا بنات

ابشركم ولدت وجبت بنت


مرحبا بالعودة مرة ثانية للكتب والتدريس

الحمد الله على سلامتج ومبروك ما ياج

وتتربا بعزج وعز ابوها


والله يخليها لكم ، يا الله شحلو البنات يونسون والله ودي أحمل في بنوته بس أحاتي الحمال 9 أشهر، الله يسهلها انشاء الله

توت تستاهلين كل خير
ألف مبروك

:stars::nbvppw::eh_s(9)::lolo::balo:

 

[وافية*]

صباح الخير يا بنات

ابشركم ولدت وجبت بنت


مرحبا بالعودة مرة ثانية للكتب والتدريس

 

[توت عنكبوت]

الحمد الله على سلامتج ومبروك ما ياج

وتتربا بعزج وعز ابوها


والله يخليها لكم ، يا الله شحلو البنات يونسون والله ودي أحمل في بنوته بس أحاتي الحمال 9 أشهر، الله يسهلها انشاء الله

توت تستاهلين كل خير
ألف مبروك

:stars::nbvppw::eh_s(9)::lolo::balo:

حبيبتي الله يسلمج

والله صاجة الحمل تعب تعب تعب صار لي 9 شهور تعبانة ولاني مع الناس

بس الحمد لله ظفرت ببنت مثل القمر الله يصلحها

ويرزقج يا توتا ببنية هادية صالحة يارب

 

[توت عنكبوت]

وافية الله يبارك فيج حبيبتي


شلونكم مع الاملاء باجر تعبت انا ادرس ولدي كلش بعض الكلمات صعبة عليه يميزها بيوم واحد بس يالله بنتوكل على الله وان شاء الله يجيب علامة زينة


باجر عندهم امتحان ماث بس الحمد لله فاهمه عدل


الله يوفقهم يارب

 

[وافية*]

واللة انا بديت اعاني من العربي احس ماقاعد يفهم مع الابلة يعني مايعرف يفرق بين التاء المربوطة والمفتوحة ولما اعطية كلمة فيها اللام الشمسية نفس كلمة التحرير يحطلي أتحرير يكتبها مثل مايسمعها غير المدود قام يخربط والتنوين بالفتح متى يضيف الف ومتى مايضيف واللة صعب عليهم واحس لما انا اشرحلة يستوعب وكاانة اول مرة تمر علية هالمعلومة ويقولي الحين فهمت ياحظي وبالمدرسة شيسوي؟؟؟ماادري واللة العيب بالابلة ولا بالعطل اللي شكثرها ولا المنهج صعب؟؟؟بنات انتو تعانون ولا بس انا؟؟؟اللة يستر من الاملاء

 

[توت عنكبوت]

هلا وافية

العربي احنا كبارر ونخربط بس فعلا لازم نراجع لهم

العطل صراحة خربطتنا كلش كل شي فهموه ودرسوه نسوه

بس اشوه العطلة خلصت وراحت ايام اللعب

 

[وافية*]

بنات بتروحون يوم الثلاثاء لليوم الرياضي بمشرف؟؟؟

 

[توت عنكبوت]

هلا وافية

انا نفاس ولا اقدر اروح

بس ولدي استانس حيل بس رد اسمر من طقت الشمس مسكين

حتى العام مارحت وهو رد اليوم زعلان ليش ما تجون تشوفوني

بعوضه ان شاء الله السنة الجاية

 

[توت عنكبوت]

بنات

دريتو ان الرسوم زادت ؟؟؟

شنو هذا كل سنة زيادة والله ملينا من هالشي

والعذر الحين انهم وحدوو الرسوم من اولى ابتدائي الى رابع 1750

شدعوه شنو هذا ؟؟؟

وبعدين شنو هالتسجيل للسنة الجديدة ضغطونا صراحة بروحه الرسوم شهر مارس 395 وطرشو ورقة عشان التسجيل للسنة الجديدة 200 دينار بصراحة هالشهر فقرونا 600 دينار ..

انا حيل متضايقة من هالسالفة متى تعدي بس هالسنتين ويخلص ابتدائي ونشوف وين اوديه بصراحة كل سنة زيادة ما عندهم سالفة غير زيادة الرسوم ..

وبعدين النظام والرحلات نفس العام ما في شي جديد ولا فكرة جديدة

وشنو سالفة كتاب العربي ما عطوهم وين عايشين الكتب ما وصلت الكويت ؟؟

والله لو القى مدرسة زينة بفحيحيل انقله السنة الجاية ولو ان بيتي قريب من صباح السالم كان من زمان حطيته بالتكامل ولد حماتي فيها وتمدحها ..

 

[وافية*]

اوووووووووف شدعوى 1750 وين قاعدين لايامعودة مولهالدرجة صراحة مايستاهلون هالمبلغ انا ماراح استعجل واسجلة بشوف مدرسة ثانية مدام دافعة دافعة خل يولون اشوفلي مدرسة اقوى بس بعد خوفج مااحصل شي وارد عليهم هذي مشكلتنا البعد عن المدارس اللي داخل
توت التكامل تهبل بس ماكو توصيل اذا عندج سايق ودية وانتي مغمضة
انا مفكرة بالانجليزية اللي بفحيحيل بس خايفة صراحة اخاف اودية يسوولة مقابلة وانصدم بالمستوى مالة بالنسبة لهم اخاف يطلع اي شي اشوف للحين بقريد تو ويهجي كلمات الانجليزي

 

[وافية*]

اليوم الرياضي رحت انا هناك مستانسين ويتنافسون ويشجعون بعض والالعاب حلوة بس تعبو والجو حاااااااار لوحاطينة بالشتا الجو شحلاتة بس وصلت الوجبات خذيت ولدي ومشيت
بعد عمري يوم شافني جان يقول ابي اكل ماخلونا ناكل شي كلش بس ماي وعصير...وصورتهم فيديو شحلاتهم اللة يحفظهم ويصلحهم

 

[توت عنكبوت]

صباح الخير

وافية شكلج مادريتي بزيادة الرسوم

انا منصدمة منهم ...

الفحيحيل الوطنية حيل يمدحونها بس مبناها قديم والظاهر طابع الجد يغلب عليهم عن الترفيه .

انا ما عندي سايق وبيتي بعيد بام الهيمان والله لو انه اقرب كان مدخلته التكامل بس شسوي الظروف تجبرنا

 

[توتا وحب الكويت]

صباح الخير

وافية شكلج مادريتي بزيادة الرسوم

انا منصدمة منهم ...

الفحيحيل الوطنية حيل يمدحونها بس مبناها قديم والظاهر طابع الجد يغلب عليهم عن الترفيه .

انا ما عندي سايق وبيتي بعيد بام الهيمان والله لو انه اقرب كان مدخلته التكامل بس شسوي الظروف تجبرنا

السلام عليكم

اختى توت اشلونج واشلون البيبيه

توت بالنسبه لعنكبوتج حرام انج تفكرين تودينه الوطنية
لا يا اختى لا تفكرين بهالمدارس
اذا انتي مقرره بمدارس عربية وديه نموذجي على الاقل ما يتغير عليه شي

الحين مدرستنا المقوره والمحترمه 1- مدرسينها ومدرستاها عرب ( فلسطينيات - لبنانيات قليل - مصريات اللهم فكثر - كويتيات غير متوفر - هنديات هاف هاف )
2- حمام سباحه جميل وعميق ( المهمه الاساسيه ( التبليل ) طمس الطالب بالحمام ويطلعونه ) :eh_s(14):
3- مدرسة نظيفه واستقبال اللهم يا كافي وعدم احترام
4- حراس :nocommint:
5- خدم ودادات على قولت ولدي نيوفورم شئ مطقمين ( الـــــــــــــــه ) روعه الصراحه
6- ملعب للكره جميل
7- مناوبات اي شي اثناء الفرص - مناوبه أخر الدوام معدومه :cxxxp:
8- الرسوم من الي يا سبحان الله من 900 الي 1750 خلال سنتين او ثلاث عين العقل اكيد هذي الزياده مقابل الخدمات الفندقية اللي قاعدين يقدمون لعيالنا الصراحه يستاهلون يمكن بعد شوي عليهم . :eh_s(4)::eh_s(13):


والمدارس العربية النموذجية
نفس هالخدمات بس على اصوله ومستوى راقي
المعلمات عربيات ومسنوى النظافه واشراف 100% عدل مناوبات الي نهايه اخر طالب - اهتمام بولي الامر - حفلات على مستوي - ترفيه وزرحلات - حمام سباحه مع مدربه - في كل الحمامات فراشات ما تتحرك منه - الفصول شرحه والاعداد قليله
التعليم والتدريس في بشكل ممتاز مكثثف عربي ومكثف انجليزي - باصات كل المناطق ومعاهم مشرفات في مدارس معلمه او معلم وفي مدارس فراشات - في اي وقت تقدرين تستفسرين عن ولدج ويهتمون بولي الامر ويسمعونج عدل ويحلون مشكلتج - ولا كل هذا نظام ثابت ومعروف - والا حفلات التفوق في قاعات فخمه وحفلات اكثر من رائعه - وفيها تكريم الطالب الممتاز ويحس انه الطالب ما تعب على الفاضي .
كل هذا ب 600 في مدارس و750 مدارس اخري وغي 725 ولا واللبس والكتب مع الرسوم
واذا تبين احصرلج المدارس الزينه بمنطقتنا راسليني على الخاص



بس توت لا تفكرين بالاهلي مو ليه راح تعقدين الولد المدارس الاهلية جنها الباكستانية واسوء
عموما الله يسترها مع عيالنا ويوفقهم