تجمع امهات 2008 حياكم

[mrs_sugar]

السلام عليكم

شخباركم

الحمدلله على سلامتكم و مبارك ما ياكم :klhfl:

عسى الله يجعلهم من الذرية الصالحة

و يرزقنا برهم ان شاء الله

المهم

موضوعنا هذا راح نتجمع فيه و نتبادل الخبرات و التجارب عن عيالنا

انا راح ابدأ

طبعا دخولي مغشوش

ولدت يوم 31 ديسمبر 2007 برويال حياة
يبت بنوتة و سميتها عواشة
ارضعها طبيعي و ذابحتها الغازات
و حالها حال كل اليهال ما تنام بالليل
و بس

هني راح نتناقش بمشاكل عيالنا و نستفيد من تجارب بعض

حياكم



​

 

[- ToTa-]

لي الشرف اني أكون ثاني وحدة من بعد شوغر ترد بهالموضوع
أنا ولدت 3-1 في السلام فتح بطن و يبت المعرس الشيخ صالح و حياتي وزنه كان 2و900 و ارضع طبيعي و في بعض الحالات أستعمل البودر
و انشالله نستفيد من هالديواينة بتربية عيالنا و من خبرات بعضنا البعض :tek:​

 

[mrs_sugar]

حياج توما

نورتي الموضوع بمشاركتج​

 

[دنياك دنياي]

وااااااااااااااااااااااو ونااسه وانا ثالث وحده

ولدت بتاريخ 19-12

ويبت شيخه البنـــات ( مريـــــــــــــم)

الغازات عندنا وعندكم خيــــــــــــر وطبعا نوووم بليل انســـــــــــــــــوووو

 

[رقي]

خخخخخخخخخ

عيل انا شقول
ضربو تعبكم في اثنين
بالنسبه لي ولدت
بتاريخ 11-11 ميلادي وهحري 1-11
ويبت تونز
سميتهم داليا ودانيا
الله لا يحرمنه اجر التعب



شكرا شوقر علي الدوانيه
ومبروك حق خواتنا اللي ولدو
اناا ارضع صناعي صراحه
لانهم ثنتين

 

[رقي]

دنياي شلونج
انا ماباركت لج فيس تو فس
ورحتي ماليزيا ولا بعدج

 

[رقي]

بنات ان شالله تستفيدون من هالرابط
صراحه يخوف
http://www.q8yat.net/showthread.php?p=2727908&posted=1#post2727908

 

[][^lorans^][]

انا بعدني ما ولدت وانشالله الاسوبع الياي باخلص التاسع و انشالله الي وراه انا معاكم اهني و اشكيلكم معانات السهر وااااي عاد النفاس...... بس كل وحدة خليها تقول لنا هذي اي ولاده لها عشان انعرف منو صاحبة الخبره

 

[الاستاذة]

هلا بنات مشكوره مس شوقر انا فازعه من من الصبح
انا ولدت 9/1 برويال حياة طبيعي الحمدلله ويبت زيونة احلى البنات
انا بعد اعاني من الغازات انصحكم بدور انفىكول وايد زين ينباع بلندن ولبنان وصوا عليه يرتاح من الياهل وينام

 

[mrs_sugar]

توما

رقي

دنياي

الاستاذة

لورانس

نورتوا الديوانية

ننطر الباقي​

 

[احلى كويتيه]

توني اصحصح ياحلوات من امس مو شابكه وكان خاطري بالدوانيه هذي مشكوره مس شوقر

انا ولدت بتاريخ 2-1 2008 بمستشفى دار الشفا ويبت احلى البنات الغلا فديتها وحلاتها ومثلكم معاناة الغازات والنوم يارب لك الحمد والشكر الي هون علينا وشافنا مجتمعين بمنتدى الطفل

 

[أم نونة]

مرحبا يا أمهات . (حسافة تأخرت )بس المهم إني معاكم الحين . أنا ولدت 11/1 وجبت فطومة وهذي ثالث ولادة لي . بس الحمد لله ما أعاني من مشكلة الغازات عانيتها قبل مع بناتي والحين الحمد لله مافي شي وشا الله ما يصير شي . أرضع طبيعي الحمد لله . بس ناوية بعد الأربعين إن شاء الله أساعد بالصناعي مو عشان شي الحزمد لله فيني حليب والحمد لله بس عشان ما أكرر معاناتي مع بنتي الوسطية : كنت ما أرضعها إلا طبيعي عساس إنه أحزسن وأنفع والصناعي ما فيه نفس الفايدة ، بعدين اكتشفت إنها فيها نقص كالسيوم ( لين عظام ) بس بنسبة بسيطة...وتأخروا أسنانها وتأخرت بالمشي ومراجعات طبيب وأدوية كالسيوم وأشعات وبهدلة . طلع السبب اعتمادها على الرضاعة الطبيعية لأن أنا فيني نقص كالسيوم وأنا ما أدري وانتقل لها من الرضاعة . بس الحين نموها زين الحمد لله واتمنى إني أكون فدتكم بهالمعلومة . وشكرا مس شوقر على هالدوانية اتوقع لها نجاح باهر

 

[al_gardenia]

شقوره تسلمين على فتح الدوانيه الي راح تجمعنا ولا نفترق
انا ولدت 20\12 في بريطانيا ويبت احلى البنات لانها من بد خواتها تشبهني وايد وايد وسميتها اورى
وزنها 2.500 اول ما ولدتها صار فيها هبوط بالسكر عطوها حليب صناعي عشان يرتفع السكر بسرعه
ارضعها طبيعي بس هاليومين بعطيها صناعي عشان البوصفار ينزل وارد اكمل طبيعي
وماطعموها يقولون ماتحتاج دولتنا مو خطره

 

[b6o6a]

السلام عليكم

وناسه صار تجمع ثاني

انا ولدت بنتي بتاريخ 4-1 برويال حياة ولادة طبيعية بس متعسره لانه شفطوها

بس ماتنام بالليل فيها غازات وماعطيتها علاج ناطره موعدها الاسبوع الياي

جنه هالايام خفت شوي

ارضعها صناعي احس الطبيعي ما يشبعها ترضع شوي وتنام وبعد شوي تبجي .. الصناعي لا تظل ساعتين عادي

ومرات اشفط واعطيها اقص على روحي !!

 

[- ToTa-]

تصدقون عاد من ألحين ضايق خلقي على ديوانية الحمال! تعودت أول ما أشبك أطل عليها
الحمدالله على كل حال ​

 

[sweetygirl515]

خوش موضوع..الله يعطيكم العافية
انا يبت بنوتي الثانية بمستشفى رويال حياة بيوم راس السنة 1-1-2008 وسميتها فاطمة وارضعها طبيعي بس مايشبعها اضطر استخدم الصناعي وماني عارفة اشلون اقوى الرضاعة عندي

 

[][^lorans^][]

تدين شلون ياسويتي انا لبنانيه قالت لي المكسرات اتدر الحليب و كانت شنو اتسوي كانت تسوي دارسين و تنقع فيه المكسرات مثل الجوز و الكازو و الفستق لمده 10 دقايق و بعدين تاكلهم و تقول شوفي شلون يصير الحليب يدر انا ماجربت بس مادري اهي تقول انا ارضع جذي و كل مارضعتي ولدج من سدرج كل مازاد الحليب الشفط ايقلل الحليب ترى

 

[احلى كويتيه]

توما نفس شعوري ضايق خلقي على دوانيتنا قبل احسها مجمعتنا عدل وماشاء الله فاطمه لانصيب الاسد ام نونه وام وجيه وسوتي كلهم لهم نفس الاسم بناتهم ربي يخليهم

 

[رقي]

سلام بنات

اول شي عندي اقتراح

ترا في موضوعين نفس موضوعنه
للاخت زوغة طلال
وعبقريه كويتيه
عاد شوقر نظمي معاهم
عشان تصير دوانيه وحده

شخباركم بنات
انا من ولدت ماقمت احب ادش دوانيه الحمل
احس مالها طعم دام اني ولدت
بس الحمدلله ردينه هني
كلنه

 

[- ToTa-]

هلو رقي أشوة لقيتج كنت بسألج عن النفاس خذيتي الأدوية مالت النفاس؟ و اذا اي فمتى بلشتي فيهم و فادتج و لا ضرتج؟ أناباجر لي 20 انشالله و قالولي أبلش بس اذا للحين في عوار فماله داعي!