تجمع امهات 2008 حياكم

[الاستاذة]

شلونكم بنات مع رمضان؟

 

[كويتيه وافتخر]

السلام عليكم
هلا الاستاذه
رمضان راح مايروح بالغالي ماباقي شيء بسرعه ركضت الايام
انا اليوم قعدت زعلانه بدون سبب تعوذت من ابليس
جان اتصل على خالتي تخيلوا الساعه عشر الصبح انا متفقه معاها امس اسوي مكرونه بشاميل لحمولتي
قلت خالتي سويتي فطوركم ؟؟ قالت تو الناس
قلت عفيه طرشي لي جدر الشوربه باسويها وهاتي جدر باسوي شعيريه لانه جدوري صغار على قدي
طرشت
وسويت هالشوربه اللي مفضيه بالي لها خخخ شكلها واو ان شاء الله الطعم بعد
وسويت مكرونه غريبه عجيبه
حمست الدجاج مع البصل 0 والطماط ووحطيت البطاط والخضار المشكل بزاليا ولوبيا وجزر وشويه معجون طماط وواحد كريمه مخفوقه مع حته جبن قلاص وصلصه فرنسيه لونها عجيب
وسلقت مكرونه الطويله وفرمت شدتين بقدونس للزينه قبل الفطور اخلطهم وان شاء الله يطلع حلو

 

[الاستاذة]

يم يم كويتيه شوقتيني انشالله يعجبهم وبالعافيه مقدما

 

[love love]

بالعافيه كويتيه


انا عطـــــــــــــــــشانه

 

[كويتيه وافتخر]

يعافيكم
حتى طرشت الصور لامي وكتبت الفاضي يصير طباخ احسن له مو قاضي خخخ

شوقر هلا فيج اشتقنا لسويلفاتج
بس لاتطرين الانفلونزا حدي خايفه صايبني وسواس على عيالي بسم الله عليهم
اهما من الاول مايطلعون الحين كلش
لاطبيب
لاحلاق
لابيت عمهم خخخ

وخايفه عليهم
وكل اوصي الخدامه لحد يبوس بيبي في فايروس بالبوس خخخ

بس صج مرض يخرع يكافينا الشر
وماراح اخلي ولدي يداوم لحد مانتطمن اكثر

وعيالي اشربهم ينسون -- واعطيهم عسل بالكركم

 

[كويتيه وافتخر]

بنات باقولكم سر

شفتوا موديلات عاليه الهاجري وعايشه الفضل

اللي مدري بجم
مطبقينهم بالعربيد على 15 و20
والغاليه كلش متعوب عليها ب40

فصلت امس ثنتين اشحلاتهم

 

[رقي]

السلام عليكم
كويتيه
صج الكلام
لانه مرت حماي تقول العربيد صاير اينن
خخخخخخخخخخ

والاكل والله ملينه
السفره كبيره انا عني ابي شي يرويني

بروقه
شلونج

شقور
انا رحت العمره وماكو الا العافيه
والله خير حافظ

 

[إستبرق]

السلام عليكم
شخباركم

رقرق

عمرة مقبولة و الحمدلله عالسلامة
و تقبل الله طاعتكم


البقية
شخباركم

اشفينا هالمرة اغلبنا معتزل القرقيعان
انا مثلكم
ما سويت شي ولاني مسوية
بس حق خالتي شريت برمة كبيرة و داخلها القرقيعان جاهز بعد
و ثانية حق امي
و سلامتكم

الدراريع
انا شريت دراعة حق العيد و يوم لقيت احلى منها قلت خلاص البسها للقرقيعان
بناتي
خالتي شرت لهم بنجابيات حلوين بس مو راضين يلبسونهم يقولون يغزز
مو موريحين
عواشة ما عندها شي لي الحين
يمكن هالأسبوع اروح المعارض اشوف لهم شي ثاني

الانفلونزا مكسرتني
لا يروح بالكم بعيد
ما عندنا احد راد من السفر
و لا عندي دوام
حتى العمرة سوينا عليها حظر هالسنة
ما خليت احد يروح
لا ريلي ولا ولدي و لا اهلي
بصراحة اخاف عاليهال
ولد اختي بو 3 شهور
و مرت اخوي حامل
خطر عليهم المرض
مو مثلنا

الله يكافينا الشر

اهليين شوقر ماتشوفين شر واي والله السفر خطر الله يكفينا شر هالمرض حتى من اسبوع وشي امي راحت العمره ابوي يضحك يقولنا ترى اذا ردت سيده بنوديها الحجر الصحي اخاف على عمري هههههههه

 

[إستبرق]

السلام عليكم
هلا الاستاذه
رمضان راح مايروح بالغالي ماباقي شيء بسرعه ركضت الايام
انا اليوم قعدت زعلانه بدون سبب تعوذت من ابليس
جان اتصل على خالتي تخيلوا الساعه عشر الصبح انا متفقه معاها امس اسوي مكرونه بشاميل لحمولتي
قلت خالتي سويتي فطوركم ؟؟ قالت تو الناس
قلت عفيه طرشي لي جدر الشوربه باسويها وهاتي جدر باسوي شعيريه لانه جدوري صغار على قدي
طرشت
وسويت هالشوربه اللي مفضيه بالي لها خخخ شكلها واو ان شاء الله الطعم بعد
وسويت مكرونه غريبه عجيبه
حمست الدجاج مع البصل 0 والطماط ووحطيت البطاط والخضار المشكل بزاليا ولوبيا وجزر وشويه معجون طماط وواحد كريمه مخفوقه مع حته جبن قلاص وصلصه فرنسيه لونها عجيب
وسلقت مكرونه الطويله وفرمت شدتين بقدونس للزينه قبل الفطور اخلطهم وان شاء الله يطلع حلو

لوووووووووووول شفينا على الزعل امس بليل ما ادري ليش جذي من كيفي زعلت على زوجي وحتى نام قالي قعديني ماقعدته ههههههههههههه قعد الساعه 1 يقولي ليش خليتي نايم ما ارد عليه ورحت نمت يقولي يبا انا مسوي شي علميني ماكو ما اتكلم ههههههههههههههههههه اليوم الصح قعدت اطلع له غراضه للدوام وبدون ولا كلمه ما ادري شفيني يقولي شفيج الاسمر زعلان طناااااااااااااش
عاد قبل شوي يا من الدوام يايب ورد وخاتم ذهب ولاستبرق سواره ذهب وملابس لي ولاستبرق للبيت وعطورات وحاط لي مبلغ يقولي مع اني ما ادري من شنو زعلانه بس يالله هذي عشان ترضين هههههههههههههههههه انا شفت الهدايه جان يقلب المود حده
:dddds: عاد توه يقولي صج من شنو زعلانه اقوله بس كيفي ههههههههههههههههههههههههههه جان يقول يبا وهاج هالفلوس اليوم عزمي امج وخواتج على قيصر :dddds:

 

[داريني]

شلونكم
انا باجازه وناسه انام لما ينكسر ظهري خخخخ وبس افكر باالاكل و طباخ حتى بيت اهلي ما رحت لهم الا مره برمضان صايره طباخه سكتو

 

[إستبرق]

كويتيه بالعافيه وتبين معكرونه تهببببببببببببببببببببببل حتى سويتها على الفطر اول امس زوجي يقولي لا بس لاتسوينها على الفطور اكل وايد وهو مايحب يكثر على الفطور

شوفي المعكرونه على على شكل ورده اول شي اسلقيها مع ملح خفييف بعدين بجدر حطي جزر وفلفل ومشروم واذا تبين بقدونس مع مكعب ماجي
بعدين حطي قفشتين ميونيز 4 قفشات او 5 جبن قلاص و2 جبن مثلث و1 كريمه ك د د وقلبهم ولاتخلين الخيطه تنشف خليها للحين اكثر من رطبه بعدين حطيها فبايركس وحطي فوقها جبن مبشور وحطيها بالفرن بس فتحيه من فوق خلي الجبن يشقر وبالعافيه

 

[داريني]

صايره طباخه كويتيه و افتخر
شكلي بقلد معكرونتج

 

[إستبرق]

بنات باقولكم سر

شفتوا موديلات عاليه الهاجري وعايشه الفضل

اللي مدري بجم
مطبقينهم بالعربيد على 15 و20
والغاليه كلش متعوب عليها ب40

فصلت امس ثنتين اشحلاتهم

وي من طواعين مادخلت العربيد بس امي تقول صاير فيه شغلات حلوه وكل الموديلات يقلدونها وملبوس العافيه عليج

 

[إستبرق]

اهلين رقي انا الحمدالله بخير نسأل عنج

شلونكم
انا باجازه وناسه انام لما ينكسر ظهري خخخخ وبس افكر باالاكل و طباخ حتى بيت اهلي ما رحت لهم الا مره برمضان صايره طباخه سكتو

نوم العوافي اقول ليش اختفيتي واي خليج سنعه :dddds:

 

[داريني]

استبرق
انا اموت على معكرونيه لي درجه الفت لي طبق مجبوس معكرونيه

 

[داريني]

الله يعافيج بروقه

 

[كويتيه وافتخر]

كلنا فينا عرق ايطالي
كلنا نحب المعكرونيات

هاتي طريقتج داريني

وتونسي باجازتج بس موتكسرين ظهرج من النوم

 

[كويتيه وافتخر]

وي من طواعين مادخلت العربيد بس امي تقول صاير فيه شغلات حلوه وكل الموديلات يقلدونها وملبوس العافيه عليج

انا مااحب مشواااااره
بس اروح له وامس رحت حصلت شغلات عجيبه بس بعد تمحيص وتدقيق خخخ

وعليج بالعافيه مشتروات بو استبرق لكم بس حرام تزعلين عليه بدون سبب

انا زوجي مطفرني من ناحيه ربادته وكسله بشغل غرفتي موقادره ازعل
كل يوم اخطط انه ازعل واهون قلبي رهيف مااعرف للزعل
لكن اليوووم اذا ماابلش بازعل مع اني اخق لي سولف اقعد اضحك بسرعه خخخ:dddds:

 

[داريني]

كويتيه الله لا يجيب الزعل
مجبوس معكرونه سهل
مقادير نفس صلصله اسبابغتي
احمس البصل مع الثوم مدقوق و بعدين
احط فلفل اخضر مقصص مع مشروم و بهارات و اورقانيو و معجون طمام و ماي يصير جنه مرق خاثر و بعدين تحطين كيس المعكرونه و تخلينه يطبخ و تصكرين الجدر لما تستوي
‏ ‏

 

[داريني]

طوفو بدلياتي لاني شابكه من موبيالي