تجمع امهات 2008 حياكم

[إستبرق]

عالم حبيبتي هونيها والله يعينج يمكن بعد ليش رمضان ودوام زاد تعبج يالله اقلمي نفسج شتسوين والالفونزا ان شاءالله ما كو الى الخير
عاد ابوي شكله مايبي اخوي واختي يداومون مدرسه عاد اختي اولى ثانوي واخوي رابعه ثانوي يعني اخوي مسكين لازم معدل بس اثنينهم فيهم ربو وابوي شاف الي توفوا الله يرحمهم ولايبلانا لان فيهم ربو اثر حيل فخاف قال والله مايدامون خو ابوي بروحه واااااااااااااااايد يحاتي

 

[إستبرق]

السلام عليكم
شلوونكم
انا ام يديده بس نادرا ما اشبك هني

بنتي اسمالله عليها باجر بتكمل ثلاث اشهر وودي اصورها حق القرقيعان بس محد ينصحني لانه راح تعسر وتنام وماتخليني شرايكم
صورتو عيالكم اذا صغار ولا مفكرين تصورونهم؟

وعليكم السلام والرحمه اهلين حبيبتي
حياج ربي بينا
والله يخلي لج بنتج يارب ويبلغج فيها
انا صورت بنتي لما بعمر بنتج وبالعكس كانت عسوله بس قبل لاتصورينها شربيها حليب بالطريج عشان تكون شبعانه

 

[كويتيه وافتخر]

السلام عليكم

استبرق ماينلام ابووج


صراحه ودنا ياجلون الدراسه

 

[mrs_sugar]

الله يستر

أجلوا الروضة و الحضانات

بس هم خايفين عالكبار

 

[كويتيه وافتخر]

شوقر
والله شكثر ناس اعرفهم بيغيبون عيالهم

 

[رقي]

سلام
الله يستر علي اليهال
انا رفيجتي منهاره
مدرسهعياله خلط وكلهم اجانب
وهنود وعيال دبلوماسيين
الصف مافيه عرب ولا كويتين
عاد حدها مخترعه لا ينقلون لها شي

 

[داريني]

سلام انا حوسه عندي هالسنه بيت اهلي مسوين حفله قرقيعان و الله اني مالي خلق كلش بس طلبت من وحده و ايد حلو قرقيعانها وانا بعد سويت شي خربوطي بس طلع حلو بصوره و بحطه لكم

 

[كويتيه وافتخر]

ماطلعت الصوره
بس كلشيء تسوينه يادردر حلو

 

[كويتيه وافتخر]

فيني بجيه الا بجيت خلاص
صدمني ولدي
انا ادرسه ثلاث ايام بالاسبوع عنده انجليزي وعربي
اليوم خلص الانجليزي وعقب ساعه جت مدرسته العربي
قام يصرخ ويبجي ماابي ادخل بانام
واحاول فيه احاول مافاد والمدرسه قالت خليه عالاسبوع الجاي مو مشكله ونام زعلان ماله خلق

وانا اللي انصدمت ولدي يسوي جذيه احسه تمرد بس الابله تهون علي تقول يمكن عين حد يعرف انه يحل الواجبات وجذيه
قلت اي عين كل شيء عالعين صج عمته مناشبتني ها مستفيد شنو درس عطيني رقم مدرسته
بس عادي

الولد تمرد
تربيتي ودلع اللي مدلعته
عمري ماقلت له لا
ولاعمري طقيته
يسوي جذيه فيني

 

[كويتيه وافتخر]

ولحد يقول ضغط
ولدي بيروح اولى ابتدائي يعني المفروض يدرس ست ساعات باليوم خمس ايام بالاسبوع
اناساعتين وثلاث ايام وجذيه يرافس

 

[رقي]

خلي التدريس حزت المدارس
مو الحين

 

[داريني]

شلونكم اتا للحين قاعده احوس
كويتيه و افتخر

ولدج صغير و يمكن ضغطتي عليه شويه علشان جذي تمرد

 

[رقي]

اهلين دردر
رحت شويخ بال 11ونص مساءا زحممممممممممممه
صفت باخر الدنيا
شريت حلاو حق القرقيعان واكياس ورديت

 

[mrs_sugar]

ولحد يقول ضغط
ولدي بيروح اولى ابتدائي يعني المفروض يدرس ست ساعات باليوم خمس ايام بالاسبوع
اناساعتين وثلاث ايام وجذيه يرافس

من صجج 6 ساعات باليوم خمس ايام بالأسبوع

:eh_s(1):

حرام عليج

ضغطتي عليه وايد

نطري لما تبدا المدارس و يحلها الف حلال ذيك الساعة

انا مجربة اسم الله عليهم 3 كانوا

عمري ما درست احد 6 ساعات باليوم 5 ايام بالأسبوع

حتى انا ما كنت ادرس هالكثر

:tomato2:

 

[mrs_sugar]

رقرق

شخبارج عقب العمرة

الأمن مستتب ؟

 

[إستبرق]

هي ياحلوين التجمع نااايم

السلام عليكم

استبرق ماينلام ابووج


صراحه ودنا ياجلون الدراسه

وعليكم السلام والرحمه حبيبتي واي والله يريحون الكل بلا هاللويه

الله يستر

أجلوا الروضة و الحضانات

بس هم خايفين عالكبار

الله يحفظ الكل من كل شر يارب

 

[إستبرق]

سلام انا حوسه عندي هالسنه بيت اهلي مسوين حفله قرقيعان و الله اني مالي خلق كلش بس طلبت من وحده و ايد حلو قرقيعانها وانا بعد سويت شي خربوطي بس طلع حلو بصوره و بحطه لكم

الله يعينج على الحوسه لا احنا هالسنه ما كو اجواء قرقيعانيه عاد امس انا واخي بشرق ولا اليهال اكثرهم ملبسينهم لبس قرقيعان يختي لبس الصبيان يشوووق

فيني بجيه الا بجيت خلاص
صدمني ولدي
انا ادرسه ثلاث ايام بالاسبوع عنده انجليزي وعربي
اليوم خلص الانجليزي وعقب ساعه جت مدرسته العربي
قام يصرخ ويبجي ماابي ادخل بانام
واحاول فيه احاول مافاد والمدرسه قالت خليه عالاسبوع الجاي مو مشكله ونام زعلان ماله خلق

وانا اللي انصدمت ولدي يسوي جذيه احسه تمرد بس الابله تهون علي تقول يمكن عين حد يعرف انه يحل الواجبات وجذيه
قلت اي عين كل شيء عالعين صج عمته مناشبتني ها مستفيد شنو درس عطيني رقم مدرسته
بس عادي

الولد تمرد
تربيتي ودلع اللي مدلعته
عمري ماقلت له لا
ولاعمري طقيته
يسوي جذيه فيني

كويتيه ارد اقولج حرااااااااااام عليج بس انتي ماتسمعين احد ترى هذا يااااااااااااااااااااااااااااااااااااااااااهل تذكري انه ياهل انتي راح تكرهينه بالدراسه العطله لعب ووناسه لاحق على الدراسه والشقى شنو عين الصبي طفش جم عمره والي يعافيج عشان كل وقته دراسه والله كسر خاطري

 

[إستبرق]

اهلين دردر
رحت شويخ بال 11ونص مساءا زحممممممممممممه
صفت باخر الدنيا
شريت حلاو حق القرقيعان واكياس ورديت

وي رقرق الدنيا كلها زحممممممممممممممممممه واي صارلي امس رحت الفروانيه بفصل عبايه شي خيال العالم فوق بعض بعدين شرق دخلت جويز لاعت جبدي من الزحمه وطلعت ولي الساعه 2 انا واختي بشرق والناس عادي قاعدين احنا قاعدين بهاقن داز والحياه سعيده يهال وحريم لا وبروقتي ومسوكه بنت اختي بس ركض ولعب بمسرح شرق :dddds:

 

[إستبرق]

شوقر شخبارج حبيبتي وشلون اليهال



باقي البنات شخباركم ووينكم مختفين


ام وجيه شكلج بديتي تجهزين للاربعين واختفيتي

 

[إستبرق]

قطيعه جويز وريفا مو منزلين شي سنع للعيد

وودي اشوف الرايه والصالحيه ومالي خلق فراره شكلي بستلم للامر الواقع واروح افصل وهم ما ابي عباله التفصال